LUANA: Neknek mo. Ba't ako pupunta dun?
LANDER: Para nga malagyan natin ng songs yan. Ano bang mga favorite mo? Sabihin mo lang ida-download ko para sayo.
LUANA: Wag na. At wag ka na ring umasa na pupunta ako sa bahay mo.
LANDER: Bakit naman?
LUANA: Baka mamaya kung ano pang sabihin ng mga kapitbahay. Baka matsismis pa ko.
LANDER: Ba't mo ba kasi iniisip yong sasabihin ng mga tao kung alam mo naman na wala kang ginagawang masama?
LUANA: A basta, ayoko.
LANDER: E ba't ako, di naman ako natsitsismis kahit halos araw-araw ako dito sa inyo a.
LUANA: Alam mo kung bakit?
LANDER: Bakit?
LUANA: Kasi alam nila na makapal na yang pagmumukha mo.
LANDER: Aray...ang sakit mo namang magsalita.
LUANA: Tinamaan kasi totoo.
LANDER: (kunwari magtatampo) Sige, ganyan ka. Uuwi na nga lang ako. Di na ko babalik dito.
LUANA: Asus, magtampo daw ba. Sige, umuwi ka na.
LANDER: Asa ka pa. Si Nanay Helen lang makakapagpaalis sa akin dito no.
LUANA: Kapalmuks talaga.
LANDER: Gwapo naman.
LUANA: Haist! Ang hangin!
LANDER: (bahagyang matatawa) Sige ganito na lang. Ako na lang pupunta dito. Okay ba yon?
LUANA: Tss! Nagpaalam pa talaga. Halos araw-araw ka na ngang nandito e. Tsaka kahit sabihin kong hindi okay, may magagawa ba ako? Parang annex lang ng bahay mo tong bahay namin a.
LANDER: Sisihin mo si Nanay Helen. Sarap kasi ng mga luto niya.
LUANA: Tss! Sipsip! Iuwi mo na lang to at doon mo na lang gawin sa bahay mo. At lubus-lubusin mo na rin, ibalik mo na lang to pag tapos na. (sabay abot sa bag)
LANDER: Di ba mas maganda na kasama kita para alam ko kung anong klaseng music ang gusto mo?
LUANA: Sige, bukas na lang. Pag-iisipan ko muna kung anong songs ang gusto kong ilagay mo diyan.
LANDER: Saan? Sa bahay ko?
LUANA: Baliw! Dito.
LANDER: Okay po.
LUANA: Sige na, umuwi ka muna sa bahay mo.
LANDER: Ba't ba gusto mong umuwi na ko? Pinapaalis mo na ba talaga ako?
LUANA: Oo. Kasi wala akong magagawa pag nandito ka. Daldaldalin mo lang kasi ako.
LANDER: E di kay Nanay Helen na lang ako makikipagdaldalan para maiba naman.
LUANA: Ewan ko sayo. Palibhasa kasi wala kang ginagawa.
LANDER: I beg your pardon. Akala mo lang na wala akong ginagawa. Kahit nasa bahay lang ako, nagtatrabaho pa din ako no.
LUANA: Aaah...yong trabaho mo na di mo naman masabi sa amin kung ano. Siguro illegal yon no?
LANDER: Excuse me...anong illegal? Kung alam mo lang.
LUANA: E, kung legal siya, ba't di mo masabi sa amin kung ano?
LANDER: Free lancer nga ako.
