VANGIE: Teka, matanong kita, ikaw ba gusto mo ng magkaroon ng...ng...ano nga ba yon? Yong may payr payr na sinasabi mo dati?
NEMO: Ceasefire.
VANGIE: Yon nga. Ikaw ba gusto mo ng magkaroon ng sispayr yong dalawa?
NEMO: Sino bang hindi? Siyempre gusto ko no.
VANGIE: Isa pang tanong.
NEMO: Ano na naman?
VANGIE: Ikaw ba, gusto mo si Sir para sa kaibigan natin?
NEMO: Tinatanong pa ba yan? Siyempre no. 101%. Matagal ko na kayang ipinagdarasal na magka-develop-an ang dalawang yan. At ngayon, nasagot na yong isa, yong isa na lang ang hinihintay kong ma-"answered prayer".
VANGIE: Good. Beri beri good, dahil yan din ang gusto kong mangyari.
NEMO: So, anong gusto mong gawin natin ngayon?
VANGIE: Ngayong pareho naman pala tayo ng ninanais para sa dalawa, ano kaya kung—
NEMO: Tulungan natin si Sir kay Luana? Parang ilakad, ganun?
VANGIE: Tumpak! Nakuha mo din.
NEMO: Heh! Matagal ko na kayang gustong gawin yan no. (mangingiti) Actually, unti-unti ko ng ginagawa pag may chance. Ang saya kayang mag-play-Cupid.
VANGIE: Korek. Ako din ganyan din. Hay, Nemo, mukhang hindi na malayo sa posibilidad yong napag-usapan natin nung nakaraang Linggo.
NEMO: Tungkol saan?
VANGIE: Ay ulyanin. Yong tungkol sa baby, ano ka ba?
NEMO: (kinikilig) Ay oo nga. Ayeee!
VANGIE: Basta dapat, ako ang maging yaya ng mga anak nila.
NEMO: Hindi pwede.
VANGIE: At bakit?
NEMO: Dahil sigurado akong laging kabag aabutin ng bata sayo.
VANGIE: Bakit naman?
NEMO: I'm sure, palaging iiyak yon pag nakita yang pagmumukha mo.
VANGIE: Alam mo ikaw, sumusobra ka na ha. (sabay kurot sa kaibigan)
NEMO: Aray! Joke lang, ito naman. Natutuwa lang ako sayo.
VANGIE: Tse!
NEMO: I love you, friend.
VANGIE: Heh! Ewan ko sayo. Lika na nga sa loob.
NEMO: Tara.
Samantala...
BRENDA: Ano?! Ginawa mo yon?
LAIZA: Bakit po? Di po ba kayo masaya na nakaisa ako dun sa babaeng yon?
BRENDA: Ba't naman ako matutuwa? Tanga ka ba o sadyang di ka lang nag-iisip? Alam mo bang dahil diyan sa ginawa mo, pwede kang matanggal at mapalayas ng wala sa oras? Paano na yong mga plano ko pag nagkataon?
LAIZA: E ma'am, sorry po. Di ko lang po kasi napigilan yong sarili ko e. Kating-kati na nga tong mga kamay ko na dumapo sa pagmumukha ng Luanang yon.
BRENDA: Stupida! Ayusin mo yan.
LAIZA: Pero ma'am...
BRENDA: Aayusin mo yan o ikaw ang malalagot sa akin.