Sa kwarto nila Luana...LUANA: (ngiting-ngiti) Hi!
VANGIE: Hi ka diyan.
LUANA: O, bakit?
NEMO: At nagtanong ka pa kung bakit. Alam mo bang sa ginawa mo, super bad trip si Sir sayo? Mukhang pati sa amin, bad trip din.
LUANA: (ngingisi) Talaga?
NEMO: At tuwang-tuwa ka pa talaga. Bruhang to.
LUANA; Talaga! Dahil at least nakabawi ako kahit papano sa unggoy na yon.
NEMO: At kami naman yong nag-suffer?
LUANA: Hindi naman yon yong gusto kong mangyari. Gusto ko lang na inisin yong mokong na yon. Sorry kung pati kayo nadamay sa inis niya. Peace yow! (sabay pa-cute na peace sign)
VANGIE: Peace peace ka diyan. Kung nakita mo lang sana yong pagmumukha ni Sir, parang alalang-alala na galit na naiinis, na nababagot, na parang natatae, di mapakali at gusto ng umuwi. Basta, halo-halo.
NEMO: To make it short, di siya nag-enjoy na kasama kami.
LUANA: So nabuwisit nga talaga siya? Buti nga sa kanya.
VANGIE: Paanong di mabubuwisit yon e wala ka nga.
LUANA: Eh? Anong kinalaman ko dun? Dapat nga matuwa pa siya dahil wala ako. Ano ba sa tingin niyo, mag-e-enjoy siya pag andun ako?
VANGIE: Malamang! Ikaw pa naman ang gusto—
NEMO: Ikaw ang gusto niyang mainis kasi nga kasama siya. Pero yon nga, naiinis siya dahil naisahan mo na naman siya, di ba Vangie? (makahulugan ang tinging ipupukol sa kaibigan)
VANGIE: A...e...oo...tama, tama. Yon nga. (ngingiti sabay talikod, kunwari inaayos ang mga dalang pinamili, in her mind) Haist! Muntik na naman ako dun a.
LUANA: Hayaan niyo siyang mabuwisit. Tama lang sa kanya yon. Teka, asan na yong mga pinamili niyo?
Magkakatinginan ulit ang dalawa.
VANGIE & NEMO: Ha? A...e...
Hindi malaman ng dalawa kung ipapakita ba sa dalaga ang mga nabiling swimsuit.
LUANA: Maganda ba? Patingin! (sabay kuha ng isang paper bag) Wow! Ang cute naman nito. Ito ba akin?
Hawak nito ang isang one-piece swimsuit na may sleeve at ruffled skirt.
VANGIE: Hindi. Akin yan.
LUANA: Ito? (sabay turo sa isa pang bag)
NEMO: That's mine.
LUANA: (ialalabas ang isang extra large one-piece) Sayo to? Sure? Isusuot mo to?
NEMO: Grabe naman to. Sana tinitingnan kasi lahat ng laman niyan di ba? May shorts po diyan.
LUANA: A, okay. Sorry po. So, ito akin? (kukunin ang isa pang bag) Kayo ba pumili for me?
Iling lang ang maisasagot ng dalawa.
LUANA: Hindi? E sino? Si Mamang?
Iiling ulit ang dalawa.
LUANA: Alangan namang si Laiza?
Magkakatinginan ulit ang dalawa tsaka iiling.
LUANA: Wait...don't tell me...
Sabay na tatango ang dalawa.