#في_الغرفه_التاسعه

في الغرفه التاسعه تكمله ١٦

وخاصة هذي ال دروس  غير  مفروضه لكنها تنطي للطالب بعض المهارات  اذا رغب بشغل  بالعطله الصيفيه ..

رجعت للبيت لكني ماعندي رغبه ادخله
فتحت الباب بهدوء .. سلمت على ليلى
وقبل مترد نبهتني ( نزعي حذائج .. انكسر ضهري بالتنظيف )  نفذت بسكوت ..

بالمطبخ   جذبني  وجود دجاج مشوي على الكاونتر .. 
حاصرت شهيتي .وتجاوزته . بتفكير بسيط .. وصلني  الى ان امي تركت الدجاج لاختباري ..
دخلت غرفتي ..

ً ودعاء  لحگتني تطمئن على وصولي وتهمس من الباب
( ضميت حصتج من الدجاج )
هزيت راسي. بالنفي (  مشكوره مااريد .. مااعندي شهيه للاكل )

اتصورت الگلته كافي حتى تروح وتتركني اغير ملابس .. والصار العكس كعدت  وتناولت  حديث  اكره  التفكير بيه
( شوفي كل بنيه من تنخطب  تفقد شهيتها وتظل تفكر .. وتتكأب  .. لذلك لو تحجين ويه اكرم  وتكسرين الحواجز بينكم  . هوايه تسهلين على نفسج  تقبل الزواج )

اخذت من كنتوري  دشداشتي ،، قبل مااذكرها
( نسيتي شنو .. لو من كثر متسمعين حجي امي عن زواجي صدكتي اخوج خاطبني وراح نتزوج  )

تجهم وجها  ولو ابتسامتها بقت 
( شوكت تصدگين اكرم رايدج .. وفرق العمر بينكم  خلاه يتراجع )
ضحكت  وقطعت ضحكتي بسوال ( وشنو فرق العمر بينا راح هسه .. دعاووي حبيبتي  اذا تحبين اخوج من صدك  فگوليله يصير شجاع وياخذ قراره بعيد عن تاثير  احمد وكرار وامي ولايظل تابع للساده بمسالة زواجه هو مو صغير حتى مره يقنعوه بامنه ومره بيه   )

( كوليله انتي وشوفي شنو قراره .. )

گامت على حيلها  بيأس يگب من وجها  .. واستوقفتها  بلطف
( لحظه لترحين .. ) باوعتني. باستفهام
انطيتها الورقه ( خلي احمد يوقعها  .. اذا  يقبل
واذا مقبل عادي لان هو عمل تطوعي بس يفيدني  بتحسين ملفي بالجامعه )
قرتها وردت ( صار  انطيها اله من يكعد من النوم )

غيرت ملابسي  وتمددت بفراشي   ارتاح من ارهاق الامتحانات  الخلصت اليوم .. 
وبانتهائها تقريبا خلص تعب سنه دراسيه ويبقى   الدوام مستمر شهر   .. بيه يركزون على النشاطات  والسفرات .. واخر اسبوع هو امتحان  النهائي   ... واغلب المدرسسين ينطونا نموذج عن الاسئله وحلها ويجي الامتحان من ضمنها .. لان الهدف من الدراسه هو  تزويدنا بمعلومات مهمه مو تعذيبنا بحفظ كتاب كامل

اخذت كفايتي من النوم .. وگعدت على هرج ومرج الاطفال بالحديقه ...
رفعت البرده  وشفت ااحمد ومهدي ينصبون مرجاحه  جبيره ..

فتحت الباب  ورحت  لغرفة دعاء  لگيتها تصفط ملابس  وسبقتني بالحديث
( خالتي ام حسين واحمد سالوا عليج ومستغربين حبستج بالغرفه .. )

( احسن هيج ..  كافيه خيري شري .. وحتى العطله راح اخلصها قراءه كتب وروايات .. وابطل اسمع اغاني  اريد اتعلم كل كلمه تفيدني بالامتحان وتساعدني ادخل جامعه )