أسيرة هوس السادي "18+" (باللهجة الجزائرية)

الفصل الثالث: قلوب محترقة (ح76)

★★★★★★

اول ماشد فران حبس قدام دارهم فطنت من شدورتها حلت الباب رحت نزل قفلو
أسد: ماسمحتلكش تنزلي.. هزت وحطتو تقحر
أمنية: فحتى ذي نطلب أذنك!
أسد: فاهمة قصدي ماتلعبيهاش كي كل مرة حمارة ماتفهميش
أمنية: شوف ماتخليناش نتعاركو هنا فالطريق
أسد: حلي مخك مالا كنت نحكي عالدخلة والخرجة.. مش كي عدتي هازة خشمك عليا ترجعيني طرطور ماعلابالي بوالو
أمنية: وقتاه رديتك طرطور ولا كي مالقيتليش سبة تتبلا
أسد: ### رجعتي شلعلع ماحسبتكش هك كلمة زوز تقيمي حرب وااش ماتغلبيش نتي
أمنية: قحرتلو: وليت انا لي نقيم الحرب! بالناقص مالهدرة معاك حل الباب
اسد: ماكملتش هدرتي.. تعلمي تسمعي للخر وتفهمي كل كلمة قبل ماهزي خشمك
أمنية: مانيش هازتو
أسد: اممم صح نتبلا عليك
أمنية: تنهدت: نحكي معاك نورمال اهدر برك
أسد: أمك
أمنية: شبيها يما؟!
أسد: تروحيلها بحالتك اذي!
أمنية: توسوست: شبييا
أسد: منارفية مكلوبة تتهاوشي مع ذبان راسك
أمنية: قلبت عينيها وكبست عالبوشات ف حجرها: ماتهبلنيش بزياد فيك نهدر معاك
أسد: نتيااا كاش نهار نكسرلك راسك
امنية: كسرو وش تسنى
اسد: تهدني ا حطبة تهدني وخليني هادن
امنية: يووه من تهدني تهدني راني مكالميا تشوف فيا نقطع ف شعري.. تولهت مع وجهها فالمراية حمر رح يترشق فهمت قصدو
أسد: ماتضاريش تشكي ل يماك تمنشري وتقطعي فيا خلي بالها يهنى عليك ماتعييهاش بماشكلتنا.. خزرت فيه ضايعة لوهلة عجبها بكلامو.. قريب نسات غشها منو حتى تفيق مع روحها هزتلو راسها بإيه
امنية: اوكي حل الباب
اسد: كي تكملي عيطيلي نجي نديك
امنية: ماكلاه تشقى بايتة
اسد: وااشيياا.. شكون شاورتي ا لالة
أمنية: راسي
اسد: لمعبي خراا.. قحرلها شنفت عليه..: كلامي مانعاودوش
أمنية: فهمت.. جيست نحا الكود نزلت تمتم تسب فيه ستناها حتى حلو عليها عاد ديمارا
سلمت ع ياسين لي حل عليها ودخلت لأمها فالصالون بعد ماسلمو وحضنو ساماتها عالفوتاي عالفوتاي يتوانسو
أمنية: وحدك وينها آية؟
رحمة: ف بيتها تحفظ.. آاااية
امنية: مادامها تحفظ خليها ربي يوقفها منبعد نروح نسلم عليها
رحمة: آمين والله دارت القلب ملي روحت من عندك ولات تحفظ ليل مع نهار (بوسات خليل اضربو النح)
أمنية: الله يبارك حاجة تفرح اصلا مابقاش بزاف عالباك تزير روحها برك تديه وتكمل فالجامعة تبني مستقبلها كيما تحب وتشتي
رحمة: حتى نتي مافاتش الحال عليك ارجعي تقراي وش تستناي
أمنية: رح نرجع أصلا جيت نحكيلك وشيري عليا انصحيني
رحمة: مليح احكيلي.. عاودتها أمنية لي صرا مع جواد.. عراكاتهم لي كثرت بلاما تذكر حكاية معاشرتو بالقوة.. أمها تشوكات داتها غير تتخلع تشحڨ تضرب خدودها ولا كفوفها سمعتها للخر الدمعة ع الشافرة تشوف ف أمنية شادة بكيتها بالسيف.. حضنتها بالقاوي كون صابت دخلتها وسط صدرها وحماتها من كلشي.. ستحلات دفى حضنها ترخفت وردت تحكي بحزن كبير
أمنية: دار فيا ومازال يدير.. خلي لي صرا ومازال يصرا.. تخيلي رافض ولدو مش لاتي بيا فحملي.. لايسقسيني وش حابة وش رايي ع واه ساخفة.. لايقولي بردتي لا يقلي ارقدي.. مايخمم غير ف روحو كأني ف حياتو غير به نكون معاه برك
رحمة: عيين وصابتكم ا بنتي كنتو لباس وش صرا بيناتكم
أمنية: مانعرفش.. تبدل بدا ينعتلي ف لوجوه تاعو يتقشر تقول بصلة ناتنة
رحمة: صرفقتها لفمها: يزي مالتلغبيب ع راجلك
أمنية: تماصي ف فمها: ديما نجي ف صفو مافهمتش وش دارلك
رحمة: مادارلي والو لاني ف صفك ولا ف صفو
أمنية: لمرة ذي اوقفي ف صفي عالأقل
رحمة: مانجيش معاك به ماتتمادايش ومانشجعكش ع خراب دارك
أمنية: وقتاه تماديت لدرك عاقلة وجامي غلطت معاه ف حاجة
رحمة: إنتي تشوفي ف روحك مادرتي والو بالاك درتي بلاما تفيقي
أمنية: مادرتش ومش نخرب ف داري.. بالأصل مابقاتش تتحسب دار.. دايرني غير لليل وفرات
رحمة: الرجال نواع كل واحد طبعو وش يحب وكيفاه يحب مرتو.. مانيش نقري فيك ف فيزيولوجية الراجل وراجلك بالذات راكي قارية وتعرفي
امنية: دوحت راسها: ولينا ف فيزيولوجية خلاه طل ا موصيبة طل شوف فاه وصلتنا نهدرو
رحمة: قرصتها: تلمي زعما نحدث فيك تتنصحي نقص عالهدرة
امنية: لااا كملي هاني سكتت