العميلة 306 -أخوان في عشق إمرأة واحدة - (لهجة جزائرية )

الحلقة 39

الحلقة 39 :
منار؛ كيفااااش مكانش !!!! *********
-مسيو منار اللي هاجمونا انسحبوا ..و قدروا يعرفو بالبوابة السرية نظن منها خطفوا المدام
منار؛ ************ و تصح في وجهك و تهدر فيها نورمال
سليم؛ منار اركح دوك نفرزوها ..
إياد؛ تصرالها عفسة غير ترحموا على حياتكم واحد واحد .. مبعد نتفاهم معاكم .. ******* منحبش نشوفكم قدامي ..
مريم؛ خلاص تهدنوا اهم شي راكم بخير ..
عدا يدو على وجهوا .. توتر حاكموا من ساسو لراسو ..
منار؛ نطلع لروسيا نحرڨ جد المقر تاعهم و لا منتسماش ..
جا ماشي و امو تحكم فيه ..
مريم؛ يعيش ولدي حبس .. واش دير .. على جال طفلة تهبل هكا !!!
منار؛ مرتي هاديك افهميها
تلفت إياد غزرلوا ندرا كيف
سليم؛ الغش مش مخليك تخمم .. مخممتش كيفاه حتى من دوم منال و مريم .. و اللي فالفيلا كامل داوها غير هيا
منار؛ حاب يوصلي ليا ..
سليم؛ العدد اللي هجموا بيه و الوقت اللي هجموا فيه .. وين يكون تبادل المناوبت تاع الحراس.. يعني يكونوا لاهيين .. غير معرفتهم بالبوابة السرية ..
إياد؛ كاين خونة من الرجال هادي أكيد
سليم؛ و الأكيد أكثر أنو .. كانوا قادرين يقتلوك بلا ما يخطفوها .. على خاطر الرجال بعد ما انسحبوا .. لقاو بالكاميرات اللي بالشارع .. كاين خمس قناصين فالفيلا اللي مقابلة .. يعني كي تحركت تتأكد من البوابة السرية كنت فخطر.. على خاطر كاين ثغرة فالأمن تم ..
منال؛ يعني الهجوم هذا مخططلوا بش يخطفوها هي ؟؟
سليم؛ أكيد باسكو كون جاو عينهم يقتلوها يقتلوها هنا بعد
مريم؛ قلتلكم منيش مطمنة للطفلة هاذي ..
منار؛ تسمع نقعد نضرب انا خط الرمل هنا !!! و نستنا يعيطولي على جال الشونطاج .. طحان انا
غزرلهم إياد .. و طلع لبيتوا...
مريم؛ خلاص قصوا علينا بقالنا غير نزيدوا نمرضوا روحها بالبرانية ..
تلفت ڨحرلها
منار؛ البرانية اللي راكي تحكي عليها غير هي رايحة تكون مرتي ..
جا خرج حكا باباه من التالي
سليم؛ عندك تتهور متنساش بلي راو الخط لازم الف من حساب قبل ما تزدم
كمل طريقو خرج ....
...............................
حليت عينيا فشلانة عاللخر .. بقيت لحظات نشوف مع السقف نستوعب وين راني .  هزيت راسي على حس كرسي .. غزرتلوا حاط رجل فوق رجل .. تنطرت وقفت ..
يزيد؛ بالشوي
ريان؛ و و وش كاين !! ك كيفاش جيت و وو
يزيد؛ هههه مزالو طبايعك تسقسي بزاف من اللي كنتي صغيرة .. بصح مكنتيش تستقبليني فالميتم هكا
ريان؛ م منيش فاهمة كيفاش !!.. بعد السنين هاذي الكل تظهر و ..
يزيد؛ و نهجم على عايلة الهاشمي .. و نخدرك و نخطفك .. هههه متوقعتيش هاذوا مني
ريان؛ تقدر تفهمني ..
يزيد؛ ما استغربتيش كيفاه لقيتك !!. هممم نقصد ريان تاع الميتم ماتت في حريق فإيطاليا
عينيا تحلوا و انا نغزرلوا مش حابة  نسمع التكملة
يزيد؛ تحبي نكمل أكيد السؤال هذا يدور فراسك ..
ريان؛ كمل منظنش خطفتني هدا بش تتفرج مع منظري ..
يزيد؛ ههه حتى نبرة الهدرة تبدلت .. مش كنت في مقام باباك ؟؟
ريان؛ مزالك هكا بصح تخيل معايا يخطفك واحد عندك سنين مشفتوش .. خطف يعني مش لقاء نورمال
يزيد؛ نورمال عادي ..
ريان؛ وش فكرك ليا بعد هذا السنين .. ولا خلي نقول كيفاه لقيتني
يزيد؛ جامي نسيتك بش نتفكرك .. بمعنى خلاف كنت متبعك خطوة بخطوة
ريان؛ المعنى ؟
يزيد؛ ههه تظني النهار تاع الحريق كان صدفة انو يعني هاذاك الراجل من الطريق المهجور عال 1 تاع الليل و ينقذ حياتك و يختفي ديراكت بعد ما يوصلك !.. صدفة انو الطبيب يبدلك معالم وجهك رغم انو مخبرتيهش و توقعتي انك تفيقي و تلقاي وجهك الاول رجع ؟ .. صدفة أنك تكوني فالمخابرات و ميعرفش بيك سليم .. في بالك اللي الفرع اللي راكي فيه كان كاين واحد من أهم عملاء سليم .. تتذكري رياض اللي مات من الفرع ؟ ههه أكيد تتذكريه .. مات و هو فطريقو هاز الدوسي تاعك لسليم ...
باقية نغزرلوا ولا حركة .. كل اللي نقدر نقولوا دوك أني مشوكية ..وقف يتكيف فالڨارو و يغزر من الطاقة للبرا ..
يزيد؛ نظن راكي ناقمة عليا .. على خاطر وعدتك نجي النهار اللي تخرجوا من الميتم و ما جيتش ..بصح مخليتكش .. و كل خطوة عمليتيها من أول ما دخلتي للميتم .. و انتي بعمر العامين .. حتى للدوك ..
ريان؛ هو سؤال واحد من قبل كنت نقول بلي شافق عليا كي عدت فالميتم .. بصح الشي اللي راك تحكي فيه أكبر من انو شفقة واحد غني على طفلة من ميتم يتبرعلوا ..؟ شكون نتا ؟ و وش تحب من عندي ؟؟
...........................
نور؛ هههه جهيدة بركاينا من اللعب هذا تاع معلاباليش
جهيدة؛ نور الحكاية اكبر مني و منك غير متخربشيش وراها ..
نور؛ من وكتاه عليك الهدرة هاذي و نتي تعرفي كل خبايا الخط
جهيدة؛ الحكاية تقتلوا بسبتها بزاف .. و الشي اللي تعرفوا كون نحكيه .. ندفع حياتي مالا غير متعوليش .. و من الاحسن تلتزمي بأوامر الخط .. حتى تتلقاي الجديد .. نظن انتي ادرى بلي. الخط كيما يقدر يصفي أعداؤؤ يقدر يصلي اعضاؤو
كوبات .. خبطت التيليفون بغش 
نور؛ قتلك الحكاية كبيرة .. ..
ريم؛ علاه حابة تعرفيها نتي
نور؛ تبعيني دوك تعرفي
.....................
كيارا؛ وش قصدك بوين راهي ؟ .. علاه معلابالكش
كيفن؛ ملقيت والو فتيليفونك غير ميساج تقوليلها فيه بلي إياد سقساك عليها .. بصح مجبدتش الموقع .. خاطر ملغم ..
كيارا؛ و وش قلت لإياد
كيفن؛ بلي حية صح و عالميساج بصح مكانش موقع
تنهدت و غزرت للبعيد .....
..............
منار؛ وش قصدك ب ملقيتوهاش .. تقلبوا الجزاير طرف طرف مكانش تحوسوا برا .. روسيا تفليوها .. علاه مخدم ************عندي ..تحركووووا ..
تنهد و هز راسو يغزر للسما .. طرف القوة اللي كان عندو تهد .. خايف كشما يديرولها ...الشي اللي خايف منو صرا .. عدا يدو على وجهوا ..
.............
ريان؛ نستنى فجوابك ؟؟
يزيد؛ و انا راح نسقسيك سؤال واحد .. وش راح يكون رد فعلك كي تعرفي !! ...
ريان؛ رغم كل شي راني مدينة ليك ببزاف حوايج .. بصح لازم نعرف ..
يزيد؛ اوكي
هز تيليفونو .. شوي و تحل الباب .. عينيا تحلوا .. رجعت خطوة التالي .. و انا نغزرلوا داخل
ريان؛ إياد !!!!!!!!!!!!!!