العميلة 306 -أخوان في عشق إمرأة واحدة - (لهجة جزائرية )

الحلقة 16

الحلقة 16 :
حليت عينيا ضرب ضو قوي فيهم .. خلاني نقفلهم و نحلهم مرات.. عديتهم عالبيت اللي راني فيها .. تلفت للخيوط اللي لاصقين فيدي .. جيت نوض توجعت .. حطيت يدي .. تفكرت الرصاصة اللي ضربت فيا .. تفكؤت غزرتوا الباردة قدام بوه.. كبست عالفرش .. ورمشت بزربة منحبش نبكي .. منحبش نعترف أنو طحت فحب واحد .. تخلى عليا كي وثقت فيه .. عاودت رجعت بذاكرتي نتفكر شكون جابني هنا .. مي والو .. فجأة ضربت فراسي .. يكون هو جابني بش نرتاح يرجعوني للبيت هذيك .. الفكرة برك خلاتني نرعش من داخل ..
ريان؛ لالا محال نقعد هنا .. ل. لازم نهرب ..
تلفت نحيت الخيوط ..  و وقفت بزربة .. حسيت لرض دارت بيا .. حطيت يدي على راسي نحب نوازن روحي .. رميت خطواتي للخزانة .. حليتها لقيت قشي اللي كنت بيه .. هزيتوا .. مطلي بالدم .. غزرت لبللصة الرصاصة .. تبسمت بقهر .. كبست عليه .. و خرجت بقش الكلينيك بعد .. أهم شي أني نبعد .. و وقتها واحد ما ينجم يأذيني .. لازم أنا ننقذ روحي .....
~~~~~~~~~~~~~~~~~
تلفت ليه .. تبسمت ..
ريان؛ نفس الشي اللي نتا هنا على جالوا للخدمة .. قعدت عالكرسي.. عينيه يرميو شر .. قعد إياد عالكرسي تاع الإدارة .. و هو مقابلني و مساعدتي قدامي .. باقيين نحكيو عالمشروع و كيفاه بش يطبق .. و المراحل أحسن شي أنو درست الموضوع مليح.. مع كملنا .. هز روحو ...طربق الباب و خرج ..
هزيت حاجبي و تلفت لإياد
ريان؛ ممم و خلال خدمتي هنا ميساعدونيش التصرفات هاذي أهم شي الاحترام ..ولا نشوف شركة خلاف ..
إياد؛ مزاجو معكر .. و اللي فهمتوا انكم تعرفوا بعض من قبل ؟
باقية عيني في عينو ... من معرفتي القديمة بيه.. الشك باش يقطعوا ..
ريان؛ اممم نعرفوا .. مي انا هنا ليوم بش نحكي فالخدمة .. مش هكا
غزرلي ندرا كيف .. و قفل الدوسي
إياد؛ أوكي موافقين على كل شروطك .. مام شرط انو يكون عندك بيرو هنا مقبول
ريان؛ ممم لغاية ما يتنحا التشميع و الاجراءات القانونية ماك تعرف يديو 3 أسابيع عالأقل
إياد؛ نعرف ..
وقفت .. وقف زادة
ريان؛ دونك متفهاهمين .. المعاملات تاع العقود غدوة نكملوها
إياد؛ و نديروا حفلة أكيد
ريان؛ ههه ايه علاش لالا .. في يدك
رما يدو صافحتوا .. قد ما نقدر نحاول منبينش تعابير على .. وجهي انا اكثر وحدة .. نعرف إياد و نعرف أنو يقرا لوجوه ...
ريان؛ فرصة سعيدة
إياد؛ متشرفين
جبدت يدي منو
ريان؛ موعدنا غدوة انشالله
إياد؛ أكيد
خرجت المساعدة و جيت نخرج أنا .. وقفني صوتو من التالي .. .
إياد؛ ريان
بلعت ريقي .. خذيت نفس .. رسمت على وجهي تبسيمة و تلفت .. لقيتوا هاز مفاتح طوموبيلتي ..
ريان؛ أه شفت كي نسيتهم .. تعودت فيسع تقول داري ههه
قدم حكمتهم عليه ..
ريان؛ مرسي
إياد؛ c rien
خرجت .. كل خطوة نعملها نفسي يضيق معاها ... من جهة خلاف حاسة بالقوة.. و انو قدرت نواجههم مع بعض .. من غير ما نغلط