العميلة 306 -أخوان في عشق إمرأة واحدة - (لهجة جزائرية )

الحلقة 14 بارت 2

حبسوا الطوموبيلات قدام لوتال تاعو ..
طلع راسو غزرلوا..
منار؛ متأكد راح يكون هنا
إياد؛ ميقدرش يخرج من دزاير هاذ ليومين .. ولا يكون مصدر شكوك .. حتى يبيع لبنات .. ميقدرش يخرجهم
منار؛ هيا نلعبوا الألعاب النارية ..
تبسم و نزلوا .. مع وصلوا للباب .. عارضوهم الحراس .. ڨحرلوا منار .. جا واحد من لحراس يجري يبان أكثر مرتبة منهم .. خاطر لبسوا معدول شوي ..
-بعدوا مسيو سالم عندو موعد معاهم
-حاضر مسيوا ..
مع دخلوا .. مشا معاهم هاذاك ..تلفت ليه إياد يحكي ما بين شواربوا ..
إياد؛ تأكدت بلي هو  ؟
-ممم تفاهم مع زوز .. مي معرفتش شكون ..
إياد؛ هه دوك نشوفوا .. عطلت الكاميرات
-وي كيما أمرت ..
إياد؛ وينو دوك ؟
-فبيروه مع وحدة
إياد؛ و البنات اللي داهم وينهم ؟
-مستودع *******
منار؛ هه خادم خدمتوا صح
إياد؛ القاعدة 1 ههه
حلوا عليه البيرو بقوة ..تنطرت هاذيك الطفلة من حجرو تهبط فالروب ...ضحكوا على منظرها
منار؛ صاري فيلم پورنو هنا هههه
سالم؛ إياد ! منار! .. شتعملوا هنا !!!
إياد؛ ياخي سمعنا بمواهبك فال**** حبينا نجيو نشوفوا لايڤ
سالم؛ مش وقت تمسخير.. و صدقوني عامل قيمة لباباكم .. و لا محال نسمح بتجاوزات كيما هاذي ..
ديجا سمير كيفاش تسمحلهم يدخلوا هكا !!
شاف إياد و منار مع بعضهم و طرشقوا بالضحك
منار؛ هه شكلوا ميعرفش القاعدة 1
تنرفز .. ورجع بالكرسي للتالي وقف .. ماشي جيهتهم..
سالم؛ برا الهدرة مع الكبار .. منتعاملش مع البزوز ..
زادوا شافوا مع بعضاهم و طرشقوا بالضحك و مبعد كبسوا وجوهم .. ملامحهم فلحظة تقلبت .. بتلفيتة جبدوا الفرد في زوز ..ضدو
إياد؛ زوج ضد واحد تعرف اللي لعبة خاسرة
سالم؛ فرييييد
إياد؛ هههه فرييييد هاو يعيط عليك سمعتوا
هزلوا فريد براسوا لا ..  و هز الفرد صوبوا عليه .. عينيه حمارو من الغش
إياد؛ ههه متفاجئ... القاعدة 1 تقول السلطة للي يدفع أكثر .. و فريد لقا مصلحتوا عندنا .. كيما نتا لقيت مصلحتك عند غيرنا ..
سالم؛ مش أنا اللي أذيت باباكم .. صدقوني أصلا كنت معاه .. كان يقدر يكون الرصاص فيا ..
إياد؛ ههه صدقني رانا في  حفرة وحدة و نعرفوا خماج بعضانا
منار؛ دونك جيب ملخر فوتك من مقدمة ابن خلدون
سالم؛ هذي الحقيقة
تلفتوا غزروا لبعضهم ..و غزرولوا ..
إياد؛ أنا أمنتوا و نتا ؟
منار؛ مام أنا حسيت أمنتوا ههه
كبسة وحدة .. من يديهم فزوج.. زوج رصاصات اخترقوه.. وحدة فراسوا .. و وحدة فقلبوا .. طاح فلرض يعوم فدموا .. هزو يديهم دارولوا باي باي .. و داروا شكل طيارة رايحة تطلع.. و تبسموا .. ناضت الطفلة هاذيك تعيط
منار؛ غير بلعي لاتلحقيه ..
تلفت اياد لفريد ..حطلوا شاك بين يديه .. حلوا عينيه لمعوا ..
إياد؛ شكون هاجم سالم ؟
فريد؛ قناص من شباك بيروه
إياد؛ لبنات اللي فالمستودع .. يخرجوا كل وحدة ترجع لدارها .. و فريد؛ يصرا  حريق فالمستودع على اساس ماتوا و تحرقوا ..
إياد؛ و هاد ل*****
فريد؛ نسكتها
منار؛ ههه حافظ درسوا كيما يلزم ..حطوا سلاحهم .. و خرجوا يمشيو بكل ثقة ..ركبوا الطوموبيلات و راحوا ..
النهار طلع .. منار راح للدار و إياد راح عند بوه للكلينيك .. قاعد فبيتوا .. ساعات يتلفت يغزرلوا و هو هكاك بالخيوط .. و ساعات يتلفت يغور من الطاقة .. تذكر الطفلة اللي تصدم بيها البارح ...
حاسها مألوفة بالنسبة ليا .. تشبه لريان!!.. زعما هي !!.. مي ريان ماتت .. ريان تحرقت ! ..
#العميلة306
#يسرى_أمجوج