العميلة 306 -أخوان في عشق إمرأة واحدة - (لهجة جزائرية )

الحلقة 35

الحلقة 35 :
مريم؛ انعم !! على حد علمي راك خاطب
سليم؛ نظن اللي قاعد يصرا شي عائلي مع كل احترامي ليك ريان
غزرتلهم .. و تلفت جيت خارجة .. حكمني من يدي ..تلفت غزرتلوا ..
منار؛ الخطبة اللي تحكي عليها نتوما رحتوا خطبتوا .. و منال بعد علابالها بلي أنا و هي مفيهاش .. هادي مفروغ منها .. و زيد حكاية العرس أنا نديسيدي شكون ندي مش نت ما دبروا عليا .. و نظن جيت هنا على جال تخلاط و الخطر اللي راهو جاي .. مش بش نتناقش في هاد لحوايج .. و متأكد كي الخط قرر يصفينا .. راح تكون أ ل نقطة يستهدفها هي العباد اللي قراب لينا ..
مريم؛ نفهم بلي هادي ولات قريبة ليك .. يا وخدتي على ولدي ..
غزرتلها كيفاه قاعدة تزيد عليها.. تلفت نغزر للبعيد .. من مصلحتي نكون هنا .. بالاك نقدر نلقا دوسيات تغرق جدهم كامل ..
منار؛ ما !
مريم؛ من اللخر منيش قابلة بيها ..
منار؛ مش لازم تقبلي أنا قابل ..
شاور على وحدة من الخدامات .. قدمت
منار؛ رافقيها للطاج تاعي .. تلفت غزرتلوا ... شاورلي نطلع .. فكلي يدي .. طلع معاها .. و امو تغزرلي بطرف عين ..طالعة و نثبت اذا كاين كاميرات ولا لا .. و الغريبة انو مكانش .. انو كيفاه واحد بدهائو مكانش كاميرات في قصرو .. أكيد كاين لغز ..
قعدوا فالصالون
سليم؛ تقدر تفهمني المهزلة اللي راك دايرها
منار؛ شوف بابا ملخر .. ريان الحدود عندي
سليم؛ مبانتلكش بلي راك وقفت ضد أمك على جال طفلة .. من وكتاه نطيحوا بالعايلة حنا
مريم؛ هذا جزائي
منار؛ نتوما دوكا مركزين مع هاد لحكاية كثر من ال********** اللي تحط .. رانا فالليست الحمرا تاع الخط .. بابا ركز معايا طلبوا راسنا
سليم؛ مش راح يقدروا
منار؛ فكك من التخمام هذا .. الشي الأكيد انو آخر هجوم دخلت بسبتوا للكومة كان من تنفيذهم ..
سليم؛ كنت علابالي
منار؛ تقدر تفهمني علاه رجع تحط الأمر هذا ؟؟
سليم؛ هذا اللغز اللي قاعد نحاول توصلوا
منار؛ واحد ما يعرف غيرك .. و نظن قلت بلي تصفا الحساب كي دفعت فدية خروجك من ااخط ..
سليم؛ اللي عرفتوا أنت اللب حاكم الخط فروسيا تبدل معادش مانديس
هز حاجبوا ..
منار؛ و كي تبدل علاه ال********* يحوس علينا .. كش ما كاين ملعوب درتوا . مام إياد معلابالوا بوالو
سليم؛ الصفقات الكل تاع الدروڨ و السلاح باينة ..مام الزطلة كلش مفروز ..
حط يديه على راسو و تنهد ..
مريم؛ إيااااد وكتاه يلحق !!
منار؛ غدوة طمني كثفت الدعم ..مش راح يخاطروا .. و هوما علابالهم بلب قوتنا كي يخرج الدعم متتهزش ..
سليم؛ راج يحوسوا عالثغرات .. اقل غلطة تتخلط ..
منار؛ نظن هكا كلش مريڨل .. يلحق إياد غدوة نحكيو فيها .. كي العادة من حب حتى واحد فالطاج تاعي ..
سليم؛ منال عندنا هدية و تفسير بخصوص ريان بن جاب الله
منار؛ تتفك ********** اللي رانا فيها و مبعد ..
طلع ..
مريم؛ مرتحتلهاش هاذ الطفلة .. من عينيها تبان ملعبة و طامعة
سليم؛ نظن مسمعتيش الإسم تاعها مليح .. بن جاب الله
ضيقت عينيها .. و مبعد حلتهم
مريم؛ تقصد هاذي اللي بقات وريثة و اختفات و ...
سليم؛ ايه
مريم؛ شكلها ميوحيش خلاص .. مام لاباس عليها .. انويديها منار حاجة مستحيل
وقف ريقل الفاست ..
سليم؛ منيش غافل .. كل خطوة بحسابها .. نحب نطبخ الأمور على نار هادية هههههه
..............
تكيت عالسرير .. عديت عينيا عالبيت كامل .. ضحكت بسخرية ..شكون قال بلي يجي نهار.. و نكون في نص دارهم .. عديت يدي على شعري .. نخمم زعما شكون من مصلحتوا .. يقتلهم .. كنت حاجة غير أنا مريضة بيهم ..و من تصرفاتهم باين مش واحد ساهل ..ضيقت عينيا نخمم و نعاود .. زعما شكون.. أعدائهم و معارفهم كامل نعرفهم .. بصح جامي تعدا عليا اسم "الخط" .. جبدت تيليفوني من تحت الفاست بعثت ميساج .. للجنرال ..
{ نحب تقرير مفصل على " الخط" .. كاين تطورات .. بزاف راني فقصر الهاشمي .. مكلاه تعيطوا .. و سقسي هاذاك .. علاه عايلة الهاشمي تحطت تحت التصفية ..راهظ في تأهب ..} .
سوپريميت الميساج .. و حطيت تيليفون .. مع حطيتوا دخل .. غزلي و تلفت مشا للخزانة حلها .. يجبد في قشو .. مم طلعت بيتو .. هزت و دخل للدوش.   مشيت على طراطش صوابعي .. كي سمعت الما فالدوش .. حليت الخزانة كشما نلقا دوسيات .. والو تولهت لفوق لقيت خزنة .. قلبت عينيا .. معرف وش كنت متوقعة يعني ..
......................
إياد؛ طرد ؟؟؟ من شكون ؟؟
فارس؛ منعرف جابوه الرجال للفيلا..
هز بحاجبوا ..
إياد؛ بالاك بومب ولا
فارس؛ عداوه على جهاز كشف القنابل ... و مام السيكيوريتي مابان والو .  محبوش يحلوه ..
عدا عينيه عليه طرد أسود بلا اسم .. حلو.. غزر باستغراب ..
فارس؛ وش فيه
إياد؛ ملف طبي قديم ..
فارس؛ او تاعمن ..
هزو يقلب فأوراقو .. عينيه تحلوا كي قرا الإسم .. ريان .. تلفت للتاريخ 5 ماي 2014 .. يدو رجفت و هو يخزر للتاريخ .. ورا الحادثة بيومين .. مستشفى إيطالي .. توقيع كيارا عالفاتورة .. طلع يدو عدا صوابعو على تفاصيل الحادث ..يرجف
فارس؛ وشبيك إياااااد ؟؟!!!
إياد؛ ت تقرير طبي لريان و ورا الحريق بيومين
فارس؛ كيفاش..
حكم من يدو تقرير يخزرلو
فارس؛ وش معناها هادي
تنطر وقف حط الفرد تحت جنبوا .. عدا يدو على وجهوا يستوعب ..
إياد؛ عايشة .. معناتها ريان عايشة
#العميلة306
#يسرى_أمجوج