العميلة 306 -أخوان في عشق إمرأة واحدة - (لهجة جزائرية )

الحلقة 3 بارت 2

واقف  فالبابور متاعو  .. يتكيف ..سمع صوت خطوات وراه
إياد؛ brooo
وقف قداموا يشوفوا مع البحر
منار؛ آ جيت أ **** ..
إياد؛ ههه والله صح نزلت مغشش من حكاية كي محضرتش لانيفارسار تاعنا
منار؛ امشي***** كي ميحضرش خويا التوأم شكون تحبوا يحضر
إياد؛ الفرازات
منار؛ بركا بلا ****** .. وش حكاية القصر .. و لي تراس اللي على وجهك و يدك ؟
إياد؛ هه اللي قالوهولك صحيح
منار؛ و راك صافا
إياد؛ امم عادي مش أنا اللي تهدني مرا
منار؛ اممم انا تاني
إياد؛ نتا تاني !!
فاق على روحو
منار؛ ههه خاطرنا ولاد سليم شي ما يهزنا
إياد؛ ههه تبلعط فيا  ا *****
منار؛ وش نديروا دورة
إياد؛ ايه في خاطري .. لعشية نرجع لإيطاليا
منار؛ ليه ليه بعد
إياد؛ منقدرش نبقا فديزاد .. فوق طاقتي
منار؛ مزالك من هذيك الحكاية !!
إياد؛ ممم هي
منار؛ نروح نديماري بالبابور هيا .. خير ما نبقاو نربشوا فالماضي
إياد؛ ههه باينة .....
..................
نمشي فالنادي .. و نغزر للناس تونطريني .. منقدر ندير حتى حركة .. حتى نعرف وش هي الخطة الجديدة تاع عايلة الهاشمي .. تعديت لجيهة النسا زادة عاونت شوي وحايد .. مفهموش عالمدربات تاع الصالة .. تبسمت .. ساعات نتمنى تكون مشاكلي كيما اي وحدة عادية .. ماكياج لبسة .. طاي .. كيما يقولوا يا طالب الهنا وين تلقاه .. رجعت للبيرو .. تعدا الوقت و انا بين الورق تاع الحسابات ..  هزيت تيليفون شفت مع الساعة 00:14 تفكرت للخطة متاع الفرع كبست على شفافي .. كي خططنا هكا هو حبس من النادي .. زعما تصلح هاذ الخطة .. رجعت شعري للتالي و قمت .. خرجت من البيرو .. لقيت عمال النظافة ينظفوا فلي صال .. سمعت حس فالصال تاع البوكس ..
ريان؛ شكون مزال
-واحد مدام
للحظة ضرب فراسي هو .. زربت فخطواتي .. لين دخلت .. باقية نفركس عليه بعينيا .. لقيتو فاللخر تاع الصالة .. ضيقت عينيا .. و قدمت عندو .. باقي يضرب فالساشي تاع البوكس .. طبست هزيت قرعة تاع ما شربت منها ..
و غزرتلوا
ريان؛ طريقتك غلط
حبس الساشي و تلفت غزرلي ملفوق للتحت .. عينيه حمر دم.. منحتاجش بزاف تخمام بش نفهم بلي خابط (متكيف زطلة) .. يا ما فاتوا عليا هكا ..
منار؛ هه هذي نتي
ريان؛ ممم أنا
منار؛ عمبالك اللي مقدرتش ندي هاد النادي
ريان؛ ممم عمبالي
منار؛ وراقك كامل ثابتة مكاين حتى ثغرة .. و مام بالرشوة متفرزتش .. شكون وراك زعما ..
ريان؛ ما ورايا حتى واحد .. وحدي نكفي و نوفي
منار؛ ههه مبينة .. تعرفي تلعبي بوكس ؟؟
ريان؛ وش نبانلك
منار؛ معرف
رمالي قفاز واحد تاع بوكس .. حكمتوا و غزرتلوا
منار؛ نديرو لعبة .. كون تقدري تقيسيني على وجهي .. نخرج من هذا النادي و منزيدش نرجع
ريان؛ ههه بلا هاد اللعبة .. نقدر نخليك متدخلش ..
منار؛ جربي وش خسرتي
للحظة خممت فواش راو يقول و تفكرت خطة الفرع .. لبست القفاز .. سمعت تبسيمتوا
ريان؛ مش موالفة نواجه عباد خابطين الزطلة علابالك .. نزل راسو تبسم .. و شاف معايا ..
منار؛ ههه منخسرش .. متأثرش فيا بزاف تنسيني برك
قدمت نخبطوا صدها
ريان؛ هه وش لي يخليك تزطل بش تنساه
زدت ضربتوا صدها بيديه في زوز
منار؛ ضرباتك قوية ههه
زدت هجمت عليه .. باقي يصد فيهم  .. وقفت ندي نفس ..
منار؛ استسلمتي ريان ؟
طلعت راسي غزرتلوا
منار؛ هههههه متستغربيش عرفت كلش عليك حتى
هاجمتوا ملحقش يصدها .. جات الضربة منين فكو .. تلفت غزرلي ..داهش
ريان؛ القاعدة الاولى .. جامي تفقد تركيزك و انتا تلعب بوكس 
نحيت القفاز .. عدا يدو على بلاصة الضربة ..
منار؛ تعمدتي متكونش الضربة قوية علاه ..عطيتك فرصة متتعوضش
ريان؛ هه منضربش ناس مش صاحية .. سي منار .. من اليوم بش تونطريني على حساب پروڨرامي أنا .. ليلة سعيدة
طبست خرجت من الحلبة .. جيست مع وصلت للباب وقفني صوتوا من التالي
منار؛ ريان
عينيا تحلوا مع طريقة نطق اسمي . . تقول هو من ورايا مش خوه .. كبست روحي و تلفت غزرتلوا ..
منار؛ مزال بش نتلاقاو .. اما تذكري هاذ النهار
ريان؛ مش أنا اللي ننسا
خرجت .. رميت المفاتح لأيمن .. و ركبت طاكسي تاعي.. نسوق و نخبط فالفولون .. قاريت على حافة الطريق
ريان؛ ع ع لااااااااش ... كل مرة تتحتم عليا نقابلهم نكرههم .. حابتهم يتعذبووووا .. آه يا ربي غلبت .. شوي و خذيت نفس نحاول نهدا .. حلها النادي لازم نروح نتفرهد شوي .. ديماريت و زدت فالفيتاس .. 10 دقايق كنت هونيك .. شفت مع قشي .. سيرفات تاع سبور للنادي .. اه يا ريان .. وش بيك ..تكيت راسي للتالي مبعد تفكرت القش اللي شريتوا قبيل في طريقي للنادي .. تبسمت ..
ريان؛ تحلت  .. نزلت حليت لامال هزيت الساشيات فركست فيهم .. جبدت الشورت و تريكو قصير فوق السرة .. هزيتهم ... و دخلت  للنادي طول للفيستيار .. بدلت .. خرجت طلقت شعري .. حطيت غلوس من عند وحدة لقيتها دير تم .. و خرجت .. لازم نشوف جاكي و ريكي توحشتهم .. طلعت عند جاك لغرفة التحكم تاع الموسيقى .. نغزتوا على جنب .. نحا الكاسك و تلفت غزرلي ..
جاكي؛ ريييينووو هناااا
ريان؛ توحشتك يا الهامل متسقسيو متحوسوا
جاكي؛ ههه روحي تقودي نهار تولي تهزي على الناس كي يعيطولك
ريان؛ النادي  تاع السپور تعرفوه 😒
جاكي؛ صح حقك عليا يا خو ههه
ريان؛ ههه روحلنا في غناية مليحة حابة نتفرهد
جاكي؛ اوك عليا .. حقا كاين مسابقة تاع افضل راقص للتحت .. آخر مرة قهرتيهم .. هيا دوك نعلن اسمك
ريان؛ هههه تفهمني
نزلت  .. نسوطي و نتمايل مع الغناية ..
جاكي؛ و دوكا مع رينووو .. فمسابقة best VIP dancer
تعديت على ريكي .. خبطت يدي فيدو .. و طلعت عالساحة تاع المسابقة ..بدات الغناية .. باقية نتمايل معاها .. كل خطوة كنت نتذكر ريان قبل ما يدمروها .. الطفلة اللي تحب الحياة .. رغم كلشي خايب .. رغم أنو والديها .. طيشوها فميتم .. كنت عايشة بالأمل ... باقية نشطح فال reggaeton .. لين كملت الغناية .. لكل يصفق ... هزيت يدي متاع مرسي
جاكي؛ و باتفاق الجميع .. رينوو queen dancer VIP
تبسمت على جنب .. تلفت و دورت .. مبعد عاودت رجعت .. وقت ثبت بلي هو .. جات عيني فعينو.. قاع
د مع جماعة تاع ذكورة و بنات .. نزلت من الساحة .. رحت عند ريكي
ريكي؛ هاي رينو مولعتها كي العادة
ريان؛ ههه اتشوا كوكتال بااااارد ..
ريكي؛ تكرمي .. اكيد جاية تنساي
ريان؛ ههه ننسا و هوما فكل دقيقة فوجهي ..
ريكي؛ رينو نخدم الجيهة منهيه و نجيك اكي تعرفي الخدمة
ريان؛ اوك
راح جا واحد قعد قدامي
-بونصواغ
تلفت غزرتلوا ملفوق للتحت
ريان؛ خير تاني
-ههه معصبة .. نظن خاصك كاس ويسكي
ريان؛ زايد كلامك تقدر تروح
منار؛ اممم نصيحة
تلفتنا في زوج شفنا معاه واقف من ورانا .. قلبت عينيا ..
-سامحني شكونك
قدم عند و صاحبوا همس في وذنوا تنطر من الكرسي ..
- م م منار
منار؛ اممم أنا
- سامحني كنت شارب معرفتكش و
عملوا لقطة بيديه تاع تحرك من هنا .. راح يزرب .. تلفت هزيت الكوكتال متاعي .  المخلوعين متاع وذني هادو .. ريتو على جنب كي قعد .. يحرك فالڨلاص اللي فالكاس تاع الڤودكا ..
منار؛ كنت في بالي بلي طبعك الحاد غير معايا .. طلع مع الناس كامل ..
مي برافو هاكي professionnel dancer. .. 
ريان؛ مرسي
منار؛ و تاني لوك مختلف عالسيرافت تاع قبيل
تبسمت على هدرتوا .. عندو حق .. شكل تاع ذكورة تاع الصح كي نكون فالنادي
منار؛ هههه تبسمتي .. سبحان الله ..
كبست روحي .. و رشفت من الكوكتال ..
منار؛ عمبالك حاجة .. نسبة اهتمامي بالنسا تلبية حاجات برك .. مي ميعجبنيش أنو وحدة تتجاهلني .. نهبل ..
تلفت غزرتلوا ..
ريان؛ و انا وش دخلني فواش تكره و واش تحب .. ديجا علاه جاي تحكيلي قصة حياتك
للحظة نظرتوا تبدلت .. رشف من كاسو .. و غزرلي
منار؛ ش
سكت وقت سمعنا صوت طلق الرصاص .. الكل ناضوا يعيطوا .. دخلوا عباد ملثمين .. للحظة عاودت تعدات الحادثة تاع من قبل فراسي .. باقية نشوف معاهم و هوما يهددوا فيهم .. كبست عالشورت بيدي .. بلعت ريقي .. تذكرت مناظرهم و هوما يطيحوا بالواحد قدامي .. الرجفة دارتلي .. شفافي يرجفوا .. نفسي بدا يقوى .. تنطرت كي حط يدو على يدي ..
منار؛ متخافيش أنا
بدا طلق الرصاص !!!
#العميلة306
#أخوان_في_عشق_إمرأة_واحدة