العميلة 306 -أخوان في عشق إمرأة واحدة - (لهجة جزائرية )

الحلقة 31

الحلقة 31 :
تدعثرت فالروب .. جيت طايحة طلعت راسي نشوف مع يديا ملبخين بالمازوت .. شوي و شعلت النار حولي .. زربت نضت .. رجلي تجرحت خلاص .. كل ما نجري لبلاصة نلقا فيها النار .. حصرتني من الجهات الكل .. موقف مرعب .. أنا تكون لنص غابة قاعد فنصها و هي تتحرق .. الشجر يطيحوا قدامك .. باقية نعيط .. نبكي .. كل طرف فيا يتشوا و أنا نحاول نهرب .. أنك تتحرق و نتا حي .. لحظات متتنساش .. و مش أي واحد ينجم يتخطاها ..و أنا نطلع يديا نشوف فيهم محروقين كلهم دم ..  و أنا نطيح لين ترميت على حافة طريق ..جثة بلا روح ..
↪↪↪↪↪↪↪↪↪↪↪↪↪↪↪↪↪↪↪↪↪↪↪↪↪
واقفة فالبلاصة اللي بالي عليها .. متكية عالطوموبيل نشوف مع لبحر .. الفرد تحت الفاست كوير .. منقدرش ندير فيه كونفيونص .. تلفت على صوت فران قاوي .. خلاني نتلفت .. غزرتلوا و هو نازل .. لابس فاست كتير مع تريكو روج بوردوا .. حاط لينات .. شعروا مرجعوا للتالي .. سروال كحل و ڨوداس كحل تاني .. نفخت و تلفت نغزر للبحر .. جا قدامي
صهيب : جيتي قبلي تاني هههه
ريان؛ ملخر وش تحوس ؟ قتلي للي الموضوع متعلق بحقيقتي .. وش تقصد ؟؟
صهيب؛ لبحر
ريان؛ اه ؟
صهيب؛ متظنيش بلي كل واحد فينا هو بحر وحدوا .. كمية الأحداث اللي يعيشها .. و اللي يخبيه هو ..
ريان؛ جايبني حصة فلسفة ؟ اقعد تفلسف مالا ..
جيت نمشي حبسني صوتو
صهيب؛ عميلة 306 ؟
خطواتي  كلها جمدت .. كأنوا واحد صوب عليا .. منجمت نزيد خطوة منجمت نرجع .. سمعت صوت خطواتوا ورايا .. بلعت ريقي و تلفت غزرتلي .. تبسم بتمقصيص .. و عاود رجع قعد على مقدمة الطوموبيل يغزر للبحر .. عديت يدي على وجهي .. ورحت قعدت قداموا
ريان؛ تسما نتا اللي بعثت البوبية  ؟ ههه هذا هو استفزازك ؟ .. ممم و كي حاولت تقتلني زعما خفت نخبر على خرايبكم .. و الصفقات اللب راني تصير تحت الطوابق ..
تيليفوني باقي يصوني  .. و انا نڨحرلوا كيفاه مطفيني .. يتكيف و يغزر للبحر ..
ريان؛ و كي جبتني هنا واش بش تدير شونطاج ؟ .. أنك تخبر منار و غير و بهويتي ؟ .. وش يضمنلك بلي مش قادرة ندفنك هنا وواحد ما يجيب خبرك .. و اللي وصلك شكون انا .. نورمالموا بالك وش نقدر ندير ؟
صهيب؛ تيليفونك
تلفت ليا
صهيب؛ هزي عليه
ڨحرتلوا ..  و رميت يدي للجيب .. لقيتوا الجنرال ..جا يتحرك  من فوق للطوموبيل .. جبدت الفرد صوبتوا عليه
ريان؛ بلاصتك
رما طرف الڨارو اللي بقا و تلفت غزرلي .. تبسم على جنب .. و قدم عندي لين لصق الفرد فسدرو .. غزرلي و رما يدو لتيليفون هز .. و دار سپيكر (أنترفون) ...
صهيب؛ احكي
ريان؛ لا جنرال ف
جنرال؛ عميل 305 ؟
صهيب؛ ممم فهمها لا نستجرم في جدها دوك بعد ..
جبد روحو تكا و زاد شعل ڨارو  .. ڨحرلي و تلفت .. نزلت الفرد ..
ريان؛ و وش قاعد يصرا ؟
جنرال؛ ريان ارجعي للمقر
ريان؛ فهمممني شقصدك بالعميل 305 ؟؟ ..
جنرال؛ كون جيتي نهار قتلك بلي كاين عميل لازم تخدمي معاه تفهمي ؟
ريان؛ قصدك هذا مع المخابرات ؟
صهيب؛ صهيب اسمي مش هذا ..
ريان؛ محكيتش معاك نورمالموا ..
جنرال؛ ريان للمقر و حبسي العناد متخلينيش نكمل فقرار سحب المهمة
كوبا .. ضيقت عينيا .. و مبعد تلفت ليه .. ضرب فراسي نهار هد على داري و اللي صرا .. تنطرت جيت قدامو
ريان؛ قصدك اللي هذاك النهار كلش تمثيل  !!!!
نفخ الدخان فالهوا
صهيب؛ مممم
ريان؛ هه لاعب دورك صح .. و علاه كنت حاب تقتلني ما بنتلكش بلي ڨريب مت !!! .. و البولية اللي تبعث في ******** هكا حبيت تبان بلي اك علابالك
صهيب؛ نقصي ******* حسك ..منيش أنا .. بقالي غير نلعب لعب الفراخ
ريان؛ هه أمنتك
صهيب؛ أمني متأمنيش مش خدمتي .. كاين واحد فايق شكون نتي و هاذي حاجة مفروغ منها .. و اكتشفها كي غير .. نزلت معرفتش شكون .. و عالاغلب عارف كلش عليك .. فكي عليك تبهليل .. واعرفي شكون
ريان؛ م م مش نتا ...
حطيت يدي على راسي ..
ريان؛ عايلة الهاشمي .. واحد فيهم هاذي مفروغ منها 
صهيب؛ ههه و تتوقعي راح يخلوك تتفسحي كيما راكي ديري دوك كون مجاتش كاين خطة راني تصرا فالوقت اللي نتي تشطحي فالبارات
هزيت صبعي فوجهوا
ريان؛ آآي تلم حدودك خير ما نلمهالك ..
ناض غزرلي و ما لطوموبيلتوا ...