العميلة 306 -أخوان في عشق إمرأة واحدة - (لهجة جزائرية )

الحلقة 16بارت2

باقي نسوق و نغزل.. وقت قلتلوا جيبلي كلش عليها ماجاب والو .. غير انها مدربة لياقة .. تسكن ف****...  الشي تاع الصح مجابوش .. خبطت الفولون .. و حبست الطوموبيل على جنب .. عديت يديا على وجهي نكالمي في روحي..
منار؛ اوكي ريان نتي درتيها .. الباقي عليا ..
................................
ريان تحكي :
تعدا النهار عادي .. قدرت نفهم امور الخدمة فيسع .. هزيت راسي من البيسي على صوت الخدامة ..
-دوموزال كاين واحد يحب يقابلك
ريان؛ دوكا عال 23 ؟؟
استغربت زعما ميكونش منار !!
رجعت شعري للتالي .. و نزلت.. قابلني عاطي بالظهر .. واقف فالفيروندا .. يغزر للبرا .. ش شيعمل هوني ..
كملت الدروج هاذوك و مشيت لعندوا .. وقفت قدام الفيروندا
ريان؛ مسيو إياد ؟
تلفت ليا عينيه حمر دم .. تنطر جبدني من كتافي في زوج و كبس عليا
إياد؛ ه هوما زوج كلمات نتي صح ريان بن جاب الله !!
عديت عينيا على وجهوا .. الثقل اللي فصوتوا .. أكيد تاع واحد سكران .. وضارب دوزة تاني ..كنت متأكدة اللي باش يشك ..ڨحرتلوا .. ضحك ضحكة هستيرية .. و تلفت حط يديه عالكاروا .. و حط راسو عليه ..
إياد؛ منعرف بالاك غالط .. ممكن انا انسان شكاك .. مي نحس بلمستها .. على يدي .. قلبي يتقبض كي تكون قدامي .. نحس ن نفسي يتسرق مني .. مي نكون فرحان .. فرحان .. تلفت ليا .. و تكا راسو عالكارو ...
عينيه مدمعين .. كبست روحي بش ما نعمل حتى رياكسيون .. شور بصبعوا ليدي
إياد؛ كي صافحتك .. نفس الاحساس رجع .. قدم عندي .. حط يديه على كتافي .. و نزلهم لظهري جبدني لعندوا .. بيناتنا سنتيمترات برك .. إياد؛ حتى الاسم كيف كيف .. صح شكل مبدل .. أما حاسك نتي هي .. ريان .. ريانتي .. ع عيشك قوليلي بلي نتي و مامتيش .. توحشتك يا ***** توحشت نكون قريب ليك هكا .. و ما غير ما ندير حساب لأي شي .. نحطك تحت عيني .. نغزرلك .. مستحيل نغلط فلمسة يدك .. ولا فاحساسي بلي نتي .. نتي هي ريان متأكد
تنطرت جبدت روحي .. زاد قدم عندي خطوة .. راح يحط جبهتوا على جبهتي
منار؛ و وش كاااين هناا!!!
#العميلة306
#أخوان_في_عشق_امرأة_واحدة
#يسرى_أمجوج