العميلة 306 -أخوان في عشق إمرأة واحدة - (لهجة جزائرية )

الحلقة 7

.الحلقة 7:
عنوانها: #الوجع
غمضت عينيا .. مستسلمة .. طول عمرو اليتيم يتحڨر.. الناس اللي وراها عايلة عمرها ضيع .. مي الناس اللي معندهاش .. يعفسو عليها و يفوتو .. وواحد ما يهتم .. دموعي نازلين .. تأكدت بلي شرفي ضاع اليوم .. تهزيت و تحطيت على وجيعة .. عينيا تحلو غزرتلوا كي راشق الڨارو تاع الدخان قدام صرتي ..وجيعة تقطع .. جبد و تبسم على جنب .. و ناض .. باقية نبكي بالساكت .. واقف فالطاقة
البوس؛  مجبتكش بش ن***** .. أصلا كي يعود عيني كاين بزاف .. نحوس على وحدة طاي تشيخني مش زوز عواد كيفك
ريان؛ ع علاش جبتني 😭
البوس؛ بش نتأكد بلي إياد ميشتيكش .. خاطر جامي اعترض .. و الرصاصة اللي كانت حاتجي فراسك و حبسها خلاتني نشك ..
ريان؛ كي هكا اقتلني و هنييييني
البوس؛ باينة بلي راح نقتلك ملازمش تتلاقا عيني فعينك مرة خلاف ..
...........................
تنطرت حكمت يدو قبل ما يحل الباب ..
ريان؛ ع عيشك متحلش
منار؛ كيفاه؟ علاه؟
ريان؛ هكا م منحب حتى واحد يشوفني و يفهم النقص
منار؛ هذا بابا معندو  ما يفهم ولازم نقولو عالهجوم
ريان؛ ميشوفنيش أنا .. اعتبروا معروف نرجعهولك مع الوقت
منار؛ اوكي اطلعي لفوق و مديريش الحس
تنطرت نجري .. طلعت الدروج هاذوك ..
حل الباب
البوس؛ هذا وين تحل !
منار؛ (يتثاوب ) كنت راقد .. حاطني قاعد ورا الباب ...
دخل .. باقي يعدي فعينيه عالدار
البوس؛ علاه و الخدامين
منار؛ كي تكمل خدمتها تروح
قعد عالفوتاي ..  حط رجل فوق رجل ..
البوس؛ علامات جسدك تقول بلي متوتر
منار؛ ههه علاه توترت كاش نهار من قبل (ترما عالفوتاي و تكا راسو للتالي)
البوس؛ ممم وش حكاية السيد ..
منار؛ حكاية دوك نفرزو
البوس؛ علاه مخبرتنيش
منار؛ كلش يوصلك منحتاجش نخبرك
البوس؛ و واش راح ديرلوا
منار؛ نزيد نخسروا فالصفقة .. لازم يجي تحت رجلي يتشحت
البوس؛ ممم تقدرلها .. و شكون الطفلة اللي كانت معاك
منار؛ **** كنت راح نفوت ليلة معاها .. ياخي فسدلي جوي ..
ريان تحكي:
كبست على يدي وانا نسمع فيه يقول عليا **** .. الا مانوريكم .. و انا بش نخلي باباك عند رجلي ولا منتسماش ..
البوس؛ هههههه ولد بوك .. محكيتش مع الهامل لاخر من لي رجع لإيطاليا معيطش
منار؛ إياد و تعرفوا ..
البوس؛ لازم ديكا نحوس عليكم أنا .. ولاد تاع ***** ..
منار؛ هههههه وشبيه صابر طلعلوا السكر
ريان  تحكي؛
طلع اسموا صابر .. لأول مرة نعرف .. حتى دوسياتو مكانش فالورق .. لازم بتوصية خاصة و إذن منو باش يمدوهم .. كبست يدي .. نحب ننزل ليه نقتلوا و نتهنا .. مي لا منخليهش يموت بالسهولة هاذي ..
البوس؛ هيا بونوي ... نستنا فأخبار مليحة على ******** هذاك ..
منار؛ ههه باينة
خرج .. طلعت راسي تفكرتها .. مفهمتش ردة فعلها تاع قبيل .. عديت يدي على شعري .. و تعديت للكوزينة .. هزيت كاس كوكتال .. باقي نرشف منو ..نخمم فالخطة للي  باش نديرها .. كملت الكاس .. و طلعت .. باقي نحل فالبيبان .. لين وصلت للبيت اللي فيها .. واقفة للكارو تخزر للبرا .. حتى كل تحل الباب متلفتتش .. قدمت عندها ..
منار؛ صافا ؟
نزلت راسها .. و دارت ايه .. بلا ما تشوف معايا ..للحظة سرحت فتفاصيلها .. شعرها اللي طايح على وجهها .. مصادفة غريبة .. أنو نتعرف عليها فهاد المدة .. و ندير فيها ثقة بش ندخلها لداري ..
خزرت لقطرات كي يطيحوا فلرض .. تبكي!!
منار؛ ريان !
قدمت عندها حكمتها من كتافها.. طلعتلها دقنونتها و غزرتلها ..
منار؛ شبيك !!
غزرتلي ندرا كيف .. و جبدت روحها ..
ريان؛ نحب نلعب بوكس
منار؛ كيفاه؟
غزرتلي و هزت حاجبها
ريان؛ بوكس بوكس متعرفوش ؟
سكتت .. باقي نغزرلها .. تبسمت على جنب .. مظنيتش نلقا وحدة تخمم كيفي .. وقت نقلق أول حاجة نروحلها الساشي تاع البوكس .. محال نحكي الشي اللي  يقلقني .. مشيت .. و هي تبعتني .. عديت يدي على شعري .. و نزلت للطابق الأرضي .. لين وصلنا للصالة تاعي .. حليت الباب و شعلت الضو .. ودخلت .. تكات عالباب و باقية تغزرلي ..
منار؛ هيا للحلبة مش كنتي حابة تلعبي ؟
ريان؛ كي عندك صالة بماتريال مطور هكا .. علاه تجي للنادي !
تبسم و هو يلبس القفازات
منار؛ نمل من الروتين
قلبت شواربها و طبست تعدات عالحبال تاع الحلبة .. هزت القفازات لبستهم ..
ريان؛ واجهني
منار؛ ههه مش معناتها مدربة سپور تتحدايني .. اختصاصي البوكس
ريان؛ نتا تمل من الروتين و انا نمل من الهدرة بزاف
منار؛ نحطوا شرط
ريان؛ هه اشرط نتا لول
منار؛ كون نربحك تعطيني سمانة من حياتك
ريان؛ كيفاش ؟
منار؛ كيما سمعتي
ريان؛ و كون نربحك ندخل للبيت الممنوعة اللي لفوق
للحظة ملامحو تبدلت .. وجهو تقلب خلاص
منار؛ د دخلتي ؟؟ شكون ؟
ريان؛ مدخلتش الخدامة  منعتني
منار؛ متقدميش فما خلاص .. نلعبوا ؟
ريان؛ يتسما شرطي ميتحققش
منار؛ كون تربحي تدخلي
قدمت باقيين نتواجهوا .. طلعت قوية .. و ضرباتها متقونة .. اما محال تتغلب عليا .. تعدا وقت .. لين دفعتها .. طاحت .. و جيت فوقها .. كبست على رقبتها بمرفق يدي .. باقية تنهج و تغزرلي ..
منار؛ و هكا تكوني خسرتي
باقية تغزرلي ندرا كيف ..  لأول مرة نركز فلون عينيها .. فتفاصيلها .. دزتني فيسع و ناضت ..نحات القفازات .. طبست هزت قرعة ما .. رمات المنشفة  على كتفها و خرجت .. مش نورمال الطفلة هاذي .. نحيتهم .. رشفت من الما .. صبيتو على شعري .. و طبست هزيت المنشفة .. مسحت و خرجت .. تعديت عالخدامة سقسيتها ويني .. خبرتني أنها فالجاردان .. دوكا فالبرد!!.. خرجت غزرتلها كي قاعدة رجليها فالپيسين ..
منار؛ نتي نورمال في مخك !! متحسيش بالبرد .. دب نتي؟
ريان؛  مدام قلتلي لازم تقعدي تحمل تصرفاتي
منار؛ براحتك ..
شاور لواحد من العساسين يجيبلوا فودكا ..و تكا عالفوتاياي اللي مقابلين .. باقية سارحة .. وشمن قدر .. هذا اللي مخليني مع ولدو فدار وحدة.. زعما كون يشوفني دوكا يتفكرني .. صح تبدلت فالشكل .. لون الشعر .. لاطاي كلش .. منعرش .. و مش حابة نعرف ... الأهم أنو يرشا فالحبس ..
منار؛ وش حكايتك ؟
عينيا تحلوا .. تلفت عندو.. متمي يرشف من الكاس