العميلة 306 -أخوان في عشق إمرأة واحدة - (لهجة جزائرية )

الحلقة 37

الحلقة 37 :
نور؛ نتا عمى روح دااوي .. كل مرة يطيح عليك العمى .. افففففف
جبدها من ذراعها خبطها مع الحيط
جاكي؛ مش كل مرة تخسري فالهدرة و نسكتلك ..
نور؛ بععععد عليا
جاكي؛ و الا
نور؛ بسيكووو هادا بعععد خرا وين نروح نلقاك
دزتوا غزرلها طبست تحوس عالبيس .. جبدتها .. و وقفت كملت عفصت عالتيليفون بالطالون لين دقدق .. تلفت ڨحرتلوا .. و رجعت عند ريم
ريم؛ آه جيتي حكيتي معاهم !!
نور؛ اعطيني تيليفونك  نركب البيس
ريم: هاو فالبوشات اجبديه .. علاه شبيه تيليفونك
جبدتوا ركبت البيس .. شوي و وصلها ميساج .. ملامحها تبدلت كامل
ريم؛ ههه ريكي لومبيونص هنا راني حاسدتك على خدمتك هادي
ريكي؛ ههه نشوفلك بلاصة على حساب الشوفة
ريم؛ ههه واقيلا
تنطرت هزت الصاك تاعها ..و جبدتها من ذراعها ..
ريم؛ وش كاين ..
نور؛ وصلت الأوامر .. نوضي  ليه ليه .. تخلطططت
ريم؛ أوكي ..
خرجوا يجريو .. ديماراو بالطوموبيل ...
...................................
الجنرال؛ وين كنا حنا من وين خرج الخط هذا
صهيب؛ معلاباليش هادي أول مرة نسمع بيه .. الكبار اللي تعاملت معهم هنا جامي جبدوا على حاجة هكا
الجنرال؛ اففف كل ما نقربوا توصلوا لحاجة الأمور تتعقد أكثر ...
صهيب؛ الشي الأكيد انو كاين سلسلة راني دور داخل الجزاير و خارجها ..
الجنرال؛ و مفقتوش بيها زعما عملاء و عندكم كل الصلاحيات .. ظهرتوا كيف اللي قبل ..
صهيب؛ العصبية مش رايحة تجيب معلومات على شكون الخط القاتل هذا .. من الأفضل نروح نختلط بالوسط بش نفهم
الجنرال؛ رد بالك ..و طالعني على التفاصيل أول بأول
صهيب؛ كي تحكي مع ريان قولها تعيطلي ..
خرج ...
..........................
ريان تحكي :
فقت الصباح ... تلفت نغزر لقيت بلاصتوا فارغة .. عديت يديا على وجهي .. و تقعدت .. غزرت للساعة العشرة تاع الصباح .. مشيت جيهة الدوش مع جيت نحل الباب تحل .. خرج يمسح في شعرو لابس غير شورت ...حسيت الدم جمدلي .. رمشت بزربة و تلفت جيت ماشية .. حكم يدي و عاود جبدني .. تخبطت فيه .. طلعت راسي غزرتلوا مشوكية
ريان؛ و و وش ديير !!
حط يدي اللي حاكمها ورا ظهري و جبدني أكثر ..لين جا وجهي مع وجهوا ..حط جبهتوا على جبهتي .. تنطرت بش نجبد روحي كبس عليا ..
منار؛ ششششش اركححي ..
ريان؛ اطلق
منار؛ حاب نفطر
ريان؛ تفطرر؟!
منار؛ مممم
هز جبهتوا و غطس راسو فرقبتي ... فلت يدي و لف يديه في زوج على وسطي .. نفسو هادي على رقبتي .. الدوخة حكمتني .. طبع بوسة خفيفة ..
منار؛ ريحتك عالصباح أحلى فطور .. كون غير جا كل صباح هكا ..
غمضت عينيا ..
منار؛ و نتي قدامي و بخير .. منحتاجش حاجة خلاف .. نحبك
على كلمتوا التالية .. غمضت عينيا بقوة .. قلبي يخبط مش نورمال .. فقت كي ضحك ضحكة خفيفة ..
منار؛ قلبك يعرف يجاوب خير عليك ..
حط يدو على قلبي ..
منار؛ تاعي هذا .. حبيتي ولا محبيتيش .. قلبك لمنار ..
طلع راسو .. حليت عينيا غزرتلوا .. هز يدو عداها على خدي .. تبسم ندرا كيف ..
منار؛ وجدي روحك دوك دوك ننزلوا نفطروا ..
تعدا من قدامي ..خرج طول .. هزيت يدي عديتها على رقبتي .. خذيت نفس و زوج و ثلاثة .. و مشيت للعين.. غسلت وجهي .. نحاول نفيق.. حطيت يدي على قلبي .. تنهدت ..
مسحتوا و خرجت لقيت خدامة تستنى فيا
الخدامة؛ مدام نوصلك للجاردان مسيو منار يستنى فيك للتحت ..
.....................قبل ساعات..............
واقف قدام الطيارة .. حاكم التيليفون .. رايح جاي يستنا فيه يعيط .. شوي و لحقوا ميساج .. حلوا .. يقرا و يتبسم على جنب ..
فارس؛ وش كاين
إياد؛ ههههه وش مكانش  قولي .. هيا نطلعوا ....
..............................قبل سنوات .........
ريان؛ زعما يجي النهار و نخرجوا من الميتم  و تدينا عايلة تهتم بينا ؟؟
ريكي؛ منحبش نروح نتوما عايلتي
جاكي؛ زعما عايلاتنا تاع الصح علاه طيشونا ! ...
ريان؛ بالاك ميتين و حتى لوكان مش هكاك نعتبرهم ميتين ..
-ريااااان ارواحي جا السيد جمال يشوفك
ريان؛ يااااا صح !!!
-ايه هيا
ريان؛ دوك نجي
ريكي؛ نحس بلي راح يتبناها هادا الراجل و مرتو يحبوها و كل ما يجيو يحوسو عليها
جاكي؛ قصدك تروح و تخلينا محال
ريكي؛ معندنا وش نديرو رانا ولاد ..
تنهدوا و كملوا يلعبوا بالحجر دامة ...
...........................................
نمشي معانا و نغزر للقصر .. فخامة تقول ملكة بريطانيا عايشة هنا .. بصح على شكون نحكي .. الخماج اللي خدموا .. حقوا بلاوي .. حلوا لي ڨارد الباب يخرج عالجاردان .. ديكورها مش نورمال .. أنواع ورد و زهور أول مرة نشوفهم .. مشينا فواحد الممر .. لين قابلتني التابل .. و لتم كانت الصدمة .. بلعت ريقي .. و رمشت بزربة .. حاولت نحكم روحي ..تلفتوا في زوج غزرولي .. خذيت نفس .. و قدمت .. رشف من كاس الجي و غزرلي ..
منار؛ طولتي ..
غزرتلوا و تلفت غزرت لإياد .. اللي منزلش عينيه مني .. جيست تبسمتلوا
ريان؛ صباح الخير
إياد؛ بونجور ريان
تلفتنا على صوت منال .. منحتاجش تخمام بش نعرفها
منال؛ بونجووووووغ
غزرتلها .. و تلفت قعدت عالتابل .. قدمت .. سلمت على إياد و زادت على منار .. و طبست تعوج في شواربها و هي تسلم عليا .. و مبعد قعدت
منال؛ اييييه هادي مدة مشفتكمش مع بعضاكم ... إياد الطليان داتك علينا كامل ..
إياد؛ ههه وش تحبي مش أي حاجة تديني
غزرتلوا غزرلي و هز الكاس تاع القهوة رشف منو
منار؛ مبكرة ليوم هنا .. بسلامتها مريم مش مقصرة
إياد؛ ههههه
منال؛ هههه عيب عليك منار .. قبل كل شي نبقا بنت العم ولا لالا
في قلبي و ظهرت من العايلة تاني .. تلفت كي قدملي منار فرشيطة فيها فراز بالشوكولا .. غزرتلوا غمزني ..تبسمت بالشوي .. و كليتها .. شوي و تنطرنا كي سمعنا صوت الرصاص برا الفيلا يبان .. تنطروا جبدو الفرد من جيوبهم ..
منار؛ رياان ادخلي للفيلا ليه ليه لبيتك  إياد هيا
منال راحت تجري .. الظاهر موالفة باللقطات هادو ..راح يجري .. تلفت غزرت لإياد .. قدم عندي .. لين جا وجهوا مع وجهي .. عدا راس الفرد على خدي .. تبسم
إياد؛ ريان
مبعد راح يجري .. عينيا تتحلوا !!!