باقي يسوق .. تفكيري مشغول بكلشي .. بالدوامة االي دخلت روحي فيها .. بالطرق اللي راني نستخدمها و بش نستخدمها لين نوصل .. قص على تفكيري كي فك الحزام .. تلفت نخزر للبلاصة و شفت معاه ...
ريان؛ وصلنا!
منار؛ لالا ارواحي
جبدني .. طلعت جيت فحجروا .. لف يدو ليسرى على وسطي .. و يدو ليمنى ساعات يعديها على خدودي .. ساعات يحكم بيها
ريان؛ ههه مهبول كيفاه تحب تسوق دوك ؟مكش نورمال نتا
منار؛ ممم منحبش نكون كيف الناس .. و منحبكش تكوني كيفهم
ريان؛ وين رايحين بصح !
منار؛ دوك تعرفي .. كمل يسوق .. الناس يشوفوا معانا .. مام فلباراج واحد ما خمم يحبسوا .. نغزر للناس .. للطرق .. أما ملامحي تبدلت كي شفتوا دخل الطريق هاذي .. حومة ******* ... رعشة تملكتني .. بلعت ريقي بالوقت .. سنين و انا نحاول نتفادى نجي هنا .. مكانتش عندي القوة ولا لكوراج بش نرجع لهنا .. ريحة الخبز اللي معبية الشارع .. ريحة القهوة العربية .. الكبار يلعبوا فالدومينوا .. نسا الحومة و تقرعيجهم .. هزيت يدي بعدت شعري من قدام عيني .. نتمنا ميوصلش ليه.. صورتوا ماشية و تتوضح قدامي .. و كل مالو الاسم يبان أكثر ...ميتم ********** ... بلعت ريقي مرة و زوج و ثلاثة
YOU ARE READING
العميلة 306 -أخوان في عشق إمرأة واحدة - (لهجة جزائرية )
Actionالعودة بكرونيك جديدة 💥 ستيل مافيا تعرفوني مع الأكشن 🤷🏻😂.. المهم باش نخليكم تدمنوها 😎.. و من دوك أصحاب القلوب الضعيفة متقراوش .. اختصارا قسحوا قلبكم باش تنجموا تعيشوا أحداثي 💥.. الاحداث تبدا تبانلكم بالشوي .. نحب ماكس تفاعل .. الكل تكونوا حاض...