العميلة 306 -أخوان في عشق إمرأة واحدة - (لهجة جزائرية )

الحلقة 18 بارت 2

مدلي كاس ما .. شربتوا
منار؛ شرقتلك ؟
طلعت راسي ڨحرتلوا .. صار هوواللي مدلي الما ..
ريان؛ نعم ؟
منار؛ الكاس نقصد
ريان؛ لا .. باردون نروح للتوالات ..
هزيت البوشات و مشيت للتوالات ..دخلت باقية نرڨل من القلقة.. مروحت بيدي على وجهي ..  قدمت لافابو ريڨلت شعري  بغزول .. طلعت راسي غزرت للمرايا
ريان؛ ياه وشبيا أنا .. واش مقلقني فيه .. خاطب ولا مزوج ...******** ..  بصح لاه يقولي كوني معايا .. و راني معاك.. و يبوس فيا.. و انا البوهالية .. كيفاه التحقيقات هاذي كل علاه مفتشتش ورا الخرا هادي .. بصح مش مشكل اتو نوريك سي منار ..
عاودت ريڨلت الروج و خرجت ..
رجعت للتابل .. لقيتهم يضحكوا عاملين جو ..
جابر؛ رينوش صافا ؟
ريان؛ مم يعيشك ..
منار؛ (يتمتم بين شواربوا ) رينوش !
وصال؛ حبيبي قلت حاجة ؟
تلفت غزرتلها .. و حبيبي تاني ..طلعت راسي وقت .. جات عيني على إياد يغزرلي واحد الغزرة .. خلاتني نرجع سنين للتالي .. منزلتش عيني منو .. تبسم و مدلي يدو ..
إياد؛ ريان تشرفيني بهاد الرقصة؟
غزرتلوا .. و مبعد زربت تبسمت ..
ريان؛ ممم علاه لالا
حطيت يدي فيدوا .. قلبي مش مطمني من هاذ الليلة
وصلنا لنص الصالة بالوقت .. هبطوا لي كوبل مام منار جا هو و هاديك.. الديجي قال بلي رقصة تبادل .. حط يدو على مسلاني .. و اليد الثانية يدي بيها ..و ثبت عينيه فعينيا ..  بداو الكل يتمايلوا .. عالموسيقى .. لفني .. جا ظهري على سدرو .. طبس لوذني وشوشلي ..
إياد؛ شكون قال
ريان؛ نعم؟
إياد؛ تأمني بالصدف ؟
ريان؛ لالا
إياد؛ مام أنا
لفني .. جا وجهي مع وجهو قد قد ..
إياد؛ عمبالك بلي راني فرحان
ريان؛ مم مناسبة سعيدة
إياد؛ و نتي تظني بلي مناسبة سعيدة ؟
طلعلي حاجبوا .. غزرتلوا باستغراب .. و يصرا تبادل .. جيت مع جابر .. تبسملي
جابر؛ الپرانساس بين يديا
ريان؛ هه
جابر؛ متحسيش اللي إياد مش نورمال
ريان؛ كيفاه يعني ؟
جابر؛ الشي اللي حكينا فيه الصباح لازموا تعديل
ريان؛ نحكوا فيه من بعد
جات عيني فعين إياد .. غزرلي ندرا كيف و تلفت يغزر للي قاعدة تشطح معاه ..
زاد صرا تبادل .. أوب و يلقفني .. حط يديه الزوج على مسلاني .. غزرتلوا .. و حطيت يديا ورا رقبتوا .. ما حكا حتى كلمة .. جيست نغزروا لبعضانا ..
ريان؛ فاتتني أني نباركلك عالخطبة .. مبروك سي منار
منار؛ يعيشك لعقوبة ليك
جاوبني بتسوميم .. جا بش يصرا تبادل كبس عليا .. طلعت حاجبي غزرتلوا..
ريان؛ ش تعمل ؟
منار؛ رينوش مالا ؟
ريان؛ واش؟؟
منار؛ كأنك ماخذة راحة زيادة مع جابر ..
ريان؛ و بصفتك واش قاعد تسقسي ؟ نظن من حدود الخدمة متسقسيش على حياتي الشخصية..
لفني .. جيت نازلة على ركبتوا طلعني بالشوية ..
منار؛ هه مجرد سؤال .. هو راح نمحيه يواء جاوبتي ولا لا .. مسألة وقت برك ..
ريان؛ كيفاش
منار؛ رايح يصرا تبادل تتحركي ******
ريان؛ نتا نورمااال في مخك ؟!  .. مش قلتلي راني ******* كون نزيد نقدم .. و دوك تحكي شغل راجلي ..
منار؛ راجلك هههه .. يحصلك شرف
ريان؛ ناعبوه الشرف كي يعود كيما هكا ..
منار؛ هه مستغنية عالشرف .. متقوليليش **** و انا لاخبر
هزيت يدي عطيتوا كف على قوتي .. غزرتلوا بغل .. حل عينيه ضربة وحدة ..
#العميلة306
#يسرى_أمجوج