العميلة 306 -أخوان في عشق إمرأة واحدة - (لهجة جزائرية )

الحلقة 22

الحلقة 22 :
عنوانها : #العدم
باقية نغزرلوا مشوكية .. منعرف .. واش لازم نعمل .. نتزوجو هو ؟؟ .. باباه !!
إياد؛ ريااان مزلت على ركبتي
ريان؛ لالا منقبلش
إياد؛ كيفاه
تنطرت وقفت وقف هو
ريان؛ مش مستعدة إياد .. و ب باباك
إياد؛ ريان نتزوجوا و نسفرك و نقولوا بلي رايح نحكم الخدمة فالطليان .. متخافيش
ريان؛ مستحيل إياد مستحيل.. و كون تطلع كيما باباك
إياد؛ كيفاه !!
~~~~~~~~~~~~~~~~~
ريان تحكي :
راسي رزان عليا .. تاعبة عاللخر .. منعرف علاه قعدت نستنا فيه يجي حتى لأخر لحظة .. لين غفيت ...
منار يحكي :
حبست طوموبيل قدام واحد يبيع الورد.. دخلت نسقلي بوكي بالوردي و الابيض .. تبسمت
-مبين عليك تحبها يا ولدي
منار؛ أه ؟
- صاحبة الحظ
تبسمت  حط يدو على كتفي و يغزر لورايا تلفت نشوف وين يغزر .. فوطو متاع مرا الظاهر مرتو
- نصيحة يا ولدي استغل كل لحظة من حياتك .. معندناش فرصة أنو نعاودوا حياتنا زوج مرات ..
هزيتلوا براسي ايه سلكتوا و خرجت .. متملكني إحساس منعرف كيفاه .. مي الشر اللي هدروا أثر فيا تاع الصح ..ديجا كي نتفكر بلي كانت رايحة تضيع من يديا نهبل .. ركبت حطيت البوكي تاع الورد قدامي و هزيت تيليفون طلبت نومرو .. جيداء
منار؛ جيدااء نحتاجك تنظميلي حفلة صغيرة
جيداء؛ههه منار حمد الله و نتا
منار؛ ههه و تكون تاع زوج برك .. حاب ديكور مميز
جيداء؛ راح تفآجئ وصال ؟
منار؛ جيدااااء
جيداء؛ ههه فهمت فهمت
منار؛ في يدك منا لغدوة .. و اي شي تحتاجيه عيطي لرمزي ..
كوپا وديمارا الطاكسي ..حاس روحو متفرهد .. غزر الساعة 23:35 .. ديجا طول عليها .. زاد فالفيتاس .. شوي و كان قدام لكلينيك .. دخل في يدو الورد .. واحد ما يقدر يحكي معاه و لا يقولوا خلص وقت الزيارات .. طلع للأصانصور .. لقا فام دو ميناج.. كل مرة تتلفت تغزرلوا بطريقة مش نورمال ... أصلا وجهها مش باين مغطيتوا بشعرها .. طلعت يدها .. عملت روحها تريڨل فشعرها ..
-ازرب الحق رايحين يقتلوها ..
منار؛ كيفاه
- شششش كاين كاميرات .. ريان راح يحطولها دوز من السم
تحل الصانصور .. هزت البيدون و خرجت .. زرب خبط الأزرار تاع المصعد .. يحاول ما يبينش بلي فاق .. مع تحل الباب تنطر يجري لبيتها .. مع وصل لقا رجالو فالباب ..
منار؛ شكون دخل عندها !!!!
-م مسيووو منااار
منار؛ انطططق **********
-طبيب و دوكا الممرضة ..
تنطر حل الباب .. لقاها تغرز فالبرا فالسيروم .. طاح البوكي من يدو ..
منار؛ وش ديييري
تنطرت طاحت البرا من يدها مزال فيها نص البرودوي .. دخلوا رجالو بالوقت .. تنطر نحا الخيط تاع السيروم من يد ريان .. و تلفت خنقها
منار؛ واش فيها ؟؟؟
الممرضة؛ د د دوااا
منار؛ دوا قلتيلي
شاور  لواحد من رجالو .. هز البرا مدهالو و لخرين راحو يعيطو للطبا ..
منار؛ نتأكدوا فيك
الممرضة؛ ل لااا عيشك كنت مجبورة
لحقو الطبا و رمزي بالوقت خاطر كان فالكافات .. قدموا يتفقدوا فيها   و هو يغزرلهم .. نطر يديه منها .. حكمها واحد من رجالو
منار؛ والله و تدخلها قطرة سم وحدة .. نطربڨ الكلينيك على *************
رمزي؛ خرجو هاذي منا لا يستجرم فيها ..
الطبيب؛ نظن مدخلش السم
منار؛ تظن !!!! ******* يظن !!!
رمزي؛ منااار تهدن وشبيك
الطبيب؛ مسيو منار .. كي يدخل السم للجسم .. يبقع و الشفايف يزراقو .. و دوك نزيدو نعموا تحاليل نتأكدوا ..
منار ؛ مصرالها والو و صرات هاذ الجوجمة كامل و مفاقتش !!!!
-عطاتها منوم أكيد
منار؛ ليوم ******* بالواحد .. كي عدتوا متتحملوش مسؤوليتها ..
خذاو عينات من دمها ... و خرجوا كامل .قعد على جنب السرير .. عدا يدو على شعرها و تنهد ... منار اللي كانت حاجة متخوفوا ولا خايف يخسرها .. خايف ميلحقش عليها ..
شوي و جا رمزي
رمزي؛ التحاليل صافية .. خافوا لا يجيو يهدرو معاك  .. لحقت عليها شعرة .. السم اللي كان راح يدخل لجسمها مع يتخلط مع الدم يقتل ..
منار؛ كانت ترشق فالبرا يا رمزي ..شوية كنت نلحق عليها ميتة ..
رمزي؛ ليسونسيال لحقت .. و اللي ورا هاد الشي نجبدوه تأكد
منار؛ لازم نخرجها .. ريڨلي لورق
رمزي؛ ماكش تشوف فحالتها و الكسور ؟؟!
منار؛ دوك نديها للفيلا تاعي .. و يتهلاو فيها الطبا تاعنا .. مبقيتش ندير كونفيونص و نخليها هنا
رمزي؛ أوكي ..
خرج .. تنهد و هو حاكم يدها ..مزالت الرجفة حاكمتوا .. في راسو غير كون لحق روطار ..دوكا متأكد بلي يعشقها .. مش شعور إعجاب و صايي .. سيبون الطفلة اللي ولا يخاف عليها كثر من روحو .. و ما يحملش فيها دقة الشوكة .. وين يا هكا .. غزر للكسر اللي في ذراعها من هيه .. للي في رجلها .. للجروح اللي فوجهها و الفاصما اللي دايرة على راسها .. شعور الذنب مسيطر عليه .. خاطر كون تظهر تٱذات من صهيب ولا من واحد من أعدائو .. مش راح يسامح روحو ... أنو يكون سبب بش هي توصل للموت ..
#تسريع_أحداث:
تعدا شهر و نص .. كل يوم بروتينو .. ملي فاقت و لقات روحها في دارو .. حاطلها طبيبة و زوج ممرضات يلهاو بيها .. هو يروح يخدم و يجي يفاقدها .. يقعد يشايخ يضحك .. ساعات يتفرجوا فيلم .. ساعات يمشطلها شعرها .. كل مرة يزيد الإهتمام .. لدوك معرفش شكون ورا الحادث .. و خلاه يدير خطوتو التالية بش يقدر يلقفوا .. إياد سافر لإيطاليا .. الليلة .. اللي جا يطل عليها فالكلينيك و شافهم .. تأكد بلي خوه يحبها .. و محال يسمح لشبه أنو يخليه يعاود .. يتمسك بخيط راشي و يتفاسد مع خوه .. باباه تاع مناربدا يشك فاهتمامو الزايد بريان .. و مدخلتش فراسو انو جيست هو السبة .. مي مخليه على هواه و في راسو موال يطبخ فيه ...
#العميلة_306