العميلة 306 -أخوان في عشق إمرأة واحدة - (لهجة جزائرية )

الحلقة 13 بارت 2 :

📍تركيا:
جهيدة؛ هههه بصحة غيبوبة يزيد
ساركان؛ هههه بصحتنا .. مي برافو جهيدة نقنعلك .. الخطة كانت دمااار
جهيدة؛ هههه مش أقل منك .. مي متأكد اللي سالم مش راح يدور فكلمتوا و يخبر بلي حنا وراه ؟
ساركان؛ ههه مش بش يقول و هو أصلا ظهر على اساس أنوا طاح مع يزيد.. في فخ أثناء تسليم الدفعة.. و هجموا عليهم مرتزقة .. مش باينين واش من جيهة تابعين ليها
جهيدة؛ بصح القناص اللي صوب يزيد.. يستاهل الدراهم اللي داهم
ساركان؛ ههه كان فالجيش الروسي .. خدمة قاسحة يعني
رشفت من الكاس .. منظرها يعكس المرا القوية .. اللي تحب على حاجة تديها مهما تكون هاذ الحاجة .. ضحكت بتمڨعير ...
..................................
حاكم يدو بيديه الزوز .. كيما الطفل الصغير و يغزرلوا
منار؛ دوكا هكا واحد كيما نتا يتغدر بيك .. نتا جيست نوض برك .. و كلشي يتريڨل .. مش يزيد اللي يطيحوه 3 رصاصات .. نتا قوي سنين متهديتش .. مش اليوم تتهد .. نوض والله نحطهم تحت رجليك بابا .. عيشك قوم...علابالي تسمع فيا .. أصلا جامي مسمعتنيش .. مزال بش نديروا .. خدايم كبار ...فهمت .. حتى إياد دوك يجي و نروحو للرحلة تاع جزر الكاريبي كيما تفاهمنا نديروها .. نتا جيست قوم متخلينيش نفقد سندي فالدنيا هاذي ... مش ممكن 
حط راسو على يديه .. هربت منو دمعة .. وراها تنهيدة كبيرة تعكس الوجع اللي يحس بيه .. فالنتيجة هو باباه .. واحد فينا مايقدر يشوف باباه بين الحياة و الموت و تجيه نورمال .. الأب هو السند مهما كان خايب .. ..
.........................................
باقي يغزرلي ... من غزرتوا حاير .. اذا انا ولا خاطيني .. حكمت روحي قد ما نقدر..
ريان؛ باردون
مشيت من غير ما تتلفت .. حرقة كبيرة تحرق من الداخل .. نفس الغزرة .. سنين تعدات .. مي مزالت  نفسها .. خرجت برا .. نسمة هوا ضربتني .. زربت تلفت رجالو .. جيست مع بعدت ..  رحت نجري .. الناس كامل يشوفو معايا .. نجري و نبكي .. قد وجيعتي منو هاذاك النهار .. قد وجيعتي من باباه .. قد وجيعتي من حياتي ... قعدت قدام أول كرسي عارضني .. نغزر للبحر من بعيد و نمسح فدموعي .. خذيت نفس و زوج و ثلاثة .. لهاد الدرجة مبنيتش روحي بش نواجهوا... جيست ماريتوا يصرا فيا هكا .. وقفت تركزت عالكرسي ...حكمت أول وحدة عارضتني .. خذيت تيليفونها كلمتوا .. بالسيف ما نخرج فالكلمات
ريان؛ ل لازم نبعد
#العميلة306
#يسرى_أمجوج