العميلة 306 -أخوان في عشق إمرأة واحدة - (لهجة جزائرية )

الحلقة 32

الحلقة 32:
أصوات تروح و تجي في راسي .. حاسة روحي بعيدة ..ضو يضرب في عيني و يعاود يروح ... عينيا تحلوا .. ضو اللي مقابلني .. خلاني نعاود نغمضهم ..و نحاهم مرات .. الصوت اللب كان بعيد بدا يقرب ..
الطبيب؛ مدموزال تسمعي فيا !!! ... دوموزال !!
غزرتلوا بتثاقل ..
الطبيب؛ وش تحسي !؟
ريان؛ كل شي  ي يووجع فيا ..
الطبيب؛ طبيعي مزال ما ارتاحتش الجروح .. و الحروق كانت من الدرجة الأولى .. نجيتي بأعجوبة
ريان؛ ش شكون جابني ؟
الطبيب؛ راجل و مرتوا كانوا فايتين .. لقاوك مرمية .. الشرطة تاني جاو يحققوا معاك.. و قلوبهم وضعك ما يسمحش
هزيت يديا بالشوي .. خاطر وجهي قاعد ياكل .. لقيت عليه فاصما ..
ريان؛ و وجهي ؟!
الطبيب؛ الحقيقة .. عملنا لازم بش نحبسوا النزيف و نخيطوا الجلد المتضرر اللي من داخل بصح ..
ريان؛ بصح واش
الطبيب؛ لازم عمليات تجميل .. تضرر بزاف و منقدروش تعرفوا قداه من مرة
ريان؛ ت ت تقصد تشوهت ؟؟؟
الطبيب؛ لا كيما تعرفي الطب التجميلي تطو
نزلت راسي كبست عالفراش قدامي .. هربت مني دمعة .. كل شي تحطم حتى أنا .. وليت وحدة مشوهة !!
🔮🔮🔮🔮🔮🔮🔮🔮🔮🔮🔮🔮🔮🔮🔮🔮🔮
قاعدة  مقابلة بيروه...نلعب بالستيلو.. و السخطة هاذاك مقابلني ..
ريان؛ يعني دوك لازم نخدم معاه !!
الجنرال؛ ما تديري حتى رياكسيون هذا الفترة .. حتى نفيقوا شكون ورا ملعوب الطرد هاذاك ..
ريان؛ أوكي نروح دوم ..
مع جيت خارجة وقفني صوتو من التالي ..
صهيب؛ كاينة صفقة راح يديرها منار عن قريب .. تعرفي تفاصيلها
ريان؛ نعرف خدمتي .. نظن منحتاجش اوامر من حضرتك ..و
حليت الباب .. تتهدت و خرجت راسي راح يطرشق من التخمام .. في راسي 3 احتمالات منار .. إي ولا البوس .. الليل طاح ديملريت بالطوموبيل للدار .. محتاجة مرثد و خلاص .. باقية نسوق .. زعما وش هي الصفقة الجديدة .. على هاذي منار غايب هذا ليام ؟ .. تفكرت لميساج اللي بعثلي الصباح .. تالمون كنت مخلوعة مقدرتش نقراه .  تنهدت و حليت لميساج لقيتوا بعثلي فوكال
منار؛ ساعات نخمم أنت هكا صدفة ممكن تصرا ؟.. أنك تدخلي لحياتي و تخلطيلي وش كنت نحس و وش وليت .. ريان منار اللي كان قبلك ..و منار اللي معاك دوك مش نفس العبد .. صدقيني غايس في حوايج نتفك منهم غير بالقتيلة .. بصح كي نخمم اللي نتي معايا .. و نتي النقطة المليحة في حياتي المخلطة .. نرتاح توحشتك بزاف .. اتهلايلي فروحك حتى نرجع .. ..
تنهدت و كملت نسوق .  غزىت للمراية .. معدتش نعرف روحي أنا شكون ولا وش نحب .  خاطر كل مرة نضيع .. وصلت قدام لفيلا .. طوموبيلات كوحل بزاف على برا .. ضيقت عينيا  .. و كملت لين حبست قدام باب الفيلا .. لقيت فيراري كحلة فطريقي .. صونيت . قدم واحد من رجالو حللوا الباب .. نزل .. لابس كلش كحل .. وجهوا ما يتفسرش .. يڨجرلي ڨجرات تاع موت .. بلعت ريقي ..و فكيت السبتة .. قدم حل الباب .. طيروا مش حلوا . ..
جبدني من ذراعي نزلتي .
ريان؛ آي بلعقل نتا مهيول تجبدني هكا !!!!
قفل الباب ورايا .. و دزتي عليه .. حط يدو على جنابي فوق الطوموبل .. طلع راسو ڨجر لرجالوا ..كامل نزلوا راسهم ..
و تلفتلي
ريان؛ وش كاين .. علاه هاذو كامل هنا ! .. ديجا وكتاه رجعت
غمض عينو و خبط الباب تهزيت من الخبطة ..
منار؛ علاه !!!