#في_الغرفه_التاسعه

في الغرفه التاسعه ٣٨

اسم زهراء جعلها تشارك بالحديث بعصبيه

( واني شبيه وشكو تجيبن اسمي بهالحجي  الفاهي  هاي لو اني ناطقه حب وزواج جان انفضحت وكتبوني بالجرايد )

وباصرار  محتدم اصرت رباب تعرف السبب  الجعل زهراءوكرار متعادين بدل التقبل

 
وسالت زهراء  لرجعت  تنام ويانا بالغرفه .. بواسطه من امي لباجي سهام.
تركت رباب فراشها وزحفت بالظلمه يم زهراء  متوسله بيها تجاوب

(  حبابه. زهراء  ليش جدي مكدر  يقنعج بكرار  )

گبت زهراء. وهي تصب غضبها على كرار
( وكرار شينحب منه .. واني من صغري احسه يغار مني .. )
ضحكت عليه وسالتها
( يمكن يغار عليج مو منج )
وبعصبية الاكتسبتها من الظلم الحل بيها جاوبتني
( دسكوتي ونامي لاتسمعج امي
وتگلبها عزا على راسي ..
والله مستعده اقبل باي واحد يخطبني بس حتى اخلص من هالعذاب )
واسترسلت تحجي عن عذابها وصوتها يتقطع بقهر تعبر عنه حسراتها
( مااحس امي تحبني مثل قبل
ماتباوعني بعيونها ابد .. واخواني ماعدهم ثقه بيه .. ماكو خلاص الا اتزوج وابتعد ..
حتى امي  يخف حملها وتخلص من مراقبتي )

تجمعنا  حول افراشها  وفتحت فاطمه الضوى ..  واصبحنا نواسيها  وفاطمه تقنعها
( زهوره احجي ويه امي گوليلها الحقيقه .. اعترفي ان فكرتي بالتمثيل وتراجعتي ) ....

باوعتها بحمار خالط بياض العين .. ودموع وگعت بتسابق
( حتى لو اگول الها تبقى صورتي  الانطاها رسول ل احمد .. عار عليه وامي لايمكن تسامحني عليه .. اني  جنيت على نفسي وماكو طريق للخلاص الا اتزوج
واخلص ).

خوفها .. وندمها 

  انهت سهرنا .. 

والسكوت اصبح مواسي الها بدل كلماتنا ....

خليت على  وسادتي راسي
الحمل  مهرجان للاحلام  والامنيات .. والتوق  لتجربة معنى الحب ....

وغفت عيوني  مودعه السهر

وعيت  مع بقية العلويات الفجر ...

نلبي  .. ااذان الفجر ..
نزلنا  للصلاه.. وبالمطبخ شهدنا
معركه تحدي ارادات بين باجي سهام  ونرجس الكملت الشهر الثالث ..  وزنها ينطيها حجم اكبر
وملامحها اصبحت واضحه ان هي طفله  سمينه  والسبب الوراثه  فملامحها  تشبه الملا بكول تفاصيلها وحتى اديها واصابعها الشحميه  تذكرنا بادين الملا ..

واخذنا دقايق حتى نعرف سبب
بجيها ..

من شفت باجي  تحاول تجبرها ترضع من صدرها. وراحت فاطمه تعد المميه
( يوم انطيها المميه .. خطيه ماتت من البجي )
هدر صوتها بعصبيه
( عناد وياها الا تاخذ صدري )
وطبعت على  خدود نرجس البارزه  صفعات خفيفه  زادت بصراخها
وجعلت فاطمه تنهزم  واحنا نتبعها .. بنفس الانهزام
وماافتهمنا سبب اصرار باجي  على ان نرجس ترضع صدرها ...