#للجميلات_حصراً

#للجميلات_حصرا ٥١

#للجميلات_حصراً ٥١
#زينب_الموسوي

تكمله النهايه

السلام عليكم
كملت البارحه ونزلته

—————————

فتحت الرسائل وركزت على انفعالات وجهها ظمت حلگها بايدها .. وصوت بكاء ( مستحيل لا لا مستحيل )
( شكو نور من داز الرسايل فهميني )
مترد بس تبجي .. واني احاول اخذ التلفون وهي ترفض ضامته بايدها البعيده عني .. وتبجي
طبگت باركنگ لزمت اكتافها ودرت وجهها عليه هي لحظات لو اخسرها بسبب رسائل لو تصدگني وترد كيد ابرار
( نور اعرف منو ديراسل .. ابرار بنيه خبيثه حقيره .. انطيني التلفون
وابلغ الشرطه عليها .. وهناك يثبتون براءتي .. والله ماعندي شي اخاف منه . هي السبب بعدنا سنه ونص رادتني احبها گوه .. واصدقائها تحدوني احضرج .. وحضرتج.. نور اني لو واحد مستهتر وخاين ليش متمسك بيج واحبج .. لاتگوليلي
لان انتي عراقيه واقارب وعذراء
العراقيات الشريفات ماليات الدنيا .. فكري بعقلج الله يخليج لان تعبت .. ) فلتت نفسها من اديه القابضتها بقوه .. واني منهار .. حركت السياره ..
( خلص اروح للشرطه وهمه يوگفوها عد حدها .. يوم الاسود العرفتها بيه .. )

انطتني التلفون فتحت الرسائل

لساني ثگل واني اشوف الصور
( شنو هذي منو هذا وهاي صورج وياه )
صرخت بيها( احجي منو هذا )

فاتت تراك كبيره هان عليه اسرع بالسياره واضرب الاتراك ونموت اني وياها .. الصور خلتني عاجز حتى عن ضربها
صورتها بدله سوده بلا ردن شعرها مفتوح وبيدها بطل ومدنكه على رجال تبوسه جالس على كرسي وكاتبين ( هذي خطبيتك الدكتوره المحترمه )

بقت ضامه وجهها بين اديها
وگفت السياره .. وخرت اديها حيل عن وجهها ( باعي زين هاي انتي بلا حجاب وملابس سخيفه .. وهذا اللابس قاط منو لازم ايدج )
( ماادري منو ماادري هذي الصور منو ماخذها ..)
( نور لايمكن اصدك هذي صور بملهى .. وين احجي خبلتيني )

سحبتها من حجابها صرخت ( ديار هذي صور كذب مفبركه )
( لج يامفبركه .. هذي انتي وهذا گاعد على كرسي وانتي دتبوسيه
اعمى اني مااشوف .. سنين اركض وراج .. واني الخايف على سمعتي وانتي هذي تصرفاتج ..
منو يلومني اذا اذبحج هسه .. لج ليش تعب امج وسمعة اخواتج .. تضيعيها ليش )

شلت ايدي اريد اضربها .. دفعت ايدي .. وهي تضحك
( لحظه انتظر .. )
عقلي غادرني وبلا ذرة ادراك اراقب طلعت موبايلها ..
خلته امامي ( هذي الصوره ) وضحكت ( هذي صوره منى بقاط نسائي .. وبغرفتنا خلينا كره الضوء ودنگت عليها حتى الملامح متبين .. وبطل قاصر مصبوغ .. والحساب سوينا اني ومنى وهدى صورت )
استمرت تضحك .. وبحالة التصديق من عدهم ادقق الصوره بموبايلي ومبايلها
مجرد ضايفه فلتر بلونات ونفاخ
مسحت گصتي من العرگ
ورجعت راسي للكرسي گلبي ينبض بلا انتظام .. وعيوني تلهب غضب .. اخذت موبايلي ومسحت الصوره ( لاتروح تموت وصورتي بموبايلك ) وبسخريه فهمتني سبب تصرفها
( سلامتك .. خو ما تاذيت ..
وان شاء الله حسيت احساسي
من شفت صورك .. وعرفت ليش اكره الخيانه .. )
( فظيع السويتيه .. كان ممكن تحجين عن المج وتفهميني بطريقه احسن من هالرعب )
( حتى تخلي ابالك احساس الخيانه .. والذل والاستغلال )