السلام عليكم احبابي
#للجميلات_حصراً ٢٤
#زينب_الموسويندى
كثرت الاعتذارات والحجج ..
وفقدت معناها .. صارت كلمات يگولها حتى ابقى وياه وتستمر اهاناته ... وكلمة اسف غير قابله للرفض ..، مجرد يگولها عليه انسى واتغاضى واواصل الحياة بدون حتى عتاب... رجعت لشقتي بعد عشرين يوم قضيتها عند شذر
دارتني ... وسهرت ويايه
جهاد مااتركنا. ويوفر. كل احتياجاتي واحتياجات الطفله ... وبتشجيع منه شذر اخذت اجازة السوق
بهذي الايام زادت الالام رجليه
وبصعوبه يمشي عليهاعمليته اصبحت ضروره ملحه ...
والاطباء نصحوا يجريها في ولاية كليفورنيا بمستشفى
فيه اطباء مختصين لعمليات الاطراف المحروقه ...
وقدم فحوصات للحكومه حتى
تنظر بامره بخصوص تغطية العلاج ....
مر شهر على ولادتي .. هوه بلا عمل وينتظر رد الحكومه .. ومع استلام البريد كل يوم يبحث عن الرد ويفتح الرسائل
باستعجال .. ويخيب امله
تتحول الشقه ل ارض معركه
ويظل يدور. اي سبب يتعارك ويطلع من البيت
ومر الشهر الثاني اعاني الم العمليه .. وسهر الطفله .. والرضاعه .. وعصبيتهوبعد الشهريين وصل رد التامين بالموافقه على عمليات لرجله فقط
ول اول مره اشوفه متألم على رفضهم عمليات التجميل ...
وهوه يجمع اوراقه وفحوصاته ويستعد للسفر: جهاد لاتضوج المهم رجليك
وبعدها الله يفرجها
اخذ نور من حضني وهوه يتلمس وجهها الناعم
: مااريد نور تكبر وتشوفني بهذا الوجه
: هسه الي يسمعك يگول نور. راح تكبر باجر .. بعد ورايه سهر ومدارات وتعب
رجعها الحضني ... وافترش الارض يمي وحجينا: اذا متريدين تروحين ويايه براحتج وماالومج
ديري بالج عليها واني اتصل بيكميتصور قساوته راح تخليني اتركه لوحده بمحنة المرض والعمليات ومحيت هالتصور باصراري اكون وياه
: شنو .. ليش ناوي تسافر لوحدك ؟... ومنو يداريك ؟
باوعني كانما ممتوقع اروح وياه
: شبيك تباوعني ... تريدني ابقى اهنا. وانت بين عمليات
وزراعه اعصاب وعضلات ..، شعندي اهنا ؟رجع يكمل تجهيز ملابسه ندمان او خجلان
علي كل الي سواه ويايه
انطيته نور وصرت احضر جنطته: ماادري شگلج وحتى لو اعتذر ميفيد .. اني داخلي حاس بالتقصير. وياج ... وهذا. موقفج خلاني استصغر روحي
: مهما صار بينا هذي خلافات تزول. .. وتروح ... وهذا مو وقت تصفية حسابات .. ونور محتاجتنا اثنينا راح تكبر بمجتمع غربي وابتعادنا يؤثر عليها وعلى تربيتها
أنت تقرأ
#للجميلات_حصراً
Romanceقصه اجتماعيه .. تدور احداثها بين بغداد عمان دنفر حقيقيه لنساء يروين تجاربهم مع الحظ والنصيب