#للجميلات_حصراً

للجميلات_حصراً ٢٧

السلام عليكم
متابعه حلوه  ان شاء الله
🦋🦋🦋🦋🦋🦋🦋🦋

#للجميلات_حصراً   ٢٧
#زينب_الموسوي

شذر
فتحت الباب ... نزل من السياره
رجال وامراءه  من ملامحها  امريكيه ... دخلوا للشقه
سالوني
: وين الطلب
اني مرتبته بعلب فلين واكياس
اشرتلهم هذا
فتحه  امامي وسالني
: انتي طبختيه
: نعم اني

نظرات مريبه واسئله مريبه اكثر
تفحص بعيونه كل جهه بالشقه
الاثاث البردات  الميز الي عليه التلفزيون  ورجع بنظره عليه
وسالني
: وانتي دائما تطبخين وتبعين

خفت منه ومن زوجته الي بايدها  حاكيه  رديت على سؤاله

: اي ليش هالاسئله

: لا العفو. موقصدي

طلع دفتر شيكات يكتبلي شيك
: مااخذ شيك اني
رجع الدفتر  وطلع كردت
: تحبين كردت

: لا كاش فقط

طلع الفلوس عدها وانطانيها
اخذتهم منه خليتهم بجيبي
خلى الاكل بمكانه. واندار وجه بوجه عني
: سيده شذر انتي متهمه بالعمل
بدون دفع ضرائب .،، واخفاء دخل يومي يقدر اكثر من ١٠٠ دولار والاحتيال على مساعدات الحكومه

تحدث بالعربي مع ذلك من الصدمه والخوف ماافتهمت اذاني انسدت وريگي نشف

: متهمه شنو  ياعمل اني اخبز واطبخ حتى اساعد نفسي المساعدات متكفيني

المراءه  اقتربت وخلت القيود بايدي
وبرزت هويتها اليه

: الافضل متحجين لان يعتبر دليل ضدج بالمحكمه

: يامحكمه الله يخليكم   .. اطفالي منو يوصلهم للبيت ... تعودوا اني اوصلهم
الله يخليك بس اتصل بجارتي

مااسمع ولاكلمه وطلعتني البنيه  .. مقيده اديه ... والجوارين تباوع من البلكونات ... وصوتي من البجي والتوسل  .. لمى الناس بكراج السيارات ... سدوا باب السياره
وصعدوا بالامام ... ويتحدثون انگليزي ... وبالجهاز انطوا خبر
ان المشتبه بيها  في طريقها لمركز الشرطه ... اسمع كلمة متهمه وماصدكه ومامستوعبه  الي يصير ... اني  اصير متهمه .. وشسويت كم خبزه بعتها اعيش جهالي ..، كل العرب يشتغلون كاش ويقبضون مساعدات مو بس العرب كل المهاجرين يتبعون هالشي لان مساعدات الدوله متكفي
بجيت بالسياره بگد كل القهر الشفته من يوم وعيت للدنيا
ماعندي حظ ..، وتاليتي سجن
اطفالي شنو مصيرهم ..، واخويه واهلي من يدرون شگلهم ليش انسجنت
الحسبات زادت  وكثرت
وصلت للمركز  وگعدوني امام ضابط شوفته  نستني اسمي من الخوف .. ارجف بعز  الحر
اصلع احمر  طويل ضخم
حجى ويايه  مااعرف شنو يكول
وشيريد مني ... ظليت ابجي گدامه  وهوه يبحث عن مترجم يساعدني ... ومن كثرة مابجيت
ظل يصيح عليه Shut up
استدعوا مترجم لمن وصل طلع يعرفني ومن زبايني الي يشترون مني
اتصورته هو المخبر عليه
گعد يمي وهو يگلي
: اهدي اختي  حتى نفتهم شنو الموضوع
: الموضوع ليش انت ماتدري لعد منو مخبر عليه ابيع خبز بالبيت
هز راسه اسف وگال (استغفر الله  الناس تملك شركات وتستلم مساعدات. اجوي عليج انتي )