#للجميلات_حصراً

#للجميلات_حصراً ١٦

السلام عليكم
اليوم  النشر  تقدم   ل اسباب
خاصه
التفاعل البارحه كان مشجع
ياريت يستمر
والمفاجاءه اليوم بارتين

#للجميلات_حصراً ١٦
#زينب_الموسوي

هذا الجزء  نلخص حياة شذر 

بليل  ... وعتمه ... وخوف  ..
وصلنا  لشركة نقل  بقينا  برى المكتب
دخل نجيب يحجز
ورغد رايحه جايه من القلق
وتدعي .. يارب يلگه حجز  .. ياالاهي  توبه  .. يارب نجينا
خوفها زادني شجاعه وبدل اضطرابي لقوه
وايمان ان ربنا  ميتخلى عن عبده مهما  كان عاصي
والا ماترك باب التوبه مفتوح   ..
طلع  نجيب واشرلنا 
وهوه يمشي بهمه  ويشيل الجنط
:يله  بسرعه  تحركن ..
طلعنا من بغداد بسياره   بيضه
نجيب اخذ  مكان بجانب السايق
واني ورغد للخلف
حجزنا السياره كلها  حتى نرتاح بالطريق لان رغد حامل .. واني مريضه

فتحت عيوني على ليل بغداد ..
وفتحت الزجاجه وتنفست هواها  .. ودعت حياتي اهنا
ومتامله بحياة احسن ...
ظليت اباوع .. بلهفه  للشوارع والساحات .. صح ماشايفه هالشوارع ولاحتى عندي ذكرى بيها ..
حسيت فقدت  غالي ... فقدت الاهل  وفقدت الوطن
رفعت عيني للسمى .. وگلت
(يارب )
الخوف ينطق بعيون.  نجيب ورغد . اثنينهم
. ممكن ينوصف   حالهم  بالرعب  كل منقترب من الحدود وبقى بس اللسان  يردد ادعيه وايات  ورغد .. من خوفها
ماسكه بطرف عبايتي ،.،
: ادعيلنا شذر  الله ينجينا
اندار عليها نجيب وخزرها حتى تسكت  ... سكتنا اثنينا حتى نستمع لحديث نجيب وهوه يحاول يتقصى الوضع على الحدود
: حجي  هم اكو تدقيق بالحدود
: الحدود العراقيه  تدقيق فضيع 
ومرات  الضباط الشباب مايهتمون يختمون الجوازات راسا  بلا سؤال وجواب
والحدود الاردنيه اهناك يعرفوني وينتظروني

: ليش ينتظرونك  ؟
: ابيع عليهم  چمى  ( كما نوع من الفطر )    والضباط الاردنيين
يشترون مني قماصل جلد عراقيه  سعرها غالي اهناك وكشخه

: وانت هسه جايب وياك  جما وقماصل
:اي بالجنطه 
بس كون ربك يسهلها
ومن نوصل. انطيكم كل واحد قمصله يلبسها .. حتى تعبروها وياكم

فقد اعصابه نجيب ورفع صوته
: عمي هو احنا ناقصين. مصايب
: يامصايب عمي شبيكم
: اقصد اني مبتلي  بالعندي  وحده حامل وحده مريضه
حجي شوف غيرنا يلبس القماصل  مالتك
سكتوا شويه .. طلعت لفات امي مسويتهن. وانطيتهم
اخذوا الا نجيب ..، حتى ايديه ترجف ... واني. اخذت علاجي
ورغد تاكل  وتدعي

ورجع نجيب يسال  السايق
: كم ساعه بعد ونوصل

: ان شاء الله ٣ ساعات نوصل طريبيل
وظل نجيب كل شويه يسال السايق بمحاوله منه لتطمين نفسه 
وصلنا للحدود ... الصبح طلع 
باول شروق شمس ...
السيارات توقفت على جانب للتفتيش  ونزلنا. من السياره
ومن وضع المفتشين على السيارات  واضح في اتفاقات بين الضباط والسواق ... يعني يسمحولهم بتهريب  اشياء بسيطه  مقابل ربح مشترك
مثل ( تمر .. بطانيات .، ادويه ..، جلود )
دخلنا تلاثتنا للقاعه. نجيب  ويايه
قدم جوازي  وجوازه ... وامام الضابط  رفع  صوته بالحديث ويايه  وانطه انطباع  ان خايف عليه
(روحي ارتاحي شذر  مابقى شي ان شاء الله  وترتاحين من المرض )
حتى يستعطف الضابط  .. الضابط  الشاب  وضعيف مثل حالي باوعني بعطف  .. ونظر بعين نجيب
وكانه يحاسبه على زواجه من وحده مثل حالي )
وسأله 
: المهنه  مفوض شرطه
: بلي سيدي وهذي اجازتي ودافع كفاله ... اريد اوصل زوجتي لعمان تتعالج  مريضه