#للجميلات_حصراً

#للجميلات_حصراُ٧

السلام عليكم
هذا البارت للجميلات .. الي يشربن جاي العصريه في امريكا وكندا ودول امريكا الجنوبيه
والسهرانات في العراق واستراليا
تستاهلون غوالي
🌹🌹🌹🌹🌹🌹🌹

#للجميلات_حصراً.  ٧
#زينب_الموسوي
السابع

رغد

جملة انقلبت حياتي جذريا ..، واصبحت تجسيد لجهنم ... لايمكن توفي الي اعيشه مع  لطيف  .،،، اغراني المنصب ... والجاه والسلطه الي ماجربتها من قبل
وحسبتها مغامره  ممتعه  تنضاف لمغامراتي الي لاتنعد ولاتحصى ..، لكن الي ينتظرني كان اكبر  من كلمة مغامره ..،
اقل مااقول عنها رحله لجهنم

وصلنا اني وياه لبيتي الساعه ١١ بالليل فتحت الباب بالمفتاح ... ودخلت هوه تاخر لان فتح جنطة السياره الخلفيه
دخلت للمطبخ على السريع لميت المواعين المشموره بكل مكان ..خليتهم بالسنك ..،
وركض شلت ملابسي المنتشره بكل ركن ..،، دخلت لغرفتي  ... عدلت السرير وعدلت الشرشف الي عليه ... نزعت ملابسي
وكل هذا واني اركض بايد الملابس الي نزعتها والايد الثانيه الحذاء شمرتهم بالكنتور وگفت اختار ملابس تليق بالمقدم .،، صفنت على الثياب صار فتره ممشتريه جديد ... حسب اوامر نجيب الي رادني اجرب حياة الزوجه الي تحافظ على فلوس زوجها
گلبت الملابس المعلگه بسرعه بسرعه .،، وگع اختياري على قميص نوم قصير  اسود مفتوح الصدر ماعدا حمالات ريش حمره ... ارتديته بثواني مع شحاطه  بگعب رفيع سوده
وفتحت شعري ... وجددت المكياج ..، ورشيت العطر  الخاص بيه .. وهوه خلطه سريه من عدة عطور  اخذتها من صديقتي   ... هالعطر  سلاحي السري الاضافي الي اسلحة الجمال الانثوي الثاير الي امتلكه ..، واسلحتي مافد يوم خيبت ضني
طلعت لگيت لطيف  ماخذ راحته بالبيت متمدده على القنفه ويتابع اخبار
تمشيت امامه ... نزل رجليه للارض ..، وحمم لهيب نظراته اخترقت  قطعة القماش الشفاف الي تغطي جسدي ...
اشرلي بايده ان اركع تحت رجليه ... واعصرهم
ماتعودت هالاسلوب ويه اي رجال مر بحياتي ... ونفذت خوف منه ... گعدت تحت رجليه
واني ادلكهم اله
انتبهت على الطاوله امامه كيس نايلون اسود كبير يستخدم للقامه
: شنو هذا  الكيس

بصوت يختلف عن الي سمعته بالمكتب والسياره ... صوت مخيف وضحكه  مجرمه رد عليه

: بعدين تعرفيه  

ميلت راسي على اعلى رجليه وبكل اساليب الدلال الي اتبعه
جاوبته

: اكيد هديه  ... شلون عرفت احب الهدايا

مديت ايدي حتى افتح الكيس
قبل لا توصل اصابعي جرني من شعري قوي ورفع راسي عن رجليه

: اسمعي ولج. اني  مو مثل المخانيث الي عرفتيهم بحياتج العار .،، تمشين على شوري وتصيرين مثل مااريد
من هاللحظه كلشي بيج ملكي حتى عمرج ..، اخذه بطلقه وحده ... واذبج  بزبالة  السجن
حالج حال اي كلب مسجون عندي
عيوني جمدت عن الحركه ... وشعري احسه انشلع ورگبتي تشجنجت ... لساني انخرس
صرخ بيه وهوه يهز راسي وشعري بايده
: افتهمتي
افتهمت افتهمت