#للجميلات_حصراً

#للجميلات_حصرا ١٢

السلام عليكم
اسفه على التاخير ...
ظروف العمل

#للجميلات_حصراً١٢
#زينب_الموسوي

شذر 
ظليت انتظر يطلع من الحمام
ويشوفني ... صح خايفه ... والي لابسته ممناسبني  ولا هذا  طبعي ... والملابس احسها
خفيفه زياده عن اللزوم ...
بس الصور الي شفتها بالالبوم ... البنات بيها لابسات افضع من لبسي ... واني زوجته
ضحكت بداخلي  ... زوجته !
هوه فهمني  ... ميريدني ... واني مااحب احد يتفرج على حالي
نهضت بسرعه .. حتى اغير ملابسي ..، بعد مااتاكدت الي اسويه  اخبال ...
فتحت الكنتور ..، وهوه فتح الباب ..، المنشف على راسه وينشف بشعره
رفع راسه شافني ... تخبيت بالكنتور  .. وهو يضحك .، لدرجه
انهزت جدران گلبي ..
بقيت خاتله خلف باب الكنتور
وهوه يضحك
: اطلعي داشوفج
: مااگدر اطلع .. جنت اريد اجربه مو قصدي تشوفني بيه
: بلا هالكلاوات اطلعي لااسد الكنتور عليج واقفله وتموتين

مع تهديده وضحك الماعرف سببه .. مااگدرت اتحرك
مد ايده وسحبني ...
(: دتعالي لج .. ليش خاتله
شتريدين اگلج ... الي لابسته حلو .. بس ناقصه  ... جسم بنيه بعمر ١٦  سنه ... المفروض ماليته
ابو الدكم هذي الملابس الي تلبسها  هدفها تثير  الرغبه .. اما انتي فبيها تثيرين الشفقه
والله هسه من شفتج  راح ابجي على حالج
ليش متاكلين ... لج البنات بعمرج. ياكلن الاخضر واليابس
شبيج انتي )

عطلت  حاسه السمع عندي ... سمعت بما فيه الكفايه  ... وهو مستمر  يسالني عن الاكل ... وگعت دموعي ... ومسحتهم راسا ... دنگت على گصتي وباسها  .. وانتبهت على اخر جمله
: اريدج تاكلين

: ان شاء الله  منا وجاي اكل
من رخصتك اريد ابدل ملابسي

انزاح   عني ... واني اطلع دشداشه قديفه .. هوه طفى الگلوب  ... حتى ميشوفني
اخذت الدشداشه الي نزعتها قبل شويه واني البس هوه يحجي وياي

: گعديني باجر بالسبعه عندي دوام ... اجازتي خلصت

: ان شاء الله 

: قبل لاتنامين  اكلي البسكت كله
وتعالي نامي على السرير
الارض بارده عليج .. اخاف تتمرضين

: لا  اهنا مرتاحه
: لاتخليني اصيح عليج واضربج من اگول حجايه تسمعيها

: حاضر

اخذت المخده والبطانيه ... ودخلت بالسرير .. بطرفه

تحسر  واندار بنومته ..، وجه  للاعلى  .. وبلا مقدمات سولف عن نفسه

: تدرين شذر  .. اني احب وحده
ومحتاره شاسووي وياها
مااگدر اتزوجها .،، لان ماضيها اقذر  من المجاري ... وماعندي ثقه بيها ... اريد اتخلص منها وگلبي يريدها يحبها
والمصيبه الي خلتني بيها ... اذا
انكشفت اثنينا نروح اعدام

فزيت من النوم

: اعدام ليش شمسوي .. واخواتك  وامك  ومعين منو الهن