#للجميلات_حصراً

#للجميلات_حصراً ٤٥

السلام عليكم

🌹🌹🌹🌹🌹🌹🌹🌹🌹🌹🌹🌹🌹🌹🌹🌹

#للجميلات_حصراً  ٤٥
#زينب_الموسوي

ديار
احيانا  يغرقنا الحزن حتى نعتاد عليه .. وننسى في الحياة اشياء كثيره يمكن ان تسعدنا .. ومنها وجوه افتقدناها واحببناها
يمكن برؤيتها  تضيء ظلام ليالينا كشمعه

خلصت امتحانات النهائيه .. مع موعد تخرج نور ..وحنين
وشوقي لرؤية وجه امي واخواني
هالسببين كانوا  وراء زيارتي غير المعلنه لدنفر ..
واعظم فرحة  عمت الجميع
خاصه ماما ..
مجرد رميت حقيبتي .. اخذتني وگفتني امامها .. تتفقد وجهي وشعري جسمي
وانهت  التفتيش بعباره ( متغير
ضعفان ذبلان )
وعمو عزيز يضحك عليها ويكلها
( قيسي طوله شوفيه اخاف گصران )
مااهتمت لانتقاده واجلستني على كرسي ..
وتردد عبارات الترحيب
( هلا بيك يمه ردت روحي بشوفتك )
وتبعها تفريغ الثلاجه في اطباق وضعها امامي
شفت ميثم وسلمت عليه ...
وطلعنا اني وياه في السياره
وبدا شكواه من حنين وتصرفاتها
وعبر عنها ( محسستني اذنب لان اتزوجتها  وحملت )
وفهمته بهدوء  وبقصد تخفيف
عنه ( ميثم حنين طفله مافي شك حبتك .. وبعد الزواج اكتشفت الزواج اكبر  باعبائه مماتتصور .. ولاتنسى حامل
يعني لازم تتحمل )

وگف السياره امام محل عربي
وبقينا بالسياره ورد عليه
( متحمل وساكت )
باوعني بطرف عينه
( انزل )  وابتسم ابديت استغرابي 
( انزل شوف الجاي علمودها )
زاد استغرابي
( منو قصدك ) ؟
ضحك حيل
( نور  تشتغل جوى  انزل شوفها
تتصور مااعرف جاي تحضر تخرجها )
فزعت من معرفته هالسر
: شلون عرفت 
ماجاوب فتح الباب وطلع قبلي
وصل يم الباب للمحل واندار
( تنزل لو لا )
نزلت بعده .. فتح هو الباب ودخل
نور خلف الكاشير تحاسب رجال
سلمنا عليها
( هلووو نور )
كلمة( هلوووو) صدرت منها بدون انفعالات او تعابير
مجرد رفعت عينه اقل من ثانيه شافتنا ورجعت تعبي الاغراض بالاكياس
افتريت اني وياه بين رفوف المحل صغير  وحتى زباينه قليله

حجينا همس وميثم اليحجي
( الله يساعدك عليها  حتى شلونك مگالت )
خفت صوتنا ينسمع
( ميثم اخذ اي شي واطلع بسرعه لاتحس علينا )

( وخلي تحس بعد احسن )
صار يخلي اغراض بالسله

واخذها للكاشير تحاسبه واني خلفه
اقتربنا منها  وهو يوصيني
( لاتظل ساكت احجي وياها )
واني ادفعه وهو يدفعني
ونور عينها بكتاب تقراه .. ( شنو تقرا  وبعد يومين تتخرج )
وضع السله على كاونتر امامها
وبدت تاخذ الحاجات وتمررهن امام جهاز
وميثم  أيس مني احجي هو حجى

: نور انطينا تخفيضات لخاطر ديار جاي من سفر يحضر تخرجج
مستمره تعبي الاغراض وردت

: المحل مو اليه مو بكيفي انطي تخفيضات