#للجميلات_حصراً

#للجميلات_حصراً ١٤

السلام عليكم وجمعه مباركه
اشكر  الصديقه العزيزه
🌺الزهره الجميله 🌺

على التصميم الغلاف الرائع 

🌺🌺🌺🌺🌺🌺🌺

#للجميلات_حصراً  ١٤
#زينب_الموسوي

نجيب

وقفت ثواني  اتاكد من الصوت
وتاكدت
صوت رغد ...
تكول ل امي
: حجيه داخله عليج استريني
رفعت البرده  مدنگه
تبوس بايد امي ... وامي متعرف شتسووي خايفه الجيران تسمع
او تشوف  هالنموذج الي دخل لبيتنا ... رغم لابسه عبايه بس شعرها
اصفر طالع ..، والحمره تارسه وجهه

فكرت بشي واحد هوه اخواتي ميسمعن. حديثها. لان اعرف شراح تگول

وركضت على ابواب الهول سديتها وهنه متجمعات باب المطبخ .. وبنبرة تهديد صحت بيهن

: الي توصل لباب الهول اذبحها
كلمن تروح على شغلها

امي دخلت مع رغد الي تسكب دموع التماسيح شافتني
علت صوتها

: خاله  فدوه اروحلج  بداعة بناتج
كوليله يسترني  ..

امي مستغربه وتباوعني
: انتي منو. وشنو قصتج

: خاله اني رغد .. نجيب يعرفني
وحامل منه. صاراشهريين  وميقبل يعترف يگلي مو ابني .. خاله اهلي يذبحوني  اذا عرفوا

سالتها امي بخوف ..،
: اهلج  وينهم يمه ؟.. فوتي فوتي نتفاهم

ركضت  سديت حلگ رغد وسحبتها للهول وامي بين الصدمه والخوف
رگعت راسها بالكرويته
: بنت الكلب منين اندليتي البيت

: امي سحبتني منها وهيه تصرخ
: خاله فدوه خليه يذبحني خليه يموتني .. شگل ل اهلي
دفعت امي بعيد مااريدها تتاذى
ورفستها بخاصرتها
: يااهلج حيوانه انتي عندج اهل

صرخت بعلو صوتها  من اثر صرخاتها   دخل معين
وسهير .. وصارت فريسه بين اديهم
اول ضربه كانت من نصيب سهير وجههتا لبطنها  ومعين
خنگها بالعبايه

ويصيح عليها 

: اسكتي فضحتينا ...
نجيب منو هاي شبيهه

كيف اجاوب على هيج سؤال
اكول. عشيقتي .. وبنت ليل وحامل مني سفاح
واشتركت بجريمه قتل وياها

سكتت وتوقف ضربها بامر مني  وبحسره طلبت منهم يطلعون ويتركوني وياها ..

نظراتهم  وهمه يطلعون  رسمت  خيبة امل  واحتقار واستصغار 
امي
ماانطقت ولاكلمه ...
غير گامت من الارض   ...
وگالتلي  بگلب مكسور ... وصوت ضايع

: استر عليها وعلى ابنك ... انت عندك. اخوات

سكتت 
اذا احجي وافضفض. ...تتطشر
الاسرار  واهليه
واذا اسكت.  معناها رضيت  بالفرضته عليه  رغد
خططت وعرفت نقطة ضعفي امي واخواتي