#للجميلات_حصراً

#للجميلات_حصراً ٣٤

السلام عليكم
🌺🌺🌺🌺🌺🌺🌺

#للجميلات_حصراً  ٣٤
#زينب_الموسوي

شذر

الجانب المهمل .. الركن المهجور .. البشر المنسي .. الي كان يمثلني  بكل سنين عمري

على غفله  تركته خلف ضهري
ونويت بعزيمه ابني شذر جديده  ..

سديت التلفون من نجيب ...وباراده  ثابته جاوبت اتصال عزيز

بغرفتي  مع اطفالي وبصوت خافت

: هلا  عزيز

:شلونج شذره

: شلونك انت

: اخاف نايمه وگعدتج 
: بصراحه كنت افكر بالنوم  وداحجي ناصي. لان الصوت مسموع.

:زين  راح اختصر 

وبدل ميختصر  سمعت  حديث طويل يبتدي  باتصاله بامه وبسعادته بزواجنا الموعود

:اتصلت اليوم بامي وبشرتها گتلها راح اتزوج عراقيه

: اي واكيد صاحت يبووو وسدت الخط

انطلقت ضحكته بصوت عالي
واكد عليه بكلمه

: اسمعي وانتي ساكته بعدين صنفي

سكتت اسمع

( گالتلي اوصفها )

(الوصف بالماضي  عندي   مجرد احد يطريه عليه يقلقني سكتت حسب طلبه واسترسل بوصفي ؛

: گتلها يمه البنيه تشبه العراق
طيبه وحنونه كريمه وقويه
عيونها  راحه  ...    وعطرها  بخور
وحسها  ( صوتها ) 
اغاني العيد
وسنابل الحنطه ملگاها
تفرح  من يصد عليها الجاي   

سمعت وصفه البسيط وكل كلمه كانت تعنيني وحسيتها
وزاد يقيني  .. برغبتي باكمال  حياتي  وياه بساطته
وصدقه
وخايفه اولادي يدفعون الثمن
اعرف بيه واعي وراح يفهمني وحجيتله عن خوفي

: عزيز  راح اكون صريحه وياك نجيب اتصل قبل دقايق
ويريدني ارجع لخاطر جهالي
قبل لاتتعصب افهمني
اني اكثر وحده تعرف شنو نجيب وليش يريدني
يريد انسانه طيبه تربي اولاده
بالوقت الي هوه يتمتع بالملذات
وبلا مااحاسبه وازعجه بحقوق واجبات راح يسكتني  بكم دولار بدل مينطيها لمربيه ينطينيها

: اذا تعرفين  كل هذا وين المشكله

: المشكله اني اريدك واريد اولادي واريد ابني ذاتي  مااريد اطلع من عصمة رجال ضالم
وادخل عصمة رجال طيب

توقف  كلامه .. وطلبت منه يجاوبني .. هدر  صوته بالوعود

: واذا هالرجال مستعد  يوگف بطهرج ويسندج  بكل خطوه وكل عثره

اني ادرى الناس بوعوده صادقه

: ادري بيك متقصر واكبر دليل وگفتك بسجني
لذلك اشوفك  انسان ميتعوض بحياتي
وجوده ويايه نصر اكيد اليه