#للجميلات_حصراً

#للجميلات_حصرا ٢٢

السلام عليكم
تاخير اخر  واعتذار اخر
#للجميلات_حصراً   ٢٢
#زينب_الموسوي

جهاد
تمضي الايام. ..، وتتركني بشتات اكثر ... وضياع ...
رغم  حاليا حالتي الماديه احسن
واصبحت  اوفر   بحساب البنك
وصارت الماده متشكل مشكله عندي ... المشكله حياتي بلا عاطفه ..، زواج بلا مشاعر ..،
كل تصرفاتنا بحق بعض خطا
ويمكن اكون اني البادي بالخطا
لكن هيه ايضا متعرف السماح ...  متراعي حاجتي للرأفه .،، والحنان ...
وبعد الخطا الي ارتبكبته  واتهامي الها بالحمل
اغلقت كل منافذ ممكن توصلنا
للحب .. عايشه ويايه بلا كلام فقط الحاجه  الضروريه ...
تلبي  حاجاتي كلها بدون نقاش ..
مستسلمه كانها اسيره عندي
افتقد خوفها حبها قلقها عليه
من اكون بالطريق السفر ... ونتوقف بمحطه  اسمع مكالمة
عزيز  وجودي  وهيه تساله عن ادق التفاصيل
اما اتصالي اني وياها فيقتصر
على السلام .، حتى متسالني شوكت ترجع
هل يعقل ان كل هذا بسبب
تصرفي اول ليلة بزواجنا ؟!

وزاد همي   حياة شذر  مع نجيب
نجيب  تغييرت كل طباعه ..،
كل تصرفاته .. وكل همه الطلعات .. والسهر ...
ورغد .. مشغوله بطلعات والجم والتسوق .. وانلمت   على مجموعه من النساء  ... نفس طبعها  ...
معظم العوائل العراقيه والعربيه ابتعدت عنهم .،،
وشذر  عايشه  شبه وحيده .. مع ان هيه متشكي بس احس بيها

رجعت من السفر.  رجليه وارمه لدرجة من ادوس عليها احسها
تتفجر
ندى  موجوده  بالشقه واكتفت بالسلام من بعيد  بكلمة  ( هلووو)  وهيه منهمكه باعمال البيت ..
ورديت عليها  بكلمة ( هلووو)
نزعت حذائي وسط الصاله ..،
واجتي بسرعه شالته ... بلا متنظر ولاتگلي شبيك ... واني اصيح اه .. وهيه كل همه منظر
وجود الحذاء لايخرب منظر الصاله
استوقفتها  .. بسؤال

: مايهمج تعرفيني شبيه ...؟
ماتعرفين تساليني  شبيك .. ؟ كلمة  سلامتك
والله لو تگوليها  تشيلين عني نص الوجع

التفت  عليه بكبرياء .. مغطي تعب الحمل وردت بسوال

: وجعي اني منو يشيله ؟

مديتلها ايدي

: انطيني ايدج واگعدي اشكي  اسمعج .. لحد ترتاحين .. وبعدها اسمعيني

گعدت يمي .. بلا رغبه بالكلام
: فات اوان الشكوى  خليها سكته احسن
: طيب  نفتح صفحه جديده اذا مو لخاطرنا الخاطر الطفل الجاي

باوعت رجليه  .. واختارت تكسر الحديث بينا  وتغير الحديث

: ليش متروح لدكتور  ... حالتك مينسكت عنها

: اخر مره  الدكتور گلي محتاج عمليه .. لرجليه

: عمليه شنو  ياستار

:في اورده  واعصاب  لازم تستبدل
: وشمنتظر  متسويها
: منتظر انتي تجيبن  لان بعد العمليه احتاج احد يعتني بيه عاى الاقل تلث اشهر  .. والعمليه بولاية ثانيه ... بكليفورنيا  المستشفى المختص  بحوادث الحروق