#للجميلات_حصراً

#للجميلات_حصراً ١٣

السلام عليكم
حبايب ...
Happy valentines day

احبابي عندي رجاء بسيط
هو عدم الالحاح عليه بكشف اسرار الجريمه الان .. لان هالشي
راح يستمر للبارتات الاخيره
الجريمه بيها احداث منكشفت لحد الان ..، ولو تنتبهون على كلام رغد بالسابق راح تكتشفون خيط
وشي ثاني الجريمه اني كتبتها على لسان رغد لغايه تعرفوها بعدين
#للجميلات_حصراً  ١٣

#زينب_الموسوي

ندى في منطقة سيل العين. التابعه للعاصمه عمان
استاجرنا بيت   من امراءه اردنيه اسمها ام فراس ...
البيت يكون باعلى جبل. وبجانبه درج يودي لبيت ام فراس ...
بيتنا  يحتوي غرفتين نوم. وحمام ومطبخ ...
واطلاله على جبل اسمه جبل النظيف ..، وتقريبا موقعه  في وسط المدينه  ... وجو عمان حلو  وبارد بالليل  .. واسواقها رخيصه بالنسبه للي عنده  فلوس ... عملتهم الدينار لكن الاردنيين يكولون عنها ليره
وتكون ٦٧ دينار مقابل مية دولار

محلات الباله عدهم منتشره وتكون بمحلات ومجمعات راقيه وبضاعتها اجمل واجود من البضاعه الجديده .. لكون الاردن دوله اقتصادها ميسمح باستيراد  بضائع من دول متقدمه صناعيا
فالباله تحل محلها وخاصة الجلود الاحذيه والجنط سعرها بالباله يوصل ضعف سعر الجديد

البيت وسط منطقه جبليه خضراء
مشكلة البيت  الوحيده كانت ...
هيه صعود الدرج من الشارع للبيت
يوميا اكثر من ستين درجه اصعدها نزول وصعود ... وامي  وام  جهاد  مينزلن  الا للضروه
اول موصلنا ... تلگتني بنت اسمها ام مادلين
عراقيه ... وطالعه مع طفلتها حتى توصل لزوجها بامريكا
لذلك تعرف الاجراءات والمعامله
هيه الي مجهزه البيت ... وحاجاته البسيطه النا ...
وبقت ويايه تلث ايام تراجع. لحد قابلت القنصليه
الي تصير بجبل عمان وموعدي كان الساعه ٢ الظهر
وگفنا بسرى طويل ... وفي شخص امريكي بالباب يدقق الاسم مع الموعد ... وبعدها يسمح بالدخول فقط اصحاب المواعيد
دخلت اني ... وام مادلين بقت تنتظرني برى 
في قاعه وكراسي جلست ..، دقايق .. انفتحت نافذه زجاجيه امامي   وطلت منها  بنت امريكيه  ملامحها بالضبط 
  الممثلات الي تطلع بالمسلسلات والافلام 
نادتني
: سهير  تفضلي
وكفت امامها وتفاجاءت تحجي اردني مع وجود الاخطاء ... وجهه  مبتسم  وجهتلي اسئله

: شنو اسم خطيبك
: جورج 
: كيف تعرفتي عليه

: جيرانه بيته  مجاور بيتنا بالضبط  وحبينا بعض ونخطبنا

ابتسمت من سمعت مختصر لقصة حبي لجهاد وسالتني

:اخر مره. تقابلتي معاه
: قبل حرب الخليج  ١٩٩٠
ردت  بعطف
: ياحرام 
ابتسمت  على ردها
وانطتني اوراق اوقعها
وشرحتلي
ان الانتضار ميقل عن تسعين يوم الاوراق تروح لمنظمة بنيويورك تدفع تكاليف الطائره
وتنقبلين لاجئه بامريكا ... ونتصل فيك وبخطيبك  ... على موعد السفر