#للجميلات_حصراً

#للجميلات_حصراً ٢٦

السلام عليكم
😘🥰😘🥰😘🥰😘

#للجميلات_حصراً   ٢٦
#زينب_الموسوي
ندى

اصعب شي بالحياة لمن تكون صابر  لدرجه حفظت الكلمه وفعلها ومصدرها وتصريفها
والظروف تجبرك تصبر  اكثر .. والناس تگلك اصبر .. تحس ان انت قطعت صحراء وتحلم بقطرة مي  تبلل شفافك .. وتفتح عيونك   تجد ان للصحراء تفرعات. واوديه بعدك مااقطعتها

بعد ساعات  انتظار. .. عنوانها  الالم والخوف .. مرت عليه بين  سجود  وركوع  ودعاء ... واني على سجادتي  دخلت ممرضه
رفعت راسي من السجود
خايفه اسالها
وشفت ابتسامتها  تشجعت اسالها

: عندج اخبار. جديده
بهدوء  والابتسامه مافاركتها

: الدكتور  طلع. والعمليه  نجحت  وحبيت ابلغج ... حضنتها  وبجيت  ... هدتني  وراحت  .. حمدت ربي ... وجمعت اغراضي. واخذت بنتي
ورحت بالممرات  .. شفت جهاد
يسحبوه ممرضات  بالسرير الطبي .. يطلعوه من صالة العمليات
... مشيت معاهم  وهو مازال تحت التخدير  ..
شفت الدكتور  وقبل مااساله شرحلي 

(استقر  وضعه والنتائج كلها  تشير لنجاح العمليه  ومساله وقت وتاهيل ويرجع يمشي ..
هذا الي شرحه دكتور( ميرد ) )

بقيت يمه بالغرفه  وبدا يهذي من البنج وينادي ( يمه يمه نور )
واسماء اهله كلهم  يعددهم
واسمعه وابجي خلصت دموع عيني  وصار البجي بنص گلبي

اللحظه الي  گعد بيها  واستكشف بنظرات سريعه خروجه من صالة العمليات اخيرا ..  عادلت بسعادتها  العالم ومابيه ...
وباوعني ومنتظر الجواب

: خلصت العمليات هاي هيه
مسحت دموعي
: خلصت  والاطباء كلهم متاكدين رجليك سليمه  وراح ترجع مثل الاول
رجع راسه للوساده  واطلق زفير
بارتياح 
: كلها كم يوم  وترجع لبيتك 
: ان شاء الله 

للعصر طلب اكل من البيت
: تدلل هسه اروح للبيت اطبخلك وارجع  عليك
رفض رجعتي وگلي
( روحي ارتاحي وباجر تعالي عليه ) ونام   تاثير البنج بعده  يدعيه للنوم  .. طلعت من المستشفى  وصلت لشقتي
وبديت الطبخ
وثاني يوم رجعت الصبح  تفاجأت  بوجود عزيز وجودي وميثم ابنهم  عنده بالغرفه

شوفتهم  رفعت مستوى تحملي
سلمت عليهم وسالت عن سبب المفاجاءه

: هاي شنو من مفاجاه غير تگولون
جاوبني عزيز
: ماحبينا. نخبصكم  بجيتنا 

: بالعكس فرحتونا  هلابيكم

توقعت هالموقف من اخويه .. الي حتى مافكر يتصل بتلفون ويگلي محتاجه شي
ظلوا  عزيز وعائلته يومين  خلصها  عزيز  يم جهاد بالمستشفى  يوكله ويغسله ويعتني بيه ويطلعه من جوى المرض وحزنه  .. واني عليه اطبخ واودي للمستشفى
... اما جودي فبعتبارها  امريكيه فكلشي عدها واي ضرف لازم يتحول الى مرح ... اصرت تتجول بالمدينه وتاخذني كمرشده سياحيه
في انحاء سان فرانسيسكو  المدينه جميله بعض بنايتها ذات طابع بناء اوربي .. معظم شوارعها ماخوذه من اسماء اسبانيه وتبدي بكلمه سان