#للجميلات_حصراً

#للجميلات_حصرا ٢٩

السلام عليكم
البارحه طلبت اجازه .. لكن الكثير منكم .. مقبل بالاجازه
لذلك حل وسط انشر الي كتبته اليوم
وهو جزء قصير يخص شذر
وغير كامل وباجر اعيد نشره مع التكمله
ارجو السماح
وطلب من الاخوات الناشرات بنشر هذا الجزء حتى المتابعين ميظلون ينتظرون
ورجاء منهن اخواتي بتصحيح كلمة رير الى كلمة ريل
الخطات بيها لان مسامعتها الا من خلال ذكر البطله
وتصورت الكلمه رير
وشكرا وسامحوني
🥰🥰🥰🥰🥰🥰

#للجميلات_حصراً. ٢٩
#زينب_الموسوي

شذر

اذا لم تفقي احتراما لنفسكِ ... فلا تتوقعي من الاخرين الوقوف احتراما لكِ.
عباره مكتوبه بواحد من الكتب العديده القريتها .. وصدقتها

وحفظتها .. وصار الوقت اقف لنفسي باجترام .. الجمال من عدمه  مجرد غطاء نختفي خلفه ونخفي الحطام المنتشر في حياتنا وراضيين بيه
الدكتوره والمشرفه النفسيه والمحاميه لقنوني دروس جديده بالحياه .. علموني فن العيش والاستمتاع بالعيش
بدل مااعد ايام بانتظار شيء ما يحصل ويقلب حياتي واخلص او اموت واخلص

توقعت زيارة نجيب قبل يوم من المواجهه
اجتمعن حولي .. يمدني بالقوه
واني بوسطهن على كرسي
المحاميه لازمه ايدي وتحجي بصوت خافت وقريب من اذني ذكرتني بريا وسكينه

: اسمعي حقوقج وافهميه .. القاضي الي راح ينظر بقضيتج
راح يشوف تاريخ الزواج ٩٢
كنتي قاصر
: يعني هذي جريمه

ردت بسرعه حتى مااشوش افكارها
: جريمه بامريكا لكن العقد ماتم بامريكا
القاضي راح يشوفج بنت مسكينه اجبرت على الزواج وهيه قاصر. ولمن دخلتي السجن .. واخذ التعويض طلكج

: يمكن يتهمني بام سيئه وياخذ الاولاد
: لو كنتي ام سيئه ليش سكت عنج كل هذي السنين اذا هو مشترك معاج

ناقشتني بكل نواحي القضيه واكدت بالنهايه على جمله وحده
( لاتكونين انتي الباديه بالتنازلات هو خلي يبدي )
خلصت المحاميه استلمتني المشرفه النفسيه
: لاتنظرين للاسفل من تشوفيه
ولاتتلعثمين بالكلام

: هو دائما يسخر من شكلي
: اسخري منه انتي بالبدايه .. السخريه سلاح فتاك في المفاوضات الخصم يبدي بانتقاد الشكل ويشتت تفكيرك عن الهدف الرئيسي بالمفوضات
والافضل غدا تتزينين وتظهرين بشكل حسن
انطبعت كل كلمه بعقلي ... وتمسكت بتطبيقها
واخر التوصيات كانت من الدكتوره
اعطتني قطعة كاندي وضعتها في جيبي
وبهدوء عرفتني سبب وجود القطعه
( افتحي القطعه امامه وانشغلي بيها حتى تخففين التوتر عنك )

فض اجتماعهن ويايه وبالختام
احضان وامنيات بالتوفيق

الليله كانت مخصصه من قبل البنات لصناعه الكيك والكوكي
وصارت منافسه على تزيين الكيك .. والجائزه حسب اقتراح المشرفات للمجموعه الفائزه
عشر دقايق اضافيه بالهواء الطلق
كنت اتفرج ويايه بنات .. ونشجع .. وبنفس الوقت اتعلم التزيين .. الي يحتاج طولة بال ودقه ..واستغرق الامر تقريبا ساعه فقط للتزين .. استمتعنا بالمشاهده وباكل الكيكه
وخلصت قطعة الكيك بدون ماانتبه وسط ضحك البنات وتنبيهن اليه
( قريبا ياشيده راح تكون حتى الزنزانه ضيقه عليج )
باوعت الماعون فارغ .. زداد ضحكهن من صدمتي
والمشرفات تجنبا للصدام قرروا التعادل بين الفريقين
ومنحوا الكل عشر دقايق زياده
وقبل لااطلع اخذت بكره خيوط من مجموعة الخياطه ..
وجلست بالخارج وشديت الخيط برجلي ولفيته باصابعي
وحفيت لنفسي ..
اقتربت كم وحده مني يشوفن ايدي ورجلي كيف تحولت ل اله
سريعه بتنظيف الوجه
ويسالني ( ماهذا ) ؟
والي تطلب مني احفها بعد مااخلص .. رفعت راسي واگفات سرى
وفد شويه ويتعاركن على الدور
وگفت
امام الحجوم الثقيله ل اجسادهن حتى افهمهن
: اليوم اوشك على الانتهاء ماعندي وقت يكفي .. باجر بعد المواجهه الي تريد تجي احفها
مشيت بعيد عنهن خايفه وحده منهن تغضب وتجعصني
سمعت وحده سالت سوال ماخطر على بالي
: كم تكلف ؟
انداريت عليهن اكثر من وحده منتظرات جواب
: دولارين فقط
ومشيت ركض دخلت ...
واضحك راح اصير حفافه .. تذكرت .. اخاف ممنوع .. المشرفه صارت تصفنا وتعدنا للدخول للعشاء وبعدها الزنزانه
وصلت يمها سالتها ..
: اذا اعمل اهنا لازم اخبر الحكومه وادفع تاكس