السلام عليكم
النشر اليوم قدمته لان عندي شغل
🌺🌺🌺🌺🌺🌺🌺🌺🌺#للجميلات_حصرا ٣
#زينب_الموسوي
الثالثنجيب
مدرك تماما. وقعت في شباك رغد ... واعرف هيه مجرد غانيهالي مااعرفه ... واجهل اسبابه
هوه ليش هيه بالذات ؟
لان جميله ؟ سبق وكنت مع جميلات .... عرفتهن دقايق ونسيتهن مجرد اخذت حمام زلت بيه اثارهناحتفظت برقمها بكنتوري بين طيات ملابسي ... ومجرد ادخل الغرفه ... لااراديا اتحرك صوب الورقه اطمئن على وجودها بمكانها ... حريص على وجود الورقه مع اني حافظ الرقم
واتصور اگدر اتحدى ارادتي
ومااروح لعنوانها.. واثاري التحدي اكبر مني ...
باليوم الثالث ..،، هز الهوى كل مابيه ....
وجيوبي فارغه ....
اخذت السياره بنهاية الدوام وگفتها على مسافه ... حتى اراقب بيتها .... بقيت ساعتين
وقررت ارحم نفسي من خشية اشوفها مع شخص ثانيانسحبت من موقع المراقبه مع
شفقتي على نفسي للحال الي وصلتهاحب بنت هوى ! تبيع جسدها
لمن يدفع
احب مومس لاعهد الها ..ولا وفاء
مزاد مفتوح لكل من يرسي عليه المزادصارت مشكلتي هيه احصل فلوس كيف ماكان
واحتفظ بيها ليليه ...رجعت للبيت امي فاتحتني بخطوبة جهاد من اختي سهير ... وگتلها خلي يتفضلون الجمعه العصر
والحديث مع والدتي اخذنا لسوال نسيت احضر اجابته
: ( يمه اشو هالاسبوع مانطيتني من فلوس المواجهه ... تدري السلفه ادفعها منها )
افترت عيني بارجاء الغرفه ادور جواب
( يمه ولد صديقي اديان مني محتاج خطيه وراس الشهر يرجعهم )
خيبة الامل بانت على وجهها ودارتها بكلمه
الله كريم ... اخذ من سهير ..: يمه اصبري عليه يومين وادبرلج فلوس السلفه تدللين
تهللت اساريرها ... ودعتلي بدعاء ام ... لكن مااتصور ربنا يستجيبه
: الله يحميك من كل شر اوليدي
داخلي تمنيت هالدعاء ميشمل شر رغد ..، هذا الشر اريده ومتعنيه برجلي
... توجهت للدوام ... نفس الشوارع امرها يوميه ... ونفس المناظر ... واخذت دور المستكشف الجديد ابحث عن اي صوره ... حدث .. حديث يشغلني عن بلائي ... وصلت للعمل
ودخلت البنايه سلمت على زملائي .... وصل المقدم لطيف
بوجهه العكر ... الي ميعرف الابتسامه ... ولسانه مينطق غير المسبه
وبلا مايسلم ... دخل لمكتبه
وافتتح عمله بالصياح علينا وهوه يطلب ملفات اليوم
فتت اني عليه واديت التحيه وسديت الباب خلفي ... وهوه جالس ... رافع وجهه ومقدم انفه وكانه ينظرني من طرفه
وصدره دافعه للامام وبصوت مبحوح: شعدنا اليوم ... اكو متهمين جدد
: عدنا حالتين جديده بس النقيب جواد الخفر مشى اجراءاتهم
YOU ARE READING
#للجميلات_حصراً
Romanceقصه اجتماعيه .. تدور احداثها بين بغداد عمان دنفر حقيقيه لنساء يروين تجاربهم مع الحظ والنصيب