uالسلام عليكم
🌹🌹🌹🌹🌹🌹🌹🌹🌹#للجميلات_حصراً ٣٩
#زينب_الموسويشذر
مواجهة قساوة الايام .. جربتها
ومرارة الاقدار عرفتها
وكل صعوبات حياتي .. ماتوازي
الثواني المرت عليه انتظر جواب ام فقار
واني اسالها عن عزيز عايش لو ميت ردت عليه:بالمستشفى حالته خطره
وانقطع صوتها بالدموع واني انتظر منها اي كلمه اي حرف يطمني عليه
كملت
:هسه ابو فقار طالع ليوتا حتى يطمئن على حالته: اروح وياه ماابقى
حاولت تغيير رائي
: وين تروحين والطريق والجو
ثلج
حاولت تقنعني .. مااگدرت ..
بسرعه صحت على الاطفال
حهزوا ملابسكم وكتبكم
وهمه بلا تركيز يتصرفون ويستعجلون بلم حاجاتهم ويسالوني
: وين رايحين بوسط العاصفهماخبرتهم بالحادث فقط كلمه استعجلوا
.. واخذتهم بالسياره لبيت ام فقار
نزلت الاطفال عدهم .. وطلعت
بسيارتي خلف سيارة ابو فقار
السمى تصب ثلج .. وعيوني تصب دمع .. السياقه بطيئه والشوارع لزجه بالثلج
وصلنا للمستشفى .. تركت السياره ل ابو فقار يبركها .. ومشيت بالثلج .. لحد الباب
دخلت الاستعلامات قبلي شخصين يسالون وطول سؤالهن
تركت السرى .. ورحت على ممرضه شرحتلها ( رجال سايق شاحنه مگلوبه )
ردت بالطابق الثاني .. ركضت على الدرج ماانتظرت مصعد ..
شفت الطابق هو للقلبيه
هبطت عزيمتي .. قلبيه ليشاول شخص لاگاني لابس الروب الابيض ..، ضاعت الكلمات فقط
كلمه رجال بحادث
جاوبني ( مازال بالانعاش حالته حرجه )
هالجمله كانت كافيه تفقدني صوابي ...
صعد خلفي ابو فقار .. وبدى يستفسر منه
عن سبب وجوده بالقلبيه جاوبوه ..،
القلب نبضه ضعيف وهو موجود .. تحت المراقبه الانبقينا ننتظر داخل صاله كبيره
مااگدر اقدر الوقت .. ولا اوصف الاحساس .. واني واگفه انتظر
خبر عن حالته ..
فقدت الاحساس بكلشي .. وبقت بس دگت گلبي اسمعها بين الصاله وغرفة الانعاشوالدعاء يلهج بيه لساني وگلبي الثواني تمر عليه مثل سيف .. تقطع صبري وحيلي
مااگدر اتخيل حياتي ثانيه بدونه. وربي يدري منو عزيز عندي
مو مجرد رجال رضى بيه وسترني .. لا عزيز رسول انسانيه ومحنه دعاني لحب نفسي اولا. وحب الحياهامنت دعائي عند ربنا العالم بكل حال ومحال
وجلست بعد ماتعبت رجليه امام الشباك اتأمل رحمة الله النازله بشكل ثلج .. وعندي يقين ربنا راح يرحمه ويرحمني
مثل مااذكر الارض وهيه جماد
راح يذكرني
أنت تقرأ
#للجميلات_حصراً
Romanceقصه اجتماعيه .. تدور احداثها بين بغداد عمان دنفر حقيقيه لنساء يروين تجاربهم مع الحظ والنصيب