#للجميلات_حصراً

#للجميلات_حصراً. ١٥

السلام عليكم
اختي وصديقتي الكاتبه

Shahd Q Salman🌹🌺

كلمة ممنونه  من حضرتك كلمه خجوله بحق جهودك  في نشر القصه في بيج قصص مروه وزينب
شكرا  للايام الي عرفتني على انسانه بشذى الورد وعذوبة النسيم

♥️♥️♥️♥️♥️♥️♥️♥️

#للجميلات_حصراً١٥

#زينب_الموسوي

ندى

اصعب مافي الاحلام ... هو محاولتك التخلي عنها .. واجبار
روحك ترضى بالواقع
معناها سلمت احلامك الي احتوت  سعادتك  ... وجهدك ..، وصبرك ... وسعيك
سلمتها للذبح ..، وناديت السيوف 
(هلمي للذبح )

والي يشوف  احلامه مذبحوه ..
وميگدر يعترف حتى امام نفسه
ان انخدع ... والي مجبور  يشيع امنياته  ... ويبرر  لگلبه بكلمة نصيب
هوه انسان اقرب للموت ... من الحياة

مر يوم الخميس والجمعه ... بهذي اليومين  اكبت بداخلي الفرق بين شقق اصدقائه واثاثهم ...سياراتهم ...  واغض النظر عن وجهه واكتفي بالاستماع لصوته يذكرني  بجهاد
وادعي تقبلت الامر ... ومع الايام راح اتعود ... واحاول اغيره  ...
وتتكبل  ادعائاتي ... ومحاولاتي
بنغزه داخل اضلاعي ...
رافضه  الرجال الي اقترنت بيه

الخميس والجمعه ... نخلص النهار  سوا 
وبيه عرفت ان  معظم الناس اهنا تحبه ... وتحترمه ...
فرجني اماكن بالولايه ... حلوه
وبعض الاسر دعتنا  لبيوتهم ...
بالليل  يغير ثيابه. وقبل ليغادر
بيوم الجمعه .. ذكرته باتفاقنا  بالاردن
: جهاد قبل لاتطلع  لاتنسى اتفاقنا  بالاردن ..
سد الباب الي كان فاتحه حتى يطلع
ضربه حيل  ورجع للخلف
: يااتفاق شتقصدين
: اقصد احتاج  فتره اتعود عليك
خلينا  مخطوبين. نطلع ونسولف  ونتفاهم

اندار  عليه وهو يضم  عنقي بقبضة ايديه  بقوه

: تتعودين عليه شنو  چلب اني
حيوان ..، ندى ماعجبتج خلقتي
ارجعي ل اهلج   احسن من الاهانات المتحملها منج

؛ يااهانات  جهاد  .. انت صدمتني  بهوايه اشياء .. صعب اتقبلها بيومين

بنظرات  تحمل القسوه .. وعدم اهتمام بكلامي  وتحوير  لكلماتي

: قصدج شگلي تغير  ..

الجمله البعدها  ضيعتني .. خلتني اتمنى  مالي وجود  على وجهه الكره الارضيه

: شكلي بس تغيير .. الباقي سليم
تحبين تجربين  هسه ماعندي مانع 
ماگدرت ارد .. وهوه يجمعني بين اديه .. ويبوسني .. بجيت ودفعته  ... ومستمر في اذلالي
وبصوت  فحيح  افعى تسعى لتلقف كل مابيه

: ها اشو خايفه .. اشو على السطوح  جنتي ميته على بوسه مني لو انتي الحلال ميثيرج

نزلت دموعي ... وصمتي مجبور
وگلبي  تزلزل بكسر
تركته يبوسني ... وينتقل بشفاه
محروقه  على ارجاء وجهي الباكي ...
هالقبل كانت تغسيل  لحب انتحر للتو
غبت  بتفكيري عنه ...
ورحت لشارعنا ... ادور على نفسي  راجعه من المدرسه واشوف جهاد ... اريد امحي هاللحظه من حياتي
وارجع  احبس نفسي بغرفه ... بلا سطح .. وبدل السياج  ابني الف سياج .. واخط عليه بدمع عيني ... ياحسافه
والغي حبي .. وايماني بالمشاعر
واكفر  بكل تخاريف المراهقه  الي خلتني اتبع غبائي بحب شخص مريض قبل ليكون مشوه
... انتهى  الموقف بدموع
وامتعاض من عنده ..، لكوني
مااتفاعلت وياه ..، حسب ماگال هوه
طلع حتى يبات  يم اصدقائه ...
والغريب بيه .. ان   الحادث ماغيره .. بعده  مغرور..  كلماته نابيه   ...
بمعاملته  ويايه ..، ومستنكر عليه
رفضي لعلاقه حميمه وياه
ومنطي لنفس حق الغفران .،، الكذبه الي عيشنياها ..وكاني دميه بايده  ومبرمجني مجرد وصلت صرت مرته وعليه السمع والطاعه و وأتقبل  كل علامات الاستفهام والتعجب بداخلي حول  حياته