#للجميلات_حصراً

#للجميلات_حصراً ٣٣

السلام عليكم
🦋🦋🦋🦋🦋🦋

#للجميلات_حصراً  ٣٣
#زينب_الموسوي

شذر

تنفست الحريه خارج اسوار السجن
مثل مهر ه حره  .. تزلزل الارض
وتنشر  صهيلها  في الاجواء

طلعت من باب المحكمه ...
سياره جهاد وعزيز .. ونجيب
والكل ينتظر  شي طبيعي ومااستغربته .. الغير طبيعي وجود  نجيب ...
ناداني باسمي من بعيد
غيرت اتجاه خطواتي من سيارة جهاد الى التوجه لنجيبب
وصلت يمه قبلي طلعوا من سياراتهم  جهاد وعديز
وگفوا امامه. وافتتح العراك جهاد
سحب باب السياره الواگف خلفه نجيب
: لك انت شرايد طلگتها وخلصت منك ومن عارك شعندك اهنا

هاج التحدي والغضب بينهم وهوه ياشرله على عزيز
: وهذا شيسوي اهنا 
سبق بالاجابه  عزيز
: خطيبها انت شعندك اهنا
ابتسم بسخريه 
: خطيبتك شنو  اني بعدني ماوقعت اوراق التنازل  عن الاطفال .. واريد ارجعها 

وصار دوري اجاوبه وامنعهم يضربوه  ويتورطون 

وگفت بينه وبين جهاد

: جهاد الله يخليك  خليني احجي وياه اني 

وخرني عنه .. وسحبني يم عزيز وصار يهدد

:  وج  وهذا مال ذبح مو حجي

حجزوه بين باب السياره  وبينهم
وجهاد ضربه ابطنه  .. صرخت بيه

: خويه اهدا  واسمعني شگول اكو حجي بيني وبينه   خلوني احجي  وياه

ابتعدوا كم خطوه بعد توسلات ودموع مني ..  وتركولي مجال احجي

خليت عيني بعينه بلا خوف منه
وبالقيمه لوجوده واستصغار  للاطار المزيف المخلي نفسه بيه من قاط لسياره حديثه وخاطبته  مثل مااتمنى طول عمري اخاطبه

: شمتصورني رغد وتريد تعيش ويايه بالحرام ... انت رميت عليه يمين الطلاك تلث مرات بالسجن   والاوراق توقعها غصبن ماعليك ..
ليش  تستفزني وتخليني اطلع كل المضموم .. تريدني احجي
عن لطيف ... عن اصل المدام
لك والله ساكته لخاطر ديار وندى مرة اخويه ..

صارت عيونه تجول بينهم وبيني
ومع ذلك كلامي ماخلاه يتراجع عن محاولته اخافتي  بصوت اجش  اقترب مني يهدد
: بنتي متعيش ويه رجال  غريب اذا تزوجتي  اخذها وبعد متشوفيها

وبنفس التحدي رديت عليه

: اتزوج او لا هذا قرار راجع اليه ول اخويه جهاد
والقانون بينا ..، واحمد ربك تنازلت عن نص الثروه
لان ماريد  اسمي  ينذكر  بين الناس ومااريد فلوسك الحرام

درت وجهي عنه وجهاد مشى ويايه وهوه يحجي باخر كلمات ويه نجيب
: تجيب حنين وديار اليوم
اي تاخير اني اطالب  بحق اختي بفلوسك مو هيه