#للجميلات_حصراً

توضيح

صباح الخير
قريت  تعليقات عن الوتباد لبعض المتابعات .. يتهمني بعدم انصاف جهاد  لكوني  ماسمعت منه القصه
واني اعترف فعلا ماسمعت القصه من جهاد .. لكن اعترض على اتهامكم بضلمه وخلينا نجي خطوه خطوه .. اول بارت وصفت طبيعته  بالحنين وقلب طيب لكن متسلط  والعسكريه غذت هالميول عنده
وصفت معاناته وجرحه بخسارة الحبيبه عندما خبر اصحابه
وعندما رجع شاف سهير تفتح الباب لمازن
وصفت ندمه والمه على خسارتها .. وصفت معاناته مع الحروق .. والتشوهه .. وصفت تعبه بالغربه والاعمال المجهده اليقوم بيها .. رفضه للمساعدات او طلب المعونه والتقاعد
وهذا كله بدون مااحجي وياه كان ممكن اهمشه واخلي ندى تحجي فقط ..
وحتى من اغتصبها افردت اله جزء يشرح اسبابه  مع ان هالاسباب ماسمعتها لكن حللت
شخصيته ..
ايضا انصفته عندما اختصرت علاقته بالبنت المكسيكيه وغيرها ومتطرقت الها الا بسطور معدوده
ولذلك كلكم بقيتوا متعاطفين وياه وتلومون ندى وتعتقدون هي السبب
والبعض تدعي ان ندى اهتمت بجمع المال والاغراض والبيت ومااهتمت بيه ..
وهذا شي داخل اي امراءه .. يعني هي الي تاسس الحياة لمن يكون الرجال غير مهتم .. وخاصه ان هيه اجتي من حصار لدوله غربيه  .. ومعظم النساء بعد الزواج يكون اتجاهه  لتكوين الذات .. وهذا شي يحسب الها مو عليها الي خلته شي يذكر بعد مكان انسان مشوهه منزوي بشقه صغيره حياته عمل وتحويل فلوس .. وگفت وياه بالمطعم وفي شراء البيت  وفي العمليات

هذا بالنسبه لجهاد

اجي على التعليقات الي تعتقد القصص هذي غير حقيقيه
اوكي وياكم نعتبر هالقصص غير حقيقيه .. ومدمت عندي هالقدره على التاليف ليش مااكتب فد قصه خفيفه بيها اثنين يحبون بعض وبيها عض
ويضربها وتحبه ويغمى عليها
وتنتهي القصه بدخولهم اثنينهم للحمام .. وارحم نفسي من القهر الشايلته والحاله النفسيه الي تنعكس عليه ايام بعد القصه ليش مااكتب قصص حب بهذي القوه واحصل ملايين المشاهدات  والاعجابات واصير الكاتبه الفذه الرومانسيه صاحبه القصص  الي كلها. كشمشني  ومشمشني  ...

والمتابعات مستندات على اتهامي بان بحثوا عن الابطال بالگوگل وماجدوهم ،، وخاصة طلال
فدوه اروحلج انتي البحثتي .. يعني الگوگل بس عندج انتي اكتشفتيه واني والابطال منعرف اكو ناس راح تدخل وتبحث
وتركنا المعلومات الصحيحه
يكون بالعلم القصص الحقيقيه بيها تحوير  للمعلومات اكثر من القصص التاليف
لان نحتاج اخفاء الشخصيات
مااكتفي بتغيير الاسماء والاماكن .، فقط  وانما  احفي وقائع واضهر وقائع اخرى بحيث متاثر على مغزى القصه

يعني ايه في نوارس مهاجره
من خاطرت وحجت قصة زوجها مكان تعرف اكو گوگل وراح يبحثون .. لكن الي صار هو تغيير في بعض التفاصيل .. تخلي الي يبحث مستحيل يعرف منو الابطال ..
وكذلك حنين وقصه مقتلها مهما تدورين باليوتوب مراح تلگين الها اثر ..
هذي ناس مثلنا عرضت قصصها للناس مع حرصها على بقاء السريه والخصوصيه بعد متنشر القصه

بعد   ملاحظه هي عن صابرين بطلة بلا هويه .. اخبركم هي بخير مع زوجها واطفاله مستقرين في بلد ما وعدها اقامه .. هذا المسموحلي اصرح بيه وتشكركم على دعائكم وگفتكم وياها

واخر ملاحظه هي عن القصه القادمه اكون صريحه معاكم
مراح اكتب اي شي الا بعد ثلاث اشهر
القصه كرهتني حتى الكتابه والله مرات احس نفسي غلطت من نشرتها اذا اني هالگد تاثرت بيها
وتعبت فكيف المتلقي كيف البنات في مقتبل العمر ..
كيف الي عدها ظروف مشابهه للقصه
لدرجة احس اسرفت في كم الوصف للمشاعر اليأس عند الزواجات
والقصص المتفقه عليها كلها نفس النمط حزن وظلم وووو
وبقية التشكيله
ارتاحوا مني ومن البلوى الله بلاكم بيها  بوحدة اسمها زينب الموسوي
والقران الناس حتى السفر كرهته واحتمال يضربون امريكا صواريخ من ورايه

احتاج اغير نمط القصص
😥😥😥