#للجميلات_حصراً

#للجميلات_حصراً ٣٣

ابتعدنا وصعدنا سياراتنا  .. سلمت على ندى ردت بصوت غايب ودموع تنزل  وبلا مااسال
عرفت  ليش  .. لزمت كتفها من خلف  واندارت عليه

: ندى لاتبجين  نجيب مايستاهل دموعج  لاتخسرين صحتج  وبناتج يتبهذلن

مسحت دموعها وعيونها ترسل عتاب عبر الزجاج  ل اخوها

: وك نجيب ليش هيجي  كل هذا
علمود رغد  بعت نفسك وامك واخواتك

حرك جهاد السياره .. ودار حديث حول اخر اخبار رغد

الاكثر من غريبه
: ندى لاتقهرين نفسج نجيب ديحاول يطلع صفعة رغد اله
باستعادة شذر

تحركت من الكرسي الخلفي ومديت راسي يمه

: احجيلي شنو صفعه شنو رغد

باوعني بالمرايه مستغرب

: ليش متدرين  عزيز محجالج

قبل جوابي سبقتني ندى
(متحجي شصاير  رغد شبيها )
ضحك ورد

: رغد  رافعه قضية تطالب باملاكه وتعويض نفسي عن الطلاق السريع  ومرافگه نفس المحامي اسامه الي جاب التعويض .. وينبشون ورا نجيب

ضحك وكمل
( واسمعوا الاضرب المحامي خاطبها  )
يريد ياخذها  ويسافر بيها لبلد عربي  

سكتت وبداخلي ضحكه من سخرية القدر  الي  بدت بوادر
تصفية الحسابات بينه وبين رغد ونجيب ...وندى علقت

: وهيه مهمودة الشيب  شبقى  بيها وتريد تتزوج

اعتلت ضحكته وهو يرد

؛ البركه بفلوس اخوج  رجعتها شابه  ههههه

دار الحديث بينهم اما اني فكري عند ديار 

: جهاد المهم ديار  اخاف تاخذه
وتسافر

: لاتخافين هيه مو بحال ديار
وبعدين ديار باسمج المفروض ترفع قضيه وتثبت الامومه  وتطلب تصحيح ...وبعدين تاخذه

: يمه گلبي شوكت اشوف جهالي واطمئن  عليهم

اندارت ندى واكدت

: اليوم تشوفيهم .. اذا ماجابهم نجيب اني اروح اجيبه

بالسياره  رتبت افكاري ،،، اولا اطفالي 
بعدها الامور الثانيه 
وصلنا الشقه  ... نزلت 
ويايه ندى اخذت ايدي وحجت بصوت ناصي 

: الشقه  والاغراض حضرها عزيز ..
واني جهزت الج ملابس 
والعاب للاطفال  .. شذر  لازم تتحول الخطوبه رسمي تعرفين الناس وحجيهم

: ندى اني گلبي يم اطفالي اطمئن عليهم اول

بالشقه جلسوا الكل بالصاله
ماعدا البنات وميثم  يركضون
رحت لغرفه موجوده  امامي .. وشفت تجهيزها  تبدو  غرفة  نوم عروسه
السرير نفرين .. والفرشه بيضه
ومكياج وعطور على الميز