Save The Best For Last [Published under Pop Fiction/Summit Media]

STBFL: Chapter 9

STBFL: Chapter 9

Tom Andres Santos

"What?! Oh my god Kuya, pinapatawa mo talaga ako." Panay ang halakhak ng kapatid ko mula sa kabilang linya.

"Sinabi mo talaga sakanya yon? Wait, hindi ba Kuya ikaw itong nagsabi sabi na tutulungan mo siya para makabalik doon sa lalaking nanloko sakanya? Eh sa mga lumalabas diyan sa bibig mo parang ikaw ang nagiging kontrabida sa dalawa." Natatawang sabi niya, hindi ko alam kung ano bang lumalabas sa gago kong bibig,sa tuwing kaharap ko siya kusang magsasalita ang bibig ko ng mga mensaheng hindi ko naman pinag iisipang sabihin sakanya.

"Nagagago na ako dito Tammierey."

"Eh gago ka talaga Kuya! Umamin ka nga saakin, type mo na yang fiancee mo ano?"

"What the hell Tammierey?!" Bulyaw ko sa kapatid ko na mas lalong nagpahalakhak sakanya.

"Uh-oh Kuya, the more na ideny mo the more na mas titindi yang pagkagusto mo. Siguro ngayon nagugustuhan mo na siya, yun nga lang natatakot ka." Sabi niya na nagpakunot sa noo ko, I don't like Vana, I'm just starting to see myself into her.

"No, nakikita ko lang ang sarili ko sakanya Tammierey."

"Whatever you say Kuya, bahala ka mas lalo mong pigilan mas lalo kang manggigigil kay Ate Vanalein.." Pang aalaska niya saakin.

"Sht."

"Yes! Sht talaga Kuya! Napaka bilis mong ma-fall! At kapag nafall ka naman todo todo, bigay ng bigay hanggang sa mawarak na yang puso mo. Paalala lang Kuya ha? Hindi ka isang bayani na ibibigay ang buong buhay para sa babae. Maawa ka naman sa puso mo warak na warak na, maski siguro si kupido susukuan ang pag buo niyang warak mong puso." Sermon niya saakin na nagpapikit saakin ng mariin, ayoko lang makikitang umiiyak si Vana, that's all. Because the first time that I saw her crying, parang may kung anong kumalabit sa puso ko. Gusto ko siyang alagaan, pero para akong gago sa mga pinapahayag ng bibig ko, naguguluhan ako.

"Oh paano? Love....madami pa akong inaasikasong papers dito sa coffee shop ko Love!" Pang aasar niya.

"Van--"

Humalakhak ng pagkalakas lakas ang kapatid ko, "Gosh Kuya, I am Tammierey, hindi ako si Vanalein. Napag hahalataan, Love.."

Napalunok ako ng sunod sunod, ano bang kagaguhan ang nangyayari saakin? Why do I keep on saying her sweet name.

"Sige na, makipag bati ka na sa Love mo para naman gumanda na yang mood mo, tandaan mo ginusto mo yan, panindigan mo Kuya. Tulungan mo si Love mo, oh di kaya naman, tulungan mo siya habang hinuhulog mo siya sa patibong mo, it's your time to fall in love na ikaw naman ang magiging first choice Kuya."

___

Vanalein Rhyme Romeo

Panay ang pahid ko ngayon ng luha ko, nakakainis, sobrang naiinis talaga ako kay Andres, kung makapag salita siya akala niya kilala niya na si Stephen. Paano niya nasabing second choice ako kung sinabi naman ni Stephen na mas higit ako kay Lexi?

Lumabas na siya mula sa cr at titig na titig siya saakin, binato ko ang mukha niya ng tissueng hawak ko atsaka tinitigan ko siya ng masama.

"Stop looking me at that way Love.." Panay pa rin ang tawag niya saakin ng love, kinikilabutan ako sa pagtawag niya saakin sa ganung paraan.

"Hindi mo ako Love!!" Hiyaw ko sakanya, nagsalubong ang dalawang kilay niya ag napalunok siya ng sunod sunod.

"Sabi mo noon tutulungan mo ako kay Stephen, pero bakit tumututol ka na ngayon?" Umiiyak na tanong ko sakanya, lumapit siya saakin at napasinghap ako nang umupo siya sa tabi ko. Iniharap niya ako sakanya at siya na ang nagpunas ng luha sa pisngi ko.