صاح شادي الجالس على مقعده امام يمنى و هو يقول بعصبية:
:- كل ده يحصل و متقوليليش يا يمنى..تسيبي البيت و تمشي من غير ما تقوليلي و مين بقا سي ابراهيم ده اللي جيه و قعد و شرب شاي و دردش معاكي الكلام ده كله؟
هتفت يمنى بحنق:
:-شادي متجننيش..بعد كل اللي حكتهولك ده مخدتش بالك غير من ابراهيم؟؟
ضحك منها حانقا و هو يقول:
:- اللي فات ده كله ميفرقش معايا لأني اول مرة اسمع عن الكينج ده و معرفش عنه اي حاجة خالص بس اللي يهمني في الليلة دي اختي..ممكن تفهميني ايه اللي بيحصل
مطت يمنى شفتيها قائلة:
:- ابراهيم ده ابن خال سارة صاحبتي..اللي انت سلمت عليه في المستشفى و هي جات معاه لما جالي و بعدين عيب عليك انت متعرفنش ولا ايه
ابتسم قائلا:
:- اعرفك طبعا بس برده بخاف عليكي..ده انا مطلعتش من الدنيا بغيرك يا يمنى..انا كنت بخاف على ناس كتير بحبهم بس دلوقتي بعد ما خسرت الكل مفيش حد خد خوفي ده كله غيرك
يمنى:
:- طب لو خايف عليا بجد يبقا لازم تساعدني اعرف الحقيقة..اعرف ماما معاهم ولا لا؟
شادي و هو يزفر بضيق:
:- قولتلك يا يمنى قبل كدة خليكي بعيد عن المواضيع دي
يمنى بعصبية:
:- خليكي بعيد خليكي بعيد..ملكيش دعوة ده شغل و انتي مبتفهميش فيه..كفاية بقا انا مبقتش صغيرة و لازم افهم اللي بيحصل حواليا..كلكوا كنتوا عارفين و انا الوحيدة اللي معرفش..انت و رامي كنتوا عارفين ان ماما ليها شغل مع ناس مش مظبوطة و انا المغفلة فيكوا و اعرف من برة كمان
جلس شادي بجوارها و ضمها اليه و هو يمسح على شعرها قائلا بحنان:
:- حبيبتي..احناعملنا ده عشان انتي حبيبتنا و اختنا و الوحيدة اللي بنحبك خايفينعليكي..بس خلاص يا ستي لو عايزة تفهمي هفهمك بس انا عرفش حاجة عن الكينج ده فعلا
نظرت اليه قائلة:
:- امال تعرف ايه؟
شادي بضيق:
:- اللي ااعرفه ان هي فعلا ليها علاقات برجال اعمال بيشتغلوا في صفقات اسلحة و انا عرفت الموضوع ده بالصدفة من فترة قريبة بس
يمنى بدهشية:
:- فترة قريبة بس..امال كل خاقاتك مع ماما كان سببها ايه؟
اطرق برأسه قليلا ثم رفعها و هو يقول بألم:
:- ملاك
................................................................................................................................................................
