ﻋﻨﺪ ﺷﺎﻃﺊ ﺍﻟﺒﺤﺮ ﻭﻗﻒ ﺷﺎﺩﻱ ﺷﺎﺭﺩﺍ..
ﻫﺎﻫﻲ ﺍﻟﺪﻧﻴﺎ ﺗﺘﻨﺎﻓﺲ ﻋﻠﻰ ﺇﺫﺍﻗﺘﻪ ﺃﺷﻨﻊ ﺃﻧﻮﺍﻉ ﺍﻟﻌﺬﺍﺏ ﻣﻦ ﺟﺪﻳﺪ..
ﻓﻲ ﻛﻞ ﻣﺮﺓ ﻛﺎﻧﺖ ﺗﻨﺘﻬﻲ ﺑﺎﻟﻨﺴﺒﺔ ﻟﻪ ﺃﺳﻄﻮﺭﺓ ﻣﻼﻙ ﻳﺒﻘﻰ ﻓﻲ ﺩﺍﺧﻠﻪ
ﺃﻣﻞ ﻭﻟــﻜــﻦ ﻫﺬﻩ ﺍﻟﻤﺮﺓ ﺗﻢ ﺇﻋﺪﺍﻡ ﺍﻷﺳﻄﻮﺭﺓ ﻭﻫﻮ ﻟﻴﺲ ﺑﻴﺪﻩ ﺷﻲﺀ
ﻣﻄﻠﻘﺎ..
ﻟــﻜـــﻦ ﺃﻳﺴﺘﺴﻠﻢ ﺑﻌﺪ ﻛﻞ ﻫﺬﺍ.. ؟ ﻟﻢ ﻳﻌﺪ ﻳﺨﺸﻰ ﻋﻠﻰ ﺷﻲﺀ ﻓﻬﻮ
ﻣﺠﺮﺩ ﻛﺎﺋﻦ ﻳﺘﺤﺮﻙ.. ﺟﺴﺪ ﺑﻼ ﺭﻭﺡ.. ﻣﺎﺕ ﻣﻨﺬ ﺯﻣﻦ ..ﺇﻧﺘﻬﻰ ﻣﻊ
ﺻﺮﺧﺎﺗﻬﺎ ﺍﻷﺧﻴﺮﺓ ..
ﺗﻤﻨﻰ ﻟﻮ ﻳﺮﺍﻫﺎ ﻣﺮﺓ ﺃﺧﻴﺮﺓ ﻟﻴﻌﺘﺬﺭ ﻟﻬﺎ ﻋﻤﺎ ﺑﺪﺭ ﻣﻨﻪ ﻭﻟﻜﻦ ﻟﻴﺲ ﻛﻞ ﻣﺎ
ﻳﺘﻤﻨﺎﻩ ﺍﻟﻤﺮﺀ ﻳﺪﺭﻛﻪ ..ﺳﺒﺢ ﺑﺨﻴﺎﻟﻪ ﺑﻌﻴﺪﺍ ﺇﻟﻰ ﺃﻭﻝ ﻣﺮﺓ ﺷﺎﻫﺪﻫﺎ ﻛﻢ
ﻛﺎﻧﺖ ﺟﻤﻴﻠﺔ ﺭﺍﺋﻌﺔ .. ﺗﻨﻬﺪ ﺑﺤﺮﺍﺭﺓ ﻭﺃﺭﺍﺩ ﺃﻥ ﻳﺼﺮﺥ ﻛﺼﺮﺧﺎﺗﻬﺎ ﻭﺃﻥ
ﻳﺒﻜﻲ ﻛﺒﻜﺎﺋﻬﺎ ﺃﺭﺍﺩ ﺃﻥ ﻳﻨﺘﻬﻲ ﻫﺬﺍ ﺍﻟﻜﺎﺑﻮﺱ ﺍﻷﻟﻴﻢ ﻭﻟﻜﻦ ﺃﻳﻦ ﺍﻟﻤﻔﺮ. ؟
ﻛﻴﻒ ﻳﻬﺮﺏ ﻣﻨﻬﺎ ﻓﻬﻲ ﻣﻼﻛﻪ ﺍﻟﺘﻲ ﺇﻣﺘﻠﻜﺘﻪ ﻭﺗﺮﺑﻌﺖ ﻋﻠﻰ ﻋﺮﺵ ﻗﻠﺒﻪ
ﻭﺗﺄﺑﻰ ﺃﻥ ﻳﺸﺎﺭﻛﻬﺎ ﻓﻴﻪ ﺃﺣﺪ ﺣﺘﻰ ﻭﺇﻥ ﺇﺧﺘﻔﺖ ﺳﺘﻈﻞ ﻫﻲ ﻣﻼﻛﻪ
ﺍﻟﻮﺣﻴﺪ ..
ﺇﻣﺘﺪﺕ ﻳﺪ ﻟﺘﺤﻂ ﻋﻠﻰ ﻛﺘﻔﻪ ﻟﺘﻮﺍﺳﻴﻪ.. ﻣﻊ ﺻﻮﺕ ﻳﻮﺳﻒ ﻗﺎﺋﻼ
ﺑﻬﺪﻭﺀ :
ــ : ﻛﻨﺖ ﻋﺎﺭﻑ ﺇﻧﻲ ﻫﻼﻗﻴﻚ ﻫﻨﺎ .. ﻣﺎﻟﻜﺶ ﻣﻜﺎﻥ ﻏﻴﺮﻩ ﺗﻬﺮﺏ ﻟﻴﻪ
ﻧﻈﺮ ﻟﻪ ﺷﺎﺩﻱ ﺑﻌﻴﻨﻴﻦ ﺫﺍﺑﻠﺘﻴﻦ ﻛﻌﻴﻨﻲ ﻃﻔﻞ ﺣﺮﻡ ﻣﻦ ﺃﻟﻌﺎﺑﻪ
ﻳﻮﺳﻒ ﻭﻫﻮ ﻳﺮﺑﺖ ﻋﻠﻰ ﻇﻬﺮﻩ :
ــ : ﺃﻧﺎ ﻋﺎﺭﻑ ﺇﻥ ﺇﻧﺖ ﻣﺶ ﻣﺼﺪﻕ ﻭﻣﺶ ﻋﺎﻳﺰ ﺗﺼﺪﻕ
ﺷﺎﺩﻱ ﺑﺄﻟﻢ ﺷﺪﻳﺪ :
ــ : ﻧﻔﺴﻲ ﺃﺻﺪﻕ ﺑﺲ ﻣﺶ ﻋﺎﺭﻑ
ﻳﻮﺳﻒ ﺑﺈﺑﺘﺴﺎﻣﻪ ﺻﻐﻴﺮﻩ :
ــ : ﺧﻠﻲ ﺍﻷﻳﺎﻡ ﺗﻠﻒ ﻭﺗﺪﻭﺭ ﻭﻫﻲ ﻫﺘﻜﺸﻒ ﻛﻞ ﺣﺎﺟﻪ .. ﺗﺄﻛﺪ ﺃﻭ ﺗﻨﻔﻲ..
ﻭﺍﻟﻤﻜﺘﻮﺏ ﻫﻴﻜﻮﻥ
ﻧﻈﺮ ﺷﺎﺩﻱ ﺑﻬﺪﻭﺀ ﻟﻠﺒﺤﺮ ﻗﺎﺋﻼ :
ــ : ﺧﻼﺹ ﻳﺎ ﻳﻮﺳﻒ ﻻﺯﻡ ﻧﺸﻮﻑ ﺷﻐﻠﻨﺎ ﻛﻔﺎﻳﻪ ﻋﻄﻠﻪ ﻟﺤﺪ ﻛﺪﻩ
...........................................................................
.............
ﻓﻲ ﻣﻜﺘﺐ ﺳﺎﺭﺓ ﺑﺎﻟﺸﺮﻛﺔ ﻧﻈﺮﺕ ﻟــ " ﻟﻴﻠﻰ " ﺑﺬﻫﻮﻝ ﻗﺎﺋﻠﺔ :
ــ : ﺭﺷﺎﺩ ﺍﻟﻤﺼﺮﻱ !!!!! ﻳﺎ ﻧﻬﺎﺭ ﺇﺳﻮﺩ
ﻟﻴﻠﻲ ﺑﺮﻋﺐ :
ــ : ﻛﺪﻩ ﻓﻲ ﻣﺼﻴﺒﺔ ﻫﺘﺤﺼﻞ ﻳﺎ ﺳﺎﺭﻩ..ﺍﻟﻮﺍﺩ ﻣﺶ ﺑﺲ ﺑﻴﻠﻌﺐ ﺑﺎﻟﺒﻨﺎﺕ
ﺩﻩ ﻣﺘﻔﻖ ﻣﻊ ﺍﻟﻠﻲ ﺇﺳﻤﻪ ﺍﻟﻜﻴﻨﺞ ﺩﻩ ﻫﻮ ﻭﺃﺑﻮﻩ ﻭﺑﻴﺸﺘﻐﻠﻮﺍ ﻣﻌﺎﻩ .. ﻣﺶ
ﺃﻧﺎ ﻟﻤﺎ ﺣﻜﺘﻠﻚ ﻓﻲ ﺍﻟﻤﺴﺘﺸﻔﻰ ﻗﻠﺘﻠﻚ ﻛﺪﻩ.. ﺃﻧﺎ ﺳﻤﻌﺖ ﺑﺎﺳﻢ ﺑﻴﻘﻮﻝ
ﻹﺑﺮﺍﻫﻴﻢ ﺭﺷﺎﺩ ﺍﻟﻤﺼﺮﻱ ﻭﺃﺣﻤﺪ ﺇﺑﻨﻪ ﺍﻟﻠﻲ ﺑﻴﻨﻔﺬﻭﺍ ﺃﻭﺍﻣﺮ ﺍﻟﻜﻴﻨﺞ ﻓﻲ
ﻣﺼﺮ
ﺳﺎﺭﻩ ﻭﻫﻲ ﺗﻨﻔﺾ ﺭﺃﺳﻬﺎ ﺑﻘﻮﻩ :
ــ : ﺩﻱ ﻛﺎﺭﺛﻪ ﺩﻭﻝ ﻋﺼﺎﺑﻪ .. ﻛﺪﻩ ﺃﺣﻤﺪ ﻣﺶ ﻫﻴﺴﻜﺖ ﻭﺃﻛﻴﺪ ﻫﻴﻄﻴﻦ
ﺍﻟﺪﻧﻴﺎ ﻃﺎﻟﻤﺎ ﻫﻮ ﻣﺠﺮﻡ ﻛﺪﻩ ﻭﺗﺒﻊ ﻣﺠﺮﻡ ﺧﻄﻴﺮ
ﻟﻴﻠﻲ ﺑﻠﻮﻋﺔ :
ــ : ﺩﻩ ﻟﻮ ﻣﻜﺎﻧﺶ ﻃﻴﻦ ﺧﻼﺹ
ﺳﺎﺭﻩ :
ــ : ﺇﺳﺘﻨﻲ ﺇﺳﺘﻨﻲ.. ﺗﻔﺘﻜﺮﻱ ﺃﺣﻤﺪ ﻭﺭﺍ ﺣﺮﻕ ﺷﺮﻛﺔ ﺧﺎﻟﻮﺍ؟ ﺑﻴﻌﺎﻗﺒﻨﺎ
ﻛﻠﻨﺎ ﻳﻌﻨﻲ؟
ﻟﻴﻠﻲ :
ــ : ﺃﻧﺎ ﻛﻨﺖ ﻓﺎﻛﺮﻩ ﺍﻟﻤﻮﺿﻮﻉ ﺧﻠﺺ ﻣﻊ ﺍﻟﺼﻮﺭ ﺍﻟﻠﻲ ﺑﻌﺘﻬﺎ ﺭﺍﻣﻲ
ﻣﻌﺮﻓﺶ ﺇﻥ ﺍﻟﺼﻮﺭ ﺩﻱ ﻛﺎﻧﺖ ﻫﻴﻨﻪ ﺑﺎﻟﻨﺴﺒﻪ ﻟﻠﻲ ﻫﻴﺤﺼﻞ
ﺳﺎﺭﻩ ﺑﺪﻫﺸﻪ :
ــ : ﺭﺍﻣﻲ ﻣﻴﻦ؟؟
ﻟﻴﻠﻲ ﺑﺘﻨﻬﻴﺪﻩ :
ــ : ﻫﻔﻬﻤﻚ ﺍﻟﺼﻮﺭ ﺇﺗﺒﻌﺘﺘﻠﻨﺎ ﺇﺯﺍﻱ ﺃﺻﻼ ..ﺭﺍﻣﻲ ﺃﺧﻮ ﻳﻤﻨﻰ ﻭﺭﺍ ﻛﻞ ﺩﻩ
...........................................................................
.....................
ﻗــــﺮﻳﺒﺎ ﺗﺴﻘﻂ ﺍﻷﻗﻨﻌﺔ.. ﺷــﺮﻛـــﺎﺕ ﺭﺷﺎﺩ ﺍﻟﻤﺼﺮﻱ ..
ﺳﺆﺍﻝ ﻳﻄﺮﺡ ﻧﻔﺴﻪ ﺑﻘﻮﻩ ﻭﺍﻵﻥ ﺑﺎﻟﺬﺍﺕ ﻣﻦ ﺃﻳﻦ ﻟﻚ ﻫﺬﺍ ﻳﺎ
ﻣﺼﺮﻱ؟؟..ﻟﻢ ﻧﻌﺪ ﻧﺴﺄﻝ ﺑﻞ ﻧﺤﻦ ﻣﻦ ﺳﻴﺠﺎﻭﺏ ..
ﺻﻔﻘﺎﺕ ﺍﻷﺳﻠﺤﺔ ﻭﺍﻟﻤﺨﺪﺭﺍﺕ ﻟﻢ ﺗﻌﺪ ﻫﻲ ﺍﻟﻜﺎﺭﺛﺔ ﻓﻘﻂ ﻓﺎﻟﻤﺼﺮﻱ ﻟﻢ
ﻳُﺮﺩ ﺃﻥ ﻳﻜﻮﻥ ﻣﺠﺮﻣﺎ ﺑﺴﻴﻄﺎ !!.. ﺃﺭﺍﺩ ﺃﻥ ﻳﻜﺘﺐ ﺇﺳﻤﻪ ﺑﺪﻣﺎﺀ ﺍﻟﻨﺎﺱ
ﺑﻌﺪ ﺇﺛﺒﺎﺕ ﻣﺠﻤﻮﻋﺔ ﻣﻦ ﺟﺮﺍﺋﻢ ﺍﻟﻘﺘﻞ ﺃﻣﺮ ﺑﻬﺎ..
ﺑﺎﻟﻮﺛﺎﺋﻖ ﻭﺍﻟﻤﺴﺘﻨﺪﺍﺕ ﺃﻳﻀﺎ ﻧﺮﻯ ﺍﻟﻤﺼﺮﻱ ﻳﺤﺘﻜﺮ ﺍﻹﺟﺮﺍﻡ ﻟﻨﻔﺴﻪ ﻓﻠﻢ
ﻳﺘﺮﻙ ﻣﺠﺎﻻ ﺇﻻ ﻭﻃﺮﻗﻪ ..ﺣﺘﻰ ﺍﻟﺘﺠﺎﺭﺓ ﻓﻲ ﺁﺛﺎﺭ ﺍﻟﺒﻼﺩ ﻟﻢ ﺗﺴﻠﻢ ﻣﻦ
ﺟﺸﻌﻪ..
ﻣﻘﺎﻝ ﻃﻮﻳﻞ ﺗﺼﺪﺭ ﺍﻟﺼﺤﻒ ﺑﻌﺪ ﺃﻥ ﻓﺠﺮ ﺇﺑﺮﺍﻫﻴﻢ ﻓﻀﺎﺋﺢ ﺷﺮﻛﺎﺕ
ﺍﻟﻤﺼﺮﻱ ﺍﻟﻤﻮﺛﻖ ﺑﺎﻟﻤﺴﺘﻨﺪﺍﺕ ﺍﻟﺘﻲ ﺣﺼﻞ ﻋﻠﻴﻬﺎ ﻣﻦ ﺳﺎﻣﺢ ﺍﻟﻨﺼﺎﺭ..
ﻣﺨﺘﺘﻤﺎ ﻣﻘﺎﻟﻪ ﺑﻌﺒﺎﺭﺓ ﺗﻬﺪﻳﺪ ﻭﺍﺿﺤﺔ ﻣﺮﻋﺒﺔ..
ﻭﻗﺮﻳﺒﺎ ﺇﻧﺘﻈﺮﻭﺍ ﺻﺎﻋﻘﺔ ﺟﺪﻳﺪﺓ ﺳﺘُﺴﺠﻞ ﻓﻲ ﻣﻠﻒ ﺍﻟﻤﺼﺮﻱ
ﺍﻹﺟﺮﺍﻣﻲ ﺍﻟﻄﻮﻳﻞ .. ﺍﻟﺘﺠﺎﺭﺓ ﺑﺎﻷﻋﻀﺎﺀ ﺍﻟﺒﺸﺮﻳﺔ ﺑﺎﻟﻮﺛﺎﺋﻖ
ﻭﺍﻟﻤﺴﺘﻨﺪﺍﺕ..
ﺇﺑﺘﺴﻢ ﺇﺑﺮﺍﻫﻴﻢ ﻓﻲ ﺯﻫﻮ ﻭﻫﻮ ﻳﻨﻈﺮ ﻟﺤﺎﺳﻮﺑﻪ ﻓﻲ ﻣﻜﺘﺒﻪ ﺑﺎﻟﺠﺮﻳﺪﺓ
ﻗﺎﺋﻼ ﻟﻌﻤﺎﺭ ﺑﺴﻌﺎﺩﺓ :
ــ : ﻛﻞ ﺍﻟﻤﻮﺍﻗﻊ ﺍﻹﺧﺒﺎﺭﻳﻪ ﺩﻟﻮﻗﺘﻲ ﻋﻤﺎﻟﻪ ﺗﻨﺰﻝ ﺍﻟﺨﺒﺮ ﺑﺘﺎﻋﻨﺎ .. ﺃﻧﺎ ﻣﺶ
ﻣﺘﺨﻴﻞ ﺷﻜﻞ ﺭﺷﺎﺩ ﺩﻟﻮﻗﺘﻲ
ﻋﻤﺎﺭ ﺑﻘﻠﻖ :
ــ : ﺑﻼﺵ ﻧﺘﺨﻴﻞ ﺷﻜﻠﻪ ﻋﺸﺎﻥ ﺑﺼﺮﺍﺣﻪ ﻣﺮﻋﻮﺏ ﻣﻦ ﺭﺩ ﻓﻌﻠﻪ
ﺇﺑﺮﺍﻫﻴﻢ :
ــ : ﻣﺘﻘﻠﻘﺶ ﻳﺎ ﻋﻤﻮﺭﻩ ﻗﺒﻞ ﻣﺎ ﻳﻠﺤﻖ ﻳﺎﺧﺪ ﻧﻔﺴﻪ ﻫﺘﻮﺻﻠﻪ ﺍﻟﻘﺎﺿﻴﻪ
ﻋﻤﺎﺭ :
ــ : ﻣﺶ ﺍﻟﻤﻔﺮﻭﺽ ﺳﺎﻣﺢ ﻳﻜﻠﻤﻚ ﻳﻘﻮﻟﻚ ﺭﺩ ﻓﻌﻞ ﺭﺷﺎﺩ ﻭﻫﻴﺪﻳﻨﺎ ﺑﻘﻴﺔ
ﺍﻟﻮﺭﻕ ﺇﻣﺘﻰ
ﺇﺑﺮﺍﻫﻴﻢ :
ــ : ﺧﻠﻴﻨﺎ ﻧﺴﻴﺒﻪ ﺍﻟﻨﻬﺎﺭﺩﻩ ﻭﻧﻜﻠﻤﻪ ﺑﻜﺮﻩ ﻳﻜﻮﻥ ﺍﻟﻤﺼﺮﻱ ﻓﺎﻕ ﺷﻮﻳﻪ
ﻭﻧﻌﺮﻑ ﺧﻂ ﺳﻴﺮﻩ.. ﺩﻟﻮﻗﺘﻲ ﻛﻞ ﺧﻄﻮﻩ ﻭﻧﻔﺲ ﻫﻴﻌﻤﻠﻪ ﻫﻴﻼﻗﻴﻪ
ﻣﺘﺴﺠﻞ ﻭﻣﺘﺼﻮﺭ ..
...........................................................................
.............................
ﻓﻲ ﻏﺮﻓﺔ ﻫﺎﻟﻪ ﻛﺎﻧﺖ ﺗﺤﺪﺛﻪ ﻋﺒﺮ ﺍﻟﻬﺎﺗﻒ ﻗﺎﺋﻠﺔ ﺑﺤﺰﻡ :
ــ : ﺑﻜﺮﻩ ﻳﺎ ﻣﺼﻄﻔﻰ
ﻣﺼﻄﻔﻰ ﺑﻘﻠﻖ :
ــ : ﻣﺘﺄﻛﺪﻩ ﺇﻥ ﺃﺑﻮﻛﻲ ﻣﺶ ﻫﻴﻌﻤﻠﻲ ﺣﺎﺟﻪ؟
ﻫﺎﻟﻪ ﺑﺜﻘﻪ :
ــ : ﺃﻧﺎ ﻋﺎﺭﻓﻪ ﺑﺎﺑﺎ ﻛﻮﻳﺲ ﻣﻤﻜﻦ ﻳﻌﻤﻞ ﺍﻟﻤﺴﺘﺤﻴﻞ ﻋﺸﺎﻥ ﻣﺼﻠﺤﺘﻪ
ﻭﺷﺮﻓﻪ ﻭﺳﻤﻌﺘﻪ ﻭﻣﺶ ﻫﻴﻀﻴﻊ ﺍﻷﻣﻞ ﺍﻟﻮﺣﻴﺪ ﻟﻴﻪ ..ﺑﻜﺮﻩ ﺍﻟﺴﺎﻋﻪ 5
ﺗﻜﻮﻥ ﻋﻨﺪﻧﺎ ﻭﺇﻧﺖ ﻋﺎﺭﻑ ﻫﺘﻘﻮﻝ ﺇﻳﻪ
ﻣﺼﻄﻔﻰ :
ــ : ﻣﺘﻘﻠﻘﻴﺶ ﻳﺎ ﻗﻠﺒﻲ ﻋﺸﺎﻥ ﺧﺎﻃﺮﻙ ﺇﻧﺘﻲ ﻫﻌﻤﻞ ﺍﻟﻤﺴﺘﺤﻴﻞ
ﻭﺃﺷﻮﻓﻚ ﺑﺘﻀﺤﻜﻲ ﻭﻣﺒﺴﻮﻃﻪ
ﻫﺎﻟﻪ ﺑﻠﻌﺜﻤﻪ :
ــ : ﺗﺴﻠﻢ ﻳﺎ ﻣﺼﻄﻔﻰ
ﻣﺼﻄﻔﻰ ﺑﺤﻨﻴﺔ ﻭﺑﻬﻤﺲ :
ــ : ﻋﺎﺭﻓﻪ ﻳﺎ ﻫﺎﻟﻮ ﺃﻧﺎ ﻛﻨﺖ ﻣﺤﺘﺎﺟﻚ ﺃﻭﻱ ﺃﻧﺎ ﻓﻌﻼ ﺣﺎﺳﺲ ﺇﻧﻲ ﺑﺪﺃﺕ
ﺑﺠﺪ ﺃﺣـ ....
ﻗﺎﻃﻌﺘﻪ ﺑﺘﻮﺗﺮ ﺷﺪﻳﺪ :
ــ : ﻣﺼﻄﻔﻰ ﺑﺎﺑﺎ ﺷﻜﻠﻪ ﺑﻴﻨﺪﻩ ﻋﻠﻴﺎ ﻫﻘﻔﻞ ﻭﺃﻛﻠﻤﻚ ﺑﻌﺪﻳﻦ ﻳﻼ ﺑﺎﻱ.
ﻭﺃﻏﻠﻘﺖ ﺍﻟﻬﺎﺗﻒ ﺑﺘﻮﺗﺮ .. ﻭﺃﻟﻘﺖ ﺑﻪ ﺟﺎﻧﺒﺎ..
ﺃﺧﺬ ﺻﺪﺭﻫﺎ ﻳﻌﻠﻮ ﻭﻳﻬﺒﻂ ﻣﻦ ﺍﻟﺘﻮﺗﺮ ﻫﻲ ﺗﻌﻠﻢ ﺟﻴﺪﺍ ﺃﻧﻬﺎ ﻟﻢ ﺗﻔﻌﻞ
ﻛﻞ ﻫﺬﺍ ﻣﻦ ﺃﺟﻞ ﺍﻹﺭﺗﺒﺎﻁ ﺑﻤﺼﻄﻔﻰ !.. ﻓﻬﻮ ﺁﺧﺮ ﺇﻫﺘﻤﺎﻣﺎﺗﻬﺎ ﺑﻞ
ﺗﺮﻳﺪ ﺍﻹﺳﺘﻔﺎﺩﻩ ﻣﻨﻪ ﺛﻢ ﺍﻟﻬﺮﻭﺏ ﻭﻟﻜﻦ ﺿﻤﻴﺮﻫﺎ ﻟﻢ ﻳﺮﺣﻤﻬﺎ ﻓﻬﻲ ﺗﻌﻠﻢ
ﺣﺒﻪ ﻟﻬﺎ ﻭﺃﻧﻬﺎ ﺗﺴﺘﻐﻞ ﻧﻘﻄﺔ ﺿﻌﻔﻪ .. ﻭﻟﻜﻨﻬﺎ ﺃﻳﻀﺎ ﻭﺍﺛﻘﻪ ﺃﻧﻪ ﻟﻴﺲ
ﺍﻟﺮﺟﻞ ﺍﻟﻤﻨﺎﺳﺐ
ﺗﻨﻬﺪﺕ ﺑﻘﻠﻖ ﻭﻫﻲ ﺗﻘﻮﻝ :
ــ : ﺇﺳﺘﺮ ﻳﺎﺭﺏ ﻭﻋﺪﻳﻬﺎ ﻋﻠﻰ ﺧﻴﺮ..
ﺃﻟﻘﺖ ﺑﺠﺴﺪﻫﺎ ﻋﻠﻰ ﺳﺮﻳﺮﻫﺎ ﻭﻫﻲ ﺗﺮﺳﻢ ﻣﻼﻣﺢ ﺃﺣﺪﻫﻢ ﻓﻲ ﺍﻟﻬﻮﺍﺀ
ﻛﻢ ﺇﺷﺘﺎﻗﺖ ﺇﻟﻴﻪ ..ﺗﺮﻯ ﺃﻣﺎﺯﺍﻝ ﻳﺘﺬﻛﺮﻫﺎ.. ؟ ﺃﻡ ﻧﺴﻴﻬﺎ ﺑﻌﺪ ﺃﻥ ﻭﺩﻋﻬﺎ
ﻭﺭﺣﻞ !!..
...........................................................................
........................
ﻓﻲ ﻏﺮﻓﺔ ﺍﻹﺟﺘﻤﺎﻋﺎﺕ ﺑﺈﺣﺪﻯ ﺷﺮﻛﺎﺕ ﺍﻷﺳﻴﻮﻃﻲ ﻛﺎﻥ ﻳﺠﻠﺲ ﺷﺎﺩﻱ
ﻋﻠﻰ ﺭﺃﺱ ﺍﻟﻄﺎﻭﻟﺔ ﻭﻫﻮ ﻳﻨﻈﺮ ﻟﻤﺪﻳﺮﻱ ﺍﻟﺸﺮﻛﺎﺕ ﺧﺎﺻﺘﻪ ﻭﻳﻘﻮﻝ
ﺑﺈﺑﺘﺴﺎﻣﺔ ﻫﺎﺩﺋﺔ :
ــ : ﺃﻧﺎ ﺍﻟﻨﻬﺎﺭﺩﻩ ﺇﺟﺘﻤﻌﺖ ﺑﻴﻜﻢ ﻭﻣﻌﺎﻳﺎ ﺍﻟﺒﺸﻤﻬﻨﺪﺱ ﺣﺴﺎﻡ
ﻭﺍﻟﺒﺸﻤﻬﻨﺪﺱ ﻣﺤﻤﺪ ﻭﺩﻭﻝ ﺃﻛﺘﺮ ﺭﺟﺎﻟﻪ ﻭﻗﻔﻮﺍ ﻣﻌﺎﻳﺎ ﻭﻫﻴﻤﺴﻜﻮﺍ
ﺍﻹﺩﺍﺭﻩ ﻫﻨﺎ ..ﻻﺯﻡ ﺍﻟﺸﻐﻞ ﻳﺒﺪﺃ ﺗﺎﻧﻲ ﺃﺣﺴﻦ ﻣﻦ ﺍﻷﻭﻝ ﻭﻧﻨﺴﻰ ﺧﺎﻟﺺ
ﻣﺮﺣﻠﺔ ﺍﻟﺠﻤﻮﺩ ﺍﻟﻠﻲ ﻛﻨﺎ ﻓﻴﻬﺎ
ﺣﺴﺎﻡ :
ــ : ﺑﺎﻟﻨﺴﺒﺔ ﻟﻠﻤﺼﻨﻊ ﺩﻩ ﺟﺰﺀ ﻣﻦ ﻣﺠﻤﻮﻋﺔ ﺷﺮﻛﺎﺕ ﺍﻷﺳﻴﻮﻃﻲ ﻭﺍﻟﻠﻲ
ﻻﺯﻡ ﻛﻠﻨﺎ ﻧﻌﺮﻑ ﺇﻥ ﺍﻟﻔﺘﺮﻩ ﺍﻟﺠﺎﻳﻪ ﻫﻨﺸﻮﻑ ﺗﻄﻮﺭﺍﺕ ﻛﺒﻴﺮﻩ ﻓﻲ
ﺍﻟﻤﺠﻤﻮﻋﻪ ﻭﻓﻲ ﺍﻟﻤﺼﻨﻊ ﻳﻌﻨﻲ ﻻﺯﻡ ﻧﺸﻮﻑ ﺷﻐﻠﻨﺎ ﻛﻮﻳﺲ ﻭﻧﺒﻘﻰ ﻗﺪ
ﺍﻟﻤﺴﺌﻮﻟﻴﺔ ﻣﺶ ﻋﺎﻳﺰﻳﻦ ﻛﺴﻞ ﻭﺇﻫﻤﺎﻝ ﻭﺍﻟﻠﻲ ﻫﻴﺘﻬﺎﻭﻥ ﻓﻲ ﺍﻟﺸﻐﻞ
ﻣﺶ ﻫﻴﻔﻀﻞ ﻫﻨﺎ ﺛﺎﻧﻴﺔ ﻭﺍﺣﺪﻩ ﺑﻤﺎ ﻓﻴﻬﻢ ﺇﺣﻨﺎ.. ﺇﺣﻨﺎ ﻳﺎ ﺟﻤﺎﻋﺔ ﻣﺶ
ﻧﺎﺯﻟﻴﻦ ﻣﻦ ﻛﻨﺪﺍ ﻧﻬﺰﺭ ﺇﺣﻨﺎ ﻋﺎﻳﺰﻳﻦ ﻧﺸﺘﻐﻞ ﺻﺢ ﻭﺍﻟﻠﻲ ﻫﻴﻨﺠﺰ ﻣﻌﺎﻧﺎ
ﻫﺘﻜﻮﻥ ﻟﻴﻪ ﺣﻮﺍﻓﺰ ﻭﻣﻜﺎﻓﺂﺕ ﻭﻣﻔﻴﺶ ﺭﻭﺍﺗﺐ ﻫﺘﺘﺄﺧﺮ ﺗﺎﻧﻲ ﻭﺃﻱ
ﻣﺸﺎﻛﻞ ﺇﺣﻨﺎ ﻣﻮﺟﻮﺩﻳﻦ
ﺷﺒﻚ ﻣﺤﻤﺪ ﺍﺻﺎﺑﻌﻪ ﻋﻠﻰ ﺍﻟﻄﺎﻭﻟﺔ ﻗﺎﺋﻼ :
ــ : ﻛﻔﺎﻳﺔ ﺍﻟﺨﺴﺎﺭﺓ ﻓﻲ ﺍﻟﺴﻨﺘﻴﻦ ﺍﻟﻠﻲ ﻓﺎﺗﻮﺍ.. ﺇﺣﻨﺎ ﻋﻤﻠﻨﺎ ﺩﺭﺍﺳﺔ ﻓﻲ
ﺗﻄﻮﻳﺮ ﺍﻟﻤﺼﻨﻊ ﻭﻋﺎﻣﻠﻴﻦ ﺧﻄﻪ ﻟﻮ ﺇﺗﻨﻔﺬﺕ ﻫﺘﺒﻘﻰ ﺍﻟﻤﺠﻤﻮﻋﻪ ﺑﺘﺎﻋﺘﻨﺎ
ﻣﻦ ﺃﻛﺒﺮ ﺷﺮﻛﺎﺕ ﻣﺼﺮ ﻭﺍﻟﻌﺎﻟﻢ ﺍﻟﻌﺮﺑﻲ ﻭﺍﻷﻭﺭﻭﺑﻲ ﻛﻤﺎﻥ ﻓﻲ ﺧﻼﻝ
ﻛﺎﻡ ﺳﻨﻪ ﺑﺲ .. ﺩﻩ ﻃﺒﻌﺎ ﻫﻴﺤﺘﺎﺝ ﺟﻬﺪ ﻭﻭﻗﺖ ﻭﺷﻐﻞ ﻧﻈﻴﻒ
ﺷﺎﺩﻱ ﺑﻬﺪﻭﺀ :
ــ : ﻭﻃﺎﻟﻤﺎ ﺟﻴﻨﺎ ﻟﻠﺸﻐﻞ ﺍﻟﻨﻈﻴﻒ ﺃﻧﺎ ﺍﻟﻨﻬﺎﺭﺩﻩ ﻣﺠﻤﻊ ﻛﻞ ﺭﺅﺳﺎﺀ ﺷﺮﻛﺎﺕ
ﺍﻟﻤﺠﻤﻮﻋﺔ ﻫﻨﺎ ﻋﺸﺎﻥ ﺃﻓﻬﻤﻜﻢ ﻋﻠﻰ ﺣﺎﺟﺔ.. ﺍﻟﻤﺠﻤﻮﻋﺔ ﺑﺘﻮﺍﺟﻪ
ﺗﺤﺪﻳﺎﺕ ﺻﻌﺒﺔ ﻭﻟﻴﻨﺎ ﺃﻋﺪﺍﺀ ﺑﺲ ﻛﻞ ﺩﻩ ﻣﻤﻜﻦ ﻧﺘﺨﻄﺎﻩ ﺑﺈﺫﻥ ﺍﻟﻠﻪ ﻓﻲ
ﺣﺎﻟﺔ ﻭﺣﺪﻩ
ﻭﺃﻛﻤﻞ ﻭﻫﻮ ﻳﻘﻮﻝ ﺑﻠﻬﺠﻪ ﺫﺍﺕ ﻣﻌﻨﻰ :
ــ : ﻣﻴﻜﻨﺶ ﻓﻲ ﺟﻮﺍﻧﺎ ﻋﻤﻼﺀ ﻟﺸﺮﻛﺎﺕ ﻣﻨﺎﻓﺴﺔ ﺑﻴﺴﺮﺑﻮﺍ ﻣﻌﻠﻮﻣﺎﺕ
ﺍﻟﻤﺠﻤﻮﻋﺔ ﻭﺑﺎﻟﻤﻨﺎﺳﺒﺔ ﺍﻟﻠﻲ ﻫﻜﺘﺸﻔﻪ ﻣﺶ ﻫﺮﺣﻤﻪ ﻷﻥ ﺇﺣﻨﺎ ﺯﻱ ﻣﺎ
ﻗﺎﻝ ﺣﺴﺎﻡ ﻣﺶ ﺑﻨﻬﺰﺭ.. ﺍﻟﻠﻲ ﻋﺎﻳﺰ ﻳﺸﺘﻐﻞ ﻣﻌﺎﻧﺎ ﺃﻫﻼ ﻭﺳﻬﻼ ﻭﺍﻟﻠﻲ
ﻣﺶ ﻋﺎﻳﺰ ﺭﺑﻨﺎ ﻳﻮﻓﻘﻪ ﻏﻴﺮ ﻛﺪﻩ ﺍﻟﻠﻲ ﻫﻴﻘﻊ ﻭﺍﻟﻠﻪ ﺍﻟﻌﻈﻴﻢ ﻫﻴﻨﺪﻡ ﻋﻠﻰ
ﺍﻟﻴﻮﻡ ﺍﻟﻠﻲ ﻋﺮﻑ ﻓﻴﻪ ﺍﻟﺸﻐﻞ ﺃﺻﻼ.. ﺇﺣﻨﺎ ﻟﻴﻪ ﺑﻨﻘﻮﻝ ﻛﺪﻩ ﻋﺸﺎﻥ
ﺗﻮﺻﻠﻮﺍ ﺍﻟﻜﻼﻡ ﺩﻩ ﻟﻠﻌﻤﺎﻝ ﻭﺍﻟﻤﻮﻇﻔﻴﻦ ﻓﻲ ﻛﻞ ﺍﻟﻤﺠﻤﻮﻋﺔ ﻭﻋﺎﻳﺰ
ﻋﻴﻮﻧﻜﻢ ﻣﻔﺘﺤﻪ ﻷﻥ ﺍﻟﻄﺮﻳﻖ ﺍﻟﻠﻲ ﻛﻨﺘﻮﺍ ﻣﺎﺷﻴﻴﻦ ﻓﻴﻪ ﻫﻮ ﻃﺮﻳﻖ
ﺍﻹﻧﻬﻴﺎﺭ ﻭﺃﻧﺎ ﻣﺶ ﻋﺎﻳﺰ ﺍﻟﻤﺠﻤﻮﻋﺔ ﺗﺘﻬﺪ
ﺣﺴﺎﻡ ﺑﺤﺰﻡ :
ــ : ﻭﺇﺣﻨﺎ ﻭﺍﺛﻘﻴﻦ ﻓﻲ ﺗﻌﺎﻭﻧﻜﻢ ﻣﻌﺎﻧﺎ ﺇﻥ ﺷﺎﺀ ﺍﻟﻠﻪ ﻋﺸﺎﻥ ﻣﺼﻠﺤﺘﻨﺎ
ﻛﻠﻨﺎ .. ﺗﻤﺎﻡ ﻛﺪﻩ؟؟
ﺳﺎﺩ ﺍﻟﺼﻤﺖ ﻟﺤﻈﺎﺕ ﻳﻨﻈﺮ ﺭﺅﺳﺎﺀ ﺍﻟﻤﺠﻤﻮﻋﺔ ﻟﻬﺆﻻﺀ ﺍﻟﺜﻼﺛﺔ ﺍﻟﺬﻳﻦ
ﺳﻘﻄﻮﺍ ﻋﻠﻰ ﺭﺅﻭﺳﻬﻢ ﻓﺠﺄﻩ ﻭﻟﻬﺠﺘﻢ ﺗﺤﻤﻞ ﺍﻟﻘﻮﺓ ﻭﺍﻟﺼﺮﺍﻣﺔ ﻭﻣﻦ
ﺍﻟﻮﺍﺿﺢ ﺃﻧﻬﻢ ﻟﻦ ﻳﺴﻤﺤﻮﺍ ﺑﺎﻟﺘﻬﺎﻭﻥ ﺍﻟﺬﻱ ﺳﻌﺖ ﺩﺍﻟﻴﺎ ﻭﺳﺎﻣﺮ
ﻟﺘﺤﻘﻴﻘﻪ.. ﻭﻟﻜﻦ ﻻ ﻣﻔﺮ ﻓﻬﻢ ﻳﻌﺮﻓﻮﻥ ﺃﻧﺎ ﺍﻟﻜﻔﺔ ﺍﻟﺮﺍﺟﺤﺔ ﺣﺎﻟﻴﺎ
ﻟﻠﻨﺼﻴﺐ ﺍﻷﻛﺒﺮ ﻓﻲ ﺍﻟﻤﺠﻤﻮﻋﺔ ﻭﺇﺑﻦ ﻣﺆﺳﺲ ﺍﻟﻤﺠﻤﻮﻋﺔ ﻭﻋﻠﻴﻬﻢ
ﺍﻹﻣﺘﺜﺎﻝ ﻟﻸﻭﺍﻣﺮ ﻟﻤﺼﻠﺤﺘﻬﻢ ﻗﺒﻞ ﻣﺼﻠﺤﺘﻪ
ﻭﻫﻜﺬﺍ ﻭﺿﻊ ﺷﺎﺩﻱ ﻗﻮﺍﻋﺪ ﺍﻟﻌﻤﻞ ﺍﻷﺳﺎﺳﻴﺔ ﺑﻘﻮﻩ ﻓﻠﻢ ﻳﻌﺪ ﻋﻨﺪﻩ
ﺇﺳﺘﻌﺪﺍﺩ ﺃﻥ ﻳﺨﺴﺮ ﺷﻴﺌﺎ ﺁﺧﺮ ﻭﺳﻴﺤﺎﺭﺏ ﺑﻜﻞ ﻗﻮﺗﻪ ﻟﻴﺼﻞ ﻋﻠﻰ
ﺍﻷﻗﻞ ﺇﻟﻰ ﺣﻠﻤﻪ ﺍﻟﺬﻱ ﺃﺻﺒﺢ ﻭﺣﻴﺪﺍ ﺑﻌﺪ ﺿﻴﺎﻉ ﺑﻘﻴﺔ ﺍﻷﺣﻼﻡ ﻋﻠﻪ
ﻳﻨﺴﻰ ﺍﻟﻤﺎﺿﻲ ﺍﻟﺬﻱ ﻳﻄﺎﺭﺩﻩ ﺃﻳﻨﻤﺎ ﺫﻫﺐ ..
ﻫﺎﻫﻮ ﻳﺸﻖ ﺍﻟﻄﺮﻳﻖ ﻫﺬﻩ ﺍﻟﻤﺮﻩ ﺑﺈﺭﺍﺩﺗﻪ ﺩﻭﻥ ﺗﻮﺟﻴﻪ ﻣﻦ ﺃﺣﺪ ﻋﻠﻰ
ﺍﻷﻗﻞ ﻛﻤﺎ ﻳﻈﻦ .. ﻋﻠﻲ ﻳﻤﻴﻨﻪ ﺣﺴﺎﻡ ﻭﻋﻠﻰ ﻳﺴﺎﺭﻩ ﻣﺤﻤﺪ ﻭﺑﻤﺴﺎﻋﺪﺓ
ﻋﺒﺪﺍﻟﻌﺰﻳﺰ ﺩﺍﺭ ﻋﻠﻰ ﻣﺠﻤﻮﻋﺔ ﺷﺮﻛﺎﺕ ﺍﻷﺳﻴﻮﻃﻲ ﺗﻠﻚ ﺍﻟﺸﺮﻛﺎﺕ ﺍﻟﺘﻲ
ﺃﺳﺴﻬﺎ ﻭﺍﻟﺪﻩ ﻭﻛﺎﻧﺖ ﺻﻐﻴﺮﺓ ﺟﺪﺍ ﻭﺑﻌﺪ ﺍﻟﻌﻤﻞ ﺍﻟﻤﺘﻮﺍﺻﻞ ﻟﺘﻄﻮﻳﺮﻫﺎ
ﻫﺎﻫﻲ ﺗﻜﺎﺩ ﺗﻨﻬﺎﺭ ﻭﻗﺪ ﻗﺮﺭ ﺃﻥ ﻳﺮﻣﻲ ﻟﻬﺎ ﻃﻮﻕ ﺍﻟﻨﺠﺎﺓ ..
ﺳﻴﻮﺍﺻﻞ ﺑﺨﻄﻮﺍﺕ ﺛﺎﺑﺘﺔ ..ﺇﻟـــﻰ ﺍﻟﻨﻬﺎﻳﺔ ﺑﻐﺾ ﺍﻟﻨﻈﺮ ﻋﻤﺎ ﺗﺤﻤﻠﻪ ﻟﻪ
ﺍﻟﻨﻬﺎﻳﺔ ﻣﻦ ﻣﻔﺎﺟﺂﺕ !!..
.......................................................................................
ﻭﻗﻒ ﺳﺎﻣﺮ ﻳﻨﻈﺮ ﻣﻦ ﻧﺎﻓﺬﺓ ﻣﻜﺘﺒﻪ ﻗﺎﺋﻼ ﺑﺘﻮﺗﺮ :
ــ : ﻻﺯﻡ ﻧﺘﺼﺮﻑ ﻳﺎ ﺩﺍﻟﻴﺎ ﻭﺑﺴﺮﻋﻪ ..
ﺩﺍﻟﻴﺎ ﺑﺘﻨﻬﻴﺪﺓ :
ــ : ﺟﺘﻠﻚ ﺍﻷﻭﺍﻣﺮ؟
ﺳﺎﻣﺮ :
ــ : ﺃﻩ .. ﺃﻧﺎ ﻋﺎﺭﻑ ﺇﻧﻚ ﻣﺶ ﺑﺘﺤﺒﻲ ﺍﻟﻤﺮﺣﻠﺔ ﺩﻱ ﺑﺲ ﻣﻔﻴﺶ ﻣﻔﺮ
ﺩﺍﻟﻴﺎ ﺑﺠﻤﻮﺩ :
ــ : ﻣﻴﻦ؟
ﺇﻟﺘﻔﺖ ﻟﻬﺎ ﻗﺎﺋﻼ ﺑﺼﻮﺕ ﻗﺎﺳﻲ :
ــ : ﺳﺎﻣﺢ ﺍﻟﻨﺼﺎﺭ
ﺯﻓﺮﺕ ﺑﻀﻴﻖ ﻭﻫﻲ ﺗﻘﻮﻝ :
ــ : ﺑﺲ ﺩﻩ ﻛﻠﺐ ﻣﻴﺴﻮﺍﺵ
ﺿﺤﻚ ﺑﺴﺨﺮﻳﺔ ﻗﺎﺋﻼ :
ــ : ﻣﺎ ﺍﻟﻠﻲ ﻗﺒﻠﻪ ﻛﺎﻧﻮﺍ ﻛﻼﺏ ﺑﺮﺿﻮ
...........................................................................
................
ﻓﻲ ﺻﺎﻟﻮﻥ ﺍﻟﻔﻴﻼ ﻛﺎﻥ ﻋﻠﻲ ﺟﺎﻟﺴﺎ ﻳﺘﺎﺑﻊ ﺍﻟﺘﻠﻔﺎﺯ ﻭﺯﻭﺟﺘﻪ
ﺑﺠﻮﺍﺭﻩ.. ﺇﻟﺘﻔﺖ ﻟﻬﺎ ﻗﺎﺋﻼ ﺑﺈﺑﺘﺴﺎﻣﺔ :
ــ : ﺭﺑﻨﺎ ﻳﺨﻠﻴﻜﻲ ﻟﻴﺎ ﻭﻣﻴﺤﺮﻣﻨﻴﺶ ﻣﻨﻚ ﻳﺎ ﻣﻨﻰ
ﻣﻨﻰ ﺑﺄﺳﻒ :
ــ : ﻋﻠﻲ ﻫﻮ ﺇﻧﺖ ﺗﻌﺒﺖ ﺑﺴﺒﺒﻲ. ؟ ﺃﻧﺎ ﺍﻟﺴﺒﺐ ﻓﻲ ﺍﻟﻠﻲ ﺣﺼﻠﻚ ﻟﻤﺎ
ﺯﻋﻠﺘﻚ؟
ﻋﻠﻲ :
ــ : ﻳﺎ ﻣﻨﻰ ﺇﻧﺘﻲ ﻣﺮﺍﺗﻲ ﻭﺃﻡ ﻭﻻﺩﻱ ﻭﺃﻏﻠﻰ ﺣﺎﺟﻪ ﻋﻨﺪﻱ ﻣﺘﻘﻠﻘﻴﺶ ﺃﻧﺎ
ﺑﻘﻴﺖ ﻛﻮﻳﺲ ﺧﻼﺹ ﻭﺍﻟﺘﻌﺐ ﺩﻩ ﻛﺎﻥ ﺑﺴﺒﺐ ﺍﻟﺸﻐﻞ
ﺩﺧﻠﺖ ﻋﻠﻴﻬﻢ ﺇﻳﻤﺎﻥ ﻗﺎﺋﻠﺔ :
ــ : ﻣﺎﺷﺎﺀ ﺍﻟﻠﻪ ﻣﺎﻫﻮ ﺇﺣﻨﺎ ﺇﺗﺤﺴﻨﺎ ﻛﺘﻴﺮ ﺃﻫﻮ
ﻋﻠﻲ ﺑﻬﺪﻭﺀ :
ــ : ﺍﻟﺤﻤﺪﻟﻠﻪ ﻳﺎ ﺇﻳﻤﺎﻥ
ﺇﻳﻤﺎﻥ ﻭﻫﻲ ﺗﻨﺎﻭﻟﻪ ﻫﺎﺗﻔﻬﺎ ﻗﺎﺋﻠﺔ :
ــ : ﻃﻴﺐ ﺧﺪ ﺍﻟﻤﻮﺑﺎﻳﻞ ﻛﻠﻢ ﺑﺎﺳﻢ ﻛﺎﻥ ﻋﺎﻳﺰ ﻳﺴﺄﻟﻚ ﻋﻦ ﺣﺎﺟﻪ ﻓﻲ
ﺍﻟﺸﻐﻞ ﻭﺇﺗﺼﻞ ﺑﻴﻚ ﻣﻮﺑﺎﻳﻠﻚ ﻣﻘﻔﻮﻝ
ﺃﺧﺬ ﺍﻟﻬﺎﺗﻒ ﻣﻨﻬﺎ ﻭﻭﺿﻌﻪ ﻋﻠﻰ ﺃﺫﻧﻪ ﻗﺎﺋﻼ :
ــ : ﺇﻧﺖ ﻫﺘﻘﺮﻓﻨﻲ ﻳﺎ ﻋﻢ ﺑﺎﺳﻢ ﻛﻞ ﺷﻮﻳﻪ ﺗﺘﺼﻞ ﺃﻧﺎ ﻓﻲ ﻓﺘﺮﺓ ﻧﻘﺎﻫﻪ
ﻭﻻﺯﻡ ﺃﺭﺗﺎﺡ ﻳﺎ ﺃﺧﻲ
ﺑﺎﺳﻢ :
ــ : ﻣﻌﻠﻴﺶ ﺑﻘﻰ ﻳﺎﺧﺎﻟﻮ ﺳﻴﺐ ﺍﻟﻨﻘﺎﻫﻪ ﻋﻠﻰ ﺟﻤﺐ ﻭﺭﻛﺰ ﻣﻌﺎﻳﺎ ﻋﺸﺎﻥ
ﻻﺯﻡ ﻧﺎﺧﺪ ﻗﺮﺍﺭ ﺳﺮﻳﻊ ..ﺇﺣﻨﺎ ﻻﺯﻡ ﻧﻠﻐﻲ ﺷﻐﻠﻨﺎ ﻓﻲ ﺍﻟﺼﻔﻘﺔ ﺍﻟﺠﺪﻳﺪﺓ
ﻭﺑﺄﺳﺮﻉ ﻭﻗﺖ ﻣﻤﻜﻦ
ﻋﻠﻲ ﺑﺪﻫﺸﻪ :
ــ : ﻟﻴﻪ ﻳﺎ ﺑﺎﺳﻢ ﻓﻲ ﺇﻳﻪ؟
ﺑﺎﺳﻢ :
ــ : ﻓﻲ ﺇﻥ ﺻﺎﺣﺐ ﺷﺮﻛﺔ ﺍﻟﻤﺼﺮﻱ ﺍﻟﻠﻲ ﺻﻔﻘﺘﻨﺎ ﻣﻌﺎﻩ ﻫﻴﻘﻊ ﻗﺮﻳﺐ
.. ﺍﻟﺠﺮﺍﻳﺪ ﻗﺎﻟﺒﻪ ﻋﻠﻴﻪ ﺍﻟﺪﻧﻴﺎ ﺩﻩ ﺭﺍﺟﻞ ﺷﻤﺎﻝ.. ﻣﺨﺪﺭﺍﺕ ﻭﺳﻼﺡ
ﻭﺗﻬﺮﻳﺐ ﺃﺛﺎﺭ ﻭﻳﻘﻮﻟﻚ ﺃﻋﻀﺎﺀ ﺑﺸﺮﻳﻪ ﻛﻤﺎﻥ
ﻋﻠﻲ ﺑﺼﺪﻣﺔ :
ــ : ﻧﻌــــﻢ !!!
ﺳﺎﺭﻉ ﺑﺎﺳﻢ ﻗﺎﺋﻼ :
ــ : ﺃﻧﺎ ﻣﻜﻨﺘﺶ ﺃﻋﺮﻑ ﺇﻥ ﺷﺮﻛﺔ ﻧﺠﻤﺔ ﻣﺼﺮ ﺍﻟﻠﻲ ﻋﺎﻣﻠﻴﻦ ﻣﻌﺎﻫﺎ
ﺍﻟﺼﻔﻘﺔ ﺗﺒﻊ ﻟﺸﺮﻛﺎﺕ ﺭﺷﺎﺩ ﺍﻟﻤﺼﺮﻱ ﺑﺲ ﻋﺮﻓﺖ ﻣﻦ ﺍﻟﺠﺮﺍﻳﺪ ﻭﻛﺪﻩ
ﺍﻟﻤﻮﺿﻮﻉ ﺧﻄﻴﺮ ﺟﺪﺍ ﺇﺣﻨﺎ ﻻﺯﻡ ﻧﻮﻗﻒ ﺍﻟﻤﺸﺮﻭﻉ ﻭﺇﻻ ﻫﺘﺒﻘﻰ ﻛﺎﺭﺛﺔ ﻳﺎ
ﺧﺎﻟﻮ
.......................................................................................
ﻛﺎﻧﺖ ﻳﻤﻨﻰ ﺗﺘﻤﺸﻰ ﺑﺠﻮﺍﺭ ﺃﺧﻴﻬﺎ ﻋﻠﻰ ﺷﺎﻃﺊ ﺑﺤﺮ ﺇﺳﻜﻨﺪﺭﻳﺔ ﺣﻴﻦ
ﺇﻟﺘﻔﺘﺖ ﻟﻪ ﻗﺎﺋﻠﺔ ﺑﻔﺮﺡ :
ــ : ﺑﺠﺪ ﻳﺎ ﺷﺎﺩﻱ ﻳﻌﻨﻲ ﺧﻼﺹ ﻇﺒﻄﺖ ﺍﻟﺸﻐﻞ
ﺷﺎﺩﻱ ﻭﻫﻮ ﻳﻘﺒﻞ ﺟﺒﻴﻨﻬﺎ :
ــ : ﺑﺠﺪ ﻳﺎ ﺣﺒﻴﺒﺘﻲ ﻭﻣﺶ ﻫﺴﻴﺒﻚ ﺗﺎﻧﻲ ﺃﺑﺪﺍ ﺇﻥ ﺷﺎﺀ ﺍﻟﻠﻪ ﻟﺤﺪ ﻣﺎ
ﺃﻃﻤﻦ ﻋﻠﻴﻜﻲ ﻣﻊ ﺇﺑﻦ ﺍﻟﺤﻼﻝ ﺍﻟﻠﻲ ﻫﻴﺨﻄﻔﻚ ﻣﻨﻲ
ﻳﻤﻨﻰ ﻭﻫﻲ ﺗﺤﺘﻀﻨﻪ :
ــ : ﻣﻴﺤﺮﻣﻨﻴﺶ ﻣﻨﻚ ﻳﺎ ﺃﺧﻮﻳﺎ ﻳﺎ ﺣﺒﻴﺒﻲ ﺃﻧﺎ ﻣﺒﺴﻮﻃﻪ ﺃﻭﻱ
ﺷﺎﺩﻱ ﻭﻫﻮ ﻳﺒﻌﺪﻫﺎ ﻋﻨﻪ ﻗﺎﺋﻼ ﺑﻤﺮﺡ :
ــ : ﻳﺎ ﺑﺖ ﺇﺣﻨﺎ ﻓﻲ ﺍﻟﺸﺎﺭﻉ ﻳﻤﺴﻜﻮﻧﺎ ﺑﻔﻌﻞ ﻓﺎﺿﺢ
ﻳﻤﻨﻰ ﺑﻀﺤﻚ :
ــ : ﻣﺶ ﻣﻬﻢ ﺍﻟﻤﻬﻢ ﺇﻧﻲ ﺇﻃﻤﻨﺖ ﺇﻧﻚ ﻛﻮﻳﺲ ..
ﺷﺎﺩﻱ ﻭﻫﻮ ﻳﻤﺴﻚ ﻳﺪﻫﺎ ﻭﻳﺴﻴﺮ ﺑﺠﻮﺍﺭﻫﺎ ﻗﺎﺋﻼ :
ــ : ﻋﺎﺭﻓﻪ ﻳﺎ ﻳﻤﻨﻰ ﺍﻟﻮﺍﺣﺪ ﺑﻴﺒﻘﻰ ﻣﺘﺨﻴﻞ ﺇﻥ ﺍﻟﻈﺮﻭﻑ ﻣﻤﻜﻦ ﺗﻘﻬﺮﻩ
ﺑﺲ ﻟﻮ ﺻﻤﻢ ﻫﻮ ﺍﻟﻠﻲ ﻳﻘﻬﺮﻫﺎ ﻫﻴﻜﺴﺐ ﻓﻲ ﺍﻵﺧﺮ
ﻳﻤﻨﻰ ﺑﺤﻨﻖ :
ــ : ﺃﻩ ﻃﺒﻌﺎ ﻃﺒﻌﺎ .. ﺑﻘﻮﻟﻚ ﺇﻳﻪ ﺷﺎﺩﻱ ﺇﻧﺖ ﻻ ﺃﺧﻮﻳﺎ ﻭﻻ ﺃﻋﺮﻓﻚ ﻳﻼ
ﻳﺎﺽ ﻣﻦ ﻫﻨﺎ
ﺷﺎﺩﻱ ﺑﻀﺤﻚ :
ــ : ﻟﻴﻪ ﺑﺲ؟
ﻳﻤﻨﻰ :
ــ : ﻳﺎ ﺇﺑﻨﻲ ﺇﻧﺖ ﻟﻴﻪ ﺑﺘﻌﻘﺪ ﺍﻷﻣﻮﺭ ﻓﻜﻚ
ﻭﺗﻌﺎﻝ ﻧﺎﻛﻞ ﺃﻳﺲ ﻛﺮﻳﻢ ﻛﺎﺗﻚ ﺍﻟﻘﺮﻑ ﺻﺪﻋﺘﻨﻲ ﻭﺑﻌﺪﻳﻦ ﻋﺎﻳﺰﻩ ﺃﻃﻠﺐ
ﻣﻨﻚ ﻃﻠﺐ
ﺷﺎﺩﻱ :
ــ : ﺇﻳﻪ ﻳﺎ ﺳﺘﻲ؟
ﻳﻤﻨﻰ :
ــ : ﺧﻠﻲ ﺭﺍﻣﻲ ﻳﺸﺘﻐﻞ ﻣﻌﺎﻙ ﺑﻼﺵ ﻳﺸﺘﻐﻞ ﻋﻨﺪ ﺳﺎﻣﺮ ﺍﻟﺮﺍﺟﻞ ﺩﻩ
ﻣﺶ ﺑﺤﺒﻪ ﻭﻣﺼﺪﻗﺖ ﺭﺍﻣﻲ ﺣﺎﻟﻪ ﺑﺪﺃ ﻳﺘﺼﻠﺢ ﺧﻠﻴﻪ ﺗﺤﺖ ﻋﻴﻨﻚ
ﺃﺣﺴﻦ
ﺷﺎﺩﻱ ﺑﺘﻔﻜﻴﺮ :
ــ : ﺩﺍﻟﻴﺎ ﻣﺶ ﻫﺘﺮﺿﻰ
ﻳﻤﻨﻰ ﺑﺤﺰﻡ :
ــ : ﻭﺍﻗﻊ ﻫﻨﻔﺮﺿﻪ ﻋﻠﻴﻬﺎ ﺃﻧﺎ ﻗﻠﻘﺎﻧﻪ ﻋﻠﻰ ﺭﺍﻣﻲ ﻫﻮ ﻛﻮﻳﺲ ﺟﺪﺍ ﺑﺲ
ﻋﺎﻳﺰ ﺣﺪ ﻓﻲ ﻇﻬﺮﻩ ﻳﺴﺎﻋﺪﻩ ﻭﻋﻨﺪ ﺳﺎﻣﺮ ﻫﻴﻼﻗﻲ ﻣﻠﻴﻮﻥ ﺣﺪ ﻳﻬﺪﻩ
ﻣﺶ ﻳﺴﺎﻋﺪﻩ ﻭﺧﺼﻮﺻﺎ ﺟﻼﻝ
ﺷﺎﺩﻱ :
ــ : ﺧﻼﺹ ﺗﻤﺎﻡ ﻫﻜﻠﻢ ﺭﺍﻣﻲ ﻭﺃﺗﻔﻖ ﻣﻌﺎﻩ
...........................................................................
...............................
ﻳﺠﻠﺲ ﺇﺑﺮﺍﻫﻴﻢ ﻓﻲ ﻏﺮﻓﺘﻪ ﺃﻣﺎﻡ ﺣﺎﺳﺒﻪ ﻭﺃﻭﺭﺍﻗﻪ ﻳﻔﻜﺮ ﻭﻳﺨﻄﻂ
ﻟﻴﻜﻤﻞ ﻣﺸﻮﺍﺭﻩ ﺍﻟﺬﻱ ﺇﺑﺘﺪﺃﻩ.. ﺩﺧﻞ ﻋﻠﻴﻪ ﺑﺎﺳﻢ ﻭﺃﻏﻠﻖ ﺍﻟﺒﺎﺏ ﺧﻠﻔﻪ
ﻗﺎﺋﻼ ﺑﻬﺪﻭﺀ :
ــ : ﻟﻴﻪ ﻋﻤﻠﺖ ﻛﺪﻩ ﻳﺎ ﺇﺑﺮﺍﻫﻴﻢ؟
ﺇﺑﺮﺍﻫﻴﻢ ﺑﻬﺪﻭﺀ ﻭﻫﻮ ﻳﺮﻳﺢ ﻇﻬﺮﻩ ﻟﻤﻘﻌﺪﻩ :
ــ : ﻛﺎﻥ ﻻﺯﻡ ﻳﺎ ﺑﺎﺳﻢ
ﺑﺎﺳﻢ :
ــ : ﻛﺪﻩ ﺣﻴﺎﺗﻚ ﻫﺘﺒﻘﻰ ﻓﻲ ﺧﻄﺮ
ﺇﺑﺮﺍﻫﻴﻢ :
ــ : ﻣﺘﻘﻠﻘﺶ ﻳﺎ ﺑﺎﺳﻢ ﺍﻷﺧﺒﺎﺭ ﻣﻨﺰﻟﺘﺶ ﺑﺈﺳﻤﻲ ﺃﻧﺎ ..ﺩﻱ ﻧﺰﻟﺖ ﻋﻠﻰ
ﺃﺳﺎﺱ ﺇﻧﻪ ﻣﺼﺪﺭ ﻣﻦ ﺍﻟﺪﺍﺧﻠﻴﺔ ﺑﻌﺘﻠﻨﺎ ﻭﺭﻕ ﻭﺑﻨﻨﺸﺮﻩ
ﺑﺎﺳﻢ :
ــ : ﻳﺎ ﺇﺑﻨﻲ ﺇﻧﺖ ﻟﻴﻪ ﻓﺎﻛﺮ ﺇﻥ ﺍﻟﻨﺎﺱ ﺣﻮﺍﻟﻴﻚ ﺃﻏﺒﻴﺎﺀ .. ﻣﺶ ﺇﻧﺖ ﺑﺲ
ﺍﻟﻠﻲ ﺑﺘﻌﺮﻑ ﺗﻔﻜﺮ..ﻟﻮ ﺑﻌﺘﻮﺍ ﺣﺪ ﻋﻨﺪﻙ ﺍﻟﺠﺮﻳﺪﻩ ﻫﻴﻌﺮﻓﻮﺍ
ﺇﺑﺮﺍﻫﻴﻢ ﺑﺜﻘﻪ :
ــ : ﻣﺘﻘﻠﻘﺶ ﻣﺶ ﻫﻴﻠﺤﻘﻮﺍ ﻳﻌﻤﻠﻮﺍ ﺣﺎﺟﻪ
ﺑﺎﺳﻢ ﺑﺘﻨﻬﻴﺪﺓ :
ــ : ﻃﺐ ﻋﺮﻓﺖ ﺗﻮﺻﻞ ﻟﺤﺎﺟﻪ ﺑﺨﺼﻮﺹ ﺍﻟﻜﻴﻨﺞ ؟
ﺇﺑﺮﺍﻫﻴﻢ ﺑﺈﺑﺘﺴﺎﻣﺔ ﻭﺍﺳﻌﺔ :
ــ : ﻃﺒﻌﺎ ﻭﺻﻠﺖ ﻟﺤﺎﺟﺎﺕ ﻣﺶ ﺣﺎﺟﺔ ﻭﺣﺪﻩ .. ﺃﻗﻌﺪ ﻭﺃﻧﺎ ﺃﺣﻜﻴﻠﻚ
...........................................................................
.........................
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ
ﻛﺎﻧﺖ ﺭﻳﻬﺎﻡ ﺗﺘﺸﺎﺟﺮ ﻣﻊ ﺳﺎﺭﻩ ﻗﺎﺋﻠﻪ ﺑﻐﻀﺐ :
ــ : ﺃﻧﺎ ﻣﺶ ﻓﺎﻫﻤﻪ ﺑﺮﺿﻮ ﻟﻴﻪ ﻣﺶ ﻋﺎﻳﺰﻧﻲ ﺃﺭﻭﺡ ﺍﻟﻜﻠﻴﻪ؟؟
ﺳﺎﺭﻩ ﺑﺤﻨﻖ :
ــ : ﺑﺼﻲ ﻣﻦ ﺍﻷﺧﺮ ﻛﺪﻩ ﺃﺣﻤﺪ ﻫﻴﺤﺎﻭﻝ ﻳﺄﺫﻳﻜﻲ ﺗﺎﻧﻲ ﻭﺇﺣﻨﺎ ﻗﻠﻘﺎﻧﻴﻦ
ﻋﻠﻴﻜﻲ
ﺭﻳﻬﺎﻡ ﺑﻌﻨﺪ :
ــ : ﻣﻌﻬﻮﺵ ﺣﺎﺟﻪ ﻳﺄﺫﻳﻨﻲ ﺑﻴﻬﺎ
ﺳﺎﺭﻩ :
ــ : ﻓﻲ ﻧﺎﺱ ﻣﺶ ﻣﺤﺘﺎﺟﻪ ﻳﻜﻮﻥ ﻣﻌﺎﻫﺎ ﺩﻟﻴﻞ ﺇﺩﺍﻧﻪ ﺿﺪﻙ ﻋﺸﺎﻥ
ﺗﺄﺫﻳﻜﻲ ﻛﻔﺎﻳﻪ ﻋﻠﻴﻪ ﻳﺒﻘﻰ ﺣﻮﺍﻟﻜﻲ ﻭﻣﺶ ﻣﺒﺴﻮﻁ ﻣﻨﻚ
ﺭﻳﻬﺎﻡ :
ــ : ﻭﻫﻮ ﺃﻧﺎ ﻫﺘﺤﺒﺲ ﻫﻨﺎ ﻛﺘﻴﺮ
ﺳﺎﺭﻩ :
ــ : ﻟﺤﺪ ﻣﺎ ﻧﺸﻮﻑ ﺑﺲ ﻫﻨﻌﻤﻞ ﺇﻳﻪ.. ﺃﻧﺎ ﻫﺮﻭﺡ ﺍﻟﺸﻐﻞ ﺃﻭﻋﻲ ﺗﺨﺮﺟﻲ
ﻣﻦ ﺍﻟﻔﻴﻼ ﻣﻔﻬﻮﻡ
ﺭﻳﻬﺎﻡ ﺑﻤﻠﻞ :
ــ : ﻣﺎﺷﻲ ﻳﺎ ﺳﺘﻲ ﺑﺲ ﺃﻧﺎ ﻋﺎﻳﺰﻩ ﺃﻋﺮﻑ ﺇﻧﺘﻮﺍ ﻋﺮﻓﺘﻮﺍ ﻣﻨﻴﻦ ﺇﻥ ﺃﺣﻤﺪ
ﻫﻴﺤﺎﻭﻝ ﻳﺄﺫﻳﻨﻲ
ﺳﺎﺭﻩ ﻭﻫﻲ ﺗﺨﺮﺝ ﻣﻦ ﺍﻟﻐﺮﻓﺔ ﻗﺎﺋﻠﺔ :
ــ : ﺣﺪ ﻣﻨﻌﺮﻓﻮﺵ ﻗﺎﻟﻨﺎ
...........................................................................
....................
ﻓﻲ ﺍﻟﺠﺎﻣﻌﺔ ﻛﺎﻧﺖ ﻫﺎﻟﻪ ﺟﺎﻟﺴﺔ ﺑﺠﻮﺍﺭ ﺍﻟﻔﺘﻴﺎﺕ ﺣﻴﺚ ﺟﺎﻫﺪﺕ
ﻟﺘﺨﺮﺝ ﺍﻟﻜﻠﻤﺎﺕ ﻣﻦ ﻓﻤﻬﺎ ﻭﻫﻲ ﺗﻘﻮﻝ :
ــ : ﺍﻟﺨﻄﻮﺑﻪ ﻗﺮﻳﺐ
ﻧﻈﺮﺕ ﻟﻬﺎ ﻟﻴﻠﻲ ﻭﻫﻲ ﺗﻘﻮﻝ :
ــ : ﺃﻗﺴﻢ ﺑﺎﻟﻠﻪ ﺇﻧﺘﻲ ﻻﺯﻡ ﺗﺘﻌﺎﻟﺠﻲ ﻣﻔﻴﺶ ﻭﺣﺪﻩ ﻋﺎﻗﻠﺔ ﺗﻌﻤﻞ ﻛﺪﻩ
ﻫﺎﻟﻪ ﺑﺠﺪﻳﺔ :
ــ : ﺍﻟﻤﻬﻢ ﻛﻠﻜﻮﺍ ﻻﺯﻡ ﺗﺤﻀﺮﻭﺍ ﻣﻔﻬﻮﻡ
ﻳﻤﻨﻰ :
ــ : ﺍﻟﻠﻲ ﺇﻧﺘﻲ ﺑﺘﻌﻤﻠﻴﻪ ﺩﻩ ﺃﻛﺒﺮ ﻏﻠﻂ
ﻫﺎﻟﻪ :
ــ :ﺍﻟﻤﻮﺿﻮﻉ ﺧﻠﺺ ﻭﻫﻮ ﺧﻄﺒﻨﻲ ﻭﺑﺎﺑﺎ ﻭﺍﻓﻖ ﻭﺇﻧﺘﻬﻴﻨﺎ ﺧﻼﺹ ﻳﻌﻨﻲ
ﻣﺎﻟﻮﺵ ﻟﺰﻭﻡ ﺍﻟﻜﻼﻡ ﺩﻩ
ﻟﻴﻠﻰ ﺑﺈﺷﻔﺎﻕ :
ــ : ﻭﺇﻧﺘﻲ ﻣﺒﺴﻮﻃﻪ ﻛﺪﻩ؟
ﻫﺎﻟﻪ ﻭﻫﻲ ﺗﺤﺒﺲ ﺩﻣﻮﻋﻬﺎ :
ــ : ﻫﻮ ﺃﻧﺎ ﻛﺎﻥ ﻋﻨﺪﻱ ﺣﻞ ﺗﺎﻧﻲ ﻭﻗﻠﺖ ﻷ ﻫﻤﺎ ﺃﺟﺒﺮﻭﻧﻲ ﻋﻠﻰ
ﻛﺪﻩ.. ﻫﺘﺤﻀﺮﻭﺍ ﻭﻻ ﻫﺘﺴﻴﺒﻮﻧﻲ ﻟﻮﺣﺪﻱ. ؟
ﻳﻤﻨﻰ ﻭﻫﻲ ﺗﺮﺑﺖ ﻋﻠﻰ ﻳﺪﻫﺎ :
ــ : ﻃﺒﻌﺎ ﻫﻨﺤﻀﺮ ﻭﻣﺶ ﻫﻨﺴﻴﺒﻚ .. ﺭﺑﻨﺎ ﻳﻬﺪﻳﻜﻲ ﻳﺎ ﻫﺎﻟﻪ
ﺃﻃﻠﺖ ﻋﻠﻰ ﺷﻔﺘﻴﻬﺎ ﺇﺑﺘﺴﺎﻣﺔ ﺃﻟﻢ ..ﻓﻬﻲ ﺃﻛﺜﺮﻫﻦ ﻗﻠﻘﺎ ﻟﻤﺎ ﻳﻨﺘﻈﺮﻫﺎ
...........................................................................
...................
ﻓﻲ ﻏﺮﻓﺔ ﺍﻟﻤﻜﺘﺐ ﺑﺎﻟﺸﺮﻛﺔ ﺇﻟﺘﻔﺖ ﺣﺴﺎﻡ ﻧﺎﻇﺮﺍ ﻟﺸﺎﺩﻱ ﻭﻫﻮ ﻳﻘﻮﻝ :
ــ : ﺍﻟﻜﻼﻡ ﺩﻩ ﻣﺎﻟﻮﺵ ﻏﻴﺮ ﻣﻌﻨﻰ ﻭﺍﺣﺪ.. ﺇﻥ ﺩﺍﻟﻴﺎ ﻭﺟﻮﺯﻫﺎ ﻛﺎﻧﻮﺍ
ﺑﻴﺸﺘﻐﻠﻮﺍ ﻓﻲ ﺣﺎﺟﻪ ﻣﺸﺒﻮﻫﻪ ﻣﻦ ﺧﻼﻝ ﺍﻟﻤﺠﻤﻮﻋﻪ ﻭﺑﺎﻷﺧﺺ
ﺍﻟﺸﺮﻛﺎﺕ ﺍﻟﻠﻲ ﻧﺼﻴﺒﻚ ﺃﻛﺒﺮ ﻓﻴﻬﺎ
ﻣﺤﻤﺪ :
ــ : ﺑﺲ ﻣﻔﻴﺶ ﺃﻱ ﺩﻟﻴﻞ ﻣﺎﺩﻱ ﻳﺜﺒﺖ ﺍﻟﻜﻼﻡ ﺩﻩ
ﺷﺎﺩﻱ ﻭﻫﻮ ﻳﻌﻮﺩ ﺑﻈﻬﺮﻩ ﻟﻴﺴﺘﻨﺪ ﻋﻠﻰ ﺍﻟﻜﺮﺳﻲ ﻗﺎﺋﻼ ﺑﻬﺪﻭﺀ :
ــ : ﺑﺎﻟﻨﺴﺒﺎﻟﻲ ﻣﺶ ﻣﺤﺘﺎﺝ ﺩﻟﻴﻞ ﻣﺎﺩﻱ.. ﺩﺍﻟﻴﺎ ﺗﻌﻤﻞ ﻛﺪﻩ ﻭﺃﻛﺘﺮ ﻭﺃﻧﺎ
ﻛﻨﺖ ﺷﺎﻛﻚ ﻓﻲ ﺩﻩ ﻭﺩﻟﻮﻗﺘﻲ ﺇﺗﺄﻛﺪﺕ
ﺣﺴﺎﻡ :
ــ : ﻣﺎﻫﻮ ﻣﻔﻴﺶ ﻣﻌﻨﻰ ﺇﻥ ﻓﻠﻮﺱ ﻣﻦ ﺍﻟﻤﻴﺰﺍﻧﻴﻪ ﺗﺘﺤﻮﻝ ﻟﺮﺟﺎﻝ ﺃﻋﻤﺎﻝ
ﻣﻦ ﻏﻴﺮ ﺃﻱ ﺷﻐﻞ ﺑﻴﻦ ﺍﻟﻤﺠﻤﻮﻋﻪ ﻭﺑﻴﻦ ﺷﺮﻛﺎﺗﻬﻢ ﺧﺎﻟﺺ ﺇﻻ ﺇﻥ ﻓﻲ
ﺷﻐﻞ ﺑﻴﺘﻠﻌﺐ ﻣﻦ ﻧﺎﺣﻴﻪ ﺗﺎﻧﻴﻪ.. ﻭﻋﺸﺎﻥ ﺇﺣﻨﺎ ﺑﻌﻴﺪ ﺑﻴﻠﻌﺒﻮﺍ ﺑﻴﻨﺎ
ﻭﻳﺒﻌﺘﻮﻟﻨﺎ ﺗﻘﺎﺭﻳﺮ ﺇﻥ ﺍﻟﺸﻐﻞ ﻣﺎﺷﻲ ﺗﻤﺎﻡ ﻭﺍﻟﻤﺠﻤﻮﻋﻪ ﻫﻀﻴﻊ ﺃﺻﻼ
ﺷﺎﺩﻱ ﺑﺤﻨﻖ :
ــ : ﻣﻦ ﺳﺎﻋﺔ ﻣﺎ ﺷﻔﺖ ﺍﻟﻮﺭﻕ ﺩﻩ ﻭﺃﻧﺎ ﻣﺶ ﻣﺮﺗﺎﺡ ﻷﻧﻲ ﻋﺎﺭﻑ ﺩﺍﻟﻴﺎ
ﻣﻌﻨﺪﻫﺎﺵ ﺇﺳﺘﻌﺪﺍﺩ ﺗﺨﺴﺮ ﻣﻠﻴﻢ ﻓﻲ ﺃﻱ ﺣﺎﺟﻪ ﻭﻣﻌﻨﻰ ﺇﻧﻬﺎ ﺗﻀﺤﻲ
ﺑﺠﺰﺀ ﻛﺒﻴﺮ ﻣﻦ ﺍﻟﻤﺠﻤﻮﻋﻪ ﻛﺪﻩ ﻳﺒﻘﻰ ﻫﻴﺎ ﻣﺴﺘﻔﻴﺪﻩ ﺑﻄﺮﻳﻘﻪ ﺗﺎﻧﻴﻪ
ﻣﺤﻤﺪ :
ــ : ﻃﺐ ﻭﺑﻌﺪﻳﻦ ﻫﻨﺜﺒﺖ ﺩﻩ ﺇﺯﺍﻱ ﻭﻧﺎﺧﺪ ﺇﺯﺍﻱ ﺍﻟﻔﻠﻮﺱ ﺩﻱ ﻣﻨﻬﺎ ؟
ﺷﺎﺩﻱ ﺑﻐﻤﻮﺽ :
ــ : ﻣﺘﻬﻴﺄﻟﻲ ﺃﻧﺎ ﺃﻋﺮﻑ ﺇﺯﺍﻱ
ﻣﺤﻤﺪ :
ــ : ﺇﺯﺍﻱ؟
ﺷﺎﺩﻱ ﻭﻫﻮ ﻳﻘﺘﺮﺏ ﺑﺠﺴﺪﻩ ﻣﻦ ﺍﻟﻤﻜﺘﺐ ﻣﺴﺘﻨﺪﺍ ﺑﺬﺭﺍﻋﻴﻪ ﻋﻠﻴﻪ ﻗﺎﺋﻼ :
ــ : ﺍﻟﻤﻮﺿﻮﻉ ﺩﻩ ﻣﺶ ﻫﻴﺘﻢ ﻛﺪﻩ ﺇﻻ ﺑﻄﺮﻳﻘﻪ ﻭﺣﺪﻩ .. ﺇﻥ ﻟﻴﻬﺎ ﻧﺎﺱ ﻓﻲ
ﺍﻟﺤﺴﺎﺑﺎﺕ ﺑﻴﺰﺑﻄﻮﻟﻬﺎ ﺍﻟﺪﻧﻴﺎ ﻭﻛﻤﺎﻥ ﺍﻟﻠﻲ ﻛﺎﻥ ﻣﺎﺳﻚ ﺍﻟﻤﺠﻤﻮﻋﻪ ﻓﻲ
ﺍﻹﺩﺍﺭﻩ ﺳﻲ ﻫﺎﺩﻱ ﺩﻩ ﺃﻛﻴﺪ ﻣﺰﺑﻄﻪ ﻣﻌﺎﻩ.. ﺃﻧﺎ ﺷﺎﻛﻚ ﻓﻲ ﻛﺎﻡ
ﺷﺨﺼﻴﻪ ﻛﺪﻩ.. ﻣﺶ ﻫﻴﻄﻠﻌﻮﺍ ﻋﻨﻬﻢ..
ﺣﺴﺎﻡ :
ــ : ﻭﻫﺘﻜﺸﻔﻬﻢ ﺇﺯﺍﻱ ﻃﻴﺐ؟
ﺷﺎﺩﻱ ﻭﻗﺪ ﻟﻤﻌﺖ ﻋﻴﻨﺎﻩ ﺑﻠﺆﻡ :
ــ : ﻫﻤﺎ ﺍﻟﻠﻲ ﻫﻴﻜﺸﻔﻮﺍ ﻧﻔﺴﻬﻢ ﻳﺎ ﺣُﺲ..
...........................................................................
.................
ﺻﺎﺡ ﻋﻠﻲ ﻋﺒﺮ ﺍﻟﻬﺎﺗﻒ ﻭﻫﻮ ﻳﻘﻮﻝ :
ــ : ﻣـﺘﺠﻨﻨﻴﺶ ﻳﺎ ﻋﺒﻴﺮ ﺇﻧﺘﻲ ﺗﻌﺮﻓﻲ ﺗﺘﺼﺮﻓﻲ ﻭﺗﻮﻗﻔﻲ ﺍﻟﺰﻓﺖ ﺭﺷﺎﺩ
ﺩﻩ ﻋﻨﺪ ﺣﺪﻩ ﺃﻭﻣﺎﻝ ﺇﻧﺘﻲ ﻻﺯﻣﺘﻚ ﺇﻳﻪ ﻭﻻ ﺃﻧﺎ ﺃﺭﻭﺡ ﻓﻲ ﺩﺍﻫﻴﻪ ﻭﺇﻧﺘﻲ
ﺗﻌﻘﺪﻱ ﺗﺘﻔﺮﺟﻲ
ﻋﺒﻴﺮ ﺑﻬﺪﻭﺀ :
ــ : ﻟﻮ ﻋﺎﻳﺰ ﻣﺘﺨﺴﺮﺵ ﻓﻌﻼ ﺇﺳﻤﻊ ﻛﻼﻣﻲ ﻫﺘﻜﻤﻞ ﻣﻌﺎﻫﻢ ﻋﺎﺩﻱ
ﻋﻠﻲ ﺑﺤﻨﻖ :
ــ : ﻳﺎﺳﻼﻡ ﻭﺑﻌﺪﻳﻦ؟؟
ﻋﺒﻴﺮ ﺑﻬﺪﻭﺀ :
ــ : ﻣﺘﻘﻠﻘﺶ ﻳﺎ ﻋﻠﻲ ﺃﻧﺎ ﻫﻌﻤﻞ ﺍﻟﻤﺴﺘﺤﻴﻞ ﻋﺸﺎﻧﻚ ﺇﻧﺖ ﻋﺎﺭﻑ ﺃﻧﺎ
ﺑﺤﺒﻚ ﻗﺪ ﺇﻳﻪ
ﻋﻠﻲ ﺑﺘﻨﻬﻴﺪﻩ :
ــ : ﻋﺎﺭﻑ ﺑﺲ ﺧﺎﻳﻒ ﻳﺎ ﻋﺒﻴﺮ
ﻋﺒﻴﺮ :
ــ : ﻣﺘﺨﺎﻓﺶ ﻛﻞ ﺣﺎﺟﻪ ﻣﻌﻤﻮﻝ ﺣﺴﺎﺑﻬﺎ ﻛﻮﻳﺲ ﺃﻭﻱ
ﻋﻠﻲ ﺑﺈﺳﺘﺴﻼﻡ :
ــ : ﺣﺎﺿﺮ ﻳﺎ ﻋﺒﻴﺮ ﻫﻌﻤﻞ ﺯﻱ ﻣﺎ ﻗﻠﺘﻲ
...........................................................................
..........................
ﻓﻲ ﺟﺮﻳﺪﺓ ﺍﻟﺼﺒﺎﺡ
ــ : ﺑﻌﺪ ﺇﺫﻧﻚ ﺃﻻﻗﻲ ﻓﻴﻦ ﻣﻜﺘﺐ ﺍﻷﺳﺘﺎﺫ ﺇﺑﺮﺍﻫﻴﻢ ﺍﻟﺤﻤﺎﺩ؟؟
ــ : ﻓﻲ ﺍﻟﺪﻭﺭ ﺍﻟﺘﺎﻧﻲ ﻋﻠﻰ ﺇﻳﺪﻙ ﺍﻟﺸﻤﺎﻝ ﻳﺎ ﻓﻨﺪﻡ
ﺻﻌﺪ ﻳﻮﺳﻒ ﺇﺍﻟﻰ ﺍﻟﺪﻭﺭ ﺍﻟﺜﺎﻧﻲ ﺇﻟﻰ ﺣﻴﺚ ﻣﻜﺘﺐ ﺇﺑﺮﺍﻫﻴﻢ ﻭﻃﺮﻕ
ﺍﻟﺒﺎﺏ ﺛﻢ ﺩﺧﻞ ﻗﺎﺋﻼ :
ــ : ﺍﻟﺴﻼﻡ ﻋﻠﻴﻜﻢ ..
ﺭﻓﻊ ﺇﺑﺮﺍﻫﻴﻢ ﺭﺃﺳﻪ ﻭﻧﻈﺮ ﺇﻟﻴﻪ ﻗﺎﺋﻼ :
ــ : ﻭﻋﻠﻴﻜﻢ ﺍﻟﺴﻼﻡ ﻭﺭﺣﻤﺔ ﺍﻟﻠﻪ ..ﺇﺗﻔﻀﻞ ﺣﻀﺮﺗﻚ
ﺟﻠﺲ ﻳﻮﺳﻒ ﻋﻠﻰ ﺍﻟﻜﺮﺳﻲ ﺍﻟﻤﻘﺎﺑﻞ ﻟﻤﻜﺘﺐ ﺇﺑﺮﺍﻫﻴﻢ ﻭﻫﻮ ﻳﻘﻮﻝ :
ــ : ﻣﻌﺮﻓﺶ ﻫﺘﻔﺘﻜﺮﻧﻲ ﻭﻻ ﻷ ﺑﺲ ﺃﻧﺎ ﺍﻟﻤﺤﺎﻣﻲ ﻳﻮﺳﻒ ﺃﺳﺎﻣﻪ ﻛﻨﺖ
ﻗﺎﺑﻠﺘﻚ ﻗﺒﻞ ﻛﺪﻩ ﻓﻲ ﻣﻜﺘﺐ ﺍﻟﻠﻮﺍﺀ ﺃﺩﻫﻢ ﻛﻨﺖ ﺑﺪﺍﻓﻊ ﻋﻦ ﻣﻮﻛﻞ ﻭ
ﺇﻧﺖ ﻛﻨﺖ ﻋﻨﺪﻩ ﻭﺇﺗﻌﺮﻓﻨﺎ
ﺇﺑﺮﺍﻫﻴﻢ ﺑﺘﺬﻛﺮ :
ــ : ﺃﻩ ﺃﻩ ﺇﻓﺘﻜﺮﺗﻚ.. ﻃﺐ ﻳﺎ ﺭﺍﺟﻞ ﺟﺎﻱ ﺗﻔﺘﻜﺮﻧﻲ ﺩﻟﻮﻗﺘﻲ ﺑﻌﺪ ﺃﻛﺘﺮ
ﻣﻦ ﺳﻨﻪ
ﻳﻮﺳﻒ ﺑﺈﺑﺘﺴﺎﻣﺔ :
ــ : ﻣﻌﻠﺶ ﺑﻘﻰ ﻇﺮﻭﻑ ﺍﻟﺸﻐﻞ ﻭﻛﺪﻩ ﺃﻧﺎ ﺣﺘﻰ ﻓﺮﺣﻲ ﺑﻌﺪ ﺃﺳﺒﻮﻋﻴﻦ
ﺇﺑﺮﺍﻫﻴﻢ ﺑﺈﺑﺘﺴﺎﻣﺔ ﻭﺍﺳﻌﺔ :
ــ : ﺃﻟﻒ ﺃﻟﻒ ﻣﺒﺮﻭﻙ ﻭﺍﻟﻠﻪ ﺃﻧﺎ ﻧﺪﻣﺖ ﻷﻧﻲ ﻧﺴﻴﺖ ﺃﺧﺪ ﺭﻗﻤﻚ ﻭﻗﺘﻬﺎ
ﻛﻨﺖ ﻋﺎﻳﺰ ﺃﺗﻮﺍﺻﻞ ﻣﻌﺎﻙ
ﻳﻮﺳﻒ :
ــ : ﻭﺃﺩﻳﻨﻲ ﻳﺎ ﺳﻴﺪﻱ ﺟﺘﻠﻚ ﻟﺤﺪ ﻋﻨﺪﻙ ﺃﻫﻮ
ﺇﺑﺮﺍﻫﻴﻢ :
ــ : ﺭﺑﻨﺎ ﻳﻜﺮﻣﻚ ﻳﺎﺭﺏ
ﻳﻮﺳﻒ :
ــ : ﻃﻴﺐ ﻣﺒﺪﺃﻳﺎ ﻛﺪﻩ ﻫﺎﺕ ﺭﻗﻤﻚ ﻋﺸﺎﻥ ﻣﻨﻨﺴﺎﺵ ﺗﺎﻧﻲ
ﺇﺑﺮﺍﻫﻴﻢ ﺑﻤﺮﺡ :
ــ : ﺑﺸﺮﻁ ..ﺗﻌﺰﻣﻨﻲ ﻋﻠﻰ ﺍﻟﻔﺮﺡ
ﻳﻮﺳﻒ :
ــ : ﻣﺶ ﻣﺤﺘﺎﺝ ﺗﺘﻌﺰﻡ ..ﻃﺒﻌﺎ ﻫﺴﺘﻨﺎﻙ
ﺇﺑﺮﺍﻫﻴﻢ :
ــ : ﺃﻟﻒ ﻣﺒﺮﻭﻙ ﺗﺎﻧﻲ ﺭﺑﻨﺎ ﻳﺴﻌﺪﻙ ﻳﺎ ﻳﻮﺳﻒ
ﻳﻮﺳﻒ :
ــ : ﺃﻧﺎ ﺑﺼﺮﺍﺣﻪ ﻛﻨﺖ ﻋﺎﻳﺰ ﺃﺳﺄﻟﻚ ﻋﻦ ﻣﻌﻠﻮﻣﺎﺕ ﺗﺨﺺ ﺣﺪ .. ﺇﻧﺖ ﻣﻦ
ﻓﺘﺮﻩ ﻧﺸﺮﺕ ﻋﻨﻪ ﻣﻌﻠﻮﻣﺎﺕ ﻭﻃﺎﺣﻨﻪ
ﺇﺑﺮﺍﻫﻴﻢ ﺑﺴﺮﻋﻪ :
ــ : ﻗﺼﺪﻙ ﺍﻟﻜﻴﻨﺞ ﺩﻩ ﺃﻧﺎ ﻫﺠﻴﺐ ﺃﺟﻠﻪ ﻗﺮﻳﺐ ﺩﻩ ﺃﻛﺒﺮ ﻣﺠﺮﻡ ﻓﻲ ﻣﺼﺮ
ﻳﻮﺳﻒ :
ــ : ﻷ ﻛﻴﻨﺞ ﺇﻳﻪ ﻭﺑﺮﻧﺲ ﺇﻳﻪ ﺃﻧﺎ ﺃﻗﺼﺪ ﺣﺪ ﺗﺎﻧﻲ
ﺇﺑﺮﺍﻫﻴﻢ ﺑﺈﻫﺘﻤﺎﻡ :
ــ : ﻣﻴﻦ؟
ﺇﻋﺘﺪﻝ ﻳﻮﺳﻒ ﻓﻲ ﺟﻠﺴﺘﻪ ﻭﻫﻮ ﻳﻘﻮﻝ ﺑﻬﺪﻭﺀ :
ــ : ﻣﺮﺍﺩ ﺇﺳﻤﺎﻋﻴﻞ
.......................................................
