ﻓﻲ ﻏﺮﻓﺔ ﻟﻴﻠﻲ ﺑﺎﻟﻄﺎﺑﻖ ﺍﻟﺜﺎﻧﻲ ﺗﻨﻬﺪﺕ ﻭﻫﻲ ﺗﻨﻈﺮ ﻟﻮﺟﻬﻬﺎ ﻓﻲ
ﺍﻟﻤﺮﺁﻩ ﻏﻴﺮ ﻣﺼﺪﻗﺔ ﻣﺎ ﺣﺪﺙ ..
ﻓﻬﺬﺍ ﻳﻮﻡ ﺍﻟﻤﻔﺎﺟﺂﺕ ﺍﻟﺘﻲ ﺑﺴﺒﺒﻬﺎ ﺳﺘﻔﻘﺪ ﻋﻘﻠﻬﺎ..ﻣﺴﺤﺖ ﺑﺄﻧﺎﻣﻠﻬﺎ
ﻋﻠﻰ ﻭﺟﻬﻬﺎ ﻟﺘﺘﺄﻛﺪ ﻣﻦ ﺃﻧﻬﺎ ﻻ ﺗﺤﻠﻢ ﻭﻣﺎﺯﺍﻟﺖ ﻋﻠﻰ ﺃﺭﺽ
ﺍﻟﻮﺍﻗﻊ.. ﺇﺑﺘﺴﻤﺖ ﺑﺸﺮﻭﺩ ﻭﻫﻲ ﺗﻐﻤﻐﻢ :
ــ : ﻣﻨﻚ ﻟﻠﻪ ﻳﺎ ﺑﺎﺳﻢ ﺃﻧﺎ ﺑﺴﺒﺒﻚ ﻛﻨﺖ ﻫﺮﻭﺡ ﻟﺪﻛﺘﻮﺭ ﻧﻔﺴﻲ
ﺟﺎﺀ ﺻﻮﺗﻪ ﻣﻦ ﺃﺣﺪ ﺃﺭﻛﺎﻥ ﺍﻟﻐﺮﻓﻪ ﻣﻦ ﺧﻠﻔﻬﺎ ﻭﻫﻮ ﻳﻘﻮﻝ :
ــ : ﻭﺃﻧﺎ ﻣﻴﺨﻠﺼﻨﻴﺶ ﺑﺴﺒﺒﻲ ﺗﺮﻭﺣﻲ ﻟﺪﻛﺘﻮﺭ ﻧﻔﺴﻲ ﻣﻤﻜﻦ ﺗﺮﻭﺣﻲ
ﺍﻟﻌﺒﺎﺳﻴﺔ ﻋﻠﻰ ﻃﻮﻝ
ﺇﻟﺘﻔﺘﺖ ﻟﻪ ﺑﺤﻨﻖ ﻭﻫﻲ ﺗﺮﻳﺪ ﺃﻥ ﺗﺨﺮﺝ ﻛﻞ ﻣﺎ ﺑﺪﺍﺧﻠﻬﺎ ﻣﻦ ﺗﻮﺗﺮ
ﺑﻮﺟﻬﻪ ﻛﺎﻟﻌﺎﺻﻔﺔ ﻗﺎﺋﻠﺔ :
ــ : ﺃﻭﻻ ﺇﺯﺍﻱ ﺗﺪﺧﻞ ﻛﺪﻩ ﻣﻦ ﻏﻴﺮ ﻣﺎ ﺗﺨﺒﻂ ﺇﻓﺮﺽ ﻛﻨﺖ ﻗﻠﻌﺖ
ﺍﻟﻄﺮﺣﺔ .. ؟؟ ﺛﺎﻧﻴﺎ ﻣﺎﻟﻜﺶ ﺩﻋﻮﻩ ﺑﻴﺎ ﺧﺎﻟﺺ ﻭﻧﻬﺎﺋﻴﺎ ﻭﺇﻃﻼﻗﺎ.. ﺛﺎﻟﺜﺎ ﺃﻧﺎ
ﻫﻮﺭﻳﻚ ﺇﺯﺍﻱ ﺗﻠﻌﺐ ﺑﻴﺎ ﺇﻣﺎ ﻭﺭﻳﺘﻚ ﺍﻟﻠﻲ ﻋﻤﺮﻙ ﻣﺎ ﺷﻔﺘﻪ ﻣﺶ ﻫﻜﻮﻥ
ﻟﻴﻠﻲ ﺑﻨﺖ ﻋﻠﻲ ..ﺭﺍﺑﻌﺎ ﺇﺗﻔﻀﻞ ﺇﻃﻠﻊ ﺑﺮﻩ ﺣﺎﻻ..
ﺑﺎﺳﻢ ﻭﻫﻮ ﻳﺴﻨﺘﺪ ﺑﻈﻬﺮﻩ ﻋﻠﻰ ﺟﺪﺍﺭ ﻏﺮﻓﺘﻬﺎ ﻭﻳﻠﻒ ﻗﺪﻣﻪ ﺍﻟﻴﺴﺮﻯ
ﺣﻮﻝ ﺍﻟﻴﻤﻨﻰ ﻗﺎﺋﻼ ﺑﻬﺪﻭﺀ ﻭﺑﺜﻘﻪ :
ــ : ﺃﻭﻻ ﺃﻧﺎ ﺧﺒﻄﺖ ﺍﻟﺒﺎﺏ ﻗﺒﻞ ﻣﺎ ﺃﺩﺧﻞ ﻭﺇﻧﺘﻲ ﻣﺮﺩﺗﻴﺶ ﻗﻠﺖ ﺃﺩﺧﻞ
ﺃﺷﻮﻓﻚ ﻳﻤﻜﻦ ﺗﻜﻮﻧﻲ ﺇﻧﺘﺤﺮﺗﻲ ﻭﺃﺻﻼ ﺃﻧﺎ ﺷﻔﺖ ﺷﻌﺮﻙ ﻓﻲ ﺍﻟﺠﻨﻴﻨﻪ
ﺗﺤﺖ ﻭﻻ ﺍﻟﻔﺮﺣﻪ ﻧﺴﺘﻚ .. ﺛﺎﻧﻴﺎ ﻟﻴﺎ ﺩﻋﻮﻩ ﻭﺇﺗﻨﻴﻦ ﻭﺗﻼﺗﺔ ﻣﺶ ﺇﻧﺘﻲ
ﺣﺒﻴﺒﺘﻲ ﻭﻫﺘﻜﻮﻧﻲ ﻣﺮﺍﺗﻲ ﻭﺧﺎﻟﺺ ﻭﻧﻬﺎﺋﻴﺎ ﻭﺇﻃﻼﻗﺎ ﺑﺮﺿﻮ ..ﺛﺎﻟﺜﺎ ﺃﻧﺎ
ﺻﺢ ﻋﻤﻠﺖ ﻓﻴﻜﻲ ﻣﻘﻠﺐ ﺑﺲ ﺩﻩ ﻋﺸﺎﻥ ﺑﺤﺒﻚ ﻭﺍﻟﻠﻪ ﻣﺶ ﺣﺎﺟﻪ
ﺗﺎﻧﻴﻪ .. ﺭﺍﺑﻌﺎ ﺑﻘﻰ ﻣﺶ ﻫﻄﻠﻊ ﺑﺮﻩ ﺃﻧﺎ ﻭﺍﻗﻒ ﻓﻲ ﻣﻠﻚ ﺍﻟﺤﻜﻮﻣﻪ
ﻟﻴﻠﻲ ﻭﻗﺪ ﺯﺍﺩ ﻏﻀﺒﻬﺎ ﻭﺇﺧﺘﻠﻂ ﺑﺨﺠﻠﻬﺎ ﻗﺎﺋﻠﺔ :
ــ : ﺑﺎﺳﻢ ﺇﻧﺖ ﺷﻜﻠﻚ ﻧﺎﻭﻱ ﺗﺠﻴﺒﻠﻲ ﺍﻟﺠﻠﻄﻪ ﺇﻃﻠﻊ ﺑﺮﻩ ﻋﺸﺎﻥ ﺃﻧﺎ ﻣﺶ
ﺿﺎﻣﻨﻪ ﻣﻤﻜﻦ ﺃﻋﻤﻞ ﻓﻴﻚ ﺇﻳﻪ
ﺇﻗﺘﺮﺏ ﻣﻨﻬﺎ ﻗﻠﻴﻼ ﻗﺎﺋﻼ ﺑﻬﺪﻭﺀ :
ــ : ﻫﺘﻌﻤﻠﻲ ﺇﻳﻪ ﻳﻌﻨﻲ؟
ﺭﻓﻌﺖ ﻳﺪﻫﺎ ﻟﺘﻀﺮﺑﻪ ﻋﻠﻰ ﻛﺘﻔﻪ ﻟﻜﻨﻪ ﺃﻣﺴﻜﻬﺎ ﻗﺒﻞ ﺃﻥ ﺗﺼﻞ ﻟﺠﺴﺪﻩ
ﻗﺎﺋﻼ :
ــ : ﺗﺆ ﺗﺆ ﺗﺆ ﻋﻴﺐ ﺗﻀﺮﺑﻲ ﺟﻮﺯﻙ ..ﻭﻻ ﺧﺎﻟﺘﻮ ﻣﻨﻰ ﻣﻌﻠﻤﺘﻜﻴﺶ ﺇﻥ
ﺟﻮﺯﻙ ﺩﻩ ﻻﺯﻡ ﺗﺤﺒﻴﻪ ﻭﺗﺤﺘﺮﻣﻴﻪ ﻣﺶ ﺗﻄﺮﺩﻳﻪ ﻭﺗﻀﺮﺑﻴﻪ
ﻟﻴﻠﻲ ﺑﺄﻟﻢ :
ــ : ﺳﻴﺐ ﺇﻳﺪﻱ
ﺑﺎﺳﻢ ﺑﺈﺑﺘﺴﺎﻣﺔ :
ــ : ﻣﺶ ﻫﺴﻴﺒﻬﺎ
ﻟﻴﻠﻲ ﺑﺈﻧﻔﻌﺎﻝ :
ــ : ﺇﻧﺖ ﻟﻴﻪ ﻣﺼﻤﻢ ﺗﺴﺘﻔﺰﻧﻲ؟
ﺑﺎﺳﻢ ﺑﺒﺮﺍﺀﺓ :
ــ : ﻭﻻ ﺑﺴﺘﻔﺰﻙ ﻭﻻ ﺣﺎﺟﻪ ﺇﻧﺘﻲ ﺍﻟﻠﻲ ﻋﺎﻳﺰﻩ ﺗﺘﺨﺎﻧﻘﻲ ﻭﺧﻼﺹ
ﻟﻴﻠﻲ :
ــ : ﻭﺇﻧﺖ ﻋﺎﺭﻑ ﻛﻮﻳﺲ ﺇﻧﻲ ﺑﺘﺨﻨﻖ ﻣﻦ ﺗﺼﺮﻓﺎﺕ ﺑﺘﻌﻤﻠﻬﺎ ﻭﺑﺮﺿﻮ
ﺑﺘﻌﻤﻠﻬﺎ
ﺑﺎﺳﻢ ﺑﺤﻨﺎﻥ :
ــ : ﻟﻮﻟﻮﻩ ﺇﻧﺴﻲ ﺑﻘﻰ ﻛﻞ ﺣﺎﺟﻪ ﻓﺎﺗﺖ ﻭﺧﻠﻴﻨﺎ ﻧﺮﻛﺰ ﻓﻲ ﺍﻟﺠﺎﻱ ﺇﻧﺘﻲ
ﻫﺘﻜﻮﻧﻲ ﻣﺮﺍﺗﻲ ﻓﺎﻫﻤﻪ ﻳﻌﻨﻲ ﺇﻳﻪ؟ ﻳﻌﻨﻲ ﺃﻧﺎ ﻭﺇﻧﺘﻲ ﻫﻨﻜﻮﻥ ﺃﺳﻌﺪ
ﺇﺗﻨﻴﻦ ﻓﻲ ﺍﻟﺪﻧﻴﺎ
ﺃﺑﻌﺪﺕ ﻧﻈﺮﺍﺗﻬﺎ ﻋﻨﻪ ﺛﻢ ﺗﻮﺟﻬﻬﺖ ﻟﻔﺮﺍﺷﻬﺎ ﻭﺟﻠﺴﺖ ﻋﻠﻴﻪ ﻣﻄﺮﻗﻪ
ﺑﺮﺃﺳﻬﺎ ﻗﺎﺋﻠﺔ ﺑﻬﺪﻭﺀ ﻭﻫﻤﺲ :
ــ : ﻣﺶ ﺑﺎﻟﺒﺴﺎﻃﻪ ﺩﻱ
ﻧﻈﺮ ﻟﻬﺎ ﺑﺎﺳﻢ ﺑﺈﺳﺘﻐﺮﺍﺏ ﻭﻫﻮ ﻳﻘﻮﻝ :
ــ : ﻳﻌﻨﻲ ﺇﻳﻪ؟
ﺗﻨﻬﺪﺕ ﺑﻌﻤﻖ ﺛﻢ ﺇﻟﺘﻔﺘﺖ ﻟﻪ ﻗﺎﺋﻠﺔ ﺑﺈﻧﻔﻌﺎﻝ :
ــ : ﺑﺎﺳﻢ ﺇﻓﻬﻤﻨﻲ ﺃﻧﺎ ﻓﻲ ﺟﻮﺍﻳﺎ ﺣﺎﺟﺎﺕ ﻛﺜﻴﺮ ﻻﺯﻡ ﺃﺷﻮﻓﻬﺎ ﻓﻴﻚ.. ﻓﻲ
ﺟﻮﺍﻳﺎ ﺃﺳﺌﻠﺔ ﻛﺜﻴﺮ ﻻﺯﻡ ﺃﻋﺮﻑ ﺃﺟﻮﺑﺘﻬﺎ ﻣﻨﻚ.. ﺃﻧﺎ ﻟﺴﻪ ﻣﻌﺮﻓﺶ ﻋﻨﻚ
ﻛﻞ ﺣﺎﺟﻪ ﻃﻮﻝ ﻋﻤﺮﻙ ﺑﻌﻴﺪ ﻋﻨﻲ
ﺇﻗﺘﺮﺏ ﻣﻨﻬﺎ ﺛﻢ ﺟﻠﺲ ﻋﻠﻰ ﺭﻛﺒﺘﻴﻪ ﻋﻠﻰ ﺍﻷﺭﺽ ﺃﻣﺎﻣﻬﺎ ﻣﺒﺎﺷﺮﺓ ﻭﻫﻮ
ﻳﻨﻈﺮ ﻟﻌﻴﻨﻴﻬﺎ ﻗﺎﺋﻼ ﺑﺤﻨﺎﻥ :
ــ : ﻭﺃﻧﺎ ﻣﻌﺎﻛﻲ.. ﻻﺯﻡ ﻧﻔﻬﻢ ﺑﻌﺾ ﺃﻛﺜﺮ ﻭﻧﻌﺮﻑ ﺑﻌﺾ ﺃﻛﺜﺮ ﻭﺇﻳﻪ ﺍﻟﻐﻠﻂ
ﻓﻲ ﺩﻩ؟؟
ﺇﺧﺘﻠﻄﺖ ﻧﻈﺮﺍﺗﻬﺎ ﺑﻴﻦ ﺍﻟﺨﻮﻑ ﻭﺍﻟﻘﻠﻖ ﻭﺍﻟﺴﻌﺎﺩﺓ ..ﺣﺪﺛﺖ ﻧﻔﺴﻬﺎ
ﺑﺬﻫﻮﻝ ﻣﻦ ﺗﺼﺮﻓﺎﺗﻬﺎ.. ﻣﺎ ﺍﻷﻣﺮ ﻳﺎ ﻟﻴﻠﻰ؟؟ ﺃﻧﻘﻀﻲ ﻋﻤﺮﻧﺎ ﻧﺘﻤﻨﻰ ﺷﻴﺌﺎ
ﻣﺎ ﻭﻋﻨﺪﻣﺎ ﻧﻘﺘﺮﺏ ﻣﻦ ﺗﺤﻘﻴﻘﻪ ﻧﺼﺪﺭ ﺃﻣﺮﺍ ﻟﻮﻗﻒ ﺗﻨﻔﻴﺬﻩ؟؟!!
ﻋﺠﻴﺐ ﺃﻣﺮﻙ ﻳﺎ ﺇﺑﻨﺔ ﺍﻟﺤﻤﺎﺩ ﺃﻟﻴﺲ ﻫﺬﺍ ﻓﺎﺭﺱ ﺃﺣﻼﻣﻚ ﻭﻣﻦ ﻗﻀﻴﺘﻲ
ﺃﻳﺎﻣﻚ ﺗﺮﺳﻤﻴﻦ ﺣﻴﺎﺗﻚ ﻣﻌﻪ؟؟ ﻣﺎ ﺍﻷﻣﺮ ﺇﺫﺍ؟؟
ﺃﺟﺎﺑﺘﻬﺎ ﻧﻔﺴﻬﺎ ﺃﻥ ﻧﻌﻢ ﺃﺣﺒﻪ ﻭﻟﻜﻦ ﻟﻢ ﺃﻛﻦ ﺃﻋﻠﻢ ﺃﻥ ﺍﻷﻣﺮ ﺳﻴﺼﺒﺢ
ﻭﺍﻗﻌﺎ ﻭﺑﺘﻠﻚ ﺍﻟﺴﺮﻋﺔ ﻣﺎﺯﻟﺖ ﻏﻴﺮ ﻣﻄﻤﺌﻨﺔ..
ﺃﺗﺎﻫﺎ ﺻﻮﺗﻪ ﺍﻟﺬﻱ ﺗﻌﺸﻘﻪ ﻗﺎﺋﻼ ﺑﺨﻔﻮﺕ :
ــ : ﺳﺮﺣﺘﻲ ﻓﻲ ﺇﻳﻪ؟
ﻧﻈﺮﺕ ﻟﻪ ﺑﺈﺭﺗﺒﺎﻙ ﻗﺎﺋﻠﺔ :
ــ : ﺑﺎﺳﻢ ﺇﻧﺖ ﺑﺠﺪ ﻋﺎﻳﺰ ﺗﺠﻮﺯﻧﻲ ﻋﺸﺎﻥ ﺑﺘـ ...
ﻗﻄﻌﺖ ﻛﻼﻣﻬﺎ ﺧﺠﻼ ﻣﻨﻪ ﻭﻫﻲ ﺗﺸﻴﺢ ﺑﻌﻴﻨﻴﻬﺎ ﻋﻨﻪ ﻓﺈﺑﺘﺴﻢ ﻗﺎﺋﻼ :
ــ : ﺃﻳﻮﻩ ﻋﺎﻳﺰ ﻳﺎﺳﺘﻲ ﺃﺟﻮﺯﻙ ﻋﺸﺎﻥ ﺑﺤﺒﻚ ﻣﺶ ﺷﻔﻘﻪ ﺃﻛﻴﺪ
ﺇﺑﺘﻠﻌﺖ ﺭﻳﻘﻬﺎ ﺑﺈﺿﻄﺮﺍﺏ ﻗﺎﺋﻠﺔ :
ــ : ﻣﻦ ﺇﻣﺘﻰ؟
ﺃﺟﺎﺏ ﻣﺴﺮﻋﺎ :
ــ : ﻣﻦ ﺯﻣﺎﻥ
ﻗﻄﺒﺖ ﺟﺒﻴﻨﻬﺎ ﻭﻫﻲ ﺗﻨﻈﺮ ﻟﻪ ﻗﺎﺋﻠﺔ :
ــ : ﻣﺶ ﺻﺢ ﺃﻧﺎ ﻋﻤﺮﻱ ﻣﺎ ﺣﺴﻴﺖ ﺑﻜﺪﻩ ﺧﺎﻟﺺ
ﺑﺎﺳﻢ :
ــ : ﻭﻫﺘﺤﺴﻲ ﺇﻣﺘﻰ ﻭﺇﺣﻨﺎ ﻛﻨﺎ ﻓﻲ ﺍﻟﻘﺎﻫﺮﺓ ﻭﺇﻧﺘﻮﺍ ﻓﻲ ﺍﻹﺳﻜﻨﺪﺭﻳﺔ
ﻭﻣﺶ ﺑﻨﺸﻮﻑ ﺑﻌﺾ ﻛﺜﻴﺮ ﻭﻟﻤﺎ ﻣﺎﻣﺎ ﻭﺳﺎﺭﻩ ﻗﻌﺪﻭﺍ ﻣﻌﺎﻛﻢ .. ﺃﻧﺎ
ﺇﺿﻄﺮﻳﺖ ﺃﺳﺎﻓﺮ .. ﻭﻧﺰﻭﻟﻲ ﻣﺼﺮ ﻛﺎﻥ ﻗﻠﻴﻞ.. ﺑﺲ ﺭﻏﻢ ﻛﻞ ﺩﻩ ﺃﻧﺎ
ﻛﻨﺖ ﻋﺎﺭﻑ ﺇﻧﻲ ﺃﻧﺎ ﺍﻟﻮﺣﻴﺪ ﺍﻟﻠﻲ ﻓﻲ ﻗﻠﺒﻚ ﻭﻛﻤﺎﻥ ﺇﻧﺘﻲ ﻛﻨﺘﻲ ﻓﻲ
ﻗﻠﺒﻲ ﻭﺟﺎﺕ ﺍﻟﻔﺮﺻﻪ ﺃﻫﻴﻪ ﻋﺸﺎﻥ ﻧﻜﺸﻒ ﻛﻞ ﺣﺎﺟﻪ
ﻟﻴﻠﻲ ﻭﻫﻲ ﺗﻨﻈﺮ ﻟﻪ ﺑﻠﻮﻡ :
ــ : ﻭﻟﻴﻪ ﻣﻘﺘﻠﻴﺶ ﺩﻩ ﻣﻦ ﻗﺒﻞ ﻛﺪﻩ؟
ﺑﺎﺳﻢ :
ــ : ﻟﺴﺒﺒﻴﻦ ﺍﻷﻭﻝ ﺃﻧﺎ ﻣﻜﻨﺘﺶ ﻋﺎﻳﺰ ﺃﻋﻠﻘﻚ ﺑﻴﺎ ﺃﻛﺜﺮ ﻭﺃﻧﺎ ﻣﺶ ﺿﺎﻣﻦ
ﻇﺮﻭﻑ ﺷﻐﻠﻲ ﻓﻲ ﻟﻨﺪﻥ ﻳﻌﻨﻲ ﻛﺎﻥ ﻣﻤﻜﻦ ﺃﻧﺰﻝ ﻣﺼﺮ ﻭﺃﻗﻌﺪ ﻣﻌﺎﻛﻲ
ﻭﺃﻗﻮﻟﻚ ﻭﻓﺠﺄﻩ ﺗﺤﺼﻞ ﻟﺨﺒﻄﻪ ﻭﺃﺿﻄﺮ ﺃﺳﺎﻓﺮ ﻭﻣﺮﺟﻌﺶ ﺑﺴﺮﻋﺔ
ﻭﺇﻧﺘﻲ ﺑﻨﻔﺴﻚ ﺷﻔﺘﻲ ﻇﺮﻭﻓﻨﺎ ﻛﺎﻧﺖ ﺇﻳﻪ ﺑﻌﺪ ﻭﻓﺎﺓ ﺑﺎﺑﺎ ﺍﻟﻠﻪ ﻳﺮﺣﻤﻪ
ﻟﻴﻠﻲ :
ــ : ﻭﺍﻟﺴﺒﺐ ﺍﻟﺘﺎﻧﻲ؟
ﺑﺎﺳﻢ ﺑﺈﺑﺘﺴﺎﻣﺔ :
ــ : ﺍﻟﺴﺒﺐ ﺍﻟﺘﺎﻧﻲ ﻗﺒﻞ ﻭﻓﺎﺓ ﺑﺎﺑﺎ ﺃﻧﺎ ﻛﻠﻤﺘﻪ ﻭﻗﻠﺘﻠﻪ ﺑﺲ ﺍﻟﻠﻪ ﻳﺮﺣﻤﻪ
ﻗﺎﻟﻲ ﺇﻧﻲ ﻣﻴﻨﻔﻌﺶ ﺃﺟﻮﺯﻙ ﻟﻐﺎﻳﺔ ﻣﺎ ﺃﻋﺘﻤﺪ ﻋﻠﻰ ﻧﻔﺴﻲ ﻓﻲ ﺍﻟﺸﻐﻞ
ﻣﺶ ﺃﻋﺘﻤﺪ ﻋﻠﻰ ﻓﻠﻮﺱ ﺃﺑﻮﻳﺎ ﻭﻟﻤﺎ ﻗﺮﺭﺕ ﺃﺳﺎﻓﺮ ﺑﺮﻩ ﻭﺃﺑﻌﺪ ﻋﻨﻪ
ﻭﺃﺷﺘﻐﻞ ﻟﻮﺣﺪﻱ ﻓﻲ ﺷﺮﻛﺎﺗﻪ ﺑﺮﻩ ﻋﺸﺎﻥ ﺃﺛﺒﺘﻠﻪ ﺇﻧﻲ ﺭﺍﺟﻞ ﻛﺎﻥ
ﺍﻟﺪﺍﻓﻊ ﻟﻴﺎ ﻫﻮ ﺇﻧﺘﻲ ﻋﺸﺎﻥ ﺃﻗﺪﺭ ﺃﺗﻘﺪﻣﻠﻚ ﺑﻘﻠﺐ ﺟﺎﻣﺪ ﺑﺲ ﺑﺎﺑﺎ ﺍﻟﻠﻪ
ﻳﺮﺣﻤﻪ ﻣﺴﺎﺑﻠﻴﺶ ﻓﺮﺻﻪ ﺃﺛﺒﺘﻠﻪ ﻭﺳﺎﺑﻨﻲ ﻟﻮﺣﺪﻱ ﻭﻓﻲ ﺭﻗﺒﺘﻲ
ﺷﺮﻛﺎﺕ ﻫﺘﻔﻠﺲ ﻭﺃﻣﻲ ﺍﻟﻠﻲ ﺗﻌﺒﺖ ﺟﺪﺍ ﺑﻌﺪ ﻣﻮﺗﻪ ﻭﺳﺎﺭﻩ ﺃﺧﺘﻲ
ﺍﻟﺼﻐﻴﺮﻩ ﺍﻟﻠﻲ ﺇﻧﺘﻲ ﺑﻨﻔﺴﻚ ﺷﻔﺘﻲ ﺣﺎﻟﺘﻬﺎ ﻭﻛﺎﻧﺖ ﺑﻴﻦ ﺍﻟﺤﻴﺎﻩ
ﻭﺍﻟﻤﻮﺕ.. ﻛﻞ ﺣﺎﺟﻪ ﻛﺎﻧﺖ ﻣﺘﻠﺨﺒﻄﻪ ﻭﻣﻜﺎﻧﺶ ﻳﻨﻔﻊ ﻭﻗﺘﻬﺎ ﺃﻗﻮﻟﻚ ﺑﺲ
ﺩﻟﻮﻗﺘﻲ ﺍﻟﻮﺿﻊ ﺇﺗﻐﻴﺮ ﺧﺎﻟﺺ
ﻟﻴﻠﻲ :
ــ : ﺑﺲ ﻟﻮ ﻛﻨﺖ ﻭﻗﺘﻬﺎ ﻗﻠﺘﻠﻲ ﻛﻨﺖ ﻭﻗﻔﺖ ﺟﻤﺒﻚ ﻭﺳﺎﻋﺪﺗﻚ
ﺑﺎﺳﻢ :
ــ : ﻣﻜﺎﻧﺶ ﻳﻨﻔﻊ ﺃﺣﻤﻠﻚ ﻫﻢ ﺃﻛﺒﺮ ﻣﻨﻚ ﺇﻧﺘﻲ ﻛﻨﺘﻲ ﻟﺴﻪ ﺻﻐﻴﺮﻩ ﻋﻠﻰ
ﻛﻞ ﺍﻟﻤﺸﺎﻛﻞ ﺩﻱ ﻭﺑﻌﺪﻳﻦ ﻛﺎﻥ ﻛﻔﺎﻳﺔ ﻋﻠﻴﻜﻲ ﻫﻢ ﺳﺎﺭﻩ ﺍﻟﻠﻲ ﻟﻐﺎﻳﺔ
ﺩﻟﻮﻗﺘﻲ ﺃﻧﺎ ﺣﺎﺳﺲ ﺇﻥ ﺍﻟﻠﻲ ﺟﺮﺍﻟﻬﺎ ﻣﺄﺛﺮ ﻓﻴﻬﺎ ﻭﻓﻴﻜﻲ ﻭﻫﻮ ﺳﺒﺐ
ﺧﻮﻓﻚ ﻣﻨﻲ
ﻧﻈﺮﺕ ﻟﻪ ﺑﺬﻫﻮﻝ ﺛﻨﻢ ﻗﺎﻟﺖ ﺑﺴﺮﻋﻪ :
ــ : ﻻ ﻳﺎ ﺑﺎﺳﻢ ﺇﻧﺖ ﻏﻴﺮ ﺍﻟﺤﻘﻴﺮ ﺍﻟﻠﻲ ﺣﻜﺘﻠﻲ ﻋﻨﻪ ﺳﺎﺭﻩ ﺇﻧﺖ ﺭﺍﺟﻞ
ﺑﺠﺪ ﻭﺃﻧﺎ ﺷﻔﺖ ﺑﻨﻔﺴﻲ
ﺇﺑﺘﺴﻢ ﺇﺑﺘﺴﺎﻣﺔ ﺧﺎﻓﺘﺔ ﻗﺎﺋﻼ :
ــ : ﺑﺲ ﺑﺮﺿﻮ ﺇﻧﺘﻲ ﺧﺎﻳﻔﻪ ﻣﻨﻲ ﺃﻭ ﺑﺎﻷﺻﺢ ﺧﺎﻳﻔﻪ ﺇﻧﻚ ﺗﻌﺘﺮﻓﻲ
ﺑﺤﺒﻚ ﻟﻴﺎ ﺃﻭ ﺗﻮﺍﻓﻘﻲ ﻋﻠﻰ ﺃﻱ ﻋﻼﻗﻪ ﺗﺤﺼﻞ ﺑﻴﻨﺎ ﻗﺼﺪﻱ ﻃﺒﻌﺎ ﻋﻼﻗﺔ
ﺟﻮﺍﺯ ﻣﺶ ﺣﺎﺟﻪ ﺗﻐﻀﺐ ﺭﺑﻨﺎ ﺑﺲ ﺍﻟﻠﻲ ﺣﺼﻞ ﻟﺴﺎﺭﻩ ﻣﺨﻮﻓﻚ
ﻭﻣﺨﻠﻴﻜﻲ ﻋﺎﻳﺰﻩ ﺗﻌﻴﺸﻲ ﺣﺐ ﻣﻦ ﻏﻴﺮ ﻣﺎ ﺗﺤﺼﻞ ﻣﻮﺍﺟﻬﻪ ﻋﺸﺎﻥ
ﻣﻴﺘﻜﺮﺭﺵ ﻣﻌﺎﻛﻲ ﺍﻟﻠﻲ ﺷﻔﺘﻴﻪ ﻣﻊ ﺳﺎﺭﻩ
ﺃﺧﺮﺳﻬﺎ ﻛﻼﻣﻪ ﺑﻞ ﻛﺎﺩ ﺃﻥ ﻳﺠﻌﻞ ﻗﻠﺒﻬﺎ ﻳﺘﻮﻗﻒ ﻓﻬﻮ ﻳﻔﻬﻢ ﻣﺎ ﺑﺪﺍﺧﻠﻬﺎ
ﻭﻳﻌﺮﻑ ﺳﺒﺐ ﺧﻮﻓﻬﺎ ﺃﻛﺜﺮ ﻣﻨﻬﺎ .. ﻫﻲ ﻧﻔﺴﻬﺎ ﻟﻢ ﺗﻜﻦ ﺗﻌﻠﻢ ﻣﺼﺪﺭ
ﻗﻠﻘﻬﺎ ﻭﺧﻮﻓﻬﺎ.. ﻧﻈﺮﺕ ﻟﻪ ﺑﻀﻌﻒ ﺷﺪﻳﺪ ﻭﻋﻴﻨﻴﻦ ﺫﺍﺑﻠﺘﻴﻦ ﻓﻬﻮ ﻳﻘﺮﺃﻫﺎ
ﺟﻴﺪﺍ ﻭﻻ ﺗﺴﺘﻄﻴﻊ ﺍﻟﻬﺮﻭﺏ ﻣﻦ ﻋﻴﻨﻴﻪ
ﺑﺎﺳﻢ ﺑﺤﻨﺎﻥ :
ــ : ﺣﺒﻴﺒﺘﻲ ﻳﺎ ﻟﻴﻠﻲ ﺃﻧﺎ ﻣﻘﺪﺭ ﻛﻞ ﺍﻟﻠﻲ ﺇﻧﺘﻲ ﻓﻴﻪ ﻭﻣﺶ ﻫﻄﻠﺐ ﻣﻨﻚ
ﺣﺎﺟﻪ ﺃﻛﺒﺮ ﻣﻦ ﻃﺎﻗﺘﻚ ﺻﺪﻗﻴﻨﻲ ﺍﻟﺜﻘﻪ ﺩﻱ ﻣﺶ ﺑﺘﻴﺠﻲ ﻣﻦ ﺑﻼﺵ
ﺑﺘﻴﺠﻲ ﻣﻦ ﻣﻮﺍﻗﻒ ﻭﺃﻧﺎ ﻣﻌﺎﻛﻲ ﻟﺤﺪ ﺁﺧﺮ ﻧﻔﺲ
ﺇﺑﺘﺴﻤﺖ ﻟﻴﻠﻲ ﺑﺴﻌﺎﺩﺓ ﻭﻗﻠﺒﻬﺎ ﻳﻄﻴﺮ ﻣﻦ ﺍﻟﻔﺮﺣﺔ ﺃﻣﺎ ﺑﺎﺳﻢ ﻓﺘﺮﻛﻬﺎ
ﻭﻗﺎﻡ ﻟﻴﻐﺎﺩﺭ ﺍﻟﻐﺮﻓﻪ ﺑﻬﺪﻭﺀ ﻭﻗﺒﻞ ﺃﻥ ﻳﺨﺮﺝ ﺇﻟﺘﻔﺖ ﺇﻟﻴﻬﺎ ﻣﺸﺎﻛﺴﺎ :
ــ : ﻭﻋﺎﻣﻼﻟﻲ ﻓﻴﻬﺎ ﺳﺒﻊ ﺭﺟﺎﻟﻪ ﻓﻲ ﺑﻌﺾ ﻭﺧﺎﻟﺺ ﻭﻧﻬﺎﺋﻴﺎ ﻭﺇﻃﻼﻗﺎ ﻳﺎ
ﺷﻴﺨﻪ ﺇﻗﻌﺪﻱ ﺩﻩ ﺇﻧﺘﻮﺍ ﺍﻟﺒﻨﺎﺕ ﻭﻛﺴﻪ
ﺿﺤﻜﺖ ﻟﻴﻠﻰ ﻗﺎﺋﻠﺔ :
ــ : ﻣﺶ ﻫﺮﺩ ﻋﻠﻴﻚ ﻋﺸﺎﻥ ﺃﻧﺎ ﻣﺆﺩﺑﻪ
ﺑﺎﺳﻢ :
ــ : ﺭﺑﻨﺎ ﻳﻜﻤﻠﻚ ﺑﻌﻘﻠﻚ ﻳﺎ ﻣﺆﺩﺑﻪ
ﻭﻫﻨﺎ ﺩﺧﻠﺖ ﻋﻠﻴﻬﻢ ﺳﺎﺭﻩ ﺑﺈﺑﺘﺴﺎﻣﺔ ﻣﺸﺎﻏﺒﻪ ﻗﺎﺋﻠﺔ :
ــ : ﻳﺎ ﺳﻴﺪﻱ ﻳﺎ ﺳﻴﺪﻱ ﺇﻳﻪ ﺩﻩ ﻳﺎ ﻧﺎﺱ ﺭﻭﻣﻴﻮ ﻭﺟﻮﻟﻴﺖ ﺍﻟﻠﻬﻢ ﺩﺍ ﺣﺴﺪ
ﺑﺎﺳﻢ :
ــ : ﻧﻘﻄﻴﻨﺎ ﺑﺴﻜﺎﺗﻚ ﻣﺶ ﻧﺎﻗﺺ ﺣﺴﺪ ﺍﻟﻠﻪ ﻳﺒﺎﺭﻛﻠﻚ ﺃﻧﺎ ﺃﺻﻼ ﻛﻨﺖ
ﻣﺎﺷﻲ
ﺳﺎﺭﻩ :
ــ : ﺩﻩ ﻣﺶ ﺣﺴﺪ ﺩﻩ ﻗﺮ ﻭﻏﻞ ﺑﻌﺪ ﻋﻨﻚ
ﻟﻴﻠﻲ :
ــ : ﺃﻋﻮﻭﻭﻭﻭﺫ ﺑﺎﻟﻠﻪ ﺇﻧﺼﺮﻓﻲ ﺇﻧﺼﺮﻓﻲ
ﺳﺎﺭﻩ :
ــ : ﺃﻃﻠﻊ ﻣﻨﻬﺎ ﻳﻌﻨﻲ؟
ﺑﺎﺳﻢ :
ــ : ﻳﺎ ﺭﻳﺖ ﺑﺼﺮﺍﺣﻪ ﻣﺶ ﻋﺎﻳﺰ ﻣﻦ ﺟﻨﺎﺑﻚ ﺣﺎﺟﻪ
ﺳﺎﺭﻩ :
ــ : ﻃﺐ ﺇﻳﺪﻙ ﻋﻠﻰ ﺍﻟﺤﻼﻭﻩ ﺑﻘﻰ ﻣﺎ ﻫﻮ ﺃﻧﺎ ﺷﻐﺎﻟﻪ ﺧﻄﺎﺑﻪ ﺍﻟﻴﻮﻣﻴﻦ
ﺩﻭﻝ ﻭﻳﺎ ﺑﺨﺖ ﻣﻦ ﻭﻓﻖ ﺭﺍﺳﻴﻦ ﻓﻲ ﺍﻟﺤﻼﻝ
ﺑﺎﺳﻢ ﻭﻫﻮ ﻳﻐﺎﺩﺭ ﺑﺴﺮﻋﺔ :
ــ : ﺧﺪﻱ ﺍﻟﺤﻼﻭﻩ ﻣﻦ ﻟﻴﻠﻲ
ﻟﻴﻠﻲ :
ــ : ﺑﺪﺍﻳﻪ ﻣﺒﺸﺮﻩ ﻃﻠﻊ ﺃﺧﻮﻛﻲ ﺑﺨﻴﻞ
ﺳﺎﺭﻩ ﺑﻀﺤﻚ :
ــ : ﻭﺑﻼ ﻓﺨﺮ.. ﺍﻟﻠﻬﻢ ﻻ ﺇﻋﺘﺮﺍﺽ
.....................................................................................
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ.. ﻓﻲ ﺻﺎﻟﻮﻥ ﺍﻟﻔﻴﻼ ﻛﺎﻧﺖ ﺇﻳﻤﺎﻥ ﻭﺍﻗﻔﻪ ﺃﻣﺎﻡ
ﺳﺎﺭﻩ ﺗﻌﺪﻝ ﻣﻦ ﻭﺿﻊ ﻣﻼﺑﺴﻬﺎ ﻭﻫﻲ ﺗﻘﻮﻝ :
ــ : ﺧﺪﻱ ﺑﺎﻟﻚ ﻣﻦ ﻧﻔﺴﻚ ﻭﺇﺗﻜﻠﻤﻲ ﺑﻬﺪﻭﺀ ﻭﻣﺘﻘﻠﻘﻴﺶ ﻣﻦ ﺣﺎﺟﻪ
ﺇﻧﺘﻲ ﻣﺶ ﺃﻱ ﻭﺣﺪﻩ ﺩﻩ ﺇﻧﺘﻲ ﺑﻨﺖ ﺷﺎﻛﺮ ﺍﻷﺩﻫﻢ
ﺳﺎﺭﻩ ﺑﺜﻘﺔ :
ــ : ﻣﺘﻘﻠﻘﻴﺶ ﻳﺎ ﻣﺎﻣﺎ ﺃﻧﺎ ﻋﺎﺭﻓﻪ ﻛﻮﻳﺲ ﻫﻌﻤﻞ ﺇﻳﻪ
ﺇﻳﻤﺎﻥ :
ــ : ﻭﻃﻤﻨﻴﻨﻲ ﺃﻭﻝ ﻣﺎ ﺗﺨﻠﺼﻲ
ﻧﻈﺮ ﻟﻬﺎ ﻋﻠﻲ ﻗﺎﺋﻼ :
ــ : ﺇﻧﺘﻲ ﻗﻠﺘﻴﻠﻲ ﺇﺳﻢ ﺻﺎﺣﺐ ﺍﻟﺸﺮﻛﻪ ﺇﻳﻪ؟
ﺳﺎﺭﻩ :
ــ : ﺭﺃﻓﺖ ﺍﻟﺴﻠﻤﺎﻧﻲ
ﻋﻠﻲ ﺑﺪﻫﺸﻪ :
ــ : ﻣﻴﻦ؟
ﺳﺎﺭﻩ ﺑﺈﺳﺘﻐﺮﺍﺏ :
ــ : ﺭﺃﻓﺖ ﺍﻟﺴﻠﻤﺎﻧﻲ ﺇﻧﺖ ﺗﻌﺮﻓﻪ ﻳﺎ ﺧﺎﻟﻮ؟
ﻋﻠﻲ :
ــ : ﻃﺒﻌﺎ ﻫﻮ ﻣﻌﺮﻭﻑ ﺟﺪﺍ ﺑﺲ ﻣﺤﺪﺵ ﺑﻴﺸﺘﻐﻞ ﻣﻌﺎﻩ ﺑﺴﻬﻮﻟﻪ ﺑﻴﺸﺘﻐﻞ
ﻣﻌﺎﻩ ﺃﺑﻨﺎﺀ ﺍﻟﺬﻭﺍﺕ ﻭﺍﻷﻛﺎﺑﺮ ﺍﻭﻱ
ﻧﻈﺮﺕ ﻟﻪ ﺇﻳﻤﺎﻥ ﻗﺎﺋﻠﺔ ﺑﻔﺨﺮ :
ــ : ﻭﻫﻲ ﺑﻨﺖ ﺷﺎﻛﺮ ﺍﻷﺩﻫﻢ ﺩﻱ ﺑﺴﻴﻄﻪ
ﻣﻨﻰ ﺑﺴﺨﺮﻳﻪ :
ــ : ﻃﺒﻌﺎ ﻷ ..ﻫﻮ ﻓﻲ ﺯﻱ ﺑﻨﺖ ﺷﺎﻛﺮ ﺍﻷﺩﻫﻢ
ﻧﻬﺮﻫﺎ " ﻋﻠﻲ " ﺑﻨﻈﺮﺍﺗﻪ ﻭﻋﻴﻨﻴﻪ ﺗﺄﻣﺮﻫﺎ ﺑﺎﻟﺴﻜﻮﺕ ﻓﺄﺳﺮﻋﺖ ﺳﺎﺭﺓ
ﻗﺎﺋﻠﺔ :
ــ : ﻃﺐ ﺃﻧﺎ ﻫﻤﺸﻲ ﺑﻘﻰ ﺩﻋﻮﺍﺗﻜﻢ .. ﻳﻼ ﺳﻼﻡ ﻋﻠﻴﻜﻢ
ﻭﻗﺒﻞ ﺃﻥ ﺗﺨﺮﺝ ﺗﺬﻛﺮﺕ ﺷﻴﺌﺎ ﻓﺈﻟﺘﻔﺘﺖ ﻗﺎﺋﻠﺔ ﻟﻮﺍﻟﺪﺗﻬﺎ :
ــ : ﻣﺎﻣﺎ ﺃﻧﺎ ﻫﺨﻠﺺ ﻭﻫﺮﻭﺡ ﻣﻊ ﻳﻤﻨﻰ ﺣﻠﻘﺔ ﺗﺤﻔﻴﻆ ﻳﻌﻨﻲ ﻣﻤﻜﻦ
ﺃﺗﺄﺧﺮ
ﻋﻠﻲ :
ــ : ﻣﺎﺷﺎﺀ ﺍﻟﻠﻪ ﻋﻠﻴﻜﻲ ﻳﺎ ﺳﺎﺭﻩ ﻳﺎ ﺑﻨﺘﻲ ﺭﺑﻨﺎ ﻳﺤﻤﻴﻜﻲ
ﺇﻳﻤﺎﻥ ﻭﻫﻲ ﺗﺠﻠﺲ ﺑﺠﻮﺍﺭ ﺃﺧﻴﻬﺎ ﻗﺎﺋﻠﺔ :
ــ : ﻣﺎﺷﻲ ﺑﺲ ﺇﺗﺼﻠﻲ ﻃﻤﻨﻴﻨﻲ ﺍﻷﻭﻝ ﺃﻭﻛﻲ
ﺳﺎﺭﻩ :
ــ : ﺃﻭﻛﻲ ..ﻳﻼ ﺳﻼﻡ ﻋﻠﻴﻜﻢ
ﻭﺧﺮﺟﺖ ﺳﺎﺭﻩ ﻣﻦ ﺍﻟﻔﻴﻼ ﻟﺘﺮﻛﺐ ﺳﻴﺎﺭﺗﻬﺎ ﻣﻊ ﺳﺎﺋﻘﻬﺎ ﻭﻟﻜﻦ ﻗﺒﻞ ﺃﻥ
ﻳﺘﺤﺮﻙ ﺳﺎﺋﻖ ﺍﻟﺴﻴﺎﺭﺓ ﻭﺟﺪﺕ ﺇﺑﺮﺍﻫﻴﻢ ﻳﻔﺘﺢ ﺍﻟﺒﺎﺏ ﻭﻫﻮ ﻳﻠﻬﺚ ﻗﺎﺋﻼ
ﺑﺈﻧﻔﻌﺎﻝ :
ــ : ﺳﺎﺭﻩ ﺇﻧﺘﻲ ﻫﺘﻘﺎﺑﻠﻲ ﻳﻤﻨﻰ؟
ﺳﺎﺭﻩ ﺑﺪﻫﺸﺔ :
ــ : ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﺇﻧﺖ ﻃﻠﻌﺘﻠﻲ ﻣﻨﻴﻦ؟ ﺃﻳﻮﻩ ﻫﻘﺎﺑﻠﻬﺎ
ﻫﻨﺮﻭﺡ ﻣﻊ ﺑﻌﺾ ﺣﻠﻘﺔ ﺗﺤﻔﻴﻆ
ﺇﺑﺮﺍﻫﻴﻢ ﻭﻫﻮ ﻳﻠﺘﻘﻂ ﺃﻧﻔﺎﺳﻪ :
ــ : ﺃﻧﺎ ﺳﻤﻌﺘﻚ ﺑﺘﻘﻮﻟﻲ ﻫﻘﺎﺑﻞ ﻳﻤﻨﻰ.. ﺑﺼﻲ ﻃﻴﺐ ﺃﻧﺎ ﻫﻄﻠﻊ ﻣﻦ
ﺍﻟﺸﻐﻞ ﻭﺃﺟﻴﻠﻚ ﺍﻟﺸﺮﻛﻪ ﻭﻧﺮﻭﺡ ﻧﺠﻴﺐ ﻳﻤﻨﻰ ﻭﺃﻭﺻﻠﻜﻢ ﺇﻳﻪ ﺭﺃﻳﻚ؟؟
ﺳﺎﺭﻩ ﺑﻤﺸﺎﻛﺴﺔ :
ــ : ﻃﺐ ﺳﻴﺒﻨﻲ ﺃﻓﻜﺮ
ﺇﺑﺮﺍﻫﻴﻢ :
ــ : ﺣﺒﻴﺒﺘﻲ ﻳﺎ ﺑﻨﺖ ﻋﻤﺘﻲ ﻳﺎ ﺳﻮﺳﻮ ﺧﻠﻴﻜﻲ ﺟﺪﻋﻪ
ﺳﺎﺭﻩ ﺑﻀﺤﻚ :
ــ : ﺑﺲ ﻋﺸﺎﻥ ﻗﻠﺒﻲ ﻃﻴﺐ
ﺇﺑﺮﺍﻫﻴﻢ :
ــ : ﺃﻭﻝ ﻣﺎ ﺗﺨﻠﺼﻲ ﻛﻠﻤﻴﻨﻲ
ﺳﺎﺭﻩ :
ــ : ﺣﺎﺿﺮ ﻭﺳﻊ ﺑﻘﻰ ﺧﻠﻴﻨﻲ ﺃﻣﺸﻲ ﺃﻧﺎ ﻭﺍﺣﺪﻩ ﻣﺸﻐﻮﻟﻪ ﻣﻌﻨﺪﻳﺶ
ﻭﻗﺖ
ﺇﺑﺮﺍﻫﻴﻢ ﺑﺴﺨﺮﻳﺔ :
ــ : ﻃﺐ ﻳﻼ ﻳﺎﺧﺘﻲ ﻃﺮﻳﻘﻚ ﺃﺧﻀﺮ ﻋﺸﺎﻥ ﻣﻔﻴﺶ ﺃﻟﻮﺍﻥ ﺗﺎﻧﻴﻪ
...........................................................................
.........................
ﻓﻲ ﺍﻟﺠﺎﻣﻌﻪ ﻛﺎﻧﺖ ﺭﻳﻬﺎﻡ ﺗﺠﻠﺲ ﻋﻠﻰ ﺃﺣﺪ ﺍﻟﻤﻘﺎﻋﺪ ﻭﻫﻲ ﺗﺮﺍﺟﻊ
ﺇﺣﺪﻯ ﺍﻟﻤﻮﺍﺩ ﺑﺘﺮﻛﻴﺰ ﺇﺳﺘﻌﺪﺍﺩﺍ ﻟﻺﻣﺘﺤﺎﻥ .. ﻭﻓﺠﺄﻩ ﻭﺟﺪﺕ ﻣﻦ ﻳﺠﻠﺲ
ﺑﺠﻮﺍﺭﻫﺎ ﻭﻋﻨﺪﻣﺎ ﺇﻟﺘﻔﺘﺖ ﺭﺃﺕ ﺁﺧﺮ ﺷﺨﺺ ﺗﺘﻮﻗﻊ ﺃﻥ ﺗﺮﺍﻩ ﻫﻨﺎ ﻓﻲ
ﺍﻟﻜﻠﻴﻪ
ﺭﻳﻬﺎﻡ ﺑﺪﻫﺸﻪ :
ــ : ﻣﺶ ﻣﻌﻘﻮﻝ !. ﺭﺍﻣﻲ ﺇﻧﺖ ﺇﻳﻪ ﺍﻟﻠﻲ ﺟﺎﺑﻚ ﻫﻨﺎ ﻣﺶ ﻛﻨﺖ ﻃﻔﺸﺎﻥ
ﻣﻦ ﺍﻟﻜﻠﻴﺔ ﻭﻣﺶ ﺑﺘﻴﺠﻲ ﺧﺎﻟﺺ
ﺭﺍﻣﻲ ﺑﻀﺤﻜﻪ :
ــ : ﺃﻫﻮ ﺑﻘﻰ ﺭﺑﻨﺎ ﻫﺪﺍﻧﻲ ﻭﻗﻠﺖ ﻻﺯﻡ ﺃﻧﺠﺢ ﻭﺃﺧﻠﺺ
ﺭﻳﻬﺎﻡ ﺑﺈﻋﺠﺎﺏ :
ــ : ﻃﺐ ﻛﻮﻳﺲ ﻭﺍﻟﻠﻪ
ﺭﺍﻣﻲ :
ــ : ﻣﺶ ﺃﻧﺎ ﺇﺷﺘﻐﻠﺖ ﻓﻲ ﺍﻟﺸﺮﻛﺔ
ﺭﻓﻌﺖ ﺭﻳﻬﺎﻡ ﺣﺎﺟﺒﻬﺎ ﺑﺪﻫﺸﺔ ﻗﺎﺋﻠﺔ :
ــ : ﻳﺎﺍﺍﺍﺭﺍﺟﻞ !. ﻛﻤﺎﻥ ﺭﺑﻨﺎ ﻳﻜﻤﻠﻚ ﺑﻌﻘﻠﻚ ﻭﺇﻳﻪ ﺳﺒﺐ ﺍﻟﺘﻐﻴﻴﺮ ﺍﻟﻤﻔﺎﺟﺊ
ﺩﻩ؟؟
ﺭﺍﻣﻲ :
ــ : ﻣﻔﻴﺶ ﺑﺲ ﺣﺴﻴﺖ ﺇﻥ ﺣﻴﺎﺗﻲ ﻣﺎﻟﻬﺎﺵ ﻻﺯﻣﻪ ﻭﺃﺧﻮﻳﺎ ﺑﺼﺮﺍﺣﻪ
ﺷﺠﻌﻨﻲ ﺃﺷﺘﻐﻞ
ﺭﻳﻬﺎﻡ ﻭﻫﻲ ﺗﻨﻈﺮ ﺃﻣﺎﻣﻬﺎ ﺑﺸﺮﻭﺩ :
ــ : ﺣﺘﻰ ﺃﻧﺎ ﺇﺗﻐﻴﺮﺕ ﺃﻭﻱ ﻭﻧﺎﻭﻳﻪ ﺃﺭﻛﺰ ﻓﻲ ﺍﻟﻤﺬﺍﻛﺮﻩ ﻭﺑﺲ
ﺭﺍﻣﻲ :
ــ : ﻭﺇﻧﺘﻲ ﺑﻘﻰ ﺇﻳﻪ ﺳﺒﺐ ﺍﻟﺘﻐﻴﻴﺮ ﺍﻟﻤﻔﺎﺟﺊ ﺩﻩ؟
ﺭﻳﻬﺎﻡ ﺑﺄﻟﻢ :
ــ : ﻣﻔﻴﺶ ﺑﺲ ﺇﻛﺘﺸﻔﺖ ﺇﻧﻲ ﻣﻜﻨﺘﺶ ﺷﺎﻳﻔﻪ ﺣﺎﺟﻪ ﺧﺎﻟﺺ ﺣﻮﺍﻟﻴﺎ
ﻓﺎﺟﺌﻬﺎ ﺑﺴﺆﺍﻟﻪ ﻗﺎﺋﻼ ﺑﻠﻬﺠﺔ ﺫﺍﺕ ﻣﻐﺰﻯ :
ــ : ﺳﺒﺘﻲ ﺃﺣﻤﺪ ﺧﻼﺹ؟
ﺭﻳﻬﺎﻡ ﺑﺘﻮﺗﺮ ﻭﻫﻲ ﺗﻌﻴﺪ ﺍﻟﻨﻈﺮ ﻓﻲ ﻛﺘﺒﻬﺎ :
ــ : ﻟﻮ ﺳﻤﺤﺖ ﻳﺎ ﺭﺍﻣﻲ ﺃﻧﺎ ﻣﺶ ﻋﺎﻳﺰﻩ ﺃﻓﺘﻜﺮ ﺃﺣﻤﺪ ﺧﺎﻟﺺ ﺃﻧﺎ ﺧﻼﺹ
ﻧﺴﻴﺖ ﻛﻞ ﺣﺎﺟﻪ ﻭﻗﻔﻠﺖ ﺍﻟﺼﻔﺤﻪ ﺩﻱ ﻧﻬﺎﺋﻴﺎ
ﺭﺍﻣﻲ :
ــ : ﻳﺎ ﻣﺎﺣﺬﺭﺗﻚ ﻣﻨﻪ ﻳﺎ ﺭﻳﻬﺎﻡ ﻭﻗﻠﺘﻠﻚ ﺃﺣﻤﺪ ﻫﻴﺄﺫﻳﻜﻲ
ﺭﻳﻬﺎﻡ ﻭﻫﻲ ﺗﻨﻈﺮ ﻟﻪ ﺑﺪﻫﺸﻪ :
ــ : ﻭﺇﻧﺖ ﻋﺮﻓﺖ ﻣﻨﻴﻦ ﺇﻧﻪ ﺁﺫﺍﻧﻲ؟
ﺳﺎﺭﻉ ﺭﺍﻣﻲ ﻗﺎﺋﻼ :
ــ : ﻣﻌﺮﻓﺘﺶ ﺣﺎﺟﻪ ﺑﺲ ﺃﻛﻴﺪ ﺁﺫﺍﻛﻲ ﻭﺇﻻ ﺳﺒﺘﻴﻪ ﻟﻴﻪ؟
ﺭﻳﻬﺎﻡ ﻭﻫﻲ ﺗﻌﻴﺪ ﺍﻟﻨﻈﺮ ﻟﻜﺘﺒﻬﺎ :
ــ : ﺇﻧﺴﻰ ﺧﻼﺹ
ﺭﺍﻣﻲ :
ــ : ﺻﺪﻗﻴﻨﻲ ﻳﺎ ﺭﻳﻬﺎﻡ ﺃﺣﻤﺪ ﻋﻤﺮﻩ ﻣﺎ ﻛﺎﻥ ﻣﺨﻠﺺ ﻟﻴﻜﻲ ﻭﻛﺎﻥ ﺑﻴﺨﺮﺝ
ﻭﻳﺴﻬﺮ ﻣﻊ ﺑﻨﺎﺕ ﻭﻫﻮ ﺑﻴﻮﻫﻤﻚ ﺇﻧﻪ ﺑﻴﺤﺒﻚ ﻭﺇﻧﺘﻲ ﻣﺘﻌﺮﻓﻴﺶ ﺍﻟﺒﻼﻭﻱ
ﺍﻟﻠﻲ ﻛﺎﻥ ﺑﻴﻌﻤﻠﻬﺎ
ﺭﻳﻬﺎﻡ ﺑﺤﺰﻥ :
ــ : ﻛﻨﺖ ﻋﺎﺭﻓﻪ ﺑﺲ ﻟﻸﺳﻒ ﻛﻨﺖ ﻣﻄﻨﺸﻪ
ﺭﺍﻣﻲ :
ــ : ﺃﻓﻬﻢ ﻣﻦ ﻛﺪﻩ ﺇﻧﻚ ﻣﺶ ﻧﺎﻭﻱ ﺗﺮﺟﻌﻴﻠﻪ؟
ﺭﻳﻬﺎﻡ ﺑﻐﻀﺐ :
ــ : ﺭﺍﻣﻲ ﺃﻭﻋﻰ ﻳﻜﻮﻥ ﺍﻟﺰﻓﺖ ﺩﻩ ﺑﺎﻋﺘﻚ ﻟﻴﺎ ﻋﺸﺎﻥ ﺗﻘﻨﻌﻨﻲ ﺃﺭﺟﻌﻠﻪ ﻻ
ﺩﻩ ﺃﻧﺎ ﻫــ ....
ﻗﺎﻃﻌﻬﺎ ﺭﺍﻣﻲ ﺑﺴﺮﻋﻪ :
ــ : ﻻ ﻭﺍﻟﻠﻪ ﺃﻧﺎ ﺑﺲ ﺑﻄﻤﻦ ﻋﻠﻴﻜﻲ.. ﻭﺑﻌﺪﻳﻦ ﺃﻧﺎ ﻃﻮﻝ ﻋﻤﺮﻱ ﺑﺒﻌﺪﻙ
ﻋﻨﻪ ﻭﻧﺪﻣﺖ ﺇﻧﻲ ﻛﻨﺖ ﺍﻟﺴﺒﺐ ﺇﻧﻚ ﻋﺮﻓﺘﻴﻪ
ﺭﻳﻬﺎﻡ :
ــ : ﻣﻌﻠﻴﺶ ﻳﺎ ﺭﺍﻣﻲ ﺣﻘﻚ ﻋﻠﻴﺎ ﺇﻧﺖ ﻋﺎﺭﻑ ﺇﻧﻲ ﻛﻼﻣﻲ ﺩﻓﺶ ﻛﺪﻩ
ﻣﺘﺰﻋﻠﺶ
ﺭﺍﻣﻲ ﺑﺈﺑﺘﺴﺎﻣﺔ :
ــ : ﻭﻻ ﻳﻬﻤﻚ ﻳﺎ ﺭﻳﻬﺎﻡ ﻭﻟﻮ ﺇﺣﺘﺠﺘﻲ ﺃﻱ ﺣﺎﺟﻪ ﺃﻧﺎ ﻣﻮﺟﻮﺩ
ﻭﺑﻤﺠﺮﺩ ﺃﻥ ﺗﺮﻛﻬﺎ ﻭﻏﺎﺩﺭ ﺟﺎﺀﺕ ﺃﺧﺘﻬﺎ ﻟﻴﻠﻲ ﺑﺤﻨﻖ ﻭﺟﻠﺴﺖ
ﺑﺠﻮﺍﺭﻫﺎ ﻗﺎﺋﻠﺔ :
ــ : ﺧﻠﺼﻨﺎ ﻣﻦ ﻭﺍﺣﺪ ﻫﻨﺸﺘﻐﻞ ﻋﻠﻰ ﺍﻟﺘﺎﻧﻲ؟
ﺭﻳﻬﺎﻡ ﺑﺒﺮﺍﺀﻩ :
ــ : ﻻ ﻭﺍﻟﻠﻪ ﺩﻩ ﺭﺍﻣﻲ ﺃﺧﻮ ﻳﻤﻨﻰ ﺻﺎﺣﺒﺘﻨﺎ
ﻟﻴﻠﻲ ﺑﺪﻫﺸﻪ :
ــ : ﻫﻮ ﺩﻩ ﺗﻮﺃﻡ ﻳﻤﻨﻰ !!!.. ﻣﺶ ﻣﻌﻘﻮﻝ ﺑﺲ ﻋﻤﺮﻱ ﻣﺎ ﺷﻔﺘﻪ ﻫﻨﺎ ﻗﺒﻞ
ﻛﺪﻩ
ﺭﻳﻬﺎﻡ :
ــ : ﻳﺎ ﺑﻨﺘﻲ ﺩﻩ ﺑﻴﺠﻲ ﺍﻟﺠﺎﻣﻌﻪ ﻣﺮﻩ ﻓﻲ ﺍﻟﺴﻨﻪ.. ﺑﺲ ﻭﺍﻟﻠﻪ ﻫﻮ ﻃﻴﺐ..
ﺻﺤﻴﺢ ﻋﻠﻴﻪ ﺻﻴﺎﻋﻪ ﻣﻔﻴﺶ ﺯﻳﻬﺎ ﺑﺲ ﻗﻠﺒﻪ ﻃﻴﺐ
ﻟﻴﻠﻲ ﺑﺠﺪﻳﺔ :
ــ : ﻣﺎﻟﻨﺎﺵ ﺩﻋﻮﻩ ﺇﺣﻨﺎ ﻋﻨﺪﻧﺎ ﻣﺬﺍﻛﺮﻩ ﻋﺎﻳﺰﻳﻦ ﻧﺮﻛﺰ ﻓﻴﻬﺎ ﻣﻔﻬﻮﻡ
ﺭﻳﻬﺎﻡ :
ــ : ﻣﺎﺷﻲ ﻳﺎ ﺳﺘﻲ ﻫﻮ ﺇﺣﻨﺎ ﻗﻠﻨﺎ ﺣﺎﺟﻪ
ﻭﺻﻠﺖ ﻫﺎﻟﻪ ﺇﻟﻴﻬﻢ ﻗﺎﺋﻠﻪ :
ــ : ﺑﺘﻜﻠﻤﻮﺍ ﻓﻲ ﺇﻳﻪ ﻳﺎ ﺻﺒﺎﻳﺎ؟
ﻟﻴﻠﻲ :
ــ : ﺃﻫﻼ ﺑﺎﻟﺒﺮﻧﺴﻴﺴﻪ
ﻫﺎﻟﻪ ﻭﻫﻲ ﺗﺠﻠﺲ ﺑﺠﻮﺍﺭﻫﻢ ﻗﺎﺋﻠﺔ :
ــ : ﻛﻮﻳﺲ ﺇﻥ ﻳﻤﻨﻰ ﻣﺶ ﻣﻮﺟﻮﺩﻩ ﻋﺎﻳﺰﻩ ﺃﺣﻜﻴﻠﻜﻢ ﻋﻠﻰ ﺣﺎﺟﻪ
...........................................................................
...........................
ﺩﺧﻠﺖ ﺳﺎﺭﺓ ﺇﻟﻰ ﺍﻟﺸﺮﻛﺔ ﺑﺨﻄﻮﺍﺕ ﺛﺎﺑﺘﺔ ﻗﻮﻳﺔ ﻓﻬﻲ ﺩﺍﺋﻤﺎ ﺗﺜﻖ
ﺑﻨﻔﺴﻬﺎ ﻭﻗﺪﺭﺍﺗﻬﺎ ﻭﺗﻌﺮﻑ ﺃﻧﻬﺎ ﺑﺎﺭﻋﻪ ﻓﻲ ﻣﺠﺎﻝ ﺍﻟﺪﻳﻜﻮﺭ ﺟﻴﺪﺍ
ﻭﺍﻟﺠﻤﻴﻊ ﻳﺸﻴﺪ ﺑﺬﻭﻗﻬﺎ ﺍﻟﺮﻓﻴﻊ.. ﻭﻗﻔﺖ ﻋﻨﺪ ﻣﻜﺘﺐ ﺍﻟﺴﻜﺎﺭﺗﺮﻳﻪ ﻗﺎﺋﻠﺔ
ﺑﺈﺑﺘﺴﺎﻣﺔ ﺛﺎﺑﺘﺔ :
ــ : ﺻﺒﺎﺡ ﺍﻟﺨﻴﺮ
ﺍﻟﺴﻜﺮﺗﻴﺮﻩ :
ــ : ﺻﺒﺎﺡ ﺍﻟﻨﻮﺭ ﺃﻫﻼ ﻭﺳﻬﻼ
ﺳﺎﺭﻩ ﺑﺜﻘﻪ :
ــ : ﺳﺎﺭﻩ ﺷﺎﻛﺮ ﺍﻷﺩﻫﻢ.. ﻋﻨﺪﻱ ﻣﻌﺎﺩ ﻣﻊ ﺍﻷﺳﺘﺎﺫ ﺭﺃﻓﺖ
ﺍﻟﺴﻜﺮﺗﻴﺮﻩ :
ــ : ﺃﻫﻼ ﺃﻫﻼ ﻳﺎ ﺁﻧﺴﻪ ﺳﺎﺭﻩ.. ﻫﻮ ﻓﻌﻼ ﻗﺎﻟﻲ ﺇﻧﻪ ﻣﺴﺘﻨﻴﻜﻲ ﺛﺎﻧﻴﻪ
ﻭﺍﺣﺪﻩ ﺃﺩﻳﻠﻪ ﺧﺒﺮ
ﻭﺭﻓﻌﺖ ﺳﻤﺎﻋﺔ ﺍﻟﻬﺎﺗﻒ ﻭﺍﺧﺒﺮﺕ ﻣﺪﻳﺮﻫﺎ ﺃﻥ ﺳﺎﺭﻩ ﻓﻲ ﺍﻟﺨﺎﺭﺝ ﺛﻢ
ﺇﻟﺘﻔﺘﺖ ﻟﻬﺎ ﻣﺮﺣﺒﻪ :
ــ : ﺇﺗﻔﻀﻠﻲ ﻳﺎ ﺁﻧﺴﻪ ﻫﻮ ﺍﻟﺒﺎﺷﺎ ﻣﺸﻐﻮﻝ ﺑﺲ ﻋﺸﺎﻥ ﺧﺎﻃﺮﻙ ﻭﺧﺎﻃﺮ
ﺩﺍﻟﻴﺎ ﻫﺎﻧﻢ ﻫﻴﻔﻀﻲ ﻧﻔﺴﻪ
ﻭﻓﺘﺤﺖ ﻟﻬﺎ ﺑﺎﺏ ﺍﻟﻤﻜﺘﺐ ﺍﻟﺬﻱ ﻣﺎ ﺇﻥ ﺭﺃﺗﻪ ﺳﺎﺭﻩ ﺣﺘﻰ ﻋﺮﻓﺖ ﺃﻥ
ﺩﺍﻟﻴﺎ ﻫﺎﻧﻢ ﻟﻴﺴﺖ ﺑﺎﻟﻤﺮﺃﺓ ﺍﻟﺴﻬﻠﺔ ﻓﻤﻦ ﺗﻌﺮﻑ ﺭﺟﻞ ﺑﻬﺬﻩ ﺍﻟﻔﺨﺎﻣﺔ
ﺍﻟﺘﻲ ﺗﻈﻬﺮ ﻋﻠﻰ ﺷﺮﻛﺘﻪ ﻭﻣﻮﻇﻔﻴﻪ ﻭﻣﻜﺘﺒﻪ ﺍﻟﻮﺍﺳﻊ ﺍﻷﻧﻴﻖ ﺟﺪﺍ ﻟﻴﺴﺖ
ﺇﻣﺮﺃﺓ ﺑﺴﻴﻄﺔ
ﺗﻘﺪﻣﺖ ﺳﺎﺭﻩ ﺑﻬﺪﻭﺀ ﻭﺛﻘﻪ ﻭﻋﻠﻰ ﺛﻐﺮﻫﺎ ﺇﺑﺘﺴﺎﻣﺔ ﻫﺎﺩﺋﻪ ﻭﻋﻨﺪﻣﺎ
ﺇﻗﺘﺮﺑﺖ ﻣﻦ ﺍﻟﻤﻜﺘﺐ ﺭﻓﻊ ﺭﺃﻓﺖ ﺭﺃﺳﻪ ﻣﻦ ﺑﻴﻦ ﺃﻭﺭﺍﻗﻪ ﻭﻧﻈﺮ ﻟﻬﺎ
ﺑﻌﻴﻨﻴﻦ ﻣﺘﻔﺤﺼﺘﻴﻦ ﻗﺎﺋﻼ ﺑﺼﻮﺕ ﺭﺻﻴﻦ :
ــ : ﺃﻫﻼ ﻳﺎ ﺳﺎﺭﻩ ﺇﺗﻔﻀﻠﻲ
ﺟﻠﺴﺖ ﺳﺎﺭﻩ ﺃﻣﺎﻣﻪ ﻭﻫﻲ ﺗﺪﻗﻖ ﺍﻟﻨﻈﺮ ﻓﻲ ﻛﻞ ﻣﺎﺣﻮﻟﻬﺎ ﻭﺫﺍﻙ ﺍﻟﺮﺟﻞ
ﺍﻟﺬﻱ ﻳﺒﺪﻭ ﻋﻠﻴﻪ ﺃﻧﻪ ﻓﻲ ﻋﻘﺪﻩ ﺍﻟﺨﻤﺴﻴﻦ ﻭﻟﻜﻦ ﻣﺎﺯﺍﻝ ﻣﺤﺘﻔﻈﺎ ﺑﻘﻮﺓ
ﺟﺴﺪﻩ ﺍﻟﺮﻳﺎﺿﻲ
ﺳﺎﺭﻩ :
ــ : ﺃﻫﻼ ﺑﺤﻀﺮﺗﻚ ﻳﺎ ﻓﻨﺪﻡ ﺃﻧﺎ ﺳﻤﻌﺖ ﻋﻦ ﺣﻀﺮﺗﻚ ﻛﺜﻴﺮ
ﺭﺃﻓﺖ :
ــ : ﻳﺎﺭﺏ ﺗﻜﻮﻧﻲ ﺳﻤﻌﺘﻲ ﺧﻴﺮ
ﺳﺎﺭﻩ ﺑﺈﺑﺘﺴﺎﻣﻪ ﻣﺠﺎﻣﻠﺔ :
ــ : ﻛﻞ ﺧﻴﺮ
ﺍﻟﺴﻜﺮﺗﻴﺮﻩ :
ــ : ﺗﺤﺒﻮﺍ ﺗﺸﺮﺑﻮﺍ ﺇﻳﻪ
ﺭﺃﻓﺖ :
ــ : ﻫﺎﺗﻴﻠﻲ ﻗﻬﻮﺓ ﺳﺎﺩﻩ ﻭﻟﻶﻧﺴﻪ ﻧﺴﻜﺎﻓﻴﻪ ﻣﺶ ﺇﻧﺘﻲ ﺑﺘﺤﺒﻴﻪ ﺑﺮﺿﻮ؟
ﺳﺎﺭﻩ ﺑﺪﻫﺸﻪ :
ــ : ﻭﺣﻀﺮﺗﻚ ﻋﺮﻓﺖ ﻣﻨﻴﻦ؟
ﺭﺃﻓﺖ ﺑﺈﺑﺘﺴﺎﻣﺔ ﻣﺎﻛﺮﻩ :
ــ : ﺃﻧﺎ ﻣﻔﻴﺶ ﺣﺎﺟﻪ ﺗﺨﻔﻰ ﻋﻠﻴﺎ
ﺗﻤﺘﻤﺖ ﻓﻲ ﺩﺍﺧﻠﻬﺎ ( ﺷﻜﻠﻪ ﻣﻐﺮﻭﺭ ﻭﻫﻴﺘﻌﺒﻨﻲ ﻣﻌﺎﻩ )
ﻧﻈﺮﺕ ﻟﻪ ﺛﻢ ﻗﺎﻟﺖ ﺑﺠﺪﻳﺔ :
ــ : ﺣﻀﺮﺗﻚ ﺃﻧﺎ ﺇﺗﺨﺮﺟﺖ ﻣﻦ ﺳﻨﺘﻴﻦ ﻭﻧﺺ ﻛﺪﻩ ﺑﺲ ﺑﺼﺮﺍﺣﻪ
ﻣﺸﺘﻐﻠﺘﺶ ﻗﺒﻞ ﻛﺪﻩ ﻓﻲ ﺍﻟﻤﺠﺎﻝ ﺩﻩ
ﺭﺃﻓﺖ ﻭﻫﻮ ﻳﻌﻮﺯﺩ ﺑﻈﻬﺮﻩ ﻟﻠﺨﻠﻒ ﻗﺎﺋﻼ :
ــ : ﻋﺎﺭﻑ ﻋﺎﺭﻑ ﺑﺲ ﻭﻻ ﻳﻬﻤﻚ ﺇﻧﺘﻲ ﺩﺍﻟﻴﺎ ﻫﺎﻧﻢ ﺷﻜﺮﺗﻠﻲ ﻓﻴﻜﻲ ﺟﺪﺍ
ﻭﻣﻦ ﻏﻴﺮ ﻣﻘﺪﻣﺎﺕ ﻭﻛﻼﻡ ﻛﺜﻴﺮ ﺃﻧﺎ ﺧﻼﺹ ﻋﻴﻨﺘﻚ ﻣﻌﺎﻳﺎ ﻓﻲ
ﺍﻟﺸﺮﻛﺔ.. ﺇﻧﺘﻲ ﺑﺮﺿﻮ ﻣﺶ ﺑﻨﺖ ﺃﻱ ﺣﺪ ﺩﻩ ﺇﻧﺘﻲ ﺑﻨﺖ ﺷﺎﻛﺮ ﺍﻷﺩﻫﻢ
ﺍﻟﻠﻪ ﻳﺮﺣﻤﻪ
ﺳﺎﺭﻩ :
ــ : ﺍﻟﻠﻪ ﻳﺮﺣﻤﻪ ﻭﻳﺒﺎﺭﻙ ﻓﻴﻚ ﻳﺎ ﻓﻨﺪﻡ
ﺭﺃﻓﺖ ﺑﺜﻘﻪ ﻭﻏﺮﻭﺭ :
ــ : ﺃﻧﺎ ﻃﺒﻌﺎ ﻣﺒﻴﺸﺘﻐﻠﺶ ﻣﻌﺎﻳﺎ ﺃﻱ ﺣﺪ ﻭﺃﻛﻴﺪ ﺇﻧﺘﻲ ﻋﺎﺭﻓﻪ ﺩﻩ ﻭﺍﻟﺸﻐﻞ
ﻋﻨﺪﻱ ﺃﻫﻢ ﻣﻦ ﺃﻱ ﺣﺎﺟﺔ ﻭﻃﺒﻌﺎ ﺍﻹﺗﻘﺎﻥ ﻓﻲ ﺍﻟﺸﻐﻞ ﻣﻬﻢ ﺟﺪﺍ
ﺳﺎﺭﻩ :
ــ : ﻃﺒﻌﺎ ﻳﺎ ﻓﻨﺪﻡ
ﺗﻨﻬﺪ ﻗﺎﺋﻼ :
ــ : ﺗﻤﺎﻡ ﻛﺪﻩ ﺇﺗﻔﻘﻨﺎ ﻭﺃﺣﺐ ﺃﻃﻤﻨﻚ ﺍﻟﺮﺍﺗﺐ ﻋﻨﺪﻱ ﻋﺎﻟﻲ ﺃﻭﻱ ﺃﻧﺎ ﻣﺶ
ﺑﺒﺨﻞ ﻋﻠﻰ ﺍﻟﻤﻮﻇﻔﻴﻦ ﺑﺘﻮﻋﻲ ﺃﺻﻞ ﺃﻧﺎ .............
ﻗﺎﻃﻌﺘﻪ ﺳﺎﺭﻩ ﺑﺤﻨﻖ ﻭﻗﺪ ﺷﻌﺮﺕ ﺑﺎﻹﻫﺎﻧﻪ ﻓﻲ ﻛﻼﻣﻪ ﻗﺎﺋﻠﻪ ﺑﺈﺑﺘﺴﺎﻣﺔ
ﺛﻘﺔ ﻣﺴﺘﻔﺰﺓ :
ــ : ﺃﺳﺘﺎﺫ ﺭﺃﻓﺖ ﻣﺒﺪﺃﻳﺎ ﻛﺪﻩ ﺃﺣﺐ ﺃﻓﻬﻢ ﺣﻀﺮﺗﻚ ﻇﺮﻭﻓﻲ ﺍﻟﻠﻲ ﺇﻧﺖ
ﺃﻛﻴﺪ ﻋﺎﺭﻓﻬﺎ.. ﺃﻧﺎ ﻣﺶ ﻣﺤﺘﺎﺟﻪ ﺃﻱ ﺣﺎﺟﻪ ﻭﻣﺶ ﺑﺸﺘﻐﻞ ﻋﺸﺎﻥ
ﺍﻟﻔﻠﻮﺱ ﻷﻥ ﺷﺮﻛﺎﺗﻲ ﻭﻓﻠﻮﺳﻲ ﻳﻜﻔﻮﻧﻲ ﻷﺧﺮ ﻋﻤﺮﻱ ﺑﺲ ﺃﻧﺎ ﻣﺎﻟﻴﺶ
ﻓﻲ ﺷﻐﻞ ﺍﻟﺒﻴﺰﻧﺲ ﻭﺃﺧﻮﻳﺎ ﻫﻮ ﺍﻟﻠﻲ ﺑﻴﺸﺘﻐﻞ ﻓﻴﻬﺎ .. ﺃﻧﺎ ﺑﺸﺘﻐﻞ
ﻋﺸﺎﻥ ﺃﻋﻤﻞ ﺣﺎﺟﻪ ﺑﺤﺒﻬﺎ ﻣﻔﻴﺪﻩ ﺃﻣﺎ ﺍﻟﻔﻠﻮﺱ ﻣﺶ ﺑﻔﻜﺮ ﻓﻴﻬﺎ ﺧﺎﻟﺺ
ﺭﺃﻓﺖ ﺑﻐﺮﻭﺭ :
ــ : ﺑﺲ ﺑﺮﺿﻮ ﺍﻹﺗﻘﺎﻥ ﻣﻬﻢ ﻓﻲ ﺍﻟﺸﻐﻞ
ﺳﺎﺭﻩ :
ــ : ﻭﺃﻧﺎ ﻣﻌﺎﻙ ﻭﻋﻠﻰ ﻓﻜﺮﻩ ﺃﻧﺎ ﻋﺸﺎﻥ ﺑﺤﺐ ﺷﻐﻠﻲ ﻫﻜﻮﻥ ﺃﻓﻀﻞ ﻭﺣﺪﻩ
ﻓﻴﻪ ﻣﺶ ﻋﺸﺎﻥ ﺍﻟﻤﺮﺗﺐ ﺃﻭ ﺍﻟﻔﻠﻮﺱ
ﺷﺒﻚ ﺃﺻﺎﺑﻌﻪ ﻭﻫﻮ ﻳﻨﺤﻨﻲ ﺑﺬﺭﺍﻋﻴﻪ ﻋﻠﻰ ﺍﻟﻤﻜﺘﺐ ﻗﺎﺋﻼ :
ــ : ﻣﺎﺷﻲ ﻳﺎ ﺳﺎﺭﻩ ﺃﻧﺎ ﻫﺨﻠﻲ ﻟﻤﻴﺲ ﺍﻟﺴﻜﺮﺗﻴﺮﻩ ﺗﻮﺻﻠﻚ ﻟﻤﻜﺘﺐ
ﺭﺋﻴﺲ ﻣﻬﻨﺪﺳﻴﻦ ﺍﻟﺪﻳﻜﻮﺭ ﻓﻲ ﺍﻟﺸﺮﻛﺔ ﻭﻫﻮ ﺍﻟﻠﻲ ﻫﻴﻌﺮﻓﻚ ﻛﻞ
ﺍﻟﺘﻔﺎﺻﻴﻞ
ﺳﺎﺭﻩ ﺑﺈﺑﺘﺴﺎﻣﺔ ﻣﺠﺎﻣﻠﺔ :
ــ : ﺇﺗﺸﺮﻓﺖ ﺑﻤﻌﺮﻓﺔ ﺣﻀﺮﺗﻚ ﻋﻦ ﺇﺫﻧﻚ
ﻭﺧﺮﺟﺖ ﻣﻦ ﺍﻟﻤﻜﺘﺐ ﻭﻗﻠﺒﻬﺎ ﻏﻴﺮ ﻣﺮﺗﺎﺡ ﻭﻟﻜﻦ ﻋﻘﻠﻬﺎ ﺍﻟﻌﻨﻴﺪ ﺃﺑﻰ ﺇﻻ
ﺃﻥ ﻳﺜﺒﺖ ﻟﺬﻟﻚ ﺍﻟﻤﻐﺮﻭﺭ ﻗﺪﺭﺓ ﺻﺎﺣﺒﺘﻪ ﻓﻲ ﺍﻟﻌﻤﻞ .. ﻓﻌﺰﻣﺖ ﺃﻥ ﺗﻜﻤﻞ
ﻣﺎ ﺑﺪﺃﺗﻪ ﻭﺗﺒﺪﺃ ﻓﻲ ﻣﺒﺎﺷﺮﺓ ﻋﻤﻠﻬﺎ ﺍﻟﺬﻱ ﻳﺤﻤﻞ ﻓﻲ ﻃﻴﺎﺗﻪ ﺍﻟﻜﺜﻴﺮ..
ﻓﺄﺭﻭﻗﺔ ﺍﻟﺸﺮﻛﺔ ﺗﻠﻚ ﺳﺘﻜﻮﻥ ﺷﺎﻫﺪﺓ ﻋﻠﻰ ﺍﻟﻜﺜﻴﺮ ﻣﻦ ﺍﻟﻤﻔﺎﺟﺂﺕ
...........................................................................
............................
ﻓﻲ ﺇﺣﺪﻯ ﺷﺮﻛﺎﺕ ﻣﺠﻤﻮﻋﺔ ﺍﻷﺳﻴﻮﻃﻲ ﻭﻓﻲ ﻣﻜﺘﺐ ﻣﺪﻳﺮﻫﺎ ﺍﻟﻌﺎﻡ
ﻛﺎﻥ " ﺷﺎﺩﻱ " ﻳﺠﻠﺲ ﺧﻠﻒ ﻣﻜﺘﺒﻪ ﻳﺪﻗﻖ ﺍﻟﻨﻈﺮ ﻓﻲ ﺍﻟﻤﻠﻔﺎﺕ ﺃﻣﺎﻣﻪ
ﻭﻋﻴﻨﻴﻪ ﺗﻀﻴﻖ ﺃﻛﺜﺮ ﻭﺃﻛﺜﺮ .. ﺭﻓﻊ ﺭﺃﺳﻪ ﻧﺎﻇﺮﺍ ﻟﻠﺮﺟﻞ ﺍﻟﻮﺍﻗﻒ ﺑﺠﻮﺍﺭﻩ
ﻗﺎﺋﻼ ﺑﺪﻫﺸﺔ :
ــ : ﻛﻞ ﺩﻱ ﺻﻔﻘﺎﺕ ﺇﺗﻌﻤﻠﺖ ﺑﺪﻭﻥ ﻋﻠﻤﻲ ﻳﺎ ﻋﺒﺪﺍﻟﻌﺰﻳﺰ؟
ﻋﺒﺪ ﺍﻟﻌﺰﻳﺰ :
ــ : ﺷﺎﺩﻱ ﺑﻴﻪ ﺇﺣﻨﺎ ﻛﻨﺎ ﺑﻨﻜﺘﺐ ﺍﻟﺘﻘﺎﺭﻳﺮﻋﻦ ﻛﻞ ﺣﺎﺟﻪ ﻟﺴﻴﺎﺗﻚ
ﻭﺑﻨﺮﻓﻌﻬﺎ ﻟﺪﺍﻟﻴﺎ ﻫﺎﻧﻢ ﻋﻠﻰ ﺃﺳﺎﺱ ﺇﻧﻬﺎ ﺑﺘﺴﻠﻤﻬﺎ ﻟﺤﻀﺮﺗﻚ
ﺷﺎﺩﻱ ﺑﺴﺨﺮﻳﻪ :
ــ : ﺩﺍﻟﻴﺎ ﻫﺎﻧﻢ ﺗﺴﻠﻤﻨﻲ ﺍﻟﺘﻘﺎﺭﻳﺮ .. ﺩﻩ ﺇﻧﺘﻮﺍ ﻃﻴﺒﻴﻦ ﺑﺸﻜﻞ
ﻋﺒﺪﺍﻟﻌﺰﻳﺰ ﺑﻌﺪﻡ ﻓﻬﻢ :
ــ : ﺃﻓﻨﺪﻡ؟
ﺷﺎﺩﻱ :
ــ : ﻻ ﻣﻔﻴﺶ ﺣﺎﺟﻪ ﻗﻮﻟﻲ ﺑﻘﻰ ﻣﺼﻨﻊ ﺍﻟﻨﺴﻴﺞ ﺃﺧﺒﺎﺭﻩ ﺇﻳﻪ؟
ﻋﺒﺪﺍﻟﻌﺰﻳﺰ ﺑﻌﺪﻡ ﺭﺿﻰ :
ــ : ﺣﺎﻟﻪ ﺗﻌﺒﺎﻥ ﺃﻭﻱ ﻭﺍﻟﻌﻤﺎﻝ ﺍﻟﻠﻲ ﻓﻴﻪ ﻣﺶ ﺑﻴﺸﺘﻐﻠﻮﺍ ﻭﻣﻔﻴﺶ ﺣﺪ
ﻣﻨﻬﻢ ﺇﺗﺼﺮﻓﻠﻪ ﻣﺮﺗﺐ ﻣﻦ ﺧﻤﺲ ﺷﻬﻮﺭ
ﺷﺎﺩﻱ ﺑﺪﻫﺸﻪ :
ــ : ﺧﻤﺲ ﺷﻬﻮﺭ ﻟﻴﻪ؟
ﻋﺒﺪﺍﻟﻌﺰﻳﺰ :
ــ : ﺍﻟﻤﺮﺗﺒﺎﺕ ﻣﻜﺎﻧﺘﺶ ﺑﺘﺘﺒﻌﺖ ﻟﻴﻨﺎ ﻭﺍﻟﻤﺴﺌﻮﻝ ﻋﻦ ﺍﻟﺸﺮﻛﻪ ﻭﺍﻟﻤﺼﻨﻊ
ﺍﻷﺳﺘﺎﺫ ﻫﺎﺩﻱ ﻣﻜﺎﻧﺶ ﺑﻴﺠﻲ ﺍﻟﺸﻐﻞ ﺃﺻﻼ
ﺷﺎﺩﻱ ﺑﺤﺰﻡ :
ــ : ﻋﺎﻳﺰﻙ ﺗﺠﻤﻌﻠﻲ ﻛﻞ ﺍﻟﻤﺪﻳﺮﻳﻦ ﻓﻲ ﺍﻟﺸﺮﻛﺔ ﻭﺍﻟﻤﺼﻨﻊ ﺑﻌﺪ ﺑﻜﺮﻩ ﻓﻲ
ﺣﺎﺟﺎﺕ ﻛﺜﻴﺮ ﻫﺘﺘﻐﻴﺮ
ﻋﺒﺪﺍﻟﻌﺰﻳﺰ :
ــ : ﻣﻤﻜﻦ ﺃﺟﻤﻌﻬﻢ ﻗﺒﻞ ﻛﺪﻩ ﻟﻮ ﺗﺤﺐ
ﺷﺎﺩﻱ :
ــ : ﻷ ﺧﻠﻴﻬﺎ ﺑﻌﺪ ﺑﻜﺮﻩ ﺃﻛﻮﻥ ﺑﺮﺿﻮﺍ ﺑﺼﻴﺖ ﻋﻠﻰ ﻣﻠﻔﺎﺕ ﺷﺮﻛﺔ ﺍﻟﺤﺪﻳﺪ
ﻭﻗﺪﺭﺕ ﺃﻛﻮﻥ ﻣﻌﻠﻮﻣﺎﺕ ﻋﻦ ﺍﻟﺸﺮﻛﺔ ﺩﻱ ﻭﺍﻟﺸﺮﻛﺔ ﺍﻟﺘﺎﻧﻴﺔ ﻭﻣﺼﻨﻊ
ﺍﻟﻨﺴﻴﺞ ﻭﻛﻤﺎﻥ ﻳﻜﻮﻥ ﺣﺴﺎﻡ ﻭﺻﻞ ﻣﺼﺮ
ﻋﺒﺪﺍﻟﻌﺰﻳﺰ :
ــ : ﺗﻤﺎﻡ ﺣﻀﺮﺗﻚ ﺗﺆﻣﺮﻧﻲ ﺑﺤﺎﺟﻪ ﺗﺎﻧﻴﻪ؟
ﺷﺎﺩﻱ :
ــ : ﺃﻳﻮﻩ ﻋﺎﻳﺰﻙ ﺗﺼﺮﻑ ﻟﻠﻌﻤﺎﻝ ﺍﻟﻠﻲ ﻣﺨﺪﻭﺵ ﺍﻟﺮﻭﺍﺗﺐ ﻣﻦ ﺧﻤﺲ
ﺷﻬﻮﺭ ﻣﺮﺗﺒﺎﺗﻬﻢ ﻣﻦ ﺧﺰﻳﻨﺔ ﺍﻟﺸﺮﻛﺔ ﻫﻨﺎ
ﻋﺒﺪﺍﻟﻌﺰﻳﺰ ﺑﺈﺳﺘﻐﺮﺍﺏ :
ــ : ﺑﺲ ﺇﺣﻨﺎ ﺷﺮﻛﺔ ﺃﻏﺬﻳﻪ ﺇﻳﻪ ﻋﻼﻗﺘﻨﺎ ﺑﻤﺼﻨﻊ ﺍﻟﻨﺴﻴﺞ؟
ﺷﺎﺩﻱ :
ــ : ﻋﺸﺎﻥ ﺍﻟﺸﺮﻛﻪ ﺩﻱ ﺍﻟﻮﺣﻴﺪﻩ ﺍﻟﻠﻲ ﻟﺴﻪ ﻭﺍﻗﻔﻪ ﻋﻠﻰ ﺣﻴﻠﻬﺎ
ﻋﺒﺪﺍﻟﻌﺰﻳﺰ :
ــ : ﺑﺲ ﺩﻩ ﻫﻴﻌﻤﻞ ﻋﺠﺰ ﻛﺒﻴﺮ ﻓﻲ ﺍﻟﺨﺰﻧﻪ
ﺷﺎﺩﻱ ﺑﺤﺰﻡ :
ــ : ﻣﺘﻘﻠﻘﺶ ﺃﻧﺎ ﻣﻈﺒﻂ ﻛﻞ ﺣﺎﺟﻪ ﻭﺑﻘﻴﺔ ﺷﺮﻛﺎﺕ ﺍﻟﻤﺠﻤﻮﻋﻪ ﺑﺮﻩ
ﻫﺘﺴﺎﻋﺪﻧﺎ ﺍﻟﻤﻬﻢ ﻣﻔﻴﺶ ﻋﺎﻣﻞ ﻳﺮﺟﻊ ﺑﻴﺘﻪ ﺍﻟﻨﻬﺎﺭﺩﻩ ﻣﻦ ﻏﻴﺮ ﻣﺎ
ﺗﺼﺮﻓﻠﻪ ﻣﺮﺗﺒﻪ ﻣﻔﻬﻮﻡ
ﻋﺒﺪﺍﻟﻌﺰﻳﺰ ﺑﺈﺑﺘﺴﺎﻣﺔ ﺇﻣﺘﻨﺎﻥ ﻭﺇﻋﺠﺎﺏ :
ــ : ﻣﻔﻬﻮﻡ ﻳﺎ ﻓﻨﺪﻡ
ﻭﺧﺮﺝ ﻋﺒﺪﺍﻟﻌﺰﻳﺰ ﻣﻦ ﻣﻜﺘﺐ ﺷﺎﺩﻱ ﻭﺗﺮﻛﻪ ﻳﻘﻠﺐ ﻓﻲ ﺍﻟﻤﻠﻔﺎﺕ ﺍﻟﺘﻲ
ﻛﺸﻔﺖ ﻟﻪ ﻣﺪﻯ ﺍﻟﺘﻼﻋﺐ ﺍﻟﺬﻱ ﺣﺪﺙ ﺃﺛﻨﺎﺀ ﻏﻴﺎﺑﻪ.. ﺃﻣﺎ ﻓﻲ ﺃﺭﻭﻗﺔ
ﺍﻟﺸﺮﻛﺔ ﺑﺎﻷﺳﻔﻞ ﻛﺎﻥ ﻫﻨﺎﻙ ﻧﻘﺎﺵ ﺣﻮﻝ ﺫﻟﻚ ﺍﻟﻤﺪﻳﺮ ﺍﻟﺬﻱ ﺳﻤﻌﻮﺍ ﻋﻨﻪ
ﻭﻟﻢ ﻳﺮﻭﻩ ﻣﻦ ﻗﺒﻞ
ﻋﺒﺪﺍﻟﻌﺰﻳﺰ :
ــ : ﻭﺍﻟﻠﻪ ﺷﺎﺩﻱ ﺑﻴﻪ ﺩﻩ ﺭﺍﺟﻞ ﺻﺤﻴﺢ ﻣﺶ ﺯﻱ ﺍﻟﻠﻲ ﺇﺳﻤﻪ ﻫﺎﺩﻱ ﺩﻩ
ﺇﻟﺘﻔﺖ ﻟﻪ ﺃﺣﺪﻫﻢ ﻗﺎﺋﻼ ﺑﻼ ﻣﺒﺎﻻﻩ :
ــ : ﻳﺎ ﻋﻢ ﻛﻠﻬﻢ ﺣﺮﻣﻴﻪ
ﻋﺒﺪﺍﻟﻌﺰﻳﺰ :
ــ : ﻷ ﻳﺎ ﺳﺎﻟﻢ ﺩﻩ ﺣﺪ ﻣﺨﺘﻠﻒ ﺩﻩ ﺻﻤﻢ ﺇﻧﻪ ﻳﺪﻓﻊ ﻟﻌﻤﺎﻝ ﻣﺼﻨﻊ ﺍﻟﻨﺴﻴﺞ
ﻣﺮﺗﺒﺎﺗﻬﻢ ﺍﻟﻨﻬﺎﺭﺩﻩ ﻛﻠﻬﺎ
ﺳﺎﻟﻢ ﺑﺤﻨﻖ :
ــ : ﻫﻮ ﻛﻤﺎﻥ ﻋﻨﺪﻩ ﻣﺼﻨﻊ ﻧﺴﻴﺞ ﻏﻴﺮ ﺷﺮﻛﺔ ﺍﻟﺤﺪﻳﺪ ﻭﺷﺮﻛﺎﺗﻪ ﺑﺮﻩ؟
ﻧﻬﻰ ﺑﻀﺤﻚ :
ــ : ﻗﺮ ﺑﺄﻩ ﻋﻠﻰ ﺍﻟﺮﺍﺟﻞ
ﺳﺎﻟﻢ :
ــ : ﺍﻟﻨﺎﺱ ﺩﻱ ﺑﻴﻜﻮﻥ ﻋﻠﻰ ﻗﻠﺒﻬﻢ ﻗﺪ ﻛﺪﻩ ﻧﺎﻫﺒﻴﻦ ﻓﻠﻮﺳﻨﺎ ﻭﻓﻠﻮﺱ
ﺍﻟﻨﺎﺱ ﺍﻟﻐﻼﺑﻪ
ﻋﺒﺪﺍﻟﻌﺰﻳﺰ ﺑﻌﺼﺒﻴﺔ :
ــ : ﺇﻧﺖ ﻋﺒﻴﻂ ﻳﻠﻪ ﺑﻘﻮﻟﻚ ﻗﺎﻟﻲ ﺃﺩﻓﻊ ﻛﻞ ﺍﻟﺮﻭﺍﺗﺐ ﺍﻟﻤﺘﺄﺧﺮﻩ
ﺳﺎﻟﻢ ﺑﻼ ﻣﺒﺎﻻﻩ :
ــ : ﻫﻨﺸﻮﻑ ﻳﺎﺧﻮﻳﺎ ﻋﻢ ﺷﺎﺩﻱ ﺍﻟﻠﻲ ﻓﺮﺣﺎﻧﻴﻦ ﺑﻴﻪ ﺩﻩ ﻫﻴﺸﻐﻞ ﺍﻟﺸﺮﻛﻪ
ﻭﻻ ﻛﺎﻟﻌﺎﺩﻩ
ﻧﻬﻰ :
ــ : ﺳﻴﺒﻜﻢ ﻣﻦ ﻛﻞ ﺩﻩ ﺑﺲ ﺑﺼﺮﺍﺣﻪ ﻫﻮ ﺃﺣﻠﻰ ﻣﺪﻳﺮ ﺷﻔﺘﻪ ﻓﻲ
ﺣﻴﺎﺗﻲ ..ﺃﻣﻮﺭ ﻛﺪﻩ ﻭﻣﺴﻤﺴﻢ ﻭﺷﺨﺼﻴﻪ ﻳﺎ ﻟﻬﻮﻭﻭﻭﻭﻱ
ﻋﺒﺪﺍﻟﻌﺰﻳﺰ :
ــ : ﺇﻧﺘﻲ ﻋﻠﻰ ﻃﻮﻝ ﺗﻔﻜﻴﺮﻙ ﺷﻤﺎﻝ ﻛﺪﻩ
ﺳﺎﻟﻢ ﺑﺴﺨﺮﻳﻪ :
ــ : ﻳﺎ ﻋﻢ ﺩﻱ ﻧﻬﻰ ﻣﺼﺪﺭ ﺍﻟﺼﻴﺎﻋﻪ ﻣﺶ ﻭﺍﺧﺪ ﺑﺎﻟﻚ ﻭﻻ ﺇﻳﻪ
ﺭﻓﻌﺖ ﺩﻻﻝ ﺭﺃﺳﻬﺎ ﻣﻦ ﺑﻴﻦ ﺃﻭﺭﺍﻗﻬﺎ ﺍﻟﻜﺜﻴﺮﻩ ﻭﻫﻲ ﺗﻨﻈﺮ ﻟﻬﻢ ﺑﺤﻨﻖ
ﻭﺗﻌﺪﻝ ﻧﻈﺎﺭﺗﻬﺎ ﻋﻠﻰ ﻋﻴﻨﻬﺎ ﻗﺎﺋﻠﻪ :
ــ : ﻣﺶ ﻫﺘﺴﻜﺘﻮﺍ ﺷﻮﻳﻪ ﺧﻠﻮﻧﻲ ﺃﻋﺮﻑ ﺃﻛﻤﻞ ﺷﻐﻠﻲ
ﻋﺒﺪﺍﻟﻌﺰﻳﺰ :
ــ : ﻭﺍﻟﻠﻪ ﺇﻧﺘﻲ ﺍﻟﻮﺣﻴﺪﺓ ﺍﻟﻠﻲ ﺑﺘﺸﺘﻐﻠﻲ ﺑﻀﻤﻴﺮ ﻫﻨﺎ ﻳﺎ ﺩﻻﻝ
ﺳﺎﻟﻢ ﺑﺈﺳﺘﻬﺰﺍﺀ :
ــ : ﻭﻋﺸﺎﻥ ﻛﺪﻩ ﻫﺘﻔﻀﻞ ﻏﻠﺒﺎﻧﻪ ﻃﻮﻝ ﻋﻤﺮﻫﺎ
ﺩﻻﻝ ﺑﺈﺷﻤﺌﺰﺍﺯ :
ــ : ﻟﻮ ﺗﺨﻠﻴﻚ ﻓﻲ ﺣﺎﻟﻚ ﻳﺒﻘﻰ ﺃﺣﺴﻨﻠﻚ ﻭﻳﺎﺭﻳﺖ ﺗﻨﻘﻄﻨﺎ ﺑﺴﻜﺎﺗﻚ
ﻋﺸﺎﻥ ﺻﻮﺗﻚ ﺟﺎﺑﻠﻲ ﺻﺪﺍﻉ
ﻧﻬﻰ :
ــ : ﺃﻧﺎ ﺑﻘﻰ ﻫﻄﻠﻊ ﺃﺷﻮﻑ ﺍﻟﻤﺪﻳﺮ ﺑﺘﺎﻋﻨﺎ ﺍﻷﻣﻮﺭ ﻟﻮ ﻣﺤﺘﺎﺝ ﺣﺎﺟﻪ ﻣﻨﻲ
ﻭﻗﻒ ﻋﺒﺪﺍﻟﻌﺰﻳﺰ ﺃﻣﺎﻣﻬﺎ ﻣﺎﻧﻌﺎ ﺇﻳﺎﻫﺎ ﻣﻦ ﺍﻟﺨﺮﻭﺝ ﻭﻫﻮ ﻳﻘﻮﻝ :
ــ : ﺇﻫﻤﺪﻱ ﻳﺎ ﺑﺖ ﻭﺇﺳﻜﺘﻲ ﺷﻮﻳﻪ ﻭﺑﻌﺪﻳﻦ ﺃﻧﺎ ﺍﻟﻤﺴﺌﻮﻝ ﻋﻦ ﻣﻜﺘﺒﻪ
ﻭﻣﺪﻳﺮ ﺃﻋﻤﺎﻟﻪ ﻭﻣﺶ ﻫﺪﺧﻠﻚ ﻋﻨﺪﻩ ﺃﺑﺪﺍ
ﻧﻬﻰ ﺑﻜﺒﺮﻳﺎﺀ :
ــ : ﺑﻜﺮﻩ ﺃﺷﻮﻓﻚ ﻭﺇﻧﺖ ﺑﺘﺎﺧﺪ ﻣﻨﻪ ﺍﻷﻭﺍﻣﺮ ﺇﻧﻲ ﺃﺩﺧﻠﻪ ﻭﻗﺖ ﻣﺎ ﺃﺣﺐ
ﻋﺒﺪﺍﻟﻌﺰﻳﺰ ﺑﺈﻣﺘﻌﺎﺽ :
ــ : ﺃﻧﺎ ﺭﺍﻳﺢ ﺃﺷﻮﻑ ﺷﻐﻠﻲ ﻋﺸﺎﻥ ﺍﻟﻘﻌﺪﻩ ﻣﻌﺎﻛﻢ ﺗﺠﻴﺐ ﺗﺸﻨﺠﺎﺕ
ﺑﺼﺮﺍﺣﻪ
...........................................................................
.........................
ﻓﻲ ﺷﻘﺔ ﻳﻮﺳﻒ ﻧﻈﺮ ﻟــ " ﺷﺎﺩﻱ " ﺑﺴﻌﺎﺩﻩ ﻭﻫﻮ ﻳﻘﻮﻝ :
ــ : ﺃﻧﺎ ﻣﺶ ﻣﺼﺪﻕ ﻳﻌﻨﻲ ﺣﺴﺎﻡ ﻫﻴﺠﻲ ﻣﺼﺮ ﺃﺧﻴﺮ ﻫﻨﺘﻠﻢ ﻋﻠﻰ ﺑﻌﺾ
ﺗﺎﻧﻲ
ﺷﺎﺩﻱ ﺑﺈﺑﺘﺴﺎﻣﺔ :
ــ : ﺃﻳﻮﻩ ﻳﺎ ﺳﻴﺪﻱ ﺇﻧﺒﺴﻂ ﺑﻘﻰ .. ﻛﻠﻪ ﻋﺸﺎﻥ ﻧﻜﻮﻥ ﺟﻤﺒﻚ ﻓﻲ ﻳﻮﻡ
ﻓﺮﺣﻚ ﻋﺸﺎﻥ ﺗﻌﺮﻑ ﺇﻥ ﺇﺣﻨﺎ ﺭﺟﺎﻟﻪ ﺑﺮﺿﻮﺍ
ﻳﻮﺳﻒ ﻭﻫﻮ ﻳﺠﻠﺲ ﺑﺠﻮﺍﺭﻩ ﻗﺎﺋﻼ :
ــ : ﻳﺎ ﺑﻜﺎﺵ ﺇﻧﺖ ﻣﺶ ﻟﺴﻪ ﻗﺎﻳﻞ ﺇﻧﻚ ﻣﺤﺘﺎﺟﻪ ﻓﻲ ﺍﻟﺸﻐﻞ ﻫﻨﺎ
ﺷﺎﺩﻱ ﺑﻀﺤﻚ :
ــ : ﺃﺣﺒﻚ ﻭﺇﻧﺖ ﻣﺮﻛﺰ ﻣﺶ ﺑﻴﻔﻮﺗﻚ ﺣﺎﺟﻪ ﺧﺎﻟﺺ ﻭﺧﺪ ﺍﻟﻤﻔﺎﺟﺄﻩ ﺩﻱ
ﻛﻤﺎﻥ
ﻳﻮﺳﻒ ﺑﻠﻬﻔﺔ :
ــ : ﻣﻔﺎﺟﺎﺓ ﺇﻳﻪ؟
ﺷﺎﺩﻱ :
ــ : ﻣﺤﻤﺪ ﻛﻤﺎﻥ ﻫﻴﻨﺰﻝ ﻣﻌﺎﻩ
ﻳﻮﺳﻒ ﺑﻔﺮﺡ :
ــ : ﻛﻤﺎﻥ.. ﺍﻟﻠﻪ ﺍﻟﻠﻪ ﻛﺪﻩ ﻧﺮﺟﻊ ﺃﻳﺎﻡ ﺯﻣﺎﻥ ﺑﺠﺪ
ﺷﺎﺩﻱ :
ــ : ﻛﺎﻧﺖ ﺃﺣﻠﻰ ﺃﻳﺎﻡ ﻭﺍﻟﻠﻪ
ﻳﻮﺳﻒ :
ــ : ﺑﺲ ﻗﻮﻟﻲ ﺑﻘﻰ ﺗﻔﺘﻜﺮ ﻛﺪﻩ ﺑﺤﻜﻢ ﻣﻌﺮﻓﺘﻚ ﺑﺪﺍﻟﻴﺎ ﺇﻧﻬﺎ ﻫﺘﺴﻴﺒﻚ
ﺗﺴﺮﺡ ﻭﺗﻤﺮﺡ ﻓﻲ ﺃﺭﺽ ﺍﻟﻠﻪ ﺑﺮﺍﺣﺘﻚ؟
ﺷﺎﺩﻱ ﺑﺈﺑﺘﺴﺎﻣﺔ ﺳﺎﺧﺮﺓ :
ــ : ﻃﺒﻌﺎ ﻷ
ﻳﻮﺳﻒ ﺑﻘﻠﻖ :
ــ : ﻭﺑﻌﺪﻳﻦ ﻃﻴﺐ ﻫﺘﻌﻤﻞ ﺇﻳﻪ؟
ﺷﺎﺩﻱ ﺑﻘﻮﻩ :
ــ : ﻫﻮﺍﺟﻬﻬﺎ ﻫﻲ ﻭﺟﻮﺯﻫﺎ
ﻳﻮﺳﻒ :
ــ : ﺑﺲ ﺇﻧﺖ ﻛﺪﻩ ﻫﺘﻘﻒ ﻟﻮﺣﺪﻙ ﻓﻲ ﻭﺵ ﻃﻮﻓﺎﻥ ﺟﺎﺭﻑ ﻣﺶ ﺑﻴﻌﺮﻑ
ﺍﻟﺮﺣﻤﺔ
ﺷﺎﺩﻱ ﺑﺼﺮﺍﻣﺔ :
ــ : ﻭﻫﻜﺴﺐ ﻓﻲ ﺍﻷﺧﺮ ﺑﺎﻟﺰﻭﻕ ﺑﺎﻟﻌﺎﻓﻴﻪ ﻫﻜﺴﺐ ﺇﻥ ﺷﺎﺀ ﺍﻟﻠﻪ
ﺗﻨﻬﺪ ﻳﻮﺳﻒ ﺑﻘﻠﻖ ﺛﻢ ﺃﺭﺩﻑ ﻗﺎﺋﻼ :
ــ : ﺑﺎﻳﻦ ﻛﺪﻩ ﺍﻧﻚ ﻗﺎﻋﺪ ﻫﻨﺎ ﻋﺸﺎﻥ ﺟﻨﺎﺯﻩ ﻣﺶ ﺟﻮﺍﺯﻩ
...........................................................................
...........................
ﻧﻈﺮﺕ ﻳﻤﻨﻰ ﺑﺤﻨﻖ ﻟــ " ﻟﻴﻠﻰ" ﺛﻢ ﺯﻓﺮﺕ ﻭﻫﻲ ﺗﻘﻮﻝ ﺑﻀﻴﻖ :
ــ : ﺇﺗﻠﻤﻲ ﻳﺎ ﺑﺖ
ﻟﻴﻠﻲ ﺑﻀﺤﻚ :
ــ : ﺇﺳﻜﺘﻲ ﺩﻩ ﺃﻧﺎ ﻓﺮﺣﺎﻧﻪ ﺃﻭﻱ ﺑﻴﻜﻲ ﻭﺍﻟﻠﻪ ﺑﺠﺪ ﺇﻧﺘﻲ ﻭﻫﻴﻤﺎ ﻻﻳﻘﻴﻦ
ﺃﻭﻱ ﻋﻠﻰ ﺑﻌﺾ
ﻳﻤﻨﻰ ﺑﺨﺠﻞ :
ــ : ﺑﺲ ﺑﻘﻰ.. ﻣﻨﻚ ﻟﻠﻪ ﻳﺎ ﺳﺎﺭﻩ
ﻟﻴﻠﻲ ﻭﻫﻲ ﺗﻐﻤﺰ ﻟﻬﺎ :
ــ : ﺑﺲ ﺇﻳﻪ.. ﺇﻧﺘﻲ ﺳﺎﻛﺘﻪ ﻭﻫﺎﺩﻳﻪ ﻭﻣﻊ ﺫﻟﻚ ﻭﻗﻌﺘﻲ ﺍﻟﻮﺍﺩ ﻳﺎ ﺃﺭﻭﺑﻪ
ﻳﻤﻨﻰ ﺑﺈﻧﻔﻌﺎﻝ :
ــ : ﺑﺖ ﺇﻧﺘﻲ ﺑﻼﺵ ﻛﻼﻡ ﻣﺎﻟﻮﺵ ﻣﻌﻨﻰ .. ﺃﺻﻼ ﻣﺤﺼﻠﺶ ﺣﺎﺟﻪ ﻣﻊ
ﺃﺧﻮﻛﻲ ﻓﻲ ﺍﻟﻤﻜﺘﺐ ﻭﺑﻌﺪﻳﻦ ﺇﻧﺘﻲ ﻟﻴﻪ ﻣﻜﺒﺮﻩ ﺍﻟﺤﻜﺎﻳﻪ؟
ﻟﻴﻠﻲ ﺑﺴﻌﺎﺩﻩ :
ــ : ﻻ ﻣﻜﺒﺮﻫﺎ ﻭﻻ ﻳﺤﺰﻧﻮﻥ ﺇﻧﺘﻲ ﺍﻟﻠﻲ ﺑﺘﻬﺮﺑﻲ ﻭﺑﻌﺪﻳﻦ ﺧﻼﺹ ﺃﻧﺎ
ﻋﺮﻓﺖ ﻛﻞ ﺣﺎﺟﻪ ﻭﻛﻠﻬﺎ ﻛﺎﻡ ﻳﻮﻡ ﻭﻧﻜﻮﻥ ﻋﻨﺪﻛﻢ ﻓﻲ ﺍﻟﺒﻴﺖ ﻧﻄﻠﺐ
ﺇﻳﺪﻙ ﻭﻧﺒﻘﻰ ﻋﺮﻭﺳﺘﻴﻦ ﺯﻱ ﺍﻟﻘﻤﺮ
ﻳﻤﻨﻰ ﺑﺪﻫﺸﻪ :
ــ : ﻋﺮﻭﺳﺘﻴﻦ. ؟ ﺇﺯﺍﻱ ﺇﻧﺘﻲ ﺇﺗﺨﻄﺒﺘﻲ؟
ﻟﻴﻠﻲ ﺑﻔﺮﺡ :
ــ : ﺃﻳﻮﻩ ﺑﺎﺳﻢ ﺧﻄﺒﻨﻲ ﺇﻣﺒﺎﺭﺡ
ﻳﻤﻨﻰ ﺑﻔﺮﺡ :
ــ : ﺃﻟﻒ ﻣﺒﺮﻭﻙ ﻳﺎ ﻟﻮﻟﻮ ﻣﺶ ﻛﻨﺘﻲ ﺗﻘﻮﻟﻲ ﻣﻦ ﺍﻷﻭﻝ
ﻟﻴﻠﻲ :
ــ : ﺑﺲ ﺃﻧﺎ ﻣﺶ ﻫﺘﺠﻮﺯ ﻏﻴﺮ ﻟﻤﺎ ﺗﻮﺍﻓﻘﻲ ﺗﺠﻮﺯﻱ ﻫﻴﻤﺎ
ﻳﻤﻨﻰ :
ــ : ﺳﻴﺒﻚ ﻣﻨﻲ ﻭﻗﻮﻟﻴﻠﻲ ﺇﺯﺍﻱ ﺣﺼﻞ ﺩﻩ؟ ﺃﻭﻋﻲ ﺗﻜﻮﻧﻲ ﻋﻤﻠﺘﻲ ﺣﺎﺟﻪ
ﻛﺪﻩ ﻭﻻ ﻛﺪﻩ
ﻟﻴﻠﻲ :
ــ : ﻻ ﻭﺍﻟﻠﻪ ﺩﻩ ﺃﻧﺎ ﺧﺎﻳﺒﻪ ﺧﺎﻟﺺ ﺑﺲ ﻫﻮ ﻃﻠﻊ ﺑﻴﺤﺒﻨﻲ ﻭﻋﺎﻳﺰ ﻳﺠﻮﺯﻧﻲ
ﻣﻦ ﺯﻣﺎﻥ
ﻳﻤﻨﻰ ﺑﺈﺑﺘﺴﺎﻡ ﻭﻫﻲ ﺗﺸﺪ ﻋﻠﻰ ﻳﺪﻫﺎ :
ــ : ﻣﺒﺮﻭﻙ ﻳﺎ ﺣﺒﻴﺒﺔ ﻗﻠﺒﻲ ﺭﺑﻨﺎ ﻳﺘﻤﻤﻠﻚ ﻋﻠﻰ ﺧﻴﺮ ﻳﺎﺭﺏ
ﻟﻴﻠﻲ :
ــ : ﺍﻟﻤﻬﻢ ﺑﻘﻰ ﺍﻟﺒﺖ ﻫﺎﻟﻪ ﻋﻤﻠﺖ ﻛﺎﺭﺛﻪ ﺇﻣﺒﺎﺭﺡ ﻭﺃﻧﺎ ﺧﺎﻳﻔﻪ ﻋﻠﻴﻬﺎ ﺇﻧﺘﻲ
ﻋﺎﺭﻓﺎﻫﺎ ﻣﺨﻬﺎ ﻃﺎﻗﻖ ﻋﺎﻳﺰﺍﻛﻲ ﺗﻈﺒﻄﻴﻬﺎ ﻋﺸﺎﻥ ﺃﻧﺎ ﻏﻠﺒﺖ ﻣﻌﺎﻫﺎ
ﻳﻤﻨﻰ ﺑﻘﻠﻖ :
ــ : ﻫﻮ ﺇﻳﻪ ﺍﻟﻠﻲ ﺣﺼﻞ؟
*************
اسفة جدا على التأخير ان شاء الله مش هأخرها كدة تاني
