ﻭﺻﻞ ﺷﺎﺩﻱ ﻟﻠﻤﺴﺘﺸﻔﻰ ..ﻧﺰﻝ ﻣﻦ ﺳﻴﺎﺭﺗﻪ ﻣﺘﺠﻬﺎ ﻧﺤﻮ ﺑﻮﺍﺑﺔ
ﺍﻟﻤﺸﻔﻰ.. ﺗﻨﻬﺪ ﺑﻀﻴﻖ ﻭﺫﻛﺮﻳﺎﺗﻪ ﺗﻼﺣﻘﻪ ﻓﻲ ﻛﻞ ﻣﻜﺎﻥ ..ﺷﺒﺢ ﺩﺍﻟﻴﺎ
ﺣﻮﻟﻪ ﻳﺰﻳﺪ ﻋﻠﻴﻪ ﺍﻟﺨﻨﺎﻕ ﻭﻳﻜﺎﺩ ﻳﻨﻬﻲ ﺣﻴﺎﺗﻪ..ﻻ ﻳﻌﻠﻢ ﻣﺎﺫﺍ ﺳﻴﻘﻮﻝ
ﻟﻴﻤﻨﻰ ﻭﻻ ﻛﻴﻒ ﺳﻴﺘﺼﺮﻑ ﻣﻊ ﺗﻠﻚ ﺍﻷﻓﻌﻰ ﻭﺍﻟﺪﺗﻬﺎ ﻟﻜﻦ ﻛﻞ ﻣﺎ ﻳﻔﻬﻤﻪ
ﻓﻲ ﺗﻠﻚ ﺍﻟﻠﺤﻈﺔ ﺃﻥ ﺻﺒﺮﻩ ﻗﺪ ﻗﺎﺭﺏ ﻋﻠﻰ ﺍﻟﻨﻔﺎﺫ ..
ﺭﻓﻊ ﺭﺃﺳﻪ ﻳﻨﻈﺮ ﻟﻠﻤﺸﻔﻰ ﺑﺄﺳﻰ ﻭﻫﻮ ﻳﺘﺬﻛﺮ ﺁﺧﺮ ﺃﻳﺎﻡ ﻭﺍﻟﺪﻩ ﻓﻲ
ﻣﺸﻔﻰ ﻣﺜﻞ ﺗﻠﻚ.. ﺭﺣﻤﻚ ﺍﻟﻠﻪ ﻳﺎ ﺃﺑﻲ ﺗﺮﻛﺘﻨﻲ ﺻﻐﻴﺮﺍ ﻹﻣﺮﺃﺓ ﻻ
ﺗﺮﺣﻢ.. ﺇﺑﺘﺴﻢ ﻟﻨﻔﺴﻪ ﺑﺴﺨﺮﻳﺔ ﻭﻫﻮ ﻳﺘﻤﺘﻢ ﺑﺤﻨﻖ ﻫﻞ ﺣﻘﺎ ﻳﻤﻨﻰ ﻫﻲ
ﺍﻟﺴﺒﺐ ﻓﻲ ﺃﻧﻚ ﻟﻢ ﺗﻮﻗﻒ ﺩﺍﻟﻴﺎ ﻋﻨﺪ ﺣﺪﻭﺩﻫﺎ ﺃﻡ ﺃﻧﻚ ﻣﺎﺯﻟﺖ ﺗﺮﻯ
ﻧﻔﺴﻚ ﺃﻗﻞ ﻣﻨﻬﺎ ﺫﻛﺎﺀ ﻭﺧﺒﺮﺓ ﻭﻗﻮﺓ؟؟
ﻭﻓﺠﺄﻩ ﻣﻦ ﺑﻴﻦ ﺟﻤﻴﻊ ﺍﻟﺒﺸﺮ ﺣﻮﻟﻪ ﺳﻘﻄﺖ ﻋﻴﻨﺎﻩ ﻋﻠﻰ ﻓﺘﺎﺓ
ﺷﺎﺑﺔ ..ﺗﺴﻤﺮ ﻓﻲ ﻣﻜﺎﻧﻪ ﻭﺇﻧﺘﻔﺾ ﻗﻠﺒﻪ ﺑﻠﻮﻋﺔ ﻭﺇﺗﺴﻌﺖ ﻋﻴﻨﺎﻩ
ﺑﺬﻫﻮﻝ !!..
ﻫﻲ ﺑﺬﺍﺗﻬﺎ.. ﻛﺎﻟﻨﺴﻤﺔ ﺍﻟﺮﻗﻴﻘﺔ ﻣﺮﺕ ﺑﻬﺪﻭﺀ ﻭﻟﻢ ﺗﺮﺍﻩ.. ﻭﻛﺎﻧﺖ ﺗﺘﺄﺑﻂ
ﺫﺭﺍﻉ ﺷﺎﺏ ﻭﺳﻴﻢ ﻭﻳﺒﺪﻭ ﻋﻠﻴﻬﺎ ﺍﻷﻟﻢ ﻭﺍﻟﻬﻢ ..
ﺗﻮﻗﻒ ﺍﻟﺰﻣﻦ ﻋﻨﺪ ﻣﺮﺁﻫﺎ ..ﻓﻘﻂ ﻫﻲ ﻣﻦ ﺇﺳﺘﺤﻮﺫﺕ ﻋﻠﻴﻪ ﻟﺤﻈﺘﻬﺎ..
ﻟﻢ ﻳﺘﺤﺮﻙ.. ﻟﻢ ﻳﺼﺮﺥ..ﻟﻢ ﻳﻨﺎﺩﻱ ﻋﻠﻴﻬﺎ..ﺗﻮﻗﻒ ﻋﻘﻠﻪ.. ﻟﻢ ﻳﻌﺪ ﻳﺮﻯ
ﺳﻮﺍﻫﺎ ..
ﻭﻻ ﻳﺴﻤﻊ ﺳﻮﻯ ﻧﺒﻀﺎﺕ ﻗﻠﺒﻪ ﺗﺼﺮﺥ ..
ﺗﻨﺎﺩﻳﻬﺎ .. ﺗﺮﻳﺪ ﺃﻥ ﺗﺄﻭﻱ ﺇﻟﻴﻬﺎ
ﻫﺎﻫﻲ ﺃﻣﺎﻣﻪ ﻣﺮﺓ ﺃﺧﺮﻯ
ﻭﺃﺧﻴﺮﺍ ﻓﺎﻕ ﻣﻦ ﻏﻴﺒﻮﺑﺘﻪ ﺍﻟﻘﺼﻴﺮﺓ .. ﺭﻛﺾ ﻭﺭﺍﺋﻬﺎ ﻭﻟــﻜــﻨﻬﺎ ﺇﺧﺘﻔﺖ
ﺗﻤﺎﻣﺎ ﻣﻦ ﺃﻣﺎﻣﻪ
ﻓـــﻼ ﺃﺛــﺮ ﻟﻬــﺎ!!..
ﺻﻌﺪ ﻟﻸﻋﻠﻰ ﺇﻟﻰ ﺣﻴﺚ ﺃﺧﺘﻪ ﺗﻨﺘﻈﺮﻩ ﻭﻫﻮ ﻳﻠﺘﻔﺖ ﺣﻮﻟﻪ ﻛﺎﻟﻤﺠﻨﻮﻥ
ﻋﻠﻪ ﻳﻠﻤﺤﻬﺎ ﻣﻦ ﺟﺪﻳﺪ..
ﺇﻗﺘﺮﺑﺖ ﻣﻨﻪ ﻳﻤﻨﻰ ﻗﺎﺋﻠﺔ :
ــ : ﺃﻫﻼ ﻳﺎ ﺷﺎﺩﻱ ﺟﻴﺖ ﺑﺪﺭﻱ ﺃﻫﻮ
ﺷﺎﺩﻱ ﺑﺸﺮﻭﺩ :
ــ : ﻋﺎﺩﻱ ﻳﻌﻨﻲ
ﻳﻤﻨﻰ ﻭﻫﻲ ﺗﻤﺴﻚ ﺫﺭﺍﻋﻪ :
ــ : ﻃﻴﺐ ﺭﻭﺡ ﺳﻠﻢ ﻋﻠﻰ ﺍﻟﺸﺎﺑﻴﻦ ﺍﻟﻠﻲ ﻫﻨﺎﻙ ﺩﻭﻝ.. ﺍﻟﻠﻲ ﻋﻠﻰ ﺍﻟﻴﻤﻴﻦ
ﺑﺎﺳﻢ ﺇﺑﻦ ﺃﺧﺖ ﻋﻤﻮ ﻋﻠﻲ ﻭﺃﺧﻮ ﺳﺎﺭﻩ ﺻﺤﺒﺘﻲ.. ﻭﺍﻟﺘﺎﻧﻲ ﺇﺑﺮﺍﻫﻴﻢ
ﺇﺑﻨﻪ ﻭﺃﻧﺎ ﻫﺮﻭﺡ ﺃﺳﻠﻢ ﻋﻠﻰ ﺍﻟﺒﻨﺎﺕ ﺟﻮﻩ ﻭﺃﺭﺟﻌﻠﻚ
ﺷﺎﺩﻱ :
ــ : ﻃﻴﺐ ﺣﺎﺿﺮ
ﺫﻫﺐ ﺷﺎﺩﻱ ﺑﺈﺗﺠﺎﻫﻬﻢ ﻭﻫﻮ ﻓﻲ ﻋﺎﻟﻢ ﺁﺧﺮ.. ﻭﺇﻗﺘﺮﺏ ﻣﻨﻬﻤﻬﺎ ﻗﺎﺋﻼ :
ــ : ﺳﻼﻡ ﻋﻠﻴﻜﻢ ﻳﺎ ﺷﺒﺎﺏ
ﻧﻈﺮ ﺇﻟﻴﻪ ﻛﻞ ﻣﻦ ﺑﺎﺳﻢ ﻭﺇﺑﺮﺍﻫﻴﻢ ﺑﺈﺳﺘﻐﺮﺍﺏ :
ــ : ﻭﻋﻠﻴﻜﻢ ﺍﻟﺴﻼﻡ
ﺷﺎﺩﻱ ﻭﻫﻮ ﻳﻤﺪ ﻳﺪﻩ ﻟﻴﺴﻠﻢ ﻋﻠﻴﻬﻤﺎ ﻗﺎﺋﻼ :
ــ : ﺃﻧﺎ ﺷﺎﺩﻱ ﺃﺧﻮ ﻳﻤﻨﻰ..
ﺇﺑﺮﺍﻫﻴﻢ ﺑﺈﻫﺘﻤﺎﻡ :
ــ : ﺃﺧـــﻮ ﻳﻤﻨﻰ.. ﺃﻫﻼ ﺃﻫﻼ ﺑﺤﻀﺮﺗﻚ ﺃﻧﺎ ﺇﺑﺮﺍﻫﻴﻢ
ﻭﺃﻛﻤﻞ ﻭﻫﻮ ﻳﺸﻴﺮ ﺑﺈﺗﺠﺎﻩ ﺑﺎﺳﻢ
ــ : ﻭﺩﻩ ﺑﺎﺳﻢ ﺇﺑﻦ ﻋﻤﺘﻲ ﺇﺗﺸﺮﻓﻨﺎ ﺑﻴﻚ
ﺷﺎﺩﻱ :
ــ : ﺭﺑﻨﺎ ﻳﻘﻮﻣﻠﻜﻢ ﺍﻷﺳﺘﺎﺫ ﻋﻠﻲ ﺑﺎﻟﺴﻼﻣﻪ ﻭﻳﻄﻤﻨﻜﻢ ﻋﻠﻴﻪ
ﺇﺑﺮﺍﻫﻴﻢ ﺑﺈﺑﺘﺴﺎﻣﺔ :
ــ : ﺭﺑﻨﺎ ﻳﻜﺮﻣﻚ..ﺷﻜــﺮﺍ
ﺷﺎﺩﻱ ﻭﻫﻮ ﻳﻮﺩﻋﻬﻤﺎ ﻗﺎﺋﻼ :
ــ : ﺭﺑﻨﺎ ﻳﻄﻤﻨﻚ ﻋﻠﻴﻪ..ﻋﻦ ﺇﺫﻧﻜﻢ ﺑﻘﻰ ﻻﺯﻡ ﺃﻣﺸﻲ ﺩﻟﻮﻗﺘﻲ ﻟﻮ
ﻣﺤﺘﺎﺟﻴﻦ ﺃﻱ ﺣﺎﺟﻪ ﺃﻧﺎ ﺃﺧﻮﻛﻢ
ﺇﺑﺮﺍﻫﻴﻢ :
ــ : ﺗﺴﻠﻢ ﻳﺎ ﺃﺳﺘﺎﺫ ﺷﺎﺩﻱ ﺭﺑﻨﺎ ﻳﻜﺮﻣﻚ
ﻏـــﺎﺩﺭ ﺷﺎﺩﻱ ﺍﻟﻤﻜﺎﻥ ﺑﻬﺪﻭﺀ ﻭﺇﻟﺘﻔﺖ ﺑﺎﺳﻢ ﻹﺑﺮﺍﻫﻴﻢ ﻗﺎﺋﻼ ﺑﺨﺒﺚ :
ــ : ﺇﻳــﻪ ﻳــﺎ ﻋﻢ ﻫﻴﻤﺎ ﺩﻩ؟ ﺇﻧﺖ ﺭﺑﻨﺎ ﺑﻴﺤﺒﻚ ﺃﻭﻱ.. ﺑﻌﺘﻬﻮﻟﻚ ﻟﺤﺪ ﻋﻨﺪﻙ
ﺇﺑﺮﺍﻫﻴﻢ ﺑﺴﻌﺎﺩﺓ :
ــ : ﺑﺎﻳﻦ ﻋﻠﻴﻪ ﺟﺪﻉ ﻭﻃﻴﺐ ﺭﺑﻨﺎ ﻳﻘﻮﻡ ﺑﺎﺑﺎ ﺑﺎﻟﺴﻼﻣﻪ ﺑﺲ
ﻭﻓـــﻲ ﺇﺣـــﺪﻯ ﺍﻟﻐﺮﻑ ﻓﻲ ﺍﻟﺪﺍﺧﻞ
ﻛﺎﻧﺖ ﻳﻤﻨﻰ ﺗﻐﻤﻐﻢ ﺑﺼﻮﺕ ﺧﺎﻓﺖ ﻭﻫﻲ ﺗﻮﺩﻉ ﺳﺎﺭﻩ ﻗﺎﺋﻠﺔ ﻟﻬﺎ :
ــ : ﺷﺪﻱ ﺣﻴﻠﻚ ﻭﺧﻠﻴﻜﻲ ﺟﺎﻣﺪﺓ .. ﺍﻟﻜﻞ ﻣﺪﻣﺮ ﻭﻣﺤﺘﺎﺟﻴﻦ ﺣﺪ
ﻳﺼﺒﺮﻫﻢ ﻭﺃﻧﺎ ﻫﻌﺪﻱ ﻋﻠﻴﻜﻮﺍ ﺑﻜﺮﻩ ﺇﻥ ﺷﺎﺀ ﺍﻟﻠﻪ
ﺳﺎﺭﻩ ﺑﻤﺤﺎﻭﻟﻪ ﻟﻠﺘﻤﺎﺳﻚ :
ــ : ﻣﺘﻘﻠﻘﻴﺶ ﻋﻠﻴﻨﺎ ﻳﺎ ﻳﻤﻨﻰ ﺭﺑﻨﺎ ﻣﻌﺎﻛﻲ ﻳﺎ ﺣﺒﻴﺒﺘﻲ
...........................................................................
............................
ﻓﻲ ﻣﻜﺘﺐ ﺃﺣﻤﺪ ﻛﺎﻥ ﻳﻘﻒ ﺃﻣﺎﻣﻪ ﻣﺴﺎﻋﺪﻩ ﻭﻫﻮ ﻳﻘﻮﻝ ﺑﺘﺮﺟﻲ :
ــ : ﺃﺭﺟﻮﻙ ﻳﺎ ﺑﺎﺷﺎ ﺑﺲ ﻫﺮﻭﺡ ﺃﺷﻮﻑ ﺃﻣﻲ ﺗﻌﺒﺎﻧﻪ ﺃﻭﻱ ﺑﺲ ﺃﻃﻞ
ﻋﻠﻴﻬﺎ ﻭﺃﻃﻤﻦ ﻋﻠﻰ ﺻﺤﺘﻬﺎ
ﺃﺣﻤﺪ ﺑﻌﻨﻒ :
ــ : ﺇﻧﺖ ﻓﺎﻛﺮ ﺇﻥ ﺇﻧﺘﺎ ﺷﻐﺎﻝ ﻓﻲ ﻋﺰﺑﺔ ﺃﺑﻮﻙ ؟؟ ﻷ ﻳﻌﻨﻲ ﻷ ﺍﻟﺸﻐﻞ
ﻣﻜﺮﻛﺐ ﻭﺍﻧﺎ ﻣﻔﻴﺎﺵ ﺩﻣﺎﻍ
ﻣﺤﻤﺪ ﺑﺼﻮﺕ ﺃﻗﺮﺏ ﻟﻠﺒﻜﺎﺀ :
ــ : ﻣﺶ ﻫﺘﺄﺧﺮ ﻋﻠﻴﻚ ﻭﺍﻟﻠﻪ ﺑﺲ ....
ﻗﺎﻃﻌﻪ ﺃﺣﻤﺪ ﺑﺘﻌﺎﻟﻲ :
ــ : ﻗﻠﺖ ﻷ ﻭﻏﻮﺭ ﻣﻦ ﻭﺷﻲ ﺩﻟﻮﻗﺘﻲ ﻟﺤﺪ ﻣﺎ ﺃﻃﻠﺒﻚ ﻭ ﻟﻮﻋﺮﻓﺖ ﺇﻧﻚ
ﺳﺎﻓﺮﺕ ﻣﻦ ﻏﻴﺮ ﺇﺫﻧﻲ ﻭﻗﺘﻬﺎ ﻫﺴﻔﺮﻙ ﻣﻦ ﺍﻟﺪﻧﻴﺎ ﻋﺪﻝ
ﺧﺮﺝ ﻣﺤﻤﺪ ﻣﻦ ﺍﻟﻤﻜﺘﺐ ﻭﻗﻠﺒﻪ ﻳﺤﺘﺮﻕ ﻭﻫﻮ ﻳﺪﻋﻮ ﺍﻟﻠﻪ ﺃﻥ ﻳﻨﺘﻘﻢ ﻟﻪ
ﻣﻦ ﺫﺍﻙ ﺍﻟﺬﻱ ﺗﺠﺒﺮ ﻭﻟﻢ ﻳﻌﺪ ﻳﺸﻌﺮ ﺑﺄﺣﺪ..
ﻓﻲ ﺍﻟﺪﺍﺧﻞ ﻛﺎﻥ ﺃﺣﻤﺪ ﻳﻔﻜﺮ ﺑﺸﺮﻭﺩ ﻓﻲ ﺧﻄﻮﺗﻪ ﺍﻟﻘﺎﺩﻣﺔ ﻭﻗﺪ ﻋﺰﻡ
ﺃﻣﺮﻩ ﺃﻧﻪ ﺳﻴﻨﺘﻘﻢ ﻟﻨﻔﺴﻪ ﻭﺳﻴﺪﻣﺮ ﺣﻴﺎﺓ ﺭﻳﻬﺎﻡ ﻭﻭﺍﻟﺪﻫﺎ
ﻓﻘﻂ ﻋﻠﻴﻪ ﺃﻥ ﻳﺘﺼﺮﻑ ﺑﺬﻛﺎﺀ ﺣﺘﻰ ﻳﺘﻢ ﺍﻷﻣﺮ ﻛﻤﺎ ﻳﻨﺒﻐﻲ..
...................................................................................
ﻓﻲ ﺇﺣﺪﻯ ﺍﻟﻜﺎﻓﺘﻴﺮﻳﺎﺕ ﺍﻟﻤﻄﻠﺔ ﻋﻠﻰ ﺍﻟﺒﺤﺮ
ﻛﺎﻧﺖ ﻳﻤﻨﻰ ﺗﻨﻈﺮ ﻷﺧﻴﻬﺎ ﺍﻟﺸﺎﺭﺩ ﺇﻟﻰ ﺍﻟﺒﺤﺮ ﻭﻫﻲ ﺗﻀﻊ ﻳﺪﻫﺎ ﻋﻠﻰ
ﺧﺪﻫﺎ ﻗﺎﺋﻠﺔ ﺑﺘﺄﻓﻒ :
ــ : ﻫﻮ ﺇﻧﺖ ﺟﺎﻳﺒﻨﻲ ﻫﻨﺎ ﻋﺸﺎﻥ ﺗﺘﻔﺮﺝ ﻋﻠﻰ ﺍﻟﺒﺤﺮ ﻭﺗﺴﻜﺖ. ؟ ﻣﺎﻟﻚ ﻳﺎ
ﺷﺎﺩﻱ ﻓﻲ ﺇﻳﻪ؟
ﺇﻟﺘﻔﺖ ﻟﻬﺎ ﻗﺎﺋﻼ :
ــ : ﺍﻟﺴﺎﻋﻪ ﻛﺎﻡ ﺩﻟﻮﻗﺘﻲ؟؟
ﻧﻈﺮﺕ ﻟﺴﺎﻋﺔ ﻳﺪﻫﺎ ﺑﺈﺳﺘﻐﺮﺍﺏ ﺛﻢ ﻗﺎﻟﺖ :
ــ : ﺳﺘﻪ ﻭﻧﺺ ﻓﻲ ﺇﻳﻪ ﻭﺭﺍﻙ ﺣﺎﺟﻪ؟؟
ﺷﺎﺩﻱ :
ــ : ﻃﻴﺎﺭﺓ ﺣﺴﺎﻡ ﻭﻣﺤﻤﺪ ﻫﺘﻮﺻﻞ ﺑﻌﺪ ﺳﺎﻋﺔ ﻭﻧﺺ ﻫﻨﻌﻘﺪ ﺷﻮﻳﻪ
ﻭﺍﺭﻭﺣﻚ ﻋﺸﺎﻥ ﺍﺭﻭﺡ ﺃﺟﻴﺒﻪ
ﻳﻤﻨﻰ :
ــ : ﻣﺎﺷﻲ ﺑﺲ ﻗﻮﻟﻲ ﺇﻧﺖ ﻣﺎﻟﻚ ﻣﺶ ﻋﻠﻰ ﺑﻌﻀﻚ ﻟﻴﻪ
ﻋﺎﺩ ﻳﻨﻈﺮ ﻟﻠﺒﺤﺮ ﺑﺸﺮﻭﺩ ﺛﻢ ﻗﺎﻝ :
ــ : ﺷﻔﺘﻬﺎ ﻳﺎ ﻳﻤﻨﻰ .. ﻣﻌﺮﻓﺶ ﺇﻳﻪ ﺍﻟﻠﻲ ﺟﺮﺍﻟﻲ ﺑﺲ ﺭﺟﻠﻲ ﻭﻗﻔﺖ
ﻭﺣﺴﻴﺖ ﺍﻟﺰﻣﻦ ﻛﻠﻪ ﻭﻗﻒ.. ﻣﻜﻨﺘﺶ ﻣﺘﺨﻴﻞ ﺇﻧﻲ ﻫﺸﻮﻓﻬﺎ ﺗﺎﻧﻲ..ﻟﺴﻪ
ﺯﻱ ﻣﺎ ﻫﻲ ﻓﻲ ﻛﻞ ﺣﺎﺟﻪ ..ﺯﻱ ﻣﺎ ﺷﻔﺘﻬﺎ ﺁﺧﺮ ﻣﺮﻩ ﺣﺘﻰ ﻧﻔﺲ ﻧﻈﺮﺓ
ﺍﻟﻮﺟﻊ ﻭﺍﻷﻟﻢ ﻓﻲ ﻋﻴﻨﻬﺎ ﻛﺄﻧﻬﺎ ﺭﺳﻤﻪ ﻣﺶ ﺑﺘﺘﻐﻴﺮ ﻣﻊ ﺍﻟﺰﻣﻦ ﻭﻟﺴﻪ
ﺑﺮﺿﻮ ﺯﻱ ﻣﺎ ﻫﻲ ﺑﺘﺨﺘﻔﻲ ﻭﻗﺖ ﻣﺎ ﺑﺤﺘﺎﺟﻬﺎ ..ﺯﻱ ﺍﻟﺴﺮﺍﺏ ﺗﻈﻬﺮ
ﻣﻦ ﺑﻌﻴﺪ ﻭﻟﻤﺎ ﺃﻗﺮﺏ ﺗﺨﺘﻔﻲ ﻭﻣﻴﺒﻨﺶ ﻟﻴﻬﺎ ﺃﻱ ﺃﺛﺮ
ﻳﻤﻨﻰ ﺑﻌﺪﻡ ﻓﻬﻢ :
ــ : ﻣﻴﻦ ﺩﻱ ﻳﺎ ﺷﺎﺩﻱ .. ﺃﻧﺎ ﻣﺶ ﻓﺎﻫﻤﻪ ﺣﺎﺟﻪ؟؟
ﺷﺎﺩﻱ ﻭﻫﻮ ﻳﻨﻈﺮ ﻟﻬﺎ ﺑﻌﻴﻨﻴﻦ ﺯﺍﺋﻐﺘﻴﻦ ﻭﺑﺘﻨﻬﻴﺪﻩ ﺣﺎﺭﻩ ﻗﺎﺋﻼ :
ــ : ﻣـــﻼﻙ
...........................................................................
.......................
ﻓــــــﻲ ﺍﻟﻤﺴﺘﺸـــﻔـــــﻯ
ﻓﻲ ﺇﺣﺪﻯ ﺍﻟﻐﺮﻑ ﻧﻈﺮ ﻋﻤﺎﺭ ﻹﺑﺮﺍﻫﻴﻢ ﻭﻫﻮ ﻳﻘﻮﻝ ﺑﻘﻠﻖ :
ــ : ﻃﺐ ﻭﺑﻌﺪﻳﻦ ﻳﺎ ﻫﻴﻤﺎ؟؟ ﺩﻩ ﺳﺎﻣﺢ ﻋﻤﺎﻝ ﻳﺰﻥ ﻋﻠﻰ ﻧﺎﻓﻮﺥ ﺃﻣﻲ
ﻋﺎﻳﺰ ﺍﻟﻤﻮﺿﻮﻉ ﻳﺘﻨﺸﺮ ﻋﺸﺎﻥ ﻳﺸﺘﻐﻞ ﻭﺑﻴﻘﻮﻟﻲ ﺇﻥ ﺇﺣﻨﺎ ﻛﺪﻩ ﺑﻨﻜﺴﺐ
ﻋﺪﺍﻭﺗﻪ ﻋﺸﺎﻥ ﻣﻨﻔﺬﻧﺎﺵ ﺇﺗﻔﺎﻗﻨﺎ ﻭﻫﻮ ﺧﺎﻳﻒ
ﺇﺑﺮﺍﻫﻴﻢ ﺑﻌﺼﺒﻴﺔ :
ــ : ﻗﻮﻟﻮﻩ ﺃﻱ ﻣﺼﻴﺒﻪ ﻳﺎ ﻋﻤﺎﺭ ﺧﻠﻴﻪ ﻳﺤﻞ ﻋﻨﻲ ﺩﻟﻮﻗﺘﻲ ﺃﻧﺎ ﺩﻣﺎﻏﻲ
ﻣﻘﻠﻮﺑﺔ ﻭﻣﺶ ﻫﻌﺮﻑ ﺃﺗﻨﻴﻞ ﺃﻋﻤﻞ ﺣﺎﺟﻪ ﻏﻴﺮ ﻟﻤﺎ ﺑﺎﺑﺎ ﻳﺒﻘﻰ ﻛﻮﻳﺲ
ﻋﻤﺎﺭ ﺑﺘﻨﻬﻴﺪﻩ :
ــ : ﻗﻠﺘﻠﻚ ﻣﻦ ﺍﻷﻭﻝ ﺑﻼﺵ
ﺇﺑﺮﺍﻫﻴﻢ ﺑﻌﻨﻒ :
ــ : ﻋﻤﺎﺭ ﻫﺘﻔﻀﻞ ﺗﻘﻮﻟﻲ ﻗﻠﺘﻠﻚ ﻭﺑﻼﺵ ﻭﺍﻟﺸﻮﻳﻪ ﺩﻭﻝ؟؟ ﻋﺎﻳﺰ ﺗﻄﻠﻊ
ﻣﻨﻬﺎ ﺇﻃﻠﻊ ﻟﻮ ﺧﺎﻳﻒ ﻛﺪﻩ
ﻋﻤﺎﺭ ﻭﻫﻮ ﻳﺤﺎﻭﻝ ﺇﻣﺘﺼﺎﺹ ﻏﻀﺒﻪ :
ــ : ﻳﺎ ﻫﻴﻤﺎ ﻣﻘﺼﺪﺵ ﺑﺲ ﺃﻧﺎ ﺧﺎﻳﻒ ﻻ ﺍﻟﺰﻓﺖ ﺩﻩ ﻳﻘﻠﺐ ﻋﻠﻴﻨﺎ ﻭﻭﻗﺘﻬﺎ
ﺇﻧﺖ ﺍﻛﺘﺮ ﻭﺍﺣﺪ ﻫﺘﻀﺮ.. ﻓﻜﺮ ﻣﻌﺎﻳﺎ ﻓﻲ ﺣﻞ ﻭﺇﻻ ﻛﺪﻩ ﻫﻨﺮﻭﺡ ﻓﻲ
ﺩﺍﻫﻴﻪ.. ﺇﺣﻨﺎ ﻓﻲ ﺧﻄﺮ ﻭﻻﺯﻡ ﻧﺘﺼﺮﻑ ﻗﺒﻞ ﻣﺎ ﺍﻟﻮﻗﺖ ﻳﻀﻴﻊ
ﺩﺧﻞ ﺑﺎﺳﻢ ﻋﻠﻴﻬﻢ ﻓﺠﺄﻩ ﻭﻗﺪ ﺳﻤﻊ ﺟﺰﺀ ﻣﻦ ﺣﺪﻳﺚ ﻋﻤﺎﺭ ﻗﺎﺋﻼ
ﺑﺈﺳﺘﻔﻬﺎﻡ :
ــ : ﺧﻄﺮ ﺇﻳﻪ ﺩﻩ ﻳﺎ ﻋﻤﺎﺭ؟؟ ﺧﻴﺮ ﻫﻮ ﻓﻲ ﺇﻳﻪ؟
ﻋﻤﺎﺭ ﺑﺘﻮﺗﺮ :
ــ : ﻻ ﻣﻔﻴﺶ ﺑﺲ ..
ﻗﺎﻃﻌﻪ ﺇﺑﺮﺍﻫﻴﻢ :
ــ : ﻷ ﻓﻲ ..ﺗﻌﺎﻝ ﻳﺎ ﺑﺎﺳﻢ ﻫﺤﻜﻴﻠﻚ ﻳﻤﻜﻦ ﺗﻘﻮﻟﻲ ﻋﻠﻰ ﺣﻞ ﻗﺒﻞ ﻣﺎ
ﺩﻣﺎﻏﻲ ﺗﻀﺮﺏ
...........................................................................
.............
ﻓﻲ ﻏﺮﻓﺔ ﺭﺍﻣﻲ ﻧﻈﺮ ﻷﺧﺘﻪ ﺍﻟﺠﺎﻟﺴﺔ ﺑﺠﻮﺍﺭﻩ ﻗﺎﺋﻼ :
ــ : ﻣﺘﻘﻠﻘﻴﺶ ﻳﺎ ﻳﻤﻨﻰ.. ﺷﺎﺩﻱ ﻣﺶ ﺻﻐﻴﺮ ﻭﻫﻴﻌﺮﻑ ﻳﺎﺧﺪ ﺑﺎﻟﻪ ﻣﻦ
ﻧﻔﺴﻪ ﻛﻮﻳﺲ
ﻳﻤﻨﻰ :
ــ : ﺃﻧﺎ ﺧﺎﻳﻔﻪ ﻳﺎ ﺭﺍﻣﻲ ﻳﺠﻲ ﻋﻠﻴﻨﺎ ﻳﻮﻡ ﻧﻀﻄﺮ ﻧﺨﺘﺎﺭ ﺑﻴﻦ ﺷﺎﺩﻱ
ﻭﻣﺎﻣﺎ
ﺭﺍﻣﻲ ﺑﺘﻨﻬﻴﺪﻩ :
ــ : ﺭﺑﻨﺎ ﻳﺴﺘﺮ
ﻳﻤﻨﻰ ﻭﻫﻲ ﺗﺮﺑﺖ ﻋﻠﻰ ﻳﺪﻩ ﺑﺈﺑﺘﺴﺎﻣﺔ :
ــ : ﺑﺲ ﺇﻧﺖ ﺑﺠﺪ ﻣﺘﻐﻴﺮ ﺍﻟﻴﻮﻣﻴﻦ ﺩﻭﻝ ﻭﺑﻘﻴﺖ ﻻﻣﻢ ﻧﻔﺴﻚ ﻛﺪﻩ
ﻭﻣﺤﺘﺮﻡ ﻭﺑﺘﻨﺰﻝ ﺍﻟﺸﻐﻞ ﻭﻭﺍﺧﺪ ﺑﺎﻟﻚ ﻣﻦ ﺍﻟﺪﺭﺍﺳﻪ .. ﺗﺼﺪﻕ ﺩﻱ ﺃﻛﺘﺮ
ﺣﺎﺟﻪ ﻣﻬﻮﻧﻪ ﻋﻠﻴﺎ
ﺭﺍﻣﻲ ﺑﻐﻀﺐ ﻣﺼﻄﻨﻊ :
ــ : ﻭﻫﻮ ﺃﻧﺎ ﻛﻨﺖ ﺻﺎﻳﻊ ﻳﺎ ﺑﺖ؟
ﻳﻴﻤﻨﻰ ﺑﻀﺤﻚ :
ــ : ﻻ ﻳﺎ ﻗﻠﺐ ﺃﺧﺘﻚ ﻛﻨﺖ ﺿﺎﻳﻊ ﺑﺲ
ﺭﺍﻣﻲ ﺑﻤﺮﺡ :
ــ : ﺃﺻﻞ ﻳﻌﻨﻲ ﺑﺼﺮﺍﺣﻪ ﻛﺪﻩ ﻫﻮ ﺍﻟﻤﻮﺿﻮﻉ
ﻗﺎﻃﻌﺘﻪ ﺑﻔﺮﺡ :
ــ : ﺃﺻﻞ ﻭﻳﻌﻨﻲ ﻭﺍﻟﻤﻮﺿﻮﻉ ﻭﺑﺼﺮﺍﺣﻪ ﻣﻊ ﺑﻌﻀﻴﻬﺎ ﻛﺪﻩ؟؟ ﻫﻮ ﺩﻕ ﻭﻻ
ﺇﻳﻪ؟
ﺭﺍﻣﻲ ﺑﻀﺤﻚ :
ــ : ﺩﻕ ﻭﺭﻥ ﻭﺧﺒﻂ ﻭﻛﺴﺮ ﻛﻤﺎﻥ ..
ﺻﻤﺖ ﻗﻠﻴﻼ ﺛﻢ ﻗﺎﻝ ﺑﺘﺮﺩﺩ :
ــ :ﺑﺲ ﻳﻌﻨﻲ
ﻳﻤﻨﻰ ﻭﻫﻲ ﺗﺘﻔﺮﺱ ﻣﻼﻣﺤﻪ :
ــ : ﺑﺲ ﺇﻳﻪ؟
ﺭﺍﻣﻲ ﺑﺘﻨﻬﻴﺪﻩ :
ــ : ﺧﺎﻳﻒ ﻻ ﻣﺘﺼﺪﻗﻨﻴﺶ ﻭﺗﻔﺘﻜﺮ ﺇﻧﻲ ﺑﺸﺘﻐﻠﻬﺎ ..ﻋﺸﺎﻥ ﻛﺪﻩ ﻋﺎﻳﺰﻫﺎ
ﺗﺘﺄﻛﺪ ﺇﻧﻲ ﺇﺗﻐﻴﺮﺕ ﻭﺑﻘﻴﺖ ﻛﻮﻳﺲ ﻗﺒﻞ ﻣﺎ ﺃﺻﺎﺭﺣﻬﺎ
ﻳﻤﻨﻰ :
ــ : ﻭﻋﺸﺎﻥ ﺗﺒﻘﻰ ﺻﺢ ﺃﻛﺘﺮ ﻳﺒﻘﻰ ﺗﺼﺎﺭﺣﻬﺎ ﻓﻲ ﺑﻴﺖ ﺃﺑﻮﻫﺎ
ﺭﺍﻣﻲ ﻭﻫﻮ ﻳﻠﺘﻔﺖ ﻟﻬﺎ ﺑﻠﻬﻔﻪ :
ــ : ﺗﻔﺘﻜﺮﻱ ﻫﺘﻮﺍﻓﻖ؟
ﻳﻤﻨﻰ ﺑﺈﺑﺘﺴﺎﻣﻪ ﻭﺍﺳﻌﺔ :
ــ : ﺇﻥ ﺷﺎﺀ ﺍﻟﻠﻪ
ﺭﺍﻣﻲ ﻭﻫﻮ ﻳﺤﺘﻀﻨﻬﺎ :
ــ : ﺑﺤﺒﻚ ﻳﺎ ﺍﺣﻠﻰ ﺃﺧﺖ ﻓﻲ ﺍﻟﺪﻧﻴﺎ ﻛﻠﻬﺎ
ﻳﻤﻨﻰ ﺑﻀﺤﻚ :
ــ : ﺑﺮﻛﺎﺍﺍﺍﺗﻚ ﻳﺎﺍﻟﻠﻲ ﻣﺠﻨﻨﺎﻩ ﺩﻩ ﺑﻘﻰ ﺣﻮﻧﻴﻦ ﺧﺎﺍﺍﺍﻟﺺ ﺑﺲ ﻣﻘﻠﺘﻠﻴﺶ
ﻫﻲ ﻣﻴﻦ ﺩﻱ ﻳﺎ ﺃﻭﺳﺘﺎﺫ ﺭﺍﻣﻲ؟
ﺭﻥ ﻫﺎﺗﻒ ﺭﺍﻣﻲ ﺍﻟﻤﻠﻘﻰ ﺑﺠﻮﺍﺭ ﻳﻤﻨﻰ.. ﻓﺈﻟﺘﻘﻄﺘﻪ ﻭﻧﺎﻭﻟﺘﻪ ﻷﺧﻴﻬﺎ..
ﺭﺍﻣﻲ ﻭﻫﻮ ﻳﺮﺩ ﻗﺎﺋﻼ :
ــ : ﺑﺎﺷﺎ
ﻭﺃﺛﻨﺎﺀ ﺣﺪﻳﺚ ﺭﺍﻣﻲ ﻣﻊ ﺍﻟﻤﺘﺼﻞ ﻃــﺎﺭ ﻋﻘﻞ ﻳﻤﻨﻰ ﺑﻌﻴﺪﺍ ﻷﺣﺪﺍﺙ ﻟﻢ
ﻳﻤﺮ ﻋﻠﻴﻬﺎ ﺯﻣﻦ ﺟﻌﻠﻬﺎ ﺗﻘﻄﺐ ﺟﺒﻴﻨﻬﺎ ﺑﻌﻨﻒ ﻭﻫﻲ ﺗﺮﻣﻖ ﺭﺍﻣﻲ
ﺑﺸﺮﻭﺩ..
ﺃﻏﻠﻖ ﺭﺍﻣﻲ ﻣﻊ ﺍﻟﻤﺘﺼﻞ ﻭﻭﺿﻊ ﻫﺎﺗﻔﻪ ﻋﻠﻰ ﺍﻟﻤﻘﻌﺪ ﻭﺇﻟﺘﻔﺖ ﻟﻴﻤﻨﻰ
ﻗﺎﺋﻼ :
ــ : ﺃﻧﺎ ﻫﺪﺧﻞ ﺃﺧﺪ ﺷﺎﻭﺭ ﻋﺸﺎﻥ ﻻﺯﻡ ﺃﻧﺰﻝ ﺩﻟﻮﻗﺘﻲ ﻭﻫﺒﻘﻰ ﺃﻋﺪﻱ ﻋﻠﻰ
ﺷﺎﺩﻱ ﻭﺃﻧﺎ ﺭﺍﺟﻊ
ﻳﻤﻨﻰ ﺑﺸﺮﻭﺩ :
ــ : ﻣﺎﺷﻲ ﻣﺎﺷﻲ
ﻭﺑﻌﺪ ﻣﻐﺎﺩﺭﺓ ﺭﺍﻣﻲ ﺗﻨﺎﻭﻟﺖ ﻫﺎﺗﻔﻪ ﻣﻦ ﻣﻘﻌﺪﻩ ﻭﺃﺧﺬﺕ ﺗﻌﺒﺚ ﻓﻴﻪ
ﺑﻌﺼﺒﻴﺔ ﻭﻟﻜﻦ ﻣﺎ ﻛﺎﻧﺖ ﺗﺮﺍﻩ ﻓﻲ ﻫﺎﺗﻒ ﺃﺧﻴﻬﺎ ﺟﻌﻠﻠﻬﺎ ﺗﻘﻄﺐ ﺟﺒﻴﻨﻬﺎ
ﺃﻛﺜﺮ ﻭﺃﻛﺜﺮ ..
...........................................................................
.........................
ﻓﻲ ﺍﻟﻤﻄﺎﺭ
ﻳﻮﺳﻒ ﺑﺴﻌﺎﺩﻩ ﺑﺎﻟﻐﻪ ﻭﻫﻮ ﻳﺤﺘﻀﻦ ﺣﺴﺎﻡ :
ــ : ﻭﺣﺸﻨﻲ ﻳﺎﺽ ﻳﺎ ﺟﺰﻣﻪ ﺣﺎﺳﺲ ﺇﻧﻲ ﺑﻘﺎﻟﻲ ﻗﺮﻥ ﻣﺸﻔﺘﻜﺶ .
ﺣﺴﺎﻡ ﺑﺴﻌﺎﺩﻩ :
ــ : ﻭﺍﻟﻠﻪ ﺇﻧﺖ ﻣﺘﻌﺮﻓﺶ ﺃﻧﺎ ﻧﻔﺴﻲ ﺃﻧﺰﻝ ﻣﺼﺮ ﻭﺃﺳﺘﻘﺮ ﻫﻨﺎ ﻗﺪ ﺇﻳﻪ
ﺑﺲ ﺍﻟﺰﻓﺖ ﺻﺤﺒﻚ ﻣﻄﻠﻊ ﻋﻴﻦ ﺃﻣﻲ ﻓﻲ ﺍﻟﺸﻐﻞ ﻣﺶ ﺑﻠﺤﻖ ﺃﻓﻜﺮ
ﺣﺘﻰ ﻓﻲ ﺍﻟﻤﻮﺿﻮﻉ .. ﻛﺎﻧﺖ ﺻﺤﻮﺑﻴﻪ ﻫﺒﺎﺏ ﺑﻌﻴﺪ ﻋﻨﻚ
ﺷﺎﺩﻱ ﻭﻫﻮ ﻳﻀﻊ ﻳﺪﻩ ﻋﻠﻰ ﻛﺘﻒ ﺣﺴﺎﻡ ﻣﻦ ﺧﻠﻔﻪ ﻗﺎﺋﻼ :
ــ : ﺑﺘﻘﻮﻝ ﺣﺎﺟﻪ ﺁﻛﺎﺑﺘﻦ؟
ﺣﺴﺎﻡ ﻭﻫﻮ ﻳﻠﺘﻔﺖ ﻟﻪ ﻗﺎﺋﻼ ﺑﻤﺮﺡ :
ــ : ﺗﺼﺪﻕ ﺇﻧﺖ ﺇﺑﻦ ﺣﻼﻝ ﻣﺼﻔﻲ ﺃﻩ ﻭﺭﺑﻨﺎ ﻟﺴﻪ ﻛﻨﺖ ﺑﻘﻮﻟﻪ ﻓﻴﻦ
ﺷﺎﺩﻱ ﺃﺻﻠﻪ ﻭﺣﺸﻨﻲ ﻫﻮ ﺣﺪ ﻳﻘﺪﺭ ﻳﻌﺘﺮﺽ ﻋﻠﻰ ﺣﺎﺟﻪ ﺳﻴﺎﺗﻚ
ﺃﻣﺮﺕ ﺑﻴﻬﺎ؟ ﺇﻧﺖ ﺗﺆﻣﺮ ﻭﻧﺤﻦ ﻧﻨﻔﺬ ﻳﺎ ﺷﺪﻩ
ﺷﺎﺩﻱ ﺑﺈﺑﺘﺴﺎﻣﻪ ﻭﻫﻮ ﻳﺤﺘﻀﻦ ﺣﺴﺎﻡ :
ــ : ﻭﺣﺸﺘﻨﻲ ﻳﺎﺽ
ﻣﺤﻤﺪ ﺑﻀﺤﻚ :
ــ : ﻫﺘﻔﻀﻞ ﻋﻠﻰ ﻃﻮﻝ ﻛﺪﻩ ﺑﺘﺨﺎﻑ ﻳﺎ ﺣﺴﺎﻡ ﻣﻌﻨﺪﻛﺶ ﺷﺨﺼﻴﻪ
ﺧﺎﻟﺺ
ﻳﻮﺳﻒ :
ــ : ﻭﺇﻧﺖ ﺑﻘﻰ ﻳﺎ ﻋﻢ ﻣﺤﻤﺪ ﻣﻜﻨﺘﺶ ﻧﺎﻭﻱ ﺗﻨﺰﻝ ﻟﺤﺪ ﻣﺎ ﺣﺴﺎﻡ ﻳﻘﻮﻟﻚ
ﻃﺐ ﻟﻮ ﻛﺎﻥ ﻣﻘﺎﻟﻜﺶ ﺗﻌﺎﻟﻰ ﻣﻌﺎﻳﺎ؟
ﻣﺤﻤﺪ :
ــ : ﻭﻻ ﻛﻨﺖ ﻫﻌﺘﺒﻬﺎ ﻳﺎﺑﺎ ﺃﻧﺎ ﻣﺎ ﺻﺪﻗﺖ ﺧﻠﻌﺖ ﻣﻨﻬﺎ ﺑﺲ ﻋﺸﺎﻥ
ﺧﺎﻃﺮﻛﻮﺍ ﻗﻠﺖ ﺃﻧﺰﻝ ﺃﺷﻘﺮ ﻋﻠﻴﻜﻮﺍ ﻭﺃﻃﻴﺮ ﺗﺎﻧﻲ
ﻳﻮﺳﻒ ﺑﺤﻨﻖ :
ــ : ﺩﻱ ﺑﻠﺪﻙ ﻳﻠﻪ.. ﺩﻱ ﺃﻡ ﺍﻟﺪﻧﻴﺎ ﻭﺑﻌﺪﻳﻦ ﻣﺎ ﺇﻧﺘﻮﺍ ﺑﺘﻮﺣﺸﻮﻧﺎ ﺑﺮﺿﻮ ﻭﻻ
ﻣﻔﻴﺶ ﺩﻡ ﺧﺎﻟﺺ
ﺣﺴﺎﻡ ﺑﻀﺤﻚ :
ــ : ﺑﺲ ﺑﺎﻟﻨﺴﺒﻪ ﻷﻛﻞ ﻣﺼﺮ ﻭﺣﺸﻨﻲ ﺃﻛﺘﺮ ﻣﻨﻜﻮﺍ ﻭﺑﺼﺮﺍﺣﻪ ﺑﻘﻰ
ﻳﻮﺳﻒ :
ــ : ﻃﻮﻝ ﻋﻤﺮﻙ ﻣﻨﺘﻦ ﻳﺎﺽ ﻳﺎ ﺣﺲ
ﺣﺴﺎﻡ :
ــ : ﻣﺎﻫﻮ ﺍﻟﻄﻴﻮﺭ ﻋﻠﻰ ﺃﺷﻜﺎﻟﻬﺎ ﺗﻘﻊ ﻳﺎ ﺑﺮﻧﺲ
ﺷﺎﺩﻱ ﺑﻀﺤﻚ :
ــ : ﻃﺐ ﻳﻼ ﻳﺎ ﺧﻔﻴﻒ ﻋﺸﺎﻥ ﺗﻄﻔﺢ ﻭﻧﺮﻭﺡ ﻋﺸﺎﻥ ﻋﺎﻳﺰﺍﻙ ﺇﻧﺖ
ﻭﻣﺤﻤﺪ ﺿﺮﻭﺭﻱ
ﺣﺴﺎﻡ :
ــ : ﻳﺎ ﻓﺘﺎﺡ ﻳﺎ ﻋﻠﻴﻢ ﻳﺎ ﺭﺯﺍﻕ ﻳﺎ ﻛﺮﻳﻢ ﻫﻮ ﺇﻧﺖ ﻫﺘﺸﻐﻠﻨﻲ ﻣﻦ ﺃﻭﻝ ﻳﻮﻡ
ﻛﺪﻩ
ﻳﻮﺳﻒ :
ــ : ﻻ ﻳﺎﺣﺒﻴﺐ ﻗﻠﺒﻲ ﺩﻩ ﻫﻴﻄﻠﻊ ﻋﻴﻨﻚ ﻣﺶ ﺑﺲ ﻫﻴﺸﻐﻠﻚ ﺃﻧﺎ ﻣﻦ
ﺭﺃﻳﻲ ﺇﺭﺟﻊ ﻛﻨﺪﺍ ﻳﺎ ﺑﺮﻧﺲ ﺃﺣﺴﻨﻠﻚ
ﻣﺤﻤﺪ :
ــ : ﻫﻮ ﺍﻟﻤﻮﺿﻮﻉ ﻛﺪﻩ ﻳﻌﻨﻲ ﺇﺣﻨﺎ ﻣﺶ ﻧﺎﺯﻟﻴﻦ ﻧﺄﺟﺰ ﻧﺎﺯﻟﻴﻦ ﻧﺸﺘﻐﻞ
ﻭﻳﻄﻠﻊ ﻋﻨﻴﻨﺎ..
ﺷﺎﺩﻱ ﺑﺘﻮﻋﺪ :
ــ ﺇﻥ ﺷﺎﺀ ﺍﻟﻠﻪ ﻣﻦ ﻏﻴﺮ ﻣﻘﺎﻃﻌﻪ
...........................................................................
........................
ﺇﻧﻬﺎﺭﺕ ﻫﺎﻟﻪ ﻭﻫﻲ ﺗﻘﻮﻝ ﺑﺒﻜﺎﺀ :
ــ : ﻣﻴﻨﻔﻌﺶ ﻳﺎ ﺑﺎﺑﺎ ﻭﺍﻟﻠﻪ ﻣﺶ ﻫﻴﻨﻔﻊ
ﻓﺘﺤﻲ ﺑﻐﻀﺐ :
ــ : ﺇﻧﺘﻲ ﺑﺘﻌﺼﻲ ﻛﻼﻣﻲ ﻳﺎ ﺑﺖ .. ﻫﺘﺠﻮﺯﻱ ﺍﻟﺮﺍﺟﻞ ﻳﻌﻨﻲ ﻫﺘﺠﻮﺯﻳﻪ
ﻫﺎﻟﻪ ﺑﺼﺮﺍﺥ :
ــ : ﻣﻴﻨﻔﻌﺶ ﻗﻠﺘﻠﻚ ﻋﺸﺎﻥ ﺍﻧﺎ ﻣﺘﺠﻮﺯﻩ ﺃﺻﻼ
ﺷﻬﻘﺖ ﻭﺍﻟﺪﺗﻬﺎ ﻭﺍﺿﻌﺔ ﻛﻔﻬﺎ ﻓﻮﻕ ﻓﻤﻬﺎ ﺑﻴﻨﻤﺎ ﺟﺤﻈﺖ ﻋﻴﻨﺎ ﻭﺍﻟﺪﻫﺎ
ﻓﻲ ﺣﻴﻦ ﺻﺎﺡ ﺳﻠﻤﺎﻥ ﺑﻌﻨﻒ ﻗﺎﺋﻼ :
ــ : ﻣﺘـــ ﺇﻳـــﻪ ﻳﺨﺘﻲ ؟؟
ﻫﺎﻟﻪ ﺑﺒﻜﺎﺀ :
ــ : ﻣﺘﺠﻮﺯﻩ ﻋﺮﻓﻲ ﻣﻦ ﺷﺎﺏ ﻃﻴﺐ ﺑﻴﺤﺒﻨﻲ ﻭﻟﻤﺎ ﻇﺮﻭﻓﻪ ﺗﺘﺤﺴﻦ
ﻫﻴﺠﻮﺯﻧﻲ ﺭﺳﻤﻲ
ﺻﺮﺥ ﻓﻴﻬﺎ ﻭﺍﻟﺪﻫﺎ ﻭﻫﻮ ﻳﻨﻬﺎﻝ ﻋﻠﻴﻬﺎ ﺿﺮﺑﺎ :
ــ : ﻳﺎ ﺳﺎﻓﻠﻪ ﻳﺎ ﺯﺑﺎﻟﻪ ﻫﺘﺠﺒﻴﻠﻨﺎ ﺍﻟﻌﺎﺭ ﻳﺎ ﺑﻨﺖ ﺍﻟﻜﻠﺐ
.......................................................................................
ﻫﺘﻔﺖ ﺳﺎﺭﻩ ﺑﺴﻌﺎﺩﺓ :
ــ : ﺑﺠﺪ ﻳﺎ ﺩﻛﺘﻮﺭ؟
ﺍﻟﻄﺒﻴﺐ :
ــ : ﺃﻳﻮﻩ ﺣﺎﻟﺘﻪ ﺇﺗﺤﺴﻨﺖ ﻭﻏﺎﻟﺒﺎ ﻫﻴﻔﻮﻕ ﻓﻲ ﺧﻼﻝ ﺳﺎﻋﺘﻴﻦ ﺑﺲ ﻻﺯﻡ
ﻳﻔﻀﻞ ﺗﺤﺖ ﺇﺷﺮﺍﻑ ﻃﺒﻲ ﻫﻨﺎ ﻓﻲ ﺍﻟﻤﺴﺘﺸﻔﻰ
ﺳﺎﺭﻩ ﻭﻫﻲ ﺗﺤﺘﻀﻦ ﺭﻳﻬﺎﻡ ﻓﺮﺣﺎ :
ــ : ﺍﻟﺤﻤﺪﻟﻠﻪ ﻳﺎﺭﺏ
ﻟﻴﻠﻰ ﺑﺴﻌﺎﺩﺓ :
ــ : ﻫﺮﻭﺡ ﺃﺑﻠﻎ ﺍﻟﺒﺎﻗﻲ ﺃﻛﻴﺪ ﻫﻴﻔﺮﺣﻮﺍ
ﻫﺮﻭﻟﺖ ﻟﻴﻠﻰ ﺑﺈﺗﺠﺎﻩ ﺍﻟﻐﺮﻓﻪ ﺍﻟﺘﻲ ﻳﺠﻠﺲ ﻓﻴﻬﺎ ﺑﺎﺳﻢ ﻣﻊ ﺇﺑﺮﺍﻫﻴﻢ
ﻭﻋﻤﺎﺭ ﻭﻗﺒﻞ ﺃﻥ ﺗﻔﺘﺢ ﺍﻟﺒﺎﺏ ﺗﺮﺍﺟﻌﺖ ﻗﻠﻴﻼ ﻭﻓﻐﺮﺕ ﻓﺎﻫﺎ ﺫﻫﻮﻻ ﻟﻤﺎ
ﺗﺴﻤﻌﻪ ﻭﻋﻴﻨﺎﻫﺎ ﺗﺘﺴﻊ ﺭﻋﺒﺎ
ﺑﺎﺳﻢ ﻳﻌﺼﺒﻴﺔ ﺷﺪﻳﺪﻩ :
ــ : ﺇﻧﺖ ﺇﺗﺠﻨﻨﺖ ﻳﺎ ﺇﺑﺮﺍﻫﻴﻢ. ؟ ﺩﻭﻝ ﻣﻤﻜﻦ ﻳﻘﺘﻠﻮﻙ ﻭﻳﻘﺘﻠﻮﺍ ﻛﻞ ﺃﻫﻠﻚ
ﺇﻧﺖ ﻣﺘﻌﺮﻓﺶ ﺇﻧﺖ ﺑﺘﺤﺎﺭﺏ ﻣﻴﻦ ﺩﻭﻝ ﻋﺼﺎﺑﺔ ﺇﺟﺮﺍﻡ ﻳﺎ ﺇﺑﺮﺍﻫﻴﻢ
ﻭﻣﺒﻴﺮﺣﻤﻮﺵ ﺇﺳﺄﻟﻨﻲ ﺃﻧﺎ .. ﻭﺑﺎﻟﻄﺮﻳﻘﻪ ﺩﻱ ﻫﻀﻴﻊ ﻧﻔﺴﻚ
ﺇﺑﺮﺍﻫﻴﻢ ﺑﺤﺰﻡ :
ــ : ﻓﺎﺕ ﻭﻗﺖ ﺍﻟﻜﻼﻡ ﺩﻩ ﻷﻧﻲ ﻟﻮ ﻣﺘﺼﺮﻓﺘﺶ ﻳﺒﻘﻰ ﻓﻌﻼ ﻫﻀﻴﻊ ﺃﻧﺎ
ﺑﺪﺃﺕ ﻭﻻﺯﻡ ﺃﻛﻤﻞ ﻭﺇﻻ ﻫﺒﻘﻰ ﻓﻀﺤﺖ ﻧﻔﺴﻲ ﻛﺄﻧﻲ ﺑﻘﻮﻟﻬﻢ ﺗﻌﺎﻟﻮﺍ
ﺇﺧﻠﺼﻮﺍ ﻣﻨﻲ
ﻋﻤﺎﺭ ﺑﻘﻠﻖ :
ــ : ﺑﺲ ﻣﺶ ﺇﻧﺖ ﻳﺎﺑﺎﺳﻢ ﺍﻟﻠﻲ ﺣﻜﻴﺖ ﻹﺑﺮﺍﻫﻴﻢ ﻋﻦ ﻣﺴﺎﻋﺪﻳﻦ
ﺍﻟﻜﻴﻨﺞ ﻓﻲ ﻣﺼﺮ ﺇﻳﻪ ﺍﻟﻠﻲ ﻏﻴﺮﻙ ﺩﻟﻮﻗﺘﻲ
ﺑﺎﺳﻢ ﺑﺘﻨﻬﻴﺪﻩ :
ــ : ﻷﻧﻲ ﻣﺤﻜﺘﻠﻮﺵ ﺍﻟﺤﻘﻴﻘﻪ .. ﺧﺒﻴﺖ ﺃﺧﻄﺮ ﻣﻌﻠﻮﻣﺎﺕ ﻋﻨﻪ ﻋﺸﺎﻥ
ﻣﻴﺄﺫﻳﺶ ﻧﻔﺴﻪ ﻭﻣﻜﻨﺘﺶ ﻣﺘﺨﻴﻞ ﺇﻧﻪ ﻣﺠﻨﻮﻥ ﻭﻫﻴﺘﺼﺮﻑ ﻛﺪﻩ
ﺇﺑﺮﺍﻫﻴﻢ ﺑﺼﺪﻣﻪ :
ــ : ﺧﺒﻴﺖ؟
ﺑﺎﺳﻢ ﻭﻫﻮ ﻳﺰﻓﺮ ﺑﻀﻴﻖ :
ــ : ﺃﻳﻮﻩ ﻭﺍﻟﻠﻲ ﺧﺒﻴﺘﻪ ﺩﻩ ﺃﺧﻄﺮ ﻣﻦ ﺍﻟﻠﻲ ﻋﺮﻓﺘﻪ ﺇﻧﺖ ﺑﺲ ﻛﻨﺖ
ﺧﺎﻳﻒ ﻋﻠﻴﻚ
ﻋﻤﺎﺭ ﺑﻌﺼﺒﻴﻪ :
ــ : ﺃﻧﺎ ﻣﺶ ﻓﺎﻫﻢ ﺣﺎﺟﻪ
ﺑﺎﺳﻢ ﺑﺘﺮﺩﺩ :
ــ : ﻫﻔﻬﻤﻜﻢ ﺑﺲ ﻣﺶ ﺩﻟﻮﻗﺘﻲ ﻷﻥ ﺍﻟﻤﻜﺎﻥ ﻣﺶ ﻣﻨﺎﺳﺐ ﺧﺎﻟﺺ
ﻭﻣﺘﻨﺴﻮﺵ ﺃﺑﻮﻳﺎ ﺇﺗﺒﻬﺪﻝ ﻗﺪ ﺇﻳﻪ ﺑﺴﺒﺐ ﺇﻧﻪ ﺣﺎﻭﻝ ﺑﺲ ﻳﻘﻒ ﻓﻲ
ﻭﺵ ﻧﺎﺱ ﺯﻱ ﺍﻟﻜﻴﻨﺞ .. ﻛﻞ ﺩﻩ ﻣﺶ ﻣﻬﻢ ﺑﺲ ﺍﻟﻠﻲ ﻻﺯﻡ ﺗﻌﺮﻓﻮﻩ ﺇﻥ
ﻣﻔﻴﺶ ﺣﺎﺟﻪ ﺇﺳﻤﻬﺎ ﻣﺜﻠﺚ ﺍﻟﻜﻴﻨﺞ.. ﺍﻟﻤﻌﻠﻮﻡﻩ ﺩﻱ ﻭﺻﻠﺖ ﻟﻴﻬﺎ
ﺗﺤﻘﻴﻘﺎﺕ ﺍﻟﺸﺮﻃﺔ ﻓﻲ ﺍﻟﺠﺮﺍﻳﻢ ﺍﻟﻠﻲ ﺣﺼﻠﺖ ﺑﺈﺳﻢ ﺍﻟﻜﻴﻨﺞ ﺑﺲ
ﺍﻟﺤﻘﻴﻘﺔ ﺇﻥ ﺍﻟﻜﻴﻨﺞ ﺃﻛﺒﺮ ﻣﻦ ﻣﺜﻠﺚ ﺑﻜﺘﻴﺮ ﻭﺃﻧﺎ ﻟﻤﺎ ﻗﻠﺘﻠﻚ ﻋﻠﻰ ﺇﺳﻢ
ﺭﺍﺟﻞ ﺍﻷﻋﻤﺎﻝ ﻭﺇﺑﻨﻪ ﻣﻜﺪﺑﺘﺶ ﺑﺲ ﻓﻲ ﺍﻟﺤﻘﻴﻘﺔ ﺩﻭﻝ ﺑﻴﺸﺘﻐﻠﻮﺍ
ﻋﻨﺪﻩ ﻣﺶ ﻣﻌﺎﻩ.. ﻳﻌﻨﻲ ﺑﻴﻨﻔﺬﻭﺍ ﺃﻭﺍﻣﺮﻩ ﻭﺍﻟﻜﻼﻡ ﺩﻩ ﺃﻧﺎ ﻋﺮﻓﺘﻪ ﻣﻦ
ﻧﺎﺱ ﺑﻴﺸﺘﻐﻠﻮﺍ ﻣﻊ ﺍﻟﻜﻴﻨﺞ ﺑﺮﻩ ﻣﺼﺮ
ﻋﻤﺎﺭ ﺑﺴﺨﺮﻳﻪ :
ــ : ﻫﻮ ﺧﻄﻴﺮ ﻛﺪﻩ ﻟﺪﺭﺟﺔ ﺇﻥ ﺭﺷﺎﺩ ﺍﻟﻤﺼﺮﻱ ﻭﺇﺑﻨﻪ ﻳﺸﺘﻐﻠﻮﺍ ﻋﻨﺪﻩ؟؟؟
ﺑﺎﺳﻢ ﺑﺘﻨﻬﻴﺪﺓ :
ــ : ﺍﻟﻜﻴﻨﺞ ﺩﻩ ﻟﻌﺒﺔ ﺍﻟﻤﻮﺕ
...........................................................................
............................
ﻭﻗﻔﺖ ﻳﻤﻨﻰ ﺗﺴﺘﻨﺪ ﻋﻠﻰ ﺍﻟﺠﺪﺍﺭ ﻭﻫﻲ ﺗﺮﻣﻖ ﺃﺧﻴﻬﺎ ﺍﻟﻮﺍﻗﻒ ﺃﻣﺎﻡ
ﺍﻟﻤﺮﺁﻩ ﻳﻌﺪﻝ ﻣﻦ ﻣﻼﺑﺴﻪ ﺛﻢ ﻗﺎﻟﺖ ﺑﺤﺰﻡ :
ــ : ﺇﻳﻪ ﻋﻼﻗﺘﻚ ﺑﺄﺣﻤﺪ ﺭﺷﺎﺩ ﻳﺎ ﺭﺍﻣﻲ؟
ﻧﻈﺮ ﻟﻬﺎ ﺭﺍﻣﻲ ﺑﺪﻫﺸﺔ ﻗﺎﺋﻼ :
ــ : ﻧﻌﻢ؟؟
ﻳﻤﻨﻰ ﺑﺼﺮﺍﻣﺔ ﻭﺍﻟﺸﺮﺭ ﻳﺘﻄﺎﻳﺮ ﻣﻦ ﻋﻴﻨﻴﻬﺎ :
ــ : ﻣﺘﻠﻔﺶ ﻭﺗﺪﻭﺭ .. ﺭﺩ ﻋﻠﻴﺎ ﺇﻧﺖ ﻭﺃﺣﻤﺪ ﺭﺷﺎﺩ ﺇﻳﻪ ﻋﻼﻗﺘﻜﻢ ﺑﺒﻌﺾ؟
ﺭﺍﻣﻲ :
ــ : ﻣﺎ ﺇﻧﺘﻲ ﻋﺎﺭﻓﻪ ﺇﻥ ﺭﺷﺎﺩ ﻣﻦ ﺭﺟﺎﻝ ﺍﻷﻋﻤﺎﻝ ﺍﻟﻠﻲ ﻣﺎﻣﺎ ﻭﺟﻮﺯﻫﺎ
ﺑﻴﺘﻌﺎﻣﻠﻮﺍ ﻣﻌﺎﻩ
ﻳﻤﻨﻰ ﺑﺴﺨﺮﻳﺔ :
ــ : ﻭﺃﻧﺎ ﻣﺴﺄﻟﺘﺶ ﻋﻦ ﻣﺎﻣﺎ ﺃﻧﺎ ﺑﺴﺄﻝ ﻋﻨﻚ ﺇﻧﺖ
ﺭﺍﻣﻲ ﺑﻌﺼﺒﻴﺔ :
ــ : ﺇﻧﺘﻲ ﻋﺎﻳﺰﻩ ﺇﻳﻪ
ﻳﻤﻨﻰ ﺑﺈﻧﻔﻌﺎﻝ ﻭﻫﻲ ﺗﻘﺘﺮﺏ ﻣﻨﻪ :
ــ : ﻣﺘﺤﺎﻭﻟﺶ ﺗﻨﻜﺮ ﺃﻧﺎ ﺷﻔﺖ ﺻﻮﺭﺗﻪ ﻟﻤﺎ ﺇﺗﺼﻞ ﺑﻴﻚ ﻭﺇﺗﺄﻛﺪﺕ ﺇﻧﻪ ﻫﻮ
ﺇﺑﺘﺴﻢ ﺭﺍﻣﻲ ﻗﺎﺋﻼ ﺑﻼ ﻣﺒﺎﻻﻩ :
ــ : ﻭﺇﻳﻪ ﺍﻟﻤﺸﻜﻠﻪ..ﺻﺤﺎﺏ
ﻳﻤﻨﻰ ﺑﺤﻨﻖ :
ــ : ﺻﺤﺎﺏ ﻓﻲ ﻛﻞ ﺣﺎﺟﻪ؟
ﺭﺍﻣﻲ ﺑﻌﺪﻡ ﻓﻬﻢ :
ــ : ﻳﻌﻨﻲ ﺇﻳﻪ؟
ﻳﻤﻨﻰ :
ــ : ﻳﻌﻨﻲ ﺃﺣﻤﺪ ﺩﻩ ﺑﻨﻲ ﺁﺩﻡ ﺳﺎﻓﻞ ﺑﻴﻠﻌﺐ ﺑﺎﻟﺒﻨﺎﺕ ﻭﺍﻟﻠﻲ ﻣﺶ
ﺑﺘﺴﺘﺠﻴﺐ ﻟﻴﻪ ﺑﻴﺒﻬﺪﻟﻬﺎ ﻭﻳﺼﻮﺭﻫﺎ ﻭﻳﻬﺪﺩﻫﺎ ..ﺍﻟﺴﺆﺍﻝ ﺑﻘﻰ ﺇﻧﺖ ﻛﻤﺎﻥ
ﻛﺪﻩ؟
ﺭﺍﻣﻲ ﺑﻀﻴﻖ :
ــ : ﻭﺇﻧﺘﻲ ﻋﺮﻓﺘﻲ ﻣﻨﻴﻦ ﻛﻞ ﺩﻩ؟
ﻳﻤﻨﻰ :
ــ : ﻣﻦ ﻭﺣﺪﻩ ﻭﻗﻌﺖ ﺗﺤﺖ ﺇﻳﺪﻩ ﻛﺎﻥ ﻫﻴﻔﺮﻣﻬﺎ ﻭﺻﻮﺭﻫﺎ ﻓﻌﻼ ﻭﻫﺪﺩﻫﺎ
ﺑﻴﻬﺎ ﺑﺲ ﻟﻮﻻ ﺭﺣﻤﺔ ﺭﺑﻨﺎ ﻭﺍﺣﺪ ﻟﺴﻪ ﻣﺶ ﻗﺎﺩﺭﻳﻦ ﻧﻌﺮﻓﻪ ﺃﻧﻘﺬﻫﺎ ﻛﺎﻧﺖ
ﺿﺎﻋﺖ ﻭﺍﻟﻮﺣﺪﻩ ﺩﻱ ﻗﺮﻳﺒﻪ ﻣﻨﻲ ﺃﻭﻱ
ﺭﺍﻣﻲ ﺑﻀﺤﻜﺔ :
ــ : ﻃﺐ ﻣﺎ ﺃﻧﺎ ﻋﺎﺭﻓﻬﺎ .. ﺭﻳﻬﺎﻡ
ﻧﻈﺮﺕ ﻟﻪ ﺑﺬﻫﻮﻝ ﻭﻫﻲ ﺗﻘﻮﻝ :
ــ : ﻋﺮﻓﺖ ﺇﺯﺍﻱ؟
ﺃﺣﻤﺪ :
ــ : ﻷﻥ ﺑﺒﺴﺎﻃﻪ ﺃﻧﺎ ﻭﺭﺍ ﻛﻞ ﺍﻟﻠﻲ ﺣﺼﻞ .. ﺃﻧﺎ ﺍﻟﻠﻲ ﻋﺮﻓﺘﻬﺎ ﻋﻠﻴﻪ
ﻛﺼﺤﺎﺏ ﻣﺶ ﺃﻛﺘﺮ ﻟﻜﻦ ﻟﻤﺎ ﺣﺼﻞ ﺍﻟﻠﻲ ﺣﺼﻞ ﺃﻧﺎ ﺍﻟﻠﻲ ﺃﻧﻘﺬﺗﻬﺎ
...........................................................................
...................
ﻓﻲ ﺷﻘﺔ ﻳﻮﺳﻒ ﻛﺎﻥ ﺍﻟﺠﻤﻴﻊ ﺟﺎﻟﺴﻴﻦ ﻭﻫﻢ ﻳﺴﺘﻤﻌﻮﻥ ﻟﺤﺪﻳﺚ
ﺷﺎﺩﻱ
ﺭﻓﻊ ﺣﺴﺎﻡ ﺣﺎﺟﺒﻴﻪ ﻭﻫﻮ ﻳﻬﺘﻒ ﺑﺬﻫﻮﻝ :
ــ : ﺷﻔﺖ ﻣﻴﻦ ﻳﺎﺧﻮﻳﺎ؟؟
ﺷﺎﺩﻱ ﺑﻬﺪﻭﺀ :
ــ : ﻣﻼﻙ
ﺣﺴﺎﻡ ﺑﻌﺪﻡ ﺇﺳﺘﻴﻌﺎﺏ :
ــ : ﻣﻼﻙ ﻣﻴﻦ؟
ﻳﻮﺳﻒ ﺑﻐﻴﻆ :
ــ : ﺟﺮﻯ ﺇﻳﻪ ﻳﺎ ﺣﺴﺎﻡ ﺑﻴﻘﻮﻟﻚ ﺷﺎﻑ ﻣﻼﻙ.. ﻫﻮ ﺇﺣﻨﺎ ﻧﻌﺮﻑ ﻛﺎﻡ ﻣﻼﻙ
ﻳﺎ ﺃﺧﻲ؟
ﺣﺴﺎﻡ ﺑﺴﺨﺮﻳﺔ :
ــ : ﺇﻧﺖ ﻫﺘﺸﺘﻐﻠﻨﻲ ﻳﺎﺽ ﻣﻨﻚ ﻟﻴﻪ.. ﻣﺶ ﻣﻤﻜﻦ ﻳﻜﻮﻥ ﺍﻟﻠﻲ ﺷﺎﻓﻬﺎ
ﻣﻼﻙ ﻣﺴﺘﺤﻴﻞ
ﺷﺎﺩﻱ ﺑﻌﻨﻒ :
ــ : ﻣﺴﺘﺤﻴﻞ ﻟﻴﻪ ﻳﻌﻨﻲ ﻫﺎ؟
ﺇﺑﺘﺴﻢ ﺣﺴﺎﻡ ﺑﺪﻫﺸﺔ ﻭﻫﻮ ﻳﻘﻮﻝ :
ــ :ﻋﺸﺎﻥ ﺑﺒﺴﺎﻃﻪ ﻛﻠﻨﺎ ﻋﺎﺭﻓﻴﻦ ﺇﻥ ﻣﻼﻙ ﺇﺟﻮﺯﺕ ﻣﺮﺍﺩ ﺇﺳﻤﺎﻋﻴﻞ
ﻭﺳﺎﻓﺮﺕ ﻣﻌﺎﻩ ﻳﻌﻨﻲ ﻣﺴﺘﺤﻴﻞ ﺗﻌﺮﻑ ﺗﻬﻮﺏ ﻧﺎﺣﻴﺔ ﻣﺼﺮ ﻃﻮﻝ
ﻣﺎﻫﻲ ﻣﺮﺍﺗﻪ ﻭﺇﻻ ﻫﻴﺴﺘﺨﺪﻣﻮﻫﺎ ﻭﺭﻗﻪ ﺿﻐﻂ ﻋﺸﺎﻥ ﻳﻨﺰﻝ ﻣﺼﺮ
ﻣﺘﻨﺴﻮﺵ ﺇﻥ ﺇﺳﻤﻪ ﻋﻠﻰ ﻗﺎﻳﺔ ﺗﺮﻗﺐ ﺍﻟﻮﺻﻮﻝ
ﺷﺎﺩﻱ :
ــ : ﻣﺶ ﻣﻤﻜﻦ ﺗﻜﻮﻥ ﺩﺍﻟﻴﺎ ﺑﺘﻜﺪﺏ ﻋﻠﻴﻨﺎ ﻭﻣﻼﻙ ﻣﺠﻮﺯﺗﺶ ﺃﺻﻼ
ﺣﺴﺎﻡ ﺑﻀﺤﻜﺔ ﺳﺎﺧﺮﺓ :
ــ : ﺩﻩ ﻋﻠﻰ ﺃﺳﺎﺱ ﺇﻥ ﺇﺣﻨﺎ ﻣﻠﻔﻨﺎﺵ ﻣﺼﺮ ﻭﺩﻭﺭﻧﺎ ﻋﻠﻴﻬﺎ ﺑﻌﺪ ﺍﻟﻠﻲ
ﺣﺼﻞ ﻭﻻ ﻋﻠﻰ ﺃﺳﺎﺱ ﺇﻥ ﺇﻧﺖ ﻣﻨﺰﻟﺘﺶ ﻓﻲ ﻋﺰ ﺍﻷﺯﻣﻪ ﻓﻲ ﻛﻨﺪﺍ
ﻭﺳﺒﺖ ﺍﻟﺸﻐﻞ ﻋﺸﺎﻥ ﺗﺪﻭﺭ ﻋﻠﻴﻬﺎ ﻭﻣﻠﻘﺘﻠﻬﺎﺵ ﺃﺛﺮ ﺑﺮﺿﻮ
ﺷﺎﺩﻱ ﺑﺈﺻﺮﺍﺭ :
ــ : ﺑﺺ ﻳﺎ ﺣﺴﺎﻡ ﺃﻧﺎ ﻣﺘﺄﻛﺪ ﺇﻧﻲ ﺷﻔﺖ ﻣﻼﻙ ﻭﻣﻠﻴﻮﻥ ﻓﻲ ﺍﻟﻤﻴﻪ ﻛﻤﺎﻥ
ﻭﻛﺎﻥ ﻣﻌﺎﻫﺎ ﺷﺎﺏ ﺑﺲ ﻣﺸﻔﺘﻮﺵ ﻏﻴﺮ ﻣﻦ ﻇﻬﺮﻩ.. ﻟﻜﻦ ﻣﻼﻙ ﻣﺘﺄﻛﺪ
ﺇﻧﻬﺎ ﻫﻲ ﻭﻫﺪﻭﺭ ﻋﻠﻴﻬﺎ ﻭﻫﺘﺴﺎﻋﺪﻭﻧﻲ ﻣﻔﻬﻮﻡ
ﺣﺴﺎﻡ ﺑﺘﻨﻬﻴﺪﻩ :
ــ : ﺇﻓﻬﻢ ﻳﺎ ﺷﺎﺩﻱ ﺍﻧﺎ ﻣﻤﻜﻦ ﺃﻋﻤﻠﻚ ﺃﻱ ﺣﺎﺟﻪ ﻋﺎﻳﺰﻫﺎ ﻭﻋﺎﻳﺰ ﺗﺪﻭﺭ
ﺗﺎﻧﻲ ﺩﻭﺭ ﻭﻫﻜﻮﻥ ﻣﻌﺎﻙ ﺑﺲ ﺇﻋﺮﻑ ﺇﻧﻚ ﺑﺪﻭﺭ ﻋﻠﻰ ﺳﺮﺍﺏ ﻋﺸﺎﻥ
ﺑﺲ ﻣﺘﺮﺟﻌﺶ ﺗﺪﻣﺮ ﺗﺎﻧﻲ ﻭﻣﺘﻨﺴﺎﺵ ﺇﻥ ﺃﻋﺪﺍﺋﻚ ﻋﻤﺎﻟﻴﻦ ﻳﺰﻳﺪﻭﺍ
ﻳﻮﻡ ﻭﺭﺍ ﺍﻟﺘﺎﻧﻲ ﻭﺇﻧﺖ ﻭﺍﻗﻒ ﻣﺤﻠﻚ ﺳﺮ ﻣﺶ ﺑﺘﻌﻤﻞ ﺣﺎﺟﻪ
ﺷﺎﺩﻱ ﻭﻫﻮ ﻳﻐﺎﺩﺭ ﺍﻟﻐﺮﻓﺔ :
ــ : ﺑﻜﺮﻩ ﺃﻋﻤﻞ ﻛﻞ ﺣﺎﺟﻪ ﻳﺎ ﺣﺴﺎﻡ ﻭﻣﺘﻼﺣﻘﺶ ﻋﻠﻰ ﺍﻟﺸﻐﻞ ﺑﺲ ﻟﻤﺎ
ﺃﻻﻗﻴﻬﺎ
ﺣﺴﺎﻡ ﺑﺤﻨﻖ :
ــ : ﻳﺒﻘﻰ ﻣﺶ ﻫﺘﻌﻤﻞ ﺣﺎﺟﻪ ﻳﺎﺻﺎﺣﺒﻲ
ﻭﺑﻌﺪ ﻣﻐﺎﺩﺭﺓ ﺷﺎﺩﻱ ﺇﻟﺘﻔﺖ ﻟﻪ ﻳﻮﺳﻒ ﺑﺈﺳﺘﻔﻬﺎﻡ :
ــ : ﺇﻧﺖ ﻟﻴﻪ ﻣﺶ ﻋﺎﻳﺰﻩ ﻳﺪﻭﺭ ﻋﻠﻴﻬﺎ ﻣﺶ ﻳﻤﻜﻦ ﻳﻼﻗﻴﻬﺎ ﻭﻳﺮﺗﺎﺡ
ﻭﻳﻤﻜﻦ ﺗﻜﻮﻥ ﺇﻃﻠﻘﺖ ﻭﻧﺰﻟﺖ ﻣﺼﺮ
ﺣﺴﺎﻡ ﺑﻌﺼﺒﻴﺔ :
ــ : ﻟﻮ ﻻﻗﺎﻫﺎ ﻣﺶ ﻫﻴﺮﺗﺎﺡ ﺃﺑﺪﺍ ﺻﺪﻗﻨﻲ.. ﺑﺎﻟﻌﻜﺲ ﺑﻘﻰ ﺩﻩ ﻫﻴﺘﻌﺐ
ﻣﻠﻴﻮﻥ ﻣﺮﻩ ﺃﻛﺘﺮ ﻣﻦ ﺩﻟﻮﻗﺘﻲ
ﻳﻮﺳﻒ ﺑﺪﻫﺸﺔ :
ــ : ﻟﻴﻪ ﻳﻌﻨﻲ
ﺯﻓﺮ ﺣﺴﺎﻡ ﺑﻀﻴﻖ ﻭﻫﻮ ﻳﻘﻮﻝ :
ــ : ﻣﻤﻜﻦ ﺗﺪﻭﺭ ﻋﻠﻰ ﺣﺎﺟﻪ ﻣﺘﺨﻴﻞ ﺇﻥ ﺳﻌﺎﺩﺗﻚ ﻓﻴﻬﺎ ﻭﻟﻤﺎ ﺗﻮﺻﻠﻬﺎ
ﻫﺘﺮﺗﺎﺡ.. ﻟﻜﻦ ﻟﻤﺎ ﺑﺘﻮﺻﻠﻬﺎ ﺑﺘﻌﺮﻑ ﻗﺪ ﺇﻳﻪ ﻛﻨﺖ ﻏﺒﻲ ﻭﺇﻥ ﺭﺍﺣﺘﻚ
ﺃﻛﺘﺮ ﻟﻮ ﻣﻜﻨﺘﺶ ﻋﺮﻓﺖ ﻭﺑﺪﻝ ﻣﺎ ﺑﺘﺒﻘﻰ ﻧﻬﺎﻳﺔ ﺍﻟﻮﺟﻊ ﺑﺘﺒﻘﻰ ﺍﻟﻮﺟﻊ
ﻛﻠﻪ
ﻧﻈﺮ ﻟﻪ ﻳﻮﺳﻒ ﺑﺘﻤﻌﻦ ﻗﺎﺋﻼ :
ــ : ﺇﻧﺖ ﻋﺎﺭﻑ ﺇﻳﻪ ﻭﻣﺨﺒﻴﻪ ﻳﺎ ﺣﺴﺎﻡ؟
ﻧﻈﺮ ﻟﻪ ﺣﺴﺎﻡ ﺑﺤﻨﻖ ﺛﻢ ﻗﺎﻡ ﻣﻦ ﻣﻜﺎﻧﻪ ﻗﺎﺋﻼ :
ــ : ﺃﻧﺎ ﻧﺎﺯﻝ ﺃﺷﻢ ﻫﻮﺍ ..ﺳﻼﻡ
ﺃﺧﺬﺗﻪ ﻗﺪﻣﺎﻩ ﺇﻟﻰ ﺣﻴﺚ ﺷﺎﻃﺊ ﺑﺤﺮ ﺇﺳﻜﻨﺪﺭﻳﺔ .. ﺃﻳﺎﻡ ﺻﺒﺎﻩ ﻭﻟﻬﻮﻩ
ﺍﻟﺘﻲ ﻗﻀﺎﻫﺎ ﻫﻨﺎ ﺗﻤﺮ ﺃﻣﺎﻣﻪ ﺍﻟﻮﺍﺣﺪﻩ ﺗﻠﻮ ﺍﻷﺧﺮﻯ .. ﻳﺒﺘﺴﻢ ﻭﻳﻀﺤﻚ ﺛﻢ
ﻳﻘﻄﺐ ﺟﺒﻴﻨﻪ ﻭﻓﻲ ﻋﻴﻨﻴﻪ ﻧﻈﺮﺍﺕ ﺍﻷﻟﻢ ﻭﺍﻟﺤﺰﻥ .. ﻟﻴﻌﻴﺪ ﺍﻟﻨﻈﺮ
ﺑﺸﺮﻭﺩ ﻓﻲ ﺇﺗﺠﺎﻩ ﺍﻟﺒﺤﺮ..
ﻣﺎﺯﺍﻝ ﺿﻤﻴﺮﻩ ﻳﻌﺬﺑﻪ ﻛﻞ ﺍﻟﻌﺬﺍﺏ.. ﻟﻜﻨﻪ ﺇﺧﺘﺎﺭ ﻋﺬﺍﺏ ﺿﻤﻴﺮﻩ ﻭﻓﻀﻠﻪ
ﻋﻠﻰ ﻓﻘﺪﺍﻥ ﺻﺪﻳﻘﻪ ﻭﺭﻓﻴﻖ ﻋﻤﺮﻩ .. ﺗـــﺮﻯ ﻟﻮ ﻇﻬﺮﺕ ﺍﻟﺤﻘﻴﻘﺔ ﻣﺎﺫﺍ
ﺳﻴﻜﻮﻥ ﻣﺼﻴﺮﻩ ﻓﻲ ﻗﻠﺐ ﺷﺎﺩﻱ؟
ﺭﻛﻞ ﺍﻟﺘﺮﺍﺏ ﺑﻄﺮﻑ ﺣﺬﺍﺋﻪ ﻭﺗﻨﻬﺪ ﺑﺤﺮﺍﺭﻩ.. ﻛﻢ ﺃﺻﺒﺢ ﻳﻜﺮﻩ ﻫﺬﻩ
ﺍﻟﺒﻼﺩ ﻭﻳﺤﺒﻬﺎ ﻓﻲ ﻧﻔﺲ ﺍﻟﻮﻗﺖ ﻭﻟﻜﻨﻬﺎ ﺩﺍﺋﻤﺎ ﻛﺎﻧﺖ ﺗﺴﺘﻘﺒﻠﻪ ﺑﺎﻟﻤﺂﺳﻲ
ﻭﺍﻟﺼﺪﻣﺎﺕ ﺍﻟﺘﻲ ﻟﻢ ﻳﻌﺪ ﻳﺘﺤﻤﻞ ﻋﻨﻔﻬﺎ ﻭﻗﻮﺗﻬﺎ ﺍﻟﻐﺎﺷﻤﺔ
ﺃﺧﺮﺝ ﻫﺎﺗﻔﻪ ﻣﻦ ﺟﻴﺒﻪ ﻭﺇﺗﺼﻞ ﺑﻤﺤﻤﺪ ﻭﻋﻨﺪﻣﺎ ﺳﻤﻊ ﺻﻮﺗﻪ ﻗﺎﻝ :
ــ : ﻣﺤﻤﺪ ﺇﺣﻨﺎ ﻻﺯﻡ ﻧﻤﻨﻊ ﺷﺎﺩﻱ ﻣﻦ ﺇﻧﻪ ﻳﺪﻭﺭ ﻋﻠﻰ ﻣﻼﻙ ﺑﺄﻱ ﺷﻜﻞ
ﻣﻦ ﺍﻻﺷﻜﺎﻝ.. ﻻﺯﻡ ﻣﻴﻌﺮﻓﺶ ﺇﻳﻪ ﺍﻟﻠﻲ ﺣﺼﻠﻬﺎ
ﻣﺤﻤﺪ ﺑﺘﻠﻌﺜﻢ :
ــ : ﺑﺲ ﻳﺎ ﺣﺴﺎﻡ ﺇﺣﻨﺎ ﻋــﺎﺭﻓﻴــ..
ﻗﺎﻃﻌﻪ ﺑﺼﺮﺍﻣﻪ :
ــ : ﺇﺣﻨﺎ ﻋﺎﺭﻓﻴﻦ ﺇﻧﻬﺎ ﺇﺟﻮﺯﺕ ﻣﺮﺍﺩ ﺇﺳﻤﺎﻋﻴﻞ ﻭﺳﺎﻓﺮﺕ ﺑﺮﻩ ﻭﻣﻨﻌﺮﻓﺶ
ﻋﻨﻬﺎ ﺃﻱ ﺣﺎﺟﻪ ﺗﺎﻧﻲ.. ﻫﻮ ﺩﻩ ﺍﻟﻠﻲ ﻋﺮﻓﻴﻨﻪ ﻭﺑﺲ
ﻣﺤﻤﺪ ﺑﻘﻠﻖ :
ــ : ﺇﻧﺖ ﺷﺎﻳﻒ ﺇﻥ ﻛﺪﻩ ﺷﺎﺩﻱ ﻫﻴﺮﺗﺎﺡ
ﺣﺴﺎﻡ ﺑﻘﻮﻩ :
ــ : ﻷ ﻣﺶ ﻫﻴﺮﺗﺎﺡ.. ﺑﺲ ﻓﺘﺮﻩ ﻭﻫﺘﻌﺪﻱ .. ﺃﻧﺎ ﻣﺘﺄﻛﺪ ﺇﻥ ﻣﺼﻠﺤﺘﻪ ﻓﻲ
ﻛﺪﻩ .. ﻋﻠﻰ ﺍﻷﻗﻞ ﻧﺤﻤﻴﻪ ﻣﻦ ﻧﻔﺴﻪ ﻭﻣﻦ ﻗﻠﺒﻪ ..
ﺛﻢ ﺃﻛﻤﻞ ﻭﺑﻐﻤﻮﺽ ﺷﺪﻳﺪ ﻭﺑﺼﻮﺕ ﺃﺷﺒﻪ ﺑﺎﻟﻔﺤﻴﺢ :
ــ : ﻭﻣﻦ ﺇﻥ ﺭﺍﺣﺔ ﻧﺎﺱ ﻛﺘﻴﺮ ﺗﺒﻘﻰ ﻓﻲ ﻗﺘﻠﻪ ﻭﺍﻟﺨﻼﺹ ﻣﻨﻪ.. ﺷﺎﺩﻱ ﻟﻮ
ﻋﺮﻑ ﺍﻟﺤﻘﻴﻘﺔ ﺍﻟﻜﻞ ﻫﻴﺒﻘﻰ ﻋﺎﻳﺰ ﻳﺨﻠﺺ ﻋﻠﻴﻪ ﻷﻧﻪ ﻣﺶ ﻫﻴﺮﺣﻢ ﺣﺪ
ﻭﻭﻗﺘﻬﺎ ﻣﺶ ﻫﻴﺠﻮﺯ ﻋﻠﻴﻪ ﻏﻴﺮ ﺍﻟﺮﺣﻤﺔ
**********************
