Ang Buhay ay isang Tula

Pagkatuto

Kung ibabalik tanaw ang nakaraan,

Maraming pagsubok ang naranasan.

Hirap ng buhay ay nasaksihan

Ngunit, ang lahat ay nalagpasan.

Gintong Aral ay napulot,

Pagbabago ang dulot.

Iwaksi sa puso't isipan ang poot.

Paglimot sa nakaraan ang tamang sagot.

Pinagtibay rin ang kalooban

Sa mga pagsubok patuloy na lumalaban,

Naging malawak ang saklaw ng isipan

Sa mga bagay sa sanlibutan.

Naging mapanuri ka sa pakikisama sa kapwa,

Natutong pahalagahan ang pamilya,

Sapagkat libong beses man madapa

Sila ang tutulong na muling makatayo ka.

Pagmamahal sa sarili nabuong muli.

Tiwala sa sarili binubuhay muli

Babangon sa huling sandali

Hamon ng buhay haharapin nang wlang pasubali.

Sa ngayon, natuto kang kumilala sa Diyos.

Sa Kaniya nagtitiwala kang lubos

Panalangin sa puso'y tumatagos

Na sana pagpapala sa iyo ay ibuhos.