Ang Buhay ay isang Tula

24 Oras, Kulang pa

Ikaw ay laging abala,

Sa trabaho'y subsob ka,

Halos wala nang pahinga.

Sa trabaho'y adik ka na ba?

Sa pag-ikot ng kamay ng orasan,

Ikaw ay nakikipagsabayan,

Na tila wala ring kapaguran

Sa trabahong wala nang katapusan.

Oras nga sa iyo ay ginto,

Pinahahalagahan, bawat segundo--

Segundo na binibilang mo

At ayaw na sayangin ito.

Sabi mo, 24 oras ay kulang pa.

Humihirit ka pa talaga!

Nais mo itong dagdagan pa.

Ikaw ba ay robot na?