Ako'y isang taong makasalanan,
Simula pa lang nang ako'y isinilang
Ng aking mahal na mga magulang,
Na sina Eba at Adan.
Nasadlak ang aking kaluluwa
Sa kumunoy ng pagkakasala;
Buhay ko ay napariwara;
Ang landas na tinahak ay pakaliwa.
Mga salita Mo ay binalewala
'Pagkat ang ibig ko ay maging malaya
Na mamuhay sa sariling mundo
At ayaw makinig sa mga payo Mo.
Tuluyang tumigas ang puso ko
At nakaligtaang magsumamo.
Nagbibingi-bingihan ako
Sa mga mapagheleng tinig Mo.
Ngayon, nakamtan na ang ibig ko...
Naging masalimuot naman ang buhay ko
At sa kadiliman may hinahanap ako--
liwanag sa madilim kong mundo.
Nasumpungan ko na lang aking sarili,
Nakaluhod at sa paanan Mo ay humihikbi.
Lubusan akong nagsisisi
Sa mga pagkakamali at pagkamakasarili.
Nadama ko naman ang Iyong pagpapatawad
At muli Mong iniabot ang iyong mga palad,
Na tanda na ako'y mapalad,
Kahit ako'y naging huwad.
Dahil 'di tumalima sa nais Mo
Pinairal ang tigas ng aking ulo.
Salamat sa Iyo, hinango Mo ako
Sa impiyernong kinasadlakan ko!
YOU ARE READING
Ang Buhay ay isang Tula
PoetryMga tula tungkol sa buhay, pag-ibig, pagsubok, pananampalataya, at iba pa.