Ang Buhay ay isang Tula

Pag-ibig

Panginoon, pinupuri kita't pinapasalamatan

Sa wagas mong pag-ibig na 'di matatawaran.

Pag-ibig Mong handog sa sangkatauhan.

Ang iyong buhay sa amin ay inilaan,

Nagdusa't naging sanhi ng kamatayan

Upang kasalanan nami'y iyong pagbayaran.

Gaano mang kalbaryo ang Iyong naranasan,

Pinasan Mo ang krus ng sanlibutan

Alang-alang sa aming kaligtasan.

Ipinako Ka sa krus ni Poncio Pilato,

Katawan Mo'y hinagupit ng mga tao,

Tagos sa butong kirot at sakit ang nadama Mo.

Binalewala Mo lang ang lahat ng ito.

Upang kami'y 'di malugmok sa impiyerno,

Mailayo kay Satanas na sa Iyo'y nagkanulo.

Ikaw ay nagkatawang-tao,

Ibinuhos at ibinuwis ang buhay Mo

Nang dahil sa pag-ibig Mo.

Ginintuang puso nga'y taglay Mo

Perpektong pag-ibig nagmumula lang sa Iyo,

Kaya, ito'y pinasasalamatan ko.