Droga ay ugat ng kasamaan,
Na sanhi nang kaguluhan,
Sisira sa'yong kinabukasan,
Kung 'di mo mapaglalabanan.
Sa droga marami ang natutukso,
Kapit sa patalim ang mga tao,
Kahit alam ang epekto nito,
Maraming buhay ang mawawasak dahil dito.
Ngunit, sa kanila 'di iyon mahalaga
Basta sila ay kumikita ng pera,
Mamuhay nang masagana
Masunod ang mga luho nila.
Kaya't marami ngayon ang salot,
Mga pulitiko tayo ay pinapaikot
Sila pala'y numero unong sangkot,
Protektor ng ipinagbabawal na gamot.
Paano nga ba naman ito malilipol
Kung mga pulitiko'y nadadala sa suhol?
Droga na dito ay kumpol-kumpol,
Ginagawa ng mga dayuhang ulol.
Masakit mang isipin...
Pulitiko na binoto natin,
Pinili na mamumuno sa atin,
Sila pala'y pasakit lang din.
Mga taong sa Bilibid na nakakulong,
Sa droga sila ay mas lalong nalulong
At ang masaklap 'di magawang isuplong
Dahil may protektor na dugong.
Sa araw-araw ating nakikita--
Druglords, users, at pushers sumusuko na!
Patunay na ang droga ay talamak na
Saang dako ka man ng Pinas pumunta.
Buti na lang andiyan si Bato,
Matapang at dedikado sa serbisyo
Babanggain kahit malaking tao,
Alang-alang sa mamamayang Pilipino.
Maraming salamat din sa pangulo,
Sa magandang adhikain mo,
Paglilingkod nang taos sa puso,
Sa bansang sinilangan mo.
Viral ka na ngayon sa buong mundo,
Hinahangaan sa talino at tapang mo
Mga tao saludo sa'yo.
Mabuhay ka mahal naming pangulo!
![](https://img.wattpad.com/cover/88972293-288-k70550.jpg)
YOU ARE READING
Ang Buhay ay isang Tula
PoetryMga tula tungkol sa buhay, pag-ibig, pagsubok, pananampalataya, at iba pa.