Heartfilia's Premises

Chapter 21

Tiningnan ko lang si Louise habang patuloy siya sa pagsasabi. Naramdaman ko na rin ang pagkunot ng aking noo.

"And that curiosity of mine lead me to finding out those things that I told you before. Alam kong may mali rito," dagdag niya at kitang-kita ko ang kanyang pag-ismid, "Pero hanggang doon lang talaga ang alam ko, Leigh. Hindi ako hinahayaan ni Nazaire na makakalap pa ng ibang impormasyon."

Pinanatili kong tahimik ang aking sarili. I had no idea what to say nor to do. Should I comfort her?

"Noong nasaksak siya hindi mo ako nakikita rito kasi binabantayan ko siya sa hospital. Pero alam mo? Sa halip na intindihin niya ang pagpapagaling lagi niya lang akong pinapaalis. Puntahan daw kita kasi wala kang kasama rito," I saw her rolled her eyes and she let out laughter.

Bumaba na ang tensyon sa aming paligid.

"Now Leigh, in return of what I have said, gusto kong magpakatotoo ka sa isasagot mo sa tanong ko," aniya at diretso itong tumingin sa akin.

"May gusto ka ba kay Nazaire?" Diretsong tanong niya at nanatili lamang ako sa aking pwesto.

I never thought Louise would be this straightforward!

Ngumuso si Louise nang hindi ako agad nakasagot.

"Tsk. Huwag mo na akong sagutin. Halata naman," aniya at binigyan ako ng makahulugang ngiti.

Bumuntong-hininga ako dahil sa sinabi ni Louise.

Ano ba itong nangyayari sa akin? Bakit simula noong napasok ako rito sa Heartfilia Academy parang ang dami na ng nagbago sa akin? This is not Aleighna Cassidy!

"Nahihirapan na 'yong pinsan ko dahil sa responsibilidad niya rito. Huwag mo namang pahirapan pa," dagdag ni Louise habang makahulugan akong tinitingnan, "Anyway. Aalis kami ni Nyazel at gusto man kitang isama mas gusto kong iwan ka rito mag-isa para makapag-isip-isip ka."

Hindi na nagtagal si Louise at iniwan na nga niya ako.

Ipinahinga ko ang aking ulo sa lamesa.

I thought Louise was into something romantic relation with Nazaire? Damn! Was it jealousy? I mean did I get jealous!? Come on.

Sumandal ako sa kinauupuan ko at hinawakan ko ang aking sentido.

What is happening to Aleighna Cassidy? Minsan ay hindi ko na kilala ang aking sarili.

Am I also into Nazaire? But how. Isn't it too fast?

Pero parang ibinalik ako ng aking sarili sa gabi kung kailan siya sinaksak.

Alam ko kung gaano katakot nang panahong iyon. Kitang-kita ang nahihirapang si Nazaire at wala akong magawa kung hindi ang tumayo roon. Ni hindi ko siya  natulungan.

Ilang oras akong nagtagal sa banyo. Pinipilit kong maging malinaw ang lahat ng mga nasa isip ko.

Maybe I could give it a try. Nasa ibang lugar ako. Maybe... Just maybe I could be the other me. Carefree.

Naglakad-lakad ako sa campus dahil wala naman akong magawa sa aking dorm.

Nakarating ako sa likod ng main building at bumungad sa akin ang inaayos na bar. I was right. Para nga rito ang mga lulan ng truck kanina.

Pinagmasdan ko lang ang mabilis na pagkilos ng mga tauhang gumagawa mula rito sa kinatatayuan ko. Hindi ako makalapit doon dahil may kung anong nakaharang doon na nagsasabing off limits ito.

Under investigation pa rin kaya ito? Pero bakit ginagawa na kaagad?

"You shouldn't be here," napapitlag ako nang marinig ang nagsalita sa aking tabi.